Matam amada yamna chaoba amadi shana lupa kayana wattana leiba leibak amakhak leirammi leibak ashida pibaren kouba ningthou amana panduna yamna engna chikna panba leibak ama oiduna leirammi.
Pibaren mabukchel yamna shengba praja miyamgi yamna khanjaba ningthou ama oirammi.
Pibarengi machin manao anitani mana ahanni aduga magi makhada nongdareikhombana manao nupa atombani.Pibarenna manao nupabu yamna nungshibirammi adubu nongdareikhombagi mathamoida mayambabu nungshiba amata phaoramde mana pamlibabu ningthougi pham ashidani pamjariba.
Houjikti machin manao animak mayum makei pannaduna leirammi.
Pibarengi nupi leihao yamna engtapchabi minungshi chaobi nupi amani aduga nongdareikhombagi nupi Tanoubi mabuk phattabi mashagi oijaba thibi nupi ama oirammi.Matei manaona pibaren amadi leihaoda yengshindunata leirammi ningthougi pham ashibu munnaba phattaba loushing kaya shijinnarammi.

“Nupa nangbu nayamba ashina ashum ningthou oihanlaga nangna minai amagumna napunshi adu lenladubaro.”

“Nupi karigi eikhoina konung ashida minai amagumna leigani eikhoina konung ashigi mapu oirakkaduribani.”

“Praja miyamna eingondagidi eikhoi echena haibana henna luna louwe eina ngangba waga amata tabiponte mashidabu kanana thamoi chakloideino.”

“Madudi nangda natte eishu yamna pendaba leikharaba jatni leibakki thabak pumba eikhoi tachouna shinbada aphaba oina lounei aduga eina karigumba ama toushi habada kana amatana yabirakte mashi khanlubada shaoningbana mei houribani adubudi khanggani eina hek ningthou oibaga leibak ashigi praja miyam khudingmak laknage.”

“Laknagadubani ado nupa eikhoi hanna ningthou oinaba toukhishi adubu karamna oigani.”

“Nupi eikhoi tachou leikhidrabadi eina oihouba taba aduna eikhoi tachoushi hanna shihankhidaba yade.”

“Nangna karamna oigaduribano eikhoi echeshi mironlabani macha nupa poklakabadi shoidana macha nupa aduna ningthou oihankhiba taba.”

“Adu oiraga eteimashu machaga pulap hattokkhara loire.”

Ashumna mayamba amadi mateimabu matam chumpada hatnabada khanlammi.
Pibaren amadi leihao makhoigi wakhalda manao nupa amadi manao nupida phattana khanba leiramde.

“Leihao houjikti eikhoi anigi nungshiraba echa ama phangjadure mashidagi henna nungngaiba amamuk leiraroi.leihao eigi enao nupa nongdareikhombashi ningthougi pham ashi pamjaba manli aduna mangonda pithokpikharashira khanlibani.”

“Eningthougi apambadu nanai nupishu yajare.”

“Adubu leihao eina ningthou ama oi haiduna leibak praja miyamgi wa tadana toubashi pamde aduna mashigi washi praja miyamga punna warep tathoklashi.”

“Hoi eningthou maduna phagani.”

Pibarenna manao nupaga hanna wari shanarammi,
“Nongdareikhomba eina nangbu leibak ashigi ningthou oihanlage khanli nangbu yaninglabara.”

“Tachou madudi eigi apambani haidi tachouna ningthou oiduna panlaklibashi chahi mangngamuk phajinlakle leibak ashigi thabak thouram khudingmak tachouna toubadu yamna waramlani aduna ei amuk mahut shinjarage.”

“Phare adudi ningthougi pham ashi nangngonda shinnarage adubu eikhoina ningthou oire haiduna praja miyamgi wa tadana thabak ama pangthokpa haibashi yade aduna miyam mangda laothoktuna khanghankhishi.”

“Tachou praja miyam ashida haiduna karibu kannagani haidi mashidi eikhoigi emung manunggi oiba wani mashibu makhoida amuk wakatkhidara.”

“Enao ebungngo eigi leibak ashida leiriba miyamshingshi eigi emung manung ngaktani haibashi nangna keidounungda kaoba yade aduna wa khudingmak tanagadubani.”

Ashumna ningthou pibarenna mantri mandal amadi praja miyamga punna wakhannarammi.
“Eigi nungshiraba praja miyam ngashidi ningthou eina phei khanjaba wa kharada haijage mashida mayamgi apam pamda haibiyu.Eina ningthou oiduna leibakki thabak thouram kaya touraklibashi handakka chahi mangngamuk shujinlakle ashina eigi enaopa nongdareikhombada ningthougi pham ashi shinnajarage khanjei.”

“Eningthouna leibak ashigi khawaidagi matik chaba ningthouni eikhoi eningthou nattaba atoppa amana leibak ashibu shashon touba pamjade aduna eningthouna ahanni mayamba leina leina manao nupana ningthou oinade aduna eningthouna leibak ashigi ningthou adumak oibiyu eningthougi mathangda malem taibang pan ashida phaoraktariba eningthougi echana amuk mahut shinhanbiyu.”

Nongdareikhomba miyamna hairiba wadu tabada yamna shaoningbana khamthenglammi.
Nongdareikhombana aphaba shaduna hairake,
“Tachou leibak miyamna apambashi oina tourashi tachouna leibak ashigi ningthou oibada nanaona karishu pendaba leijade.”

“Nongdareikhomba eyambana ningthou oirabashu nanggi apamba naning toubada eyambana karishu thingde nang ei changduna leibak ashi chaokhatnaba hotnaminnaba haibashina eikhoi anina ema pabagi maning thunghanbaga chapmannei.”

“Tachougi apambadu nanaona pangthokchagani.”

Nongdareikhomba mathamoida haipham khangdana shaoninglammi magi nupina mabu pangde haiduna cheirammi.
“Nangmuk pangdaba nupa ashi malem ashida leiramloi nangna ningthou oigani haina kangyet yetpada kanana kari haiduino eteina marai pithokrakaduba pham aduda nangna karigi amuk shinnaramlibano.”

“Nupi nanggi nakok adu houjik khaktagi khanli tungda oirakkadaba shingdi amata khangde eina touribashi lang thaklibanine houjikti tachou leiribanina eina hekta ningthou oibadu phajade adudashu nattana eikhoi tachouna praja miyamgi pennaba aphabada tourabanina miyamnashu eibu ningthou oiba pamde.”

“Adu oirabadi eikhoidi konung ashida minai gumna leirashi haibaro.”

“Nupi karigi eikhoina minai gumna leigaduribano eina houjikmak chattuna eshen nupa khabaga unaduna thabak pumba shinlurage.”

“Eigi enao nupa adubu dasha tanabadi shinbinu.”

“Ehe nupi eshen nupa aduna yamna wana leiribadu eina shinliba thabak ashi pangthok hanlaba matung dagidi konung ashi eikhoigi oirani yamlaba shana nupa shing ashi eikhoina kushi touradubani madudagi eshen nupadu konung ashida thamduna yamna nungngaina thamgaduribani.”

“Nupa adudi ngashimak chattuna unabiruro aphaba thabakti thinthaduna leiba phatte eidi maharani oiningbana loire.”

“Nupi eina touba thabakta yengduna leiyu eishi yamna shingkharaba jatni nangna khangdabagi wani.”

“Ado nupa yamna luriba amana etei hatkharaga echena kamdouba.”

“Eteimashu taibang phaoraktariba nawa ashiga punna hatkharadubani angang ashina amuk eikhoida yeklaktanaba.”

Matei manaona phattaba wakhal lon kaya shinjinnaduna ningthou amadi maharanibu hatnaba shinlammi.
Handak marakti leihaogi manglan khudinggi akiba mangda manglakammi magi wakhal yamna chamamna hanlammi.
Houjikti nongma nongma houkhibana leihao tha shujinlakle.
Nongma pibarengi manglanda shakkhangdaba kayana mabu koishinduna yamna tamthina hatpa uraklammi.
Pibaren tumlambadagi khangduna hougatlakammi mamai pumba humangna punglup luplammi.
“Eningthou kari tourabage.”

“Leihao eishi kuina punshiduba mandare.”

“Karino haibiriba adubu manglanda kari ururabage.”

“Eigi manglanda shakkhangdaba shingna eigi maikei khudingmak thattuna eibu hatpagi shaktam ama ui ashigumba manglanshi mamangda amukta phaoba urakkhidari.”

“Eningthou karishu khanjinbiganu hayeng nongnganbaga epu thonglenga tannaduna kari phattaba dasha leibano amukta yengthokshi.”

“Karishu touroida yengdrabashu yarani.”

Pibarenna leihao pakhatkhini khanduna mathamoibu themjinbirammi adubu pibaren magi mathamoida dasha amadi shoidana taragani khangjarammi adubu leihaogi wakhal wakhini khanduna thawa shadaba sharammi.
Mathanggi nongnganbaga leihaona manai kharada maiba thonglen kounaba hairammi.Leihaona hairiba wadu nongdareikhombana taraduna mateimada hairakammi.

“Eteima karidourabage maiba thonglen kounaba hairamliba ashibu.”

“Ebungngo nayambadu mangha nungngaite haina kari dasha leibano yengthokke toubani.”

“Eteima adugi oiradi noupa hekta koujaruge eina epu thonglen puduna yamna thuna lakchage.”

“Phare phare adudi nangna epu thonglenda wari liduna khanghanlo.”

“Hoi eteima.”

Nongdareikhombana maiba thonglen kouba manai kanashu yaohandana shagon kari ama thouduna chatlammi.
Nongdareikhomba ukhong amagi manakta ngaihak khamduna wakhal tourammi.
“Eina epu thonglen puduna laklabadi
eina shinliba mayamshi loina haidokraktuna ei konungdagi tanthokrakpa shoidare aduna ei epu thonglen kouba chatpa yade epu leihoude thabak chatkhare haijinnaduna lai phattaba shanaba heiba khura tomal oina hekta purage.”

Ashumna nongdareikhombana maiba thonglen koubagi mahut maga khangnaba laiphattaba shanaba tomalgi manakta chattuna hairammi.
“Khura tomal ei nanggi yamna kanagaduba pao ama puduna laklibani.”

“Nongdareikhomba kari pao none eigi kanagaduriba adubu.”

“Khura eina haigaduriba wa ashi khurana yabirabadi yamlaba peisha khajao kaya ama eina khuragi maphamda shinnagani.”

“Eidi peishabu phangni hairabadi touba ngamdaba amata leite adubu kari thabakno.”

“Khurashu khangngibaduni eina ningthou kayamuk oininge haiba adubu praja miyamna yadabana eikhoi tachouna oiduna leire.
Eikhoi tachoudu ngarang mamang nungngaite kari dasha leibano haina epu thonglen kouba tharakpani adubu eina epu thonglen koururabadi eina eikhoi tachou hatnaba shinliba mayam ashi louna khangkharani aduna khura oina puduna huren eikhoi tachouda aranba wa kaya ama hainabagi laklibani.”

“O phare adudi ei nangna haibadu yare adubu nayamba aduda eina kari haiyu haibano.”

“Khura eikhoi tachou adu kha pangba maikei ashomda leiba chaoraba umang aduda kanashu yaodana mathanta thadunaumang aduda houba chaoraba ujao adubu khurumba thabiyu eikhoi tachouna hanlakpada eigi eshen nupashingna thattuna hatkharani.”

“ Nongdareikhomba nateima maharanina kamdouba.Eidi nangna hairiba washi konna thangda aphaba taduba mande nangbu taret tara thokna hanna khanduna yenglabara.”

“Khura karishu touroi eteimashu eikhoi tachou shire pao tabaga praja miyam khanghandana lonna hatladubani eikhoi tachougi taibang phaoraktariba macha ashishu hatlagani.”

Ashumna nongdareikhombana lang thaktuna thabak khudingmak loina shinba loirammi tomalbu mana konungda puraktuna mayambabu yenghannaba tourammi.Leihaona manao nupada hanglammi.
“Ebungngo epu thonglen puraktrabadi karidoure.”

“Eteima epudu arappa maphamda anaba ama yengba chatkhi haina leiramdare aduna epugi manaishu oiriba khura tomal oina purakabani khurana tachougi dasha langban khudingmak mayek shengna haiba ngamgani.”

Tomalna pibarengi makhut paiduna ngaihak yengshinnaraba matungda hairammi,
“Eningthougi punshida dasha phattaba ama tagadure.”

“Khura eigi epuroibada tagaduriba dasha adu koknaba amukta shinbirammu.”

“Maharani ebemma eningthougi tarakkaduriba dasha ashi kokke hairabadi eikhoigi leibak ashigi kha pangba makeida leiba umang aduda houba chaoraba ujao aduda hei khara lei khara eningthouna kanashu loinadana nungdang wairamgi matam aduda kakcharurabadi shoidana kokkani.”

“Khura mapham adudi laiphattaba kayagi maphamni haiduna ngashi phaoba kana amata changhandaba mapham aduda eigi epuroiba mathanda karamna thagani madu nattaba atoppa lambi ama thibiyu.”

Maharani leihaona tomalgi wadu tabada kaya thajaramde mapuribabu umang aduda chathanba pamlamde.
Adubu tomal amadi nongdareikhombana maikei adomda chatnabada shinlammi.
“Eteima mina mapham adu phajaraba shaji kaya ama leibana hatkhini haiduna changdanaba panghaida hainabagi wani mapham adu eikhoina hanna changduna shaji tanlurabani karishu toude aduga tachouna umangda changkharabashu eikhoina machinda ngairaga leibada kanana karitouba ngamduino eikhoi ashuk yamna leiriba ashibu.”

“Phare leihao ei umang ashida chatlurage nang karishu waganu ei karishu touroi huren nungdang wairamgi matamda chatnaba shemsharage.”

“Eningthou ngashimak chatpikhinu hayenggi nungdang wairamda oina chatpiyu ngashidi eningthougi mapok numitshu tai.”

Leihaona mapuroibabu hayeng chatnaba haiba aduda pibarenshu yarammi.
Nongdareikhombana hyenggi numit ashida mayambabu hatnaba mashen nupa amadi atoppa mi kaya ama nektuna shemsharaga leihanlammi.

“Eshen ebungngo nabaina shinliba thabak ashi maipaktaba yadeko eina haigadubadi eikhoigi tachou adu mahei yamna heibani nakhoina laknabada khara wagani aduna huren tachouna hek thoklakpaga mamaida eina piramba uphul manba makum adu hanna chaigadabani.”

“Ebai adubu kari makumno chabaga yabaro.”

“Kadaidagino chabaga yaba pot natte nakhoina charurabadi shigaduribani madu huni hek manam tabada wanthagaduribani aduga nakhoina hatlaba matungda eikhoi tachougi makok adu kakthattuna eingonda shinnagadubani.”

Ashumna nongdareikhombana punnamak shinduna thamlammi.
Mathanggi nongnganbaga leihaona taibang mapugi maphamda mapuroibagi yaipha manggol nijarammi.
Leihao thashu mapum phajinlakpana pibarenna leihaobu chekshinna shennabirammi maibi kaya nektuna thamlammi.
“Leihao wakhal awaba karishu khanganu eigi enao nupa nongdareikhomba amadi enai kayaga loinaduna chatkadubani nang yamna nungngaina leirammu.
Adugane eigi echa ashi shoidana nupa oigani eigi echagi mingshi mapa eina houjiktagi houna salainganba haina thonlabani.
Eigi echana leibak ashigi matik chaba ningthou oirakkaduribani.
Phare adudi ei chatnaba tourage.”

“Eningthou tekta kaidana nganna hanbiraku.”

“Hoi hoi ei yamna thuna hanlakkani.”

Ashumna hairamduna ningthou pibaren umang adu tamna chatkhi.
Nongdareikhombana mashen nupa amadi mana nekpa mishing aduda manaigi phijol shethanduna pibarengi matung enduna lakammi.
“Tachou khura tomalna tachou mathanda changduna khurumgani haibanina eikhoi mapham ashida ngaiduna leirammage.”

“Hoi hoi nakhoi konungda hanlabashu yareda ei ethanda adum laklage.”

“Tachou mathanda thamlambadu nanao nungngaite aduna mapham ashida ngaiduna leijaramge.”

“Eyambagi ebungngo nangna nayamba eibu ningjabashi nayamba yamna penle.”

Ningthou pibaren mathanda umang adu tamna changshinlammi.
Ujao adugi makhongda hei lei khattuna khurumlamlaba matungda mayumda hannaba tourammi.
Matam aduda magi mashada yamna heinadaba nungshit ama shinlakammi.
“Kari nungshitno eingonda humjinlakliba ashibu onthoknashu heinade karibu thokkaduriba jatno ei khara chekshinna chattaba yaroi.”

Ashumna khan khanduna lakpa matam ashida mamaida uphul ama chaishinlaktuna pibaren makok ngaoba houraklammi.
Mamai khumjinba shak lotpa mi kaya amana magi akoibada leire haiba khangjarammi adubu pibaren masha mathanda chumna lepchaba phaoba ngamjaramde adubu magi angamba thouna puthoktuna yeknabashing aduga mayoknarammi.
Shaklotpa mishing adubu pibarenna maithiba pirammi matam aduda nongdareikhomba khangdaba shaduna mayambabu kannaba toushinnarammi mana mayambabu mang thangduna chathanlaga tungdagi thangna thinlammi.

“Eyambagi nongdareikhomba nanggi kari pendaba leibanano ngashi nangna shinliba mayamshi.”

“Pendabagi pendaba ngaktani eina ngashi phaoba ningthou oiba phanglaktribashi nang leibadagini houjikti praja miyamshu eigi khongyagi ephulgumna thamgani.Eina leibak ashida touning touningba khudingmak tougani aduga tachouda nattana eteima amadi taibang phaoraktariba nawa adubushu hatkani.”

“Nongdareikhomba nanggi aduk hakna phattaba pukchel adu chenlamgani haiba eyambana thajarude nangna ningthou pham pamlabadi eingonda haiba yai miyamna yadrabashu nangna pamlabadi ningthou phamda natte punnamak katthoklamgani aduga eina hairi nangna eibu hatlabashu nateima amadi eigi taibang phaoraktariba echabu hatpadi natik natte.”

Nongdareikhombana mayambabu hatnaba touraklammi adubu pibarenna makhuttagi thang punduna nongdareikhombada onshinlakammi.
Nongdareikhomba upai leitraduna mayambagi makhong konduna kapshinnarammi pibarenna manao nupabu kari amata toubidana thadoklammi. matam aduda nongdareikhombagi mi kaya amashu pibarengi akoibada koishinlakammi makhoishing aduga mayoknarammi.
Nongdareikhombana mayambabu hanjin hanjin thangna thibirammi aduga mateimabu hatnaba mi khara tharammi.
Ningthou pibaren magi nupi amadi taibang phaoraktariba macha adubu kanna yeknaba shing adubu mayoknaduna konung tamna chatnaba tourammi adubu yeknaba shing aduna mashing yambana masha adu shokpana yamna shontharakammi.

“Tachou nangna eteima amadi nachabu kanba ngamloi nanggi aroiba matam youshinlakle nangna hainingba apamba ama hairammu.”

“Nongdareikhomba eina nateima amadi echabu kanba ngamdrabashu taibang mapuna shoidana kangani eigi echana nanggi nakok adubu kaktuna praja miyam mangda ulakkhini eigi echana leibak ashigi matik chaba ningthouni.”

Nongdareikhombana yamna shaona mayambagi makokpu minungshi leitana kakthatlammi.
Ashomdana leihao mapabong kanna kanna chonglakammi.
Mapuroibabu kari dasha tarabano haina khanbada wajarammi.
Manai kaya thaduna yenghange khanduna thoklakpa Matam aduda manaishing adushu amata leiramde.
Mana yamna chamamnaduna leiri ngei matamda epu thonglen yamna thuna laktuna mangonda hairammi.
“Maharani ebemma nang mapham ashi yamna thuna thadoktuna chatkharo.”

“Epu karidourabage.”

“Epugi mitta eningthoubu shakkhangdaba kharana loutunaduna hatkhare nama nacha nakhoi anibushu shoidana hatpa laklagani aduna mapham ashi thadoktuna chatkharo awang pangba maikei ashomda chingmi khara khudaduna leibani mapham aduda leiduna nacha ashibu chaoba sharet phahanduna mapagi laman khumhanlaku.”

“Epu eigi epuroibabu kanana loutunaduna hatlibano.”

Paokhum ashi haiba nangdringei shakkhangdaba kayana mapandagi chenlakpagi khonjel kaya ama taraklammi matam aduda thonglenna konunggi aronba maningthong lomdagi leihaobu chenhankhi.
Leihaobu hatkani haina lakliba shing adubu thonglenna mayoknaduna leihaobu chenhankhi.
Thonglenna leihaogi mateng panglui haiduna nongdareikhombana keishumshangda mapunshi chumpagi oina thamjinlammi.
“Epu nangbu eina khudak ashida loishinbashu yai adubu tungda kannarakpa yai khanduna thambani aduna nang eigi enai ama oiduna eingonda tarakkadaba dasha khudingmak hainaba nungngaina leige haibara nattaraga napunshi chumpa keishum changda wana lenge haibara khanlu.”

“Nongdareikhomba nanggi aroiba matamdu phaobadi ei keishum shang ashida leigani aduga konung ashida epu ama oina thoklaktuna eningthougi sheba toukhini.”

“Eini leibak ashigi ningthoudi nangna lanthoktuna chenhankhiba eteimadi umanggi tamthiraba shashinggi khayatta takharani karishu kannaroi.”

Ashumna haiduna yamna harao jarammi.
Numit ashidagi nongdareikhombana leibak ashigi ningthou oiduna panlammi.
Praja miyamgi maphamda mana minamba ngangduna mateima amadi mayamba animak atoppa leibakta chatpada yeknabana hatkhare haijinlammi mana hairiba mayam ashi thajaramde adubu kari amata haiba ngamlammi.
Nongdareikhombana ningthou oina panlakpa matamdagi praja miyam punnamak wabana kham thenglammi praja miyamna wana ujariba phou kayashu mana loina loushinlammi aduga magi minai amagumna shijinnarammi.

Leihao thonglenna taklakpa maikei adomda chatpada tha shuraktuna masha adu pothapham khanglakamde.
Matam aduda angouba machugi echek amana magi akoibada ngaihak pairamduna chatkhi.
Uchek aduna laptakna shing chanba lakliba chingmi nupishing aduda mateng pangbiyu haibagi matou ama utlammi.
“Enaosha echek ashina eikhoida utliba matou ashi magi mateng pangbiyu haiba manli aduna eikhoi magi matung enduna amukta chatshi.”
Ashumna uchek aduda lamjingduna puraktuna leihaogi manak yourammi.
Chingmi nupishing aduna leihaobu makhoigi mayumda puduna chatlammi.
Numit ashida leihao macha unadubagi touraklammi chingmi nupishing aduna leihaobu macha unahanbirammi.
Houjikti leihao mashak matou phajaraba macha nupa ama phangjarammi.
Ashumna numit ashidagi leihao chingmi amagumna khun ashida leiduna machabu chaoba sharet phanaba yoklammi.
Chingmishing ashina mama machabu yamna luna tourammi khunjashingshu yamna mabuk mapao phaba mi ngakta oirammi adubu mishingdi yamlamde.
Leihaona macha nupa salainganbabu chaonaba yoklakpa matamda awaba kaya ama mayoknarammi pikliba machabu pokhattuna loushuba chatlaga hingjarammi khunjashingna mama machagi enkhol amashu pibirammi enkhol ashida matam matamgi mahei marong thaduna machabu yokcharakkhi.
Angouba machugi uchek aduna mama machagi manakta leirammi mama machana chatli khudingmak matung ennarammi.

“Uchek nangshu ngashidi ema echagi awabada sharuk yare karigino nangna naning tamna paiduna ahao ahaoba uhei chaduna namannaba kayaga haraona leibagi mahut ema echabu koishe shennabiri hayeng konna eigi echa nupa ashibu nangna aphaba lambida lamjingbiyu.”

Ashomdana nongdareikhombana praja miyambu otpa yaba otpirammi ashina miyamshinggi mathamoi yamna penjaramde.
“Ningthou pibarenna panli ngei matamda leibak ashi kayada shanti leina engna chikna panba leibak ama oirammi adubu houjikti praja miyam eikhoigi ethaktuna nongdareikhombana penjari.
Eningthou pibarenbu nongdareikhombana loutunaduna hatpani eina konungda phou thamba changluba matamda epu thonglen keishumshangda leihouwe epu thonglen mapham khangdana mangkhiba natte.
Eikhoigi ningthou shoidana lakkhini hairake.”

Nongmadi pibarengi macha laktuna makhoigi ningthou oigani khanduna leirammi.
Nongdareikhombagine haibada macha ama phaoba leiramde nupi kaya ama lonlammi adubu macha amata poklamde.
Maiba maibi kayashu yengba yaba yengle adubu karishu kannaramde.

“Eigi echa nupa amata phajanaba haina lai kaya khurumme nupi kaya amashu thire mashi phaoabada echa amata phajade adubu eidi umorni shiba naidaba eina leibak ashigi ningthou adumak oiduna leigani.”

Nongma nongma houkhibana houjikti salainganba chaoba sharet pharakle.Salainganba macha mau chung phiran chana mashak matou yamna changkhonba nupa ama oiraklammi.
Salainganba umanggi shashingbu yamna luna toujarammi khunjashingshu umanggi shashingbu yokhak charammi ashina umangda leiriba shashingga chanarammi.

Leihaona macha nupabu yengjaraga mathamoibu penjarammi.

“Ebungngo emana haigadabadi ngashi eikhoigi enakta leiriba uchek ashina ema echabu awaba tagadaba kayadagi ngakpi shenbiduna laklibani aduna uchek ashi nanggi panthou epa gumna migouduna loinagadubani.”

“Hoi ema.”

Salainganbana mamada mapagi maramda toina toina hangjarammi.
“Ema eina angan oiri ngeidagi eikhoi babagi maramda hangbada emana ngashi phaoba haibidriba ashibu karigino ema eikhoi baba kadaida leikharabage.”

“Emagi ebungngo emana nongma matang charaba matamda shoidana ligani nang angan khara oiri.”

“Ema ei houjik wakhal tare chaoba sharet phare ei ngashidi babagi maramda haidriba makhei chakka amata charoi.”

“Emagi salainganba emagi chin ashina nangngonda napagi thokkharaba ningngamdaba thoudokshing adu karamna haigani.”

“Ema nachada wari pumba liduna khanghanbiyu.”

Leihaona thokkhiba thoudokshing adubu machada mayekshengna liduna khanghanlammi salainganba mamagi waridu tarubada mamittagi mapi taduna mapabu kouduna shari washak lammi.
“Epa ningthou nacha salainganbana ngashi epagi maphamda washakli madudi eina epa hatpa mishak adugi makok kaktuna leibak miyam mangda utkani eina shoidana leibak adugi ningthou oigani.”

Ashumna mapa panduna shari washaklammi.
Nongma mana wakhal khanduna leiri ngei matamda magi uchek angouba.
Aduna salainganbada hannaga mannadaba matou ama utlammi.
“Pathou shaklaba uchek nangna eingonda ngashi utliba maong matou aduna kari haininglibano nachadi khangba ngamdare.”

Uchek aduna salainganbabu magi matung enna handuna phana shangna lakammi.
Salainganba uchek aduna piriba maikei adomda ashumlakpana houjikti makhoigi khundagi yamna lapnarammi.
Mapham adu laptakna ubada ningthou konung ama leire haiba khanglammi uchek aduna konung adugi manakta leiba napi yamna shonglaba mapham amada pushinlammi.
Konung adugi maningda napimarak aduda mallaba thong ama panduna leirammi.Maningthong adubu hangdoktuna khara changlaga mirang yamna thuba amotpa ka amada changglammi.
Ka adugi mayai maktada upu macha ama leiriba adugi mathakta uchek aduna tongduna hangdoknaba khanghanlakammi.
Upu adu salainganbana hangdokluba matamda migi makok ama yaoba thengnarammi.
Matam aduda nakan lomdagi yamna manlaba amanba kanashu leitaba keishumshang amadagi ahan oiraba masham shangba angaoba manba hanuba amana mangonda hairaklammi.

“Salainganba nang laklabara epuna nangbu chahi kayadagi lakpa ngairibani.”

“Nang kanano eibu nangna karamna khanglamlibano.”

“Eigi ming thonglen kouwe.”

Salainganba ming adu tarubada mamana wari lirakkhibada yaoba mamagi mateng pangbirakkhiba epu aduni khanglammi.

“Epu nashubu amukta ngakpiyu nashudi epuni haiba khangjahoudare ngashidi nashu lakle eiga punna chatkharashi.”

“Salainganba epuna nanggi natung enlakkhiroi nangna napabu hatkhiba
Napa ningthougi manao nupa nongdareikhombagi mangak kaktuna leibak miyam mangda utpa numit aduda epubu louthokpa laku.
Houjik napagi thawai adu lairamlenda tinba ngamdari nangna pairiba makok adu napagini aduga napagi masha adu nangna lakpada chaoraba umang aduda akangba ujao ama houramgani madugi makhongda napagi ashiba hakchang ponlangshing adu khomkattuna namagi manakta puduna mathou mangam pangthokpiyu.”

“Epu nashuna epagi laman shoidana khumgani.nashu amuk chatcharukhige.”

Salainganba thonglenna taklakpa khudingmak thabak oina pangthoktuna mapagi sharu polang adubu mamagi manakta puraktuna thokkhiba thoudok khudingmakki wari liduna khanghanlammi.
Leihao mapuroibagi sharu polang adubu ubada mathamoi shokna kapcharammi.

“Eningthou houjikti nanggi nacha salainganba shamu panggal mapum phare mapagi lamam khugani haiduna leppa ngamlakle.
Karigumba mathang mapok haiduna leiramlabadi nang ei amuk hanna thengnakhishi.”

Mama machana kappadu tabada khunja mayam changlaklammi.
Houjikti mama macha adu achamba mi natte ningthou pibarengi matu macha oiduna leiramba aduda khunjashingna ningthou pibarengi lamam khumbada makhoishu salainganbagi lanmi ama oina sharuk yagani hairammi.

Ningthou pibarengi mathou mangam khunja miyamga punna pangthok minakhi.
Numit ashidagi makhoigi uchek adushu mapham khangdana mangkhirammi.
Mama machana thiba yaba thirabashu phangkhide.
Numit ashigi nungdangda leihaogi mangda mapuroiba laktuna hairammi,
“Leihao eina taibang mioiba oina onduna nama nachagi manakta leiba phangdrabashu eina uchek amagi shayonda nama nachagi nanakta matam kharada oirabashu leijaba phangjaba ashina eigi apenbani.
Houjikti ei lairamlenda tinba phangjare nama nachabu eigi praja miyamna ngaiduna leire eina echada yaipha manggol pirabani.”

Ashumna mamangda hairamba aduda leihao mamittagi mapi taduna kaplammi.
Houjikti salainganbana luchingduna khunja pakhang kayaga langi lalong shemshaduna umanggi shashinggi mateng louduna landanaba shemshaba loirammi.
Nongdareikhomba lan tourakkani haibagi pao phangba ngamlammi.

“Karamba leibakki ningthounano eigi leibak ashibu munge khanlakliba.
Phei khanggani enaisha lanthengnanaba shem shao he.”

Makhoishu lanthengnanaba shemshaba punnamak loirammi.
Ashumna mathanggi numitta salainnganbana luchingduna landarammi nongdareikhombagi manaishingbu salainganbagi mishingna laina maithiba piba ngamlammi salainganbagi loushing kaya shijinnaduna nongdareikhombagi manaishingbu maithiba pirammi.
Houjikti nongdareikhomba upai leitraduna konunggi aronba ka aduda chenshinlakammi.
Matam aduda thonglenna hairake,
“Nongdareikhomba shibagi matam youraba nangba chendana karibu kannarukhini adugi sharuk ningthijana potharaga leiyu.”

“Epu eibu amukta kanbiyu.”

“Hek pokminnaba mayamba phaoba hatpa ngamba nangna kiriba mi adubu kananone.”

“Mashak matou phajaraba masha mau phaba nupa macha amana eibu hatkani haiduna thang pairaga tannarakle.”

“Nangbu hatkani haiduna makhutta thangshang paiduna thouna phana lakliba nupa adu kanano khangbara.”

“Epu ei khangde mana eibu kari maramgi hatninglibano.”

“Lakliba nupa macha adu nangna minungshi leitana hatpikharaba nayamba pibarengi macha nupa salainganbani houjikti nangbu hattuna mapagi lamam khuba laklibani nanggi aroiba matam oirakle.”

Salainganbana mapham aduda youshinlakpada nongdareikhombana khurumduna haijarammi,
“Salainganba nang kakabu amukta ngakpiyu ei lankhare.”

“Nangga eiga karishu mari thoknade eidi epagi lamam khuba lakpani nangna epagi mangak ngakkhibagumna einashu nanggi nangak kaktuna hatkani.”

“Natte natte nang adumna touganu.”

Nongdareikhombana salainganbabu themlammi adubu mana haiba tade salainganbana nongdareikhombagi mangaksham ngaklammi.
Aduga matam shangnadagi keishum shangda leiruraba thonglenbu thathokammi.
“Ei penle ngashidagi leibak ashi maning makha tamna matik chaba ningthou ama panduna engna chikna panlani.”

Salainganbana nongdareikhombagi makok adu paiduna praja miyamda utlammi.
Thonglenna praja miyamda laoduna hairammi,
“Praja miyam eikhoigi ningthou lakle ngashi mangda uriba nupa macha ashi eningthou pibarengi macha nupa salainganbani mana ngashidagi leibak ashigi matik chaba ningthou oiduna panlagani.”

Pao ashi tabada miyam punnamak haraobana khamthenglammi matam aduda leihao amadi khunjashing adu punna konungda yaorakammi.
Leihaona thonglengi makhong paiduna khurumlammi.
“Leihao ngashidagi nanggi awaba punnamak koklagani nangdi matik chabi mamani.”

“Epugi yaipha manggoldagi eina echabu yokchaba ngambani.”

“Ngashidagi nacha nupana leibak ashigi ningthou oiduna mapagi mahut shinduna leibak ashibu amuk shemgatlagani.”

Read this:- Mapuroiba Ningbi Leishilembi

Praja miyamna salainganbabu yamna haraona ningthou oihanlammi.
Numit ashidagi salainganbana leibak ashigi yaiphanaba hotnarammi praja miyamgi chaokhatnaba thabakta tourammi.
Leibak ashida leiba mama mapa nganna kainakharabi leishana koubi mashak matou phajarabi nupi amaga khangnaduna yumbanbagi punshida khongdaduna yamna nungngaina engna chikna panba leibak ama oiduna pankhi.