Mamang ngeigi matam amada yamna chaoba chaba thakpa wattaba atoppa leibakki mateng yaodana engna chikna panba leibak amakhak leirammi.
Leibak ashi ningthou shanajaoba
Kouba aranba touba yadaba mabukchel shengba ningthou amana panlammi.
Ningthou shanajaoba magi leibak ashida kanagumba mioi amana migi mangnaba phattaba thabak ama touramba tarabadi leibak miyam mangda maran gi matung enna hatlammi.
Phattaba thabakpu toururabadi ngakpiba toudana cheirak piba ashina leibak ashigi chatnabi oirammi.
Ashigumba chatnabi ashina leibak ashida leiba mipum khudingmak aranba thabak amata tounaramde ashina leibak ashi amaga amaga yamna nungshinana engna chikna panba leibak ama oiraklami.
Ningthou shanajaobagi nupi maharani tamphashu atoppa thangnaba leibakki ningthou macha nupini.
Ningthou shanajaoba wakhal loushing yamna leiba heishingba nupa amani langi maramda ningthijana khangba heibana atoppa leibak kayana khudum change tourakpa matamda ningthou shanajaobana punnamak maithiba pirammi.
Ningthou shanajaobana ngammi haiduna atoppa leibakpu loushinbagi wakhal leiramde magidi makhoigi leijariba leibak ashidabu shennaduna aphaba leibak amakhak oinaba hotnajaba ashini.
Ashumna aphaba ningthou ama leibana leibak ashi maming chatpa mina henjinba ngamdaba chaba thakpa wattaba leibak ama oirammi.

Leibak ashida Leishembi koubi mashak matou yamna phajabi nupi amashu leirammi.Leishembi magi mamal yamlaba phishabagi mahei ashina leibak ashigi miyamna thoina henna khangnarammi.
Magine haibada mama mapa amata leikhidare ashina mapaga yamna luna tinnaba mataogi macha nupa paikhombaga luhongduna yumbanbagi lambida khongdarakkhi.
Leishembi mou ama oibada matik chabi nupi amani yumgi thabak enkhang punnamak machu tana masha nanna tourammi ashidashu nattana phishaduna mayumgi matengshu panglammi mapuroibana chingdagi shing yanba chatpashu yaoshinlammi mapuroibana thabak shuba khudingmak wai haiba leitana punnamak shuminnarammi.
Ashina paikhomba hoigi emung lairarambadagi cheng phou wattaba nungngaiba emung ama oiraklammi.
Paikhombana leishembi gumbi nupi ashi magi taloi oina phangjabada chaothokcharammi.

Nongma paikhombagi mama mapana wari kaya shanarammi,
“Tharo eikhoigi emou ashi kayada pharibano nongnganbadagi yumgi thabak enkhangshu machu tanna touwe maku manem eikhoigi shebashu ningthijana touwe.Mashidagi hendoktuna nungdang athengba phaoba phi shaduna yumgi matengshu pangngi mashidagi henna phaba emou ashibu kadaidagi phangnguni eigi emougumbi nupi ashidi malem ashida atangbani.”

“Mani moi pabung nongnganbadagi pothadaba makhei shuriba ashida wai haikhidarabi emouni.Mana yum ashida lakpadagi eikhoigi yum ashi nungngaiba ngamlakebani.”

“umm adu ngaikhoneheii Tharo emoudubu ude kadaida chatkharage.”

“Moi pabung ebungngoga chingda shing chanba chatminnakhibani.”

“Ehe nangbu khamhou yadabaro paikhombana purakla loire nangshidi onthoknashu wakhal tamande.”

“Eishu khamlibani adubu emouna yade.”

Matang aduda paikhombagi mapagi manao nupa kunjo lakammi.
Kunjona leishembibu yamna luna toujarammi.Kunjona leishembigi mathouna phaba shuba nomba kanba yum amagi mou oibada matik chaba ashida kanlakcharammi.Mayamba amadi mateimana ngangnaribadu taraduna mashu hairaklammi,
“Tachou eteima kari karamba warino tachouga eteimagana aduk thawai tana shanaramliba adubu.”

“Kunjo eikhoi emou nupigi warinida.”

“Emou nupi leishembidi eikhoigi leibak ashigi mipum khudingmakna mabu mashak khangnadaba yaode.
Magumna touba ngambi nupidi malem ashida atangbani hainaribani.
Tachou eteima hoidi leishembi gumbi emou ama phangjabashi laibak yamna pharabani.”

“Kunjo emou nupigi mapandagini eikhoina engna chikna panjaribashi ado tombadubu nupi ama thijinhannaba tourone.”

“Eteima eina nupi thiro haina hanjin hanjin hairabani adubu mana daga happiba natte.”

Kunjogi macha nupa tomba mathantani atei matoppa macha amata leiramde.
Magi wakhalda leishembibu mamou nupi oininglammi.Leishembi mapuroibaga thabak enkhang shuminnaduna yamna nungngaiba punshi amada hingjarammi paikhombabu mana thamoi shengna nungshijei.Nungdanggi matamda phi shajarammi.
“Emou ebemma nangbu nashadu amata yararoi kharashu pothao nongnganbadagi yumgi thabak enkhang toubaga waramlani tummuro chatlo chatlo.”

“Hoi ema phishi loidure matek amatang ngaishinlakle mashima loishinlammaga toklage ema.”

“Leishembi emouna yumgi mateng oinaba phishabashi toklo ema hoi leirishidi eikhoina shuduna emunggi amata wathanloi.Emouna wana phi shabadu napanashu yamna nungngaite aduna nang phishaba toklo.”

“Ema phishabadi awaba thabak natte nachana thabak loiraga ngaihak ngaihak phamduna shabani mashina emunggi kharada oirabashu awatpa mennarabadi kanagani haina toubani ema ei karishu wade.”

Tharona mamou nupibu phishaba toknaba hairammi adubu leishembina yaramde.
Paikhomba makhoigi enkholda nungti numit khudinggi chattuna shennarammi.
Matam matamgi oiba mahei marong kaya thaduna mama tharona keithelda yonlammi.Mapaga makhoi anina kanna hotnabana houjikti makhoigi enkhol adu yamna pharammi.Makhoina tanshinlakpaga leishembina phi shaduna tanlakpa shelna chakkhumdi laina purammi ashina enkholdagi phanglakpa shelna lam leishinjarammi.
Makhoigi emungna nongma nongmagi nungngaiba henlakpa ashida kunjo leipham chapham khanglamde.
Nongma kunjona macha nupa tombada hairammi,
“Tomba nangbu nupi amata thinaba tourashi.Yengngu nayamba paikhombadi nupi aphaba ama thirubagi shenjao paiba mi ama oikhidure aduga nangna upu kangthon khara shaba ashina napunshi adu lenlagero.”

“Pabung eigi shak ashida karamba nupina yagaduribano eina henna thining ngibani nupidi leitadana touribani.
Pabungshu nachana nupi leitare khangngadi nupi amata thibirakpa yai eida ngaidarabashu.”

“Nanggi nupibu napa eina thigadaro nashana chattuna thirugaduba nattaro nama napa eikhoishu ahan oishinlakle haibashi nang khara khanbana phei.
Namana nongnganbadagi chak enshang thongduna emunggi thabak enkhang punnamak hotnaribashi khara khanlu.”

“Pabung ei khangde pabungna phanaba shinbiyu.”

“Phare phare adudi eina yum ashigi matik chabi thabak enkhang ningthijana touba heibi ama thirage.
Ado ebungngo nangbu leishembigadi yadabaro.”

“Pabung kanano leishembi haibabu.”

“Ehe nayamba paikhombagi nupi leishembi.”

“Pabung nangbu ngaorabo eteima adubu eigi nupi karamna oiduino.”

Kunjogi wakhalda leishembibu mamou oidaba yade khanjarammi macha nupada haiduna leishembibu mamou nupi oinaba hairammi.Tomba mapana hairiba wadu wakhal taramde.
“Pabung eigibudi yai adubu tachou leina leina eina karamna louduino.’

“Nang adugi kari amata khanganu epana punnamak phanaba shigani.”

Kunjona leishembibu macha nupa tombagi nupi oihannaba paikhomba shikharabadi shoidana louba yagani khanjarammi.
Ashina paikhombabu thuna shinabagi lambi yatpa hourammi.
Paikhomba ningthou shanajaobagi achanba manai ama oirammi.
Ningthougi yamkharaba lou mayam adu mana shennabagi thabak toujarammi.
Ningthouna paikhombagi pukchel shengba shuba kanjana matou ashida penmankhiduna thabak shubagi khushumandagi hendoktuna yamlaba phou kaya amashu pibirammi.
Aduga leishembina maharanigi achanbi amani maharanina pamjaba phajaraba phi kaya shaduna pirammi.
Magi phajaraba phi makhalshing adu maharanina shet chajarammi mana phajaba phi kaya sharakpagi peisha khaojao kaya amashu pibirammi ashina leishembi amadi paikhomba ningthouga yamna naknaba mari ama oirammi.
Miyamnashu makhoi anibu bebar tounarammi.
Nongma kunjonna paikhombagi manakta laktuna hairammi,
“Paikhomba eishi nangngonda mateng amata niba lakcharibani.”

“Kari matengno khurana pamlibabu.”

“Paikhomba eikhoigi awang thangba maikeida khara chatlaga eigi loupham ama lei.Phoushingshu lokpagi matam oishinlakle adubu mina phoushing adu manghanbiramdara haina eikhoigi tombadu lekhange toubani mashu masha kanna ngamlaktare ashina nang numit nini humnida loupham aduda lekpiyu haiba lakpani.Lekkaduribashishu nang nathanda natteda mapham aduda lou uba mi kaya amashu leknaribani.”

“Phare khura tombashu masha ngamde hairabanina ei loupham aduda lekurage.
Ado khurana hairiba loupham adu minadi nungdanggi matamda lai phattaba thokeshu hainagumdi touwe.”

“kanana hairibano madugi wadu aranbani huranba mishingna mibu kihanduna phou huranba yanaba touribani karishu tamnadabani eina lekpa yaba makhei leklakabani.Handakshi eishu esha khara shonli toubanida.Nang karishu khangganuda nungdang khudinggi mi kaya amashu laknaduribani nang nathanda natte.Ado tachouga eteimagadashu hairammabani nang makhoida amuk haidrabashu yare.”

Kunjona paikhombabu lekhangaduriba loupham ashi mi changnaba ngamdaba khawaidagi tamnaba mapham amani.
Loupham ashigi manakta mi kaya ama lou unarabashu nungdang tadri ngei mamangda mayumda nganna nganna karaktuna nungthilgi matamda khaktang shunarammi.Makhoina lakpa matamdashu mi kaya ama houduna laknaraga shuba ngaktani.Adubu kunjona toushinnaduna paikhombabu tamnaba mapham ashida thajinduna lai phattaba oknahanlaga shinaba shinlammi.
Paikhombana mama mapada hanna haiduna ayaba louraga chatke khanjarammi adubu kunjona paikhombagi mama mapada hairamme haiba aduda hanglamde mathanggi nongnganbaga kunjona hairakpa lou pham aduda leknaba shemsharammi.

Paikhomba magi nupida hairurabadi shoidana yarakloi khanbadagi hairamde adugi mahut atoppa wari amada hairammi,
“Leishembi ei hayengdagi arappa loupham amada numit kharani leiruba tare.”

“makhoi pabung karamba louphamdano leiruduriba ashibu eningthougi louphamdara.”

“Leishembi yamna kuina leirakkadaba natte ei konna hairage hayeng ayuk nganna chatlaga leiruradubani.”

Leishembi mapuroibana chatkaduriba mapham adubu hangjarammi adubu paikhombana hairamde.
Mathanggi nongnganbaga paikhomba thabak chatkani haina leishembina nganna hougattuna mapuroibagi chak enshang thongthaktuna pijarammi mapuroibana punaba cheng yomduna thamlammi.
Paikhomba maphi maron yomshinba loiraga chatkadubagi tourammi.
“Leishembi ei thengkharani chatlage nang pabung ema hougatlakaga haihouro.”

“Hoi khara thunadi hanbiraku.”

“Hoi hoi.”

Paikhomba mayum thadoktuna kunjona haiba loupham aduda chatlammi.
Mana lambida lakpa amtamda magi matao yamna luna tinnaba mani thengnarammi.
Manina mangonda hanglammi,
“Etao nangdi ayuk anganba ashida kadaida chatnaba thoklakebano.”

“Etao awang thangbada leiba achouba loupham aduda leinaba chatlibani.”

“Nangna hairishi tamnei haiba louphamduro.”

“Hoi mani .”

“Paikhomba nangbu ngaorabo mina kinaduna changnadaba mapham aduda leiruni haina thoklakliba ashibu.”

“Etao madu punnamak oidaba ngaktani huranba shingna phou huranba yanaba shinbani etao.”

“paikhomba mina haijinba natte mapham adu ashengbagi tamnaba maphamni mapham aduda mi kana amata changnadabani.”

“Etao loupham adugi manakta mi kaya amashu lou uduna lei.
Nungdang khudinggi makhoi makhoigi louphamda shaba shangshingda lektuna leinagadubani ei ethanda natte.”

“Paikhomba loupham adugi manakta lou unariba mishing adu nungthilgi matamdata lougi thabak punnamak touramduna nungdang tadri ngei matamda mayumda loina hannarakpa ngaktani etao nang mapham aduda chatkhinu .”

“Etao ei chattaba yaroi eikhoi khura kunjona eingonda shinnarakpa thabakni aduna chathoudrabadi nungngairaroi etao eikhoi mi mayamga leirudubani ado etao ei thengkhare chatlage konna amuk shanarashi.”

“Paikhomba nang chattabanadi phei nataona hairishi nang yumda hanlo.”

“Etao ei karishu touroi nang waganu.”

Mashi haramduna paikhomba aki tujungba leitana chatkhi.
Paikhombana kunjobu yamna phana khalammi ashina magi kakana magi mangnaba keidounungda shinlak oi khanjarammi.
Mana ashum lakpada houjikti loupham adu youshinlakammi.
Manak aduda mi kaya ama lou unaduna leirammi.
Magi thamoida karishu chingnaba phaojaramde paikhombana loupham aduda leiba shang aduda changjarammi.
Shang adu mi kuina leinadabagi mirang kaduna yamna motlaga leirammi.
“Karino shang ashidi chahi kuina leinadabagi mirangka kakhattuna leiramliba ashibu kaka hoina nungtigi laktuna lekpa shang shidabu ashuk yamna mallaga leirammishibu.”

Paikhomba shang ashina yamna mallaga leiramba ashida kharadi chingnajarammi.
Mana loupham ashida lakpa matamdashu manakta lou unariba mishingna mangonda yengduna murung murung shonna houwe.
Ma mathanda wahang kaya hangjarammi,
“Karigino mishingna eina loupham ashida lakpa matamda yengna houduna wari kaya shanahouwedubu.Mashigi loupham ashibu mina tamnei haibadu chummaba jatla.
Madu aranba oiramganida eikhoigi kakana macha eingonda minamba wa ngangduba natte kakana eigi phattanaba karigi touduino.
Loupham ashida phou ningthijana houriba ashibu tamnaba mapham oiradi kadaidadi mi changlaktuna phoushing ashi thagani phare ei nungdang tadri ngei ashida thabak khara shuhourukhige.”

Ashumna khanduna loupham aduda thabak shuduna houriba phoushing adu phanaba toujarammi.
Mapham ashida houriba phou panbishing ashi chahi kayadagi mukpa naidana houraklaba phou panbini mashi kanagumba mi amana thaduna thamlamba natte.
Mapham ashida houriba phoushing ashi yengbada pukning huna phajei phou charong phajaraba kayana mik thanlammi ashibu kalakpa nupa kaya nungdanggi matamda huranba changluba mashing khangdana shikhare.
Paikhomba nungdang wairam taraktari ngeida mapandagi shing yanduna shang manungda peishinlammi.
Houjikti nungdang wairam tashinlakammi.
Paikhomba shang manungda changduna shingthagattuna chak enshang thongnaba toujarammi.
Nungdanggi matam oirakpaga migi khonjel amada takhidare mapham adu jiba panba amatagi khonjel amatashu taramde.
Paikhombagi wakhalda khanjarammi,
“Karino eikhoi kakanadi loupham ashigi manakta mi kaya amashu leke hai adubu kanagumba amatagi khonjelshu tade.
Nungdang oibagi toubashu oiramganida eishi mina tamnei haimandana eshashi pangchingda hek chingnare.”

Ashumna khanjarammi magi chak enshang loishinduna chathoktuna tumnaba tourammi.
Matam aduda ngaishai makheidi mi langbagi khonjel amata taramdabadu yamna houna houna taba houraklammi.
Tarakliba khonjel adu migi khonjelshu manlamde tabada yamna heinadaba khonjel ama oirammi.
“Karino eina tariba khonjel ashibu ngashai makheidi khojel amaphaoba taramde.
Ashuk thengkhraba ahingshida kanagi khonjelno.Louthangnaba mishingna enkhol koibagi yengshinba thokpa oirambashu yai.”

Magi mashada akiba amata phaoramde wakhalda chumna khandoktuna leirammi.
Lapna taramba khonjel adu magi shang tamna ashum ashum nakshinlaktuna khonjel adushu tabada yamna heinadaba ashum ashum hengatlakammi.
Paikhomba tumthaba yaramde karino mapanda tarakliba khonjel ashibu khanjarammi.
“Hhh eina tariba khonjel ashi migi manshinlaktare.
Eibu mapanda thoktuna amukta yenglubana phagadara.
Natte ei mapanda thoklaroi shang
ashigi manungda tuminna leirage.”

Shang adugi phaklangda khujinna khotpa amadi nok khenduna koichen chenbagi matou kaya ama touraklammi.
Paikhomba masha du kibanashu kham thenglammi.
Matam aduda mapandagi mabu kouraklammi,
“O paikhomba nanggi thong ashi amukta hanglaku.”

“Kanano athengba ahingshida thong hangngu hairakliba nangbu.”

“Paikhomba eine nang thong ashida hanna amukta hanglaku.”

“Ei nungdang athengba ashida thong hangba ngamloi.”

“Paikhomba nang thong hangngu yararoidara.”

“Ei thong ashi hangba shungngam ngamloi nang hankharo.”

“Paikhomba nang thong hangngu yadrabadi namkhaiduna changlakaga nangbu charagani.”

Paikhomba wahei adu tabada masha adu haipham khangdana pakhatlammi.
Mapandagi laiphattaba shingna shang adugi thongdu kanna kanna namlaktuna changlaknaba tourakpa houraklammi.
Paikhomba nungdang athengba kanashu leitraba aduda karitougadabano khangjaramde.
“Karino eina houjik tougadaba ashibu sharoi ngaroishing ashina thong ashishu namduna changlakkadure.
Mashida leiriba shing ashida phi yetuna mei churaga hekta langthengnarage.moina ngammaga eibu hatlashanu eina ngambaga moibu hatkani.”

Paikhomba makhutta meira kanna paiduna lanthengnabagi shemshaduna leirammi.
Mapandagi phatraba laishing aduna kanna kanna paikhombagi mingbu kouraktuna thong adu namkhairaga changlakammi.
“Karino eina uriba matou ashibu ashuk yamna kiba shaktam ashi amukta phaoba ukhidari mashibu eina karamna mayoknagani.”

Khadang tattuna yanlaga leiba mamitna mushin muna mashamna ama anida houba hek yengbada yamna kiba tugut chaba laiphattaba adu paikhombagi manakta ashum changshinlakammi.
Paikhombana phana yamna kirabashu thouna phana mana pairiba meira aduna lai aduda hairammi.
Laiphattaba adu meidu ubada changlakpa ngamlamde mana yamna shaona hairake,
“He paikhomba meidu muthatlu nattarabadi nang eina shoidana chagani.”

“Nangna ngammadi eibu chao eina ngammagana nangbu hatkani laiphatta eikhoi ani angamba tannarashi.”

“Paikhomba nangna eibu ushittaduna eigi loupham ashida lakpadi nangbu lemna tharoi.”

“Eidi nanggi louphamne haibashu khangde eigi kakagi louphamne haiduna shennaba lakpani.”

“Nanggi nakhura kunjona nangbu eigi khutta nathawai mangnaba haina tharakpani nang ngashidi eina lemna tharoi.”

Ashumna haiduna lai aduna namhaduna paikhombabu chanaba touraklammi.
Paikhomba thouna hande mana yamna heina shingna hotnaduna mana pairiba mei aduna lai adugi mamaida churammi matam aduda lai phattaba adu meina chaklakammi.
Nungdang athengba aduda mana lao khongbagi khonjeltana nillammi.
Mana laibagi khonjel adu leibak miyam taraduna akiba ama phaonarammi.
Khonjel ashi ningthou shanajaobanashu tarammi,
“Kari khonjelno eina tarakliba ashibu mamangda amukta phaoba ashigumba tabada heinadaba khonjel ashi taraktari.”

Ningthou shanajaobana manai kaya thaduna karino khangnaba touhanlammi.
Adubu khonjel adu tarakliba mapham adudi mina changbada kinariba loupham adomdagi oiraklammi ashina yengba nattana karishu touba ngamlamde.
Leishembi mapuroibana leikhiriba
Loupham adu kadaidano khangdaba pakhatpashu phaoraklammi.
Kunjodi haraobana khanthengkhare paikhomba shoidana shiramlagani khanbada.
“Nungngaire paikhomba shoidana shiramlagani hayengmak hekta emou nupi hainaba chatlurage.”

Ashumna numit ashi houkhirammi.
Mathanggi nongnganbaga paikhombagi yamna luna tinnaba mamannaba manina leishembida haiba lakammi,
“Leishembi nangbu tabaro.”

“Ta mani kari leirage.”

“Leishembi ngarang laokhongbagi khonjel kaya tarakliba loupham aduda paikhombadu leikhibani mabu hanlakabara.”

“Ta mani makhoi pabungna leiriba loupham adu mina tamnei hairiba mapham adudara.”

“Mani nangbu khangdribara.”

“makhoi pabungna mana leiruduriba loupham adu eingonda taklamde.
Ta mani houjikmak nachanga chatminnaduna mabu amukta thirushi nachangi mateng amukta pangbiyu.”

“Leishembi ebungna nanggi mateng panggani lako yamna thuna chatlashi mapham adu nungdang takharabadi eikhoi punnamak awaphamda tagani.”

Leishembi wakhal yamna wajarammi mapuroibadu karamna touramgani khanbada mapuroibagine haina chak enshang amadi yu khara yomduna piraktuna maniga chatminnarammi.
Makhoi anina yamna thuna chatlammi.
Houjikti loupham adu yourammi makhoina loupham adugi shang aduda changba matamda thongganda ehh kaya taduna leiramba aduda pakhatlammi.
Shang adugi manungda yamna thuna changduna yengba matamda paikhomba tumduna leiramba thengnarammi.
Makhoi anina paikhombabu houdoklammi.paikhomba magi nupi amadi mataobu ubada yamna haraojarammi ngarang mana kayagi matik wana khangjakhiba mabu kanbiba kanagumba amatabu laklabadi khanjakhi.
Leishembi mapuroibana tekta kaidana leiramba ashida haraojarammi.

“ makhoi pabungna karigi eingonda minamlibano.”

“Leishembi eina nangngonda minamba natte eidi khangde mapham ashi laiphamni haiba. kakana magi louphamni nungdang khudinggishu mi kaya ama leknaduna leiba maphamni numit kharanida eingonda phou shangba oina lekpiyu haibadagi eina lekkhibani.”

“Etao eina nangngonda haikharaba nattara mashigi mapham ashida changganu haina adubu nangna eigi wa takhide.”

“makhoi pabung khura kunjona kari maramgi nangbu tamthiraba mapham ashida haijinnaduna leihanlamliba karigino.”

“Khangde eishu kakana ashigumba phattaba thabak tourakkani haibashi eidi thajarudabani adubu madi eibu hatlage haina shinlakpa manli.”

“Etao wa amadi leiramba tai ado phare etao eikhoi mapham ashida kuina leithaba yade etaogi nashadu yamna chokthaba manli aduna mapham ashi thadoktuna khara chatlaga chak chanaba toururashi.”

Ashumna makhoi ahum mapham adu thadoktuna lakammi.
Khara chatlaga ujao makhong amada phamduna leishembina purakpa chak enshang adu punna chaminnarammi.
“Leishembi nangna pabung emada wari pumba liramlabara.”

“ makhoi pabung ei pabung emada hairamdari.”

“Phare adudi nang ema pabungda eigi thokkhiba toudokshing ashigi maramda amata haiganu karigumba hairurabadi wathok ama oirani eikhoi kakana eibu tamthiba mapham shida thajinli haibashi eikhoi ahumta khangnaduna adumak tokkharashi.”

“Etao karigi tuminna tokkaduribano khurana touriba thabak ashi yamna lanli pabungda haidoktuna khara khanghanbana phei.”

“Natte natte etao ei emung manung kangkhong chaiba pamde etao nataogi khanbiduna kana amatada haidokpiganu.”

Paikhombana thokkhiba thoudokshing adu kana amatada haidokhanlamde.
Ashumna houjikti mayumda hanlaktuna masha kanduna hannagumba nungngaina leirammi.
Kunjo paikhombana mayumda tekta kaidana hanlakpa ashida ngaklammi.

“Karamna hingduna hanlaklibano mapham aduda changkhiba mi amata ngashi phaoba hingduna hanlaktari.
Mashibu sharoi ngaroina paikhombagi hangchangda changduna lakebara.
Paikhombana tachouga eteimagada eina mapham aduda thai hairadi shoidana wa thoknarani tourishi ei paikhombagi manaktta changduna hanjinnarurage.”

Kunjona khangdaba shaduna paikhombagi manakta changduna hangjinnarammi.
Adubu paikhomba amadi leishembina magi lamchat chapchana khanglakammi.
Adubu mama mapagi mangda lotpana madugi maramda wari sharamde.
Paikhomba houjikti masha anaba leitana masha mauphana leirammi.
Adubu nongma ekhang khanghoudana masha adu yamna shontharakpa houraklammi.
Paikhombagi masha adu ngahakta phaoba pothapham khanglamde magi mabuk adu meina chakpa gumna porok porok chaktuna magi phamungda tharo tharo onlammi.Magi matou aduda mama mapa amadi leishembi pakhattuna maiba maibi kaya kouduna yenghanlammi.
Maiba maibina hidak kaya thaduna yenglammi.
Adubu paikhomba nongma nongmagi masha adu shonthaba henlakammi.
Maiba maibishingshu magi mashada nariba ashi karino khangjaramde konna thangda maiba manibishing aduna hairaklammi,

“Khura paikhomba ashi lai phattabaga oknarure adunani touribashi.”

“Adudi karamna tougani eigi echa ashibu amukta phahanbiyu.”

“Khura hanna nganli ngeida yenglamlabadi eikhoina kanba ngamgadubani adubu houjikti paikhombagi changchang pumba thungkhare aduna kanba ngamlaroi.”

Maiba maibishingna hairakpa wahei adu tabada leishembi mamittagi mapi taduna thamoi shokna kaplammi.
Mama mapashu haipham khangdana wajarammi.
Paikhomba mama mapa amadi leishembina wajabadu ubada hairaklammi,
“Ema ei karishu toude hayenggadi hougattuna chatpa ngamlani hayengdi leishembi eina pamjaba ngakara adu keitheldagi leiruge nang haona thongngu eikhoi punna chashi.”

Ashumna haiduna mama mapa amadi leishembigi mathamoibu themjinjarammi madi maibina hairamba washingdu tahoudabana karishu khanglamde.
Mathanggi nongnganbaga paikhombana pamjaba nga adu pijabige khanjarammi.
Ashumna paikhombagi manakta changluba matamdadi paikhomba shiduna leiramle.
Leishembi masha adu pakhatpana shawai laorammi.
Mama mapa kouduna yenghanlammi adubu paikhomba shiramle.
Leishembi ningba kairammi mapuroibana ngashi mabu thadoktuna chatkhiribashi makhoigi kaka kunjona shinduna magi mapuroibabu hatpani khanduna mathamoi yamna penjaramde.
Paikhombagi mathou mangam mangthokpada kunjo kapshin laoshinnaduna yaorammi.

Mapuroiba leikhidaraba matungda leishembi angaobi amagumna machi machida ungdunata leirammi.
Magi ashigumba matou ashida maku manemshu wajarammi.
Kunjona matang ashi louduna mateima amadi mayambada wa houdokpa lakammi,
“Tachou eteima eikhoi emou leishembigi matou ashibu yengba ngamlibara ashuk naha oiribi mana ashumna manggadubashi ei yamna pammujei tachouga eteimagashu echa nupi ashigi tunggi punshigi khara khanbiyu.”

“kunjo eikhoibu karidou haibano.”

“Tachou eteima leishembishi yamna naha oiri aduna angan ashigi khanlaga mayum panhanlabadi shoidana nungngaiba punshi amada hingjakhibana phagani.”

“Kunjo mayum panlamlaba moubu kanana louninggani.”

“Eteima adugi kari amata waganu atoppa kanashu thinarudrabashu eigi echa nupa tombaga luhongthokpirashi.”

“Kunjo madubu oiba yaba warane madu emouna yarakkadaba mande.”

“Tachou leishembigi khara khanbiyu ei yanaba haige tachou eteima hoida yare haibiyu.”

Paikhombagi mama mapa leishembigi khanbada yamna wajarammi mamou nupi ashidabu nungngaina leinaba kunjona hairiba washi yarammi.
Kunjo houjikti haraobana loikhare mana leishembigi manakta changduna aphaba shaduna hairammi,

“Leishembi nangna adumna chada thaktana leirabadi nasha adu ashum shokchinlakani echa paikhombadu eshorgi manakta yamna nungngaina leirammagadubani nangshu houjik hinghouriba nashagi khanlu.
Kakana ngashi nangngonda haigaduribashi nanggi phanabani nanggi wakhal adu yamna nungngaina leinaba eigi echa nupa tombaga nangga luhongnaba tourashi mashi kakana nanggi khanlaga haibani kana amatana nangbu lukhrabini haina loubiyu yaroi adubu kakana nanggi khanduna echa nupada thajagaduribani.Nanggi naku nanemnashu yarakle.”

Leishembi kunjona nahan makhei magi mapuroibabu shinaba hotnariba adugi maram chap chana khanglakammi.
Leishembi mapuroibagi laman makhut penna khulamlage khanjarammi.
“Phare khurana eibu emou oiba pamlabadi ei khurada wa amata haijage mashibu khurana yabirabadi ei shoidana tombada leiba yagani.”

“Echana pamlibabu karinone hekta haiyu nanggi apamba punnamak pangthokke.”

“Khura eibu mou oininglabadi luhongdrabashu ei ekhongna thongna khuragi yumda lakchage
adubu ei epuroibagi aroiba chak katpa ashida loijakhige. Adugi nungdangda ei lakchage aduga eina lakkaduba numit aduda chaoraba ngakra ama phabirammu madubu eina thongjage.”

“Ngashidagi nangbu emou haina kouradubani emouna haiba khudingmak shuna thamlamlage.Epadi haraobana loire mashigi washi tombada amukta tamlukhige.”

Kunjo haraobana khamthengkhare mayumda yamna haraona hanjakhi.
Leishembigi manakta maku manem changlaktuna hairammi,
“Emagi ebemma ema hoina shinliba ashi nang eikhoibu warouganuko.
Eigi echa paikhombana leikhidarabashu nangbudi eikhoina wahanningdabadagi shinbani.”

“Ema nacha karishu pendaba nungngaijadaba leijade ema hoina shinliba thabak ashi nachagi yaiphanabani.
Adubu ema nachadi mapok mapok khudinggi eigi epuroiba oigadabadi tamo paikhombani.”

Ashumna hairamduna emungda changduna mathou toujarammi.

“Moi pabung emouna hairamliba wa adubu karino ei wakhal taba ngamdare.”

“Khangde mama eishu adubu emouna hairamliba wadu artha yamna chenli mama eikhoi anina emougi yaiphanaba shinliba ashibu chumlibara.”

“Khangdare moi pabung eishu ashuk nungshibi emou ashibu eikhoina migi mamou oihankharaga eikhoina karamna punshi ashi lenhougani.
Taibang mapu ashishu phatmande nongmata lanjadaba eigi echabu makhoina nganna loushinbikhare.”

“Mama yare toklo eikhoigi laibakta tamlambani khandoktuna penthokpa tabani.”

Ashumna makhoishu wakhal yamna nungngaijaramde.
Kunjo mamou nupi lakani haiduna mayum makei shemjin shajinduna phajana thamlammi.
Ashumna nongma nongma houkhibana houjikti paikhombagi aroiba chak katpagi numit adu youshinlakammi.
Paikhombagi mathou mangam aroiba oina pangthokpa loirammi.
Numit ashigi nungdangda leishembi kunjogi yumda chattuna mou oiruradubani kunjo leishembina haiba ngakhara achouba ama phaduna thamlaga kunthongda leishembibu ngaiduna makhoigi emung punna leirammi.
Leishembi paikhombana yamna pamna leibiramba magi phi phanek adu shettuna chatnaba tourammi.
Maku manemna mabu konduna kaplammi.
“Epagi ebemma nang ngashidagi yum amagi mou ama oina yamna nungngaina panluroko.”

Maku manemna mabu kunjogi thonggan phaoba thinbirammi.

“Kunjo eigi emou ashi nangkhoina luna toubiyu yamna wajaraklabani.”

“Tachou adugi kari amata khanbiganu emou ashigine haibada eikhoida leirabadi kari amata wathanloi makhutta hamlaga chahangaduribani.”

Ashumna haiduna leishembibu yamna haraona mayumda pushinlammi.
Leishembina ngakhara adu haona phajana thongthaktuna kunjo amadi magi nupi aduga macha nupa tombabu phajana mabuk penna pijabirammi.
“Onthoknashu haokhareda emougi ngakra thongba ashidi.Ngashidagi Eikhoigi emung nungngaiba hourakadubani.”

Ashumna makhoi chaba loiraba matungda ngahak wari shanaduna leiri ngei matam ashida kunjo amadi magi nupi amadi tombagi mabuk adu mei houna chaklakpa houraktuna makhoi khangba ngamdana leimaida tharo tharo onduna leirammi.
Matam aduda leishembina makhoigi matou adubu thamoi penna yengduna leirammi.

“Emou ebemma eikhoigi puk ashi meithokna changlakle nangna enshangda kari haplurage.”

“Nakhoina houjik wana khanglibadudagi henna eigi epuroibana kayagi matik wana khangkhiba madu noina khangde nakhoina karishu maran leijadaba epuroibabu hatkhibagi laman khumlibani nakhoina chariba enshang aduda eina hu hapkharabani.”

Mashi haiduna mathamoi penna nokcharammi.
Houjikti kunjo amadi magi nupi aduga macha nupa tomba yamna wana shirammi.

“ makhoi pabung ngashidi nanai nupina nahakii laman khumba ngamjare eishu houjikto nangi nakta lakcharage.”

Leishembi makhoina shibadu mamit penna yengjaraba matungda mashu mapuroibana pamjana leibiramba phi aduna thouri oiraga mangakshamda yettuna masha mathanda shijarammi.

Read this also:- Napan Kaabi Ema

Ashumna mathanggi nongnganlakpada makhoi mayamgi shibagi pao leibak miyamna khangnarammi.
Leishembigi maku manem mamou nupigi matou adu ubada thamoi penjaramde,
“Karino touramliba matou ashibu emagi leishembi.Hougatlo emada nanggi thamoida lottuna thamliba washingdu emada tamlammu.”

Manina paikhombagi mama mapada thokkhiba ashengba warishing adu liduna khanghanlammi houjikti leibak miyamna leishembibu mapuroiba ningjabi thouna phabi nupi ama oina lounarammi.
Ningthou shanajaobashu wari adu tabada thamoi shoklammi.
Numit ashidagi ningthou shanajoabana leishembi amadi paikhombagi uki murti ama shaduna thamlammi.
Ashumna churon sharon phaobana leishembigi thouna phaba mapuroiba ningjaba ashi shonnaduna leihouwe.