Matam amada apikpa khungang macha amakhakta yamna lairabi lukhrabi mama macha anikhak leirami. Lukhrabi adu chahi yamna nouribi mou nahani aduga mahaki mamingna shana haina kourami. Mapuroiba adu nongma shing chanba chatlubada ching ningkhairakpadagi leikhiramde maram aduna shana mahaki chahi 6 ta shubada ngairibi macha nupi thajaga punna mapuroibana thambiramba apikpa khangpok aduda leirami. Shanasu mapuroibana leikhidrabanina macha nupi aduga makhoi anina hingnabagidamak keithelda thoktuna mana mashing yonba houraklami. Mamana keithel kakhringei piklibi thajadi makhoiga yumthangnana leibi mahakasu yamna lunna tinajabi mata erika shanaduna adumak leiminarami. Erik mama thadoinasu thajabu machada machagumna yamna nungshina amadi lunna toubirami. Nongmagi numitni shana ayuk nganna houduna machagidamak chak thonglaga pijabiramlaga mahak keithel kakhre. Mahakna chatlamdaida mata thadoibu kouduna hairake “hoo eta thadoi ei keithel karukhigeko echa thaja ashe matomda leihourabani etana khara yengshinbiramo.”

“Hoi hoi eta ei leirishidi karisu waruno nangi keithel chatkadaba adu chathokluro adugane potshit adu yamna fabasu oirakohh.”

Shanasu hoi hairamlaga chatkhre. Mashidagi thadoina thajabu makhut shambiduna makhoida puraklami. Aduga hairake “thaja nangbu noi emana chaka pijaramlabro.”

“Umm endomcha pijaramle adu eta erikti kaida chatkhrage.”

“Leiye leiye madine emungda shanahouri lakohh nangsu emungda changlaga nataga shanaminararo. Adugane ngasidi eikhoigi nga thongliye. Adunane huren nga ashe thongba loiraga nataga amuk chak adu punna chaminouko.”

“Hahh nga thongii haiba eshh adudi yamna haonibu endomcha.”

“Umm haoduini haiduino lakohh lakohh emungda changlashi lakohh.”

Ashi haiduna thajabu emungda pishinbiduna macha nupi erika shanahalami. Aduga thadoidi chakhumda adumak changkhre. Erikna mata thajada mahaki ngarangta leiraklibi laidhi adubu utuna hairake “eta thaja yengo tuu shigi laidi shee eikhoi emana ngarang keitheldagi leirakline fajadra yengune.”

Thaja laidhi adu ubada yamna pamjarami. Mahakisu mata eriki ashigumba laidhi amatang leijarabadi yamna nungaigani haina khanjarami. Mata thajana mahaki laidhi aduda mamit kuptaba makhei yenglaga leiba adu ubada erikna hairake “eta keidourage eigi laidhishe fajadrabo. Eidi eigi laidhi ashe yamna fajei yamna nungshi haina khanjaraga nangnadi fajadraboba eta.”

“Humm adui natiye eta nangi laidhi ashe yamna fajei aduna einasu pamankhraduna yenglibani. Adu erik nangi laidhi ashe eisu ngaihaktang paijageba eisu yamna paninge nangi laidhi ashidi eisu yamna shananingeba.”

“Umm shee paiyo eta adu nangne shigi laidhi shidi nangi oibadi yaroiko aduga noida pukhibasu yaroi . Mashidi eina yamna nungshiba eta laidhine aduna nangna shanage hairasu eikhoi yumda leiringei matamda khaktang shanou huren nangna chatlamdaida amuk piramu.”

“Umm hoi eta ei keisu puroida shida noida leiringei ngaihak paige toubani.”

Ashumna thajana eriki laidhi adubu paijaduna yamna haraona shanarami. Ngaihak leibagadi thadoisu chak loiraduna macha anibu chak charashi haina kouba laklami. Aduga thaja amadi eriksu chakhumda changduna makhoi punna chak adu chaminarami. Ashomdasu shana mahakti mabuk mapao yamna fabi nupi ama oibana enshang mana mashing leiba laklibi miyam adunasu mangondagi enshang adu ayamba leirami. Matou aduda shanadagi hanna enshang yolambi nupishing adudi yamna saoninglami. Makhoina shanada mamit adu feina feina yengduna ashumnasu hainarami “eche eidi mashigi lukhrabi ashe ubada khoidoushe pangsaoda saoningeda tourishe. Kari maheibu paibano khangdene enshang mana mashing leiba lakliba miyam ashe pungshum hek shumduna magi manakta loina chingshinkhi haibanemi.”

“Aduni aduni eisu kari laiwabu paibano haina khanlibano . Hahh eidine ngasaidagi ayuk nong hek nganbadagi famlakpabu khulangkha faoba koudri wane. Shumaina ashum tourabadi eikhoi chara henduna shiba tare. Adunane kari karino eikhoisu upai amatangdi yengshine noibu.”

“Adu eche eina khanbada upai amadi leire mashigi shana haibi nupi ashe ngarang nahanta ngairi mana keithek thoraklishe aduna madi karisu khangjaba nate. Mabune eikhoina tat touduna ahh kadaidano kachin koya amada mina pakna uroidaba mafam amada famhankhrashi.”

“Yaiye yaiye aduna farani lakohh adudi eikhoi mayam punna hekta houduna mabu tanthokhrashi.”

Ashi hainaduna enshang yonbi nupi khara ama shanagi manakta changshinduna hairake “haii shana nangne ngasidagi mafam ashida potfam famba yararoi. Nangna famge hairagana tuu ahhgi machi ashida oina famluro.”

“Ehh keigino eche eina ashida fambashe keidouba yaorage .”

“Haii mafam ashe eikhoigi mingda leiba mafamne nangdi ngarangta thorakpani khanlaga eikhoina nangbu mafam ashida nungaitaduna famhanbani. Adubu houjikti nangne mafam ashida famba yararoi aduna chatlo nangi pot mayam ashe yomlaga ashigii machi ashida famluro.”

Shanasu wa amata haijaba ngamdana tuminna magi potcheishing adu yomlaga kachin amada chatuna famkhi. Ngaihak leibaga ahal oirabi hanubi ama laklami. Mahakna shana adu enshang yonduna leiramba adu udabada manak aduda thamlibi nupishing aduda hairake “hoo ebema hoi shana adubu ngasi keithel karaktabro. Magi potfam ashe ehang hangliba ashibu nate mabu ngasi laktabrane echasa .”

“Hoo ene keigino enena shanatabu thiridubu eikhoina yolibashisu tagat tagat tekpa mana mashing ngaktani. Aduna shana adu thirudrabasu eikhoidei oina adum leiro lakohh. Aduga mamalsu hongna pige.”

“Ahh ebema noine shaodi saonu noidei potchei leiba ashe eikhoidi thawai ashe erum lumjadene. Noinadi shel ashukini haina pot adu pirakani aduga huren yum youragana pot adu khajiktang hekta oirami. Aduga mamal mathumna marol ama ngangnaba nungaitriba eshou erangna marol ama kanariba aduna eikhoidi noidei pot leidouba talline. Aaa aaa shanadi ashomda oina famkhra mallene . Ahh ebemahoi noi saonuko eidine shanadagi oina leirurage.”

Ashi haiduna lakliba mayam adu shanagi manakta oina hekta chatkhi. Makhoigi matou aduna potfam fambishing adu shanabu ura uraga henna saoninglami. Adubu makhoi handakti shanada karisu haiba ngamlamde. Numit adugi numidangni shana mayumda halaktuna macha nupiga maga chanaba chak thongduna leirami . Matam ashida thajadi ngasai eriki laidhi adugi wakhalda khanduna leirami. Mahakna mamada magisu laidhi amata leibiyu haina haininglami . Adubu mahak apikpa angang ama oijarabasu gyan yamna taba oibana mamagi mafamda shel leiramloi khanbadagi mamada haibadi ngamlamde. Ashumna chak adusu loiraduna mama macha ani chak adu punna chaminaraga tumnakhre. Numit adugi ahing adumaktada thaja mahaki mamangda yamna fajaba laidhi amana mahaki manakta laktuna ashumna hairaklami “eta thaja nangbu eishe yamna pambrane. Eikhoi anishe mapu mahakna tambiduna thengnou haina tambiri aduna ekui kuidana ei nangi nanakta lakladuine nang eibu ngairamuko.”

Ashi hek haibaga laidhi adu yamna akibagi shaktam oiraba angang macha amagi shaktamda onthoraklami. Matou aduda thajasu ema haina yamna kanna laoraga tumlambadagi fuk laona hougatlaklami. Machagi matou aduda shanana machabu pamkhatpiduna mathada chetna konshinlaga hairake “ebema keidourage nangbu ema leirishidi shee kiganushe ema leiye ema leiye.”

“Ema ema ei yamna kire eigi mangda eiga chahi lenga oigadabi akibagi mashak oirabi angang amana eingonda kari karino akiba wafam mayam ama hairame.”

“Shee shhee kirunushe ema leirishidi mang haibashidi mangnidana echashidi karisu khanluno . Madunane taibangda oirakpa keisu yaroi nangnane ngasai shana khotnabada akiba khara thengnaramgani. Aduna nangi namang nahadasu akiba adu uriba oirine. Yarese lakohh emanane konbirage aduga tumlaro lakohh.”

Ashumna machabu themjinbiduna makhoi ani tumthakhre. Mathangi numitasu shana adu machabu chak pijbiramlaga mahakti keithelda adumak kakhre. Aduga thajasu hanagi matougum erik hoida mahakpa punna shanaminaduna leirami. Numit adudadi erikna mahaki laidhi adu thajaga shanaminaba aduda puthoraklamde. Adubu thajadi eriki laidhi adu ngasisu paiduna shananinglami. Maram ashidagi thajana erikta tapna hanglake “eta erik nangi ngarangi laidhidudi ude kaida thamkhrage.”

“Laidhidudi eina eigi famungda thamlame.”

“Adu eta ei ngasisu nangi laidhi adu ngaihaktang paijage.”

“Humm yaroi eta nang eigi laidhi adu pairanu ngarang nangna eigi laidhi adu pairambada eigi nungshibi laidhi adu motlaga leirami. Aduna nangnale ngasidi eigi laidhi adu pairanu. Eidi eigi laidhi adu yamna nungshi aduna kanadasu paihaningde kanagisu oihaningde. Aduna nangsu eigi laidhi adu paige hairaklanu.”

Thajasu mathwai adu yamna nungaitana tuminna leirami. Ngaihaki matungda thadoi adu makhoi anina shanariba ka adomda changlaklami. Mahakna thajagi matou adu ubada tapna hanglake “heima thaja nangbu kari tourage tuminna leiradi. Natana shanariba ashisu yaode nate nangbu nasha adu nungaitabro.”

“Humm keisu toudeda endomcha.”

“Ngaikho ngaikho endomcha wa haigeshe karigino nangna tumina leiridubu nangbu chak lambraba. Natraga kari tourageba shee endomchada haiyushe.”

Adubu thaja wa amatadi nganglamde. Tuminna mamai adu nonthaduna leirami. Mashidagi mahakna erikta amuk onshinduna hairake “haii erik nata ashibu nanga khatnaribra haime. Karigino fajan fajana shanaminaba yadabro nangbu.”

“Ema eidi mangonda karisu haikhiba leite aduga ebani khatnakhibasu leitiye. Adu mana ngasai eigi laidhi adubu paige hainadi haikhibani. Adubu eigi laidhi adudi ngarang motlaga leiramba aduda ema nangna ngasaida shubikhriduni aduna paiba yaroi hairuba khaktani.”

“Ehee adugi oireko shee thaja endomcha wa haigeshe natagi laidhi adudine mahakna yamna pamjaba aduda eina leirakhibani. Adunane nangsu magi laidhi adu pairurano adugane tuu ashida natana shanariba atopa shanapotshing ashe ashi oina shanaminaroko.”

Ashumna thajabu themjinbirami , numit adugi numidangni shana machaga makhoi anina chanaba chak adu thongna thongna machada yenglaga hairake “ebema nangbu ngasidi nataga khatanarakpro karigino nangna nathwai adu nungaitana leiriba adubu.”

“Humm karisu toudeda ema.”

“Ahh adu hayengdi nangi napok numitni. Aduna emana hayeng keithel hanlakpada echana pamjaba karigumba amadi leibirake khanlli. Aduna echana apamba potshak amatadi haiyuna madubu emanane nangi napok numit adugi khudol oina shoidana leibirake.”

Thajasu matang chare khanduna maithong adu maka lamnna mamada hairake “ahh ema adudi eigisu laidhi yamna fajaba amata leibirakohh. Eisu eta eriki laidhi adu yamna pami aduna magi adugumba laidhi oina shoidana leibirakohh.”

“Ohh laidhi haiba umm umm hoi hoi emanane nangi laidhi fajaba ama hayengdi shoidana leirake. Adu nangi laidhi adugi fijol adu machu ama hekta yarabro nangbu.”

“Umm ema eidi angangba machugi fijol setpi laidhi oina leibirakohh. Eidi angangba machushe yamna pamjei.”

“Hoi hoi emanane hayeng shoidana leiraklage. Adu lakohh chak ashe chathoklashe nanggsu chak lame haidine aduna chak ashe nabuk adu thanna chathoklaga tumthoklo. Hayengdi emana echagi angangba machugi fijol setpi laidhi adu fangnaba koithi thiraga hekta lairakladabani.”

Ashumna thajasu numit adu yamna wakhal nungaina chak adu chathoktuna tumlami. Ashumna mathangi numita shana adu keithelda mahakna yolliba potcheishing adusu laibak fabadagi yamna nganna loinamak shitkhirami. Aduna mahak magi potfam adubu loishinlamlaga potfam fambishingi marakta chang changduna macha nupigi angangba machugi fijol setpi laidhi adubu koithi thirami. Adubu laibak thiba haigadra madhao yadaba haigaduira numit adudadi aduk chaokhraba keithel aduda laidhidi amata yonba thengnaramde. Mashidagi mahakna angangshingi shanapot yonbi hanubi amada hairake “ene keigino ngasi ashibu laidhiga amata yonba udrishibu enegi ashisu laidhibu yaoda mallene.”

“Ahh ebema eikhoida laidhi tuduna yonlambi nupi adu masha kanna ngamdabadagi mahaki laidhi turaktaba nongma nini shurene adunane nangna laidhi amata leige haiba fangdrido.”

“Ashh kamdouni adudi eidi eigi echa nupigi mapok numit ashigi khudol oina laidhi amatang leiraga pibige toubani. Mahaknasu angangba machugi fijol setpi laidhi amatang leibiyu haina yamna kanna haijahoubani. Adu ene ashida nataba atopa leidhi yonfamgadi leitabro.”

“Ahh ebema keithel ashidagi makharomda khara chatlaga amadi leibani. Adu mahakna yolliba shanapotshing adudi ahanbadi amata nate. Mina pamdre haina langthorakpa shing adu mahakna nouna amuk shemjinduna ahanbagum olhanlaga amuk yonbani. Nangnabu laidhi adu leidaba yade hairadi mangondadi laidhidi shoidana yaoramgani.”

“Ohh adudi ene ei mafam aduda amukta chatuna yenglukhige. Einane ngasigi numit ashida laidhi amatang leikhidrabadi echa nupi adu yamna mathwai nungairaroi toubani.”

Ashi hairamlaga shana nupi aduna taklamba mafam aduda laklami. Potfam adu hanuba ahal amana famlami . Aduga laibakna faribasu mangondadi laidhi mayam ama marang kaina yaoraga leiramle. Mashidagi shanana yamna haraona changshinduna hairake “khura laidhi amata yengjageba.”

“Ahh yani yani ebema ashida yaoriba mayam ashidagi nahakna apamba ama hekta khallo.”

Mashidagi shanasu macha nupina hairakpa angangba machugi laidhi adu yaobra haina yenglami. Matam aduda angangba machugi laidhi amakhaktang yaoramle. Maduda mahakna makhut thinduna hairake “ehh yaore yaore khura tuu ashidagi tonganna thamliba angangba machugi fijol setpi laidhi ashe ashi oina loujarage.”

“Hahh ashigi laidhi ashe.”

“Umm hoi khura kari tourage khurana epa pakhatpa douna touridubu.”

“Hahh humm keisu toudeda nangna mashak matou yamna fajaba laidhi ama khanlakpa ashida eina ashum ngakpanida. Ahh shee shee shida leireshe.”

“Adu khura laidhi ashigi mamal ashibu kaya oirabano.”

“Ebema shelyek ahumdang hek pibiramo.”

“Hoi hoi khura shida leireshe ashh khuragi laidhi ashidi fana marol ama fajariba aduga mamalsu yamna hongi. Aduga eikhoi keithel ashida yolliba laidhishing ashida fajabasu pakna yaode aduga tangbasu yamna tangi.”

“Umm hoi hoi ebema eidi angangshing ashina pamna shanajaba aduna apenba oiradu makhoigi shanapotshing ashe hongna piribani.”

Ashumna shanasu machagi laidhi adubu puraga mayumda yamna haraona halaklami. Numit adu thajadi mama lakpa adu ngaingamde. Thongalda cheptha chepthaduna mamabu lakpa ngairaga leirami. Aduga mamana keithel kumlakpa adu ubada yamna haraona hairake “ema nangna halaklabro.”

“Umm halak aaa halak aaa shee shee emanane nangi laidhi adu leirakle.”

Ashi haiduna laidhi adubu macha nupida pibirami. Matou ashumna numit adudagi houna thaja mahaki laidhi aduga shanadunata leirami. Mata eriki mayumda chatlavasu mahakti magi laidhi aduga wari shanaribani maga punna shanaminaribani haina adumak touraga leirami. Numit humni marinidi thaja adu karisu touramde mahaki masha aduda ahongba karisu leiramde. Adubu mangani shuba numit aduda thajagi laidhi adu karigumba ahongba thabak khara touba houraklami. Shanadi nong hek nganbaga thabak chathokpanina mahakti karisu khangba ngamlamde. Adubu laidhi aduga matam chupada loinaduna leiribi thajanadi mahaki laidhi ashe mawong ama etou touwi haiba adu khangba houraklami. Laidhi aduna ka amadagi amada mafam hong hongduna leirambasu thajana thengnarami. Numit adu thajadi mama leitrabasu mayumda oina magi laidhi aduga shanaduna leirami. Mashidagi thaja adu eshing yamna khourang lakpadagi mahaki laidhi adu makhoigi mangolgi machi amada thamlamduna mahak chakhumda eshing thakpa changkhirami. Adubu thajana chakhumdagi eshing thakpa loiraga thorakpa matamdadi mahaki laidhi adu mangoldadi leiramdre.

Matou aduda thajana epa pakhatna hairake “ehh eibu houjikta eta laidhi adu mafam ashida thamlambanida . Nate kana kanaga laklamba jatno eisu yamna kuina emungda leirakpadi nate aduga eigi eta laidhi adu kananabu pukhraba jatno khangde. Ashhh humm eta erikto eikhoidaga tuminna laklamba jatlane mana eigi laidhi ashi hek ukhibadagi manasu magi laidhi adudagi eigi laidhi ashina henna fajaba henlli haiduna eigi ashida mana paigadabagi shanagadabagi hotnadunata leibani. Aduna maga tumina laklamlaga eigi laidhidubu puraga chatkhra jatlane.”

Ashi khan khanduna emungi kashing adudasu changduna magi laidhi adu koithi thiba houraklami. Adubu mahaki laidhi adudi magi famung mathak aduda hiptuna leiramba adu mahakna thengnarami. Matou aduda thajana laidhi adubu pamkhatpiraga hairake “ete laidhi eidi nangshe thiba khangdre mangkhre haina koithi thiruri aduga nangdi shida nungaina tumlaga leiramliboire. Nangbu tuminglabro tumingladi eiga punna hek tumlaga loire lakohh tuminashi lakohh.”

Ashi haiduna magi laidhi adubu konduna tumkhirami. Matam ashida thajagi manglanda onthokpa mang amakhak manglami. Mahaki manglan aduda mahaki laidhi aduna mangonda ashumna hairake “eta thaja eidi nangbu yamna nungshi aduna ngasidagi eikhoi ani amata oina loinaba hourashiko. Mikup amatasu ebani setoknagumshi. Matam chupada nangsu eiga loinadunata leiyuko. Karigumba nangna eibu mirairaklabadi eidi nangonda yamna saogani. Eina saorakladi nangbu eina hatpa ngamlakani aduna nang eibudi lunna touko eta.”

“Eta laidhi karigi nangbu luna touroideino. Adu ngaikhone nangdi laidhine nangnabu eishe kamaina hatuinone.”

“Eta nang eigi ashengba shaktam ashe uningbra.”

“Keino eta nangi shaktam ashidi eina uraga adum leirishidi . Shidagi henba nangi atopa shaktam amasu amuk leiribro haishe.”

“Umm lei nangna uriba adudi eigi mapanthongi shaktamni aduga eina houjik nangonda uhangaduishina eigi ashengba shaktam aduni.”

Ashi hairaga laidhi adu thajaga chahi lenga oigadabi angang nupi macha amada onthoraklami. Aduga anganh adugi shaktam adu hainingai leitana akiba faorami. Mahaki maithong adusu machet machet loinamak kairami. Mahaki makha thangbagi chinban adusu kengadabdi tharak tharak yanthaduna leirami. Aduga magi mamit ani adu mushin muna mamit adu amata yaodaba manba makhei thajada munna yengduna mangonda khangchong chongshinlaklami. Matam aduda thajasu kiboi khangboi mikap khangthok thokraklami. Aduga mahak mikap hek thorakpadagidi thaja adu puhong hongkhre.

Mahakna mahaki laidhi adu mata amagumna wari shanaba makhoi ani famninaduna mai mai onshinaraga karino khangdaba murum murum shonbana chingba kaya ama touba houraklami. Matam ashimaksu ahingi matam oirakpana shanasu keitheldagi hanjinlaklami. Mahakna emungda changlakpa matamdadi macha nupina masham adu efa faba makhei magi laidhi adumaga touramliba fibam adu ubada shana khangprek hek khangi. Adubu mahak macha nupi thaja oiramba aduda tapna shor adu shangna honthaduna hairake “heima ebema nangbu amamba marak aduda kari touribani. Nate nangbu nahan makheidi nata erik hoida shanaduna adum leirambadaine. Aduga kari tourage ngasina natomda yum ashida leiramlishibu.”

Matam ashida thajana mamada khara saorapna mamit adu peina yenglaga hairake “ema eishe ethanta leiba nate eigi eya laidhiga leiminaribani eina eigi eta laidhiga leiringei atopa eta kanaga amuk leiminousho haino. Madugi erikto madi eigi eta nate madi eigi eta laidhi ashe yamna pambani mana eigi laidhi ashibu lougadabagi adum hotnaduna leiribani.”

“Hahh hoi hoi farese farese lakohh lakohh ema chak thongbirage adugane chak adu chathoklashiko.”

Ashi hairamlaga shana chakhumda changduna chak thonglami. Matam ashidasu shanana thajagi kadagi makhoi angang kharana koichen chenduna shanabagi khongthang makhol khara taraklami. Ahanbadadi shanana tarakliba khongthang makhol adu macha nupina chenduna shanabagini haina khanlambani. Adubu mahakna tarakliba makhol adudi angang ama khaktana chenbagi makhol nate haiba adu khanglakpadagi shana adu khara fingna macha nupigi kada changlaklami. Adubu mahakna changlakpa matamdadi macha nupi adudi ngasai mahakna leihouba adugumna magi famungda magi laidhi aduga wari shanaribani haina wa kaya ama matomda ngangduna leirami. Matou aduda shana adu khara ngakna hairake “ebema nangbu houjikta shwaidaga koichen chenduna shanarambro?”

“Eidi shanade eidi tumina famungda adum famlaga leiye adu eta laidhine koichen chelidudi.”

“Haii thaja nangbu ngaorabro laidhinabu kamaina chenduino madi misu natana madi shanapotnine shanapot.”

“Humm kanana eigi etabu shanapotni haiba madi eigi etani eigi eta laidhine.”

“Hoi hoi yarese lakohh emanasune chak loiramlabani chararo lakohhko.”

Ashi hairamlaga shana chakhumda changkhi. Thajasu mahaki laidhido konduna chakhumda prap prap chang laklami. Aduga mamana magini haina thiriba chakluk adugi mamangda famtharaga hairake “keino ema shidi eta laidhi eikhoi ani chaminaba konnaroi chakto kharaga hapakohh.”

“Heima keino nangbu nahankheidi eina hapliba chak adugi tangkhai faoba fana ngamdabadaine . Aduga keigino nangna ngasi chak okloi hapakohh hairidubu. Nate ngasisu echabu chak yamna lamlabro.”

“Ema eina hairishe eigi nate eta laidhigine magi saruk adusu eina punna chagaduine.”

“Hahh onthokpanidako emagi thaja nangshe shee shee emane haptadi haplageshe.”

Ashi haiduna chafudagi chak adu khara kothoklaga happi. Thajasu numit adumadi chak adu ashuki matik yamna charami. Magi matou aduda shanadu kharadi ngakcharami. Adubu mahak karisu thoinadi khanjinludre. Numit adugi ahing nongyaini shanadi keithel chatlubagi waga wabane mahakti magi famungda eshi shina tumduna leirami. Matam ashida mahakna macha nupigi kadagi kanagumba amana tung tung laona koichen chenba adu karigumba maramdana murum murum shonbagumna touba makhol kaya ama taraklami. Makholshing aduna shana tumba yadraduna tumina hougatuna magi famungada famlaga macha nupigi kada munna yengduna leirami. Matam ashida macha nupigi kada khanliba pardar aduda thajamuk chaoba angang nupi macha amagi mami taraklami. Ahanbadadi shanana mami adu macha nupigi oiraboi khalubani. Adubu mami aduda tariba angang adudi masham adu yamna shangbadouna tourami aduga makok adusu efa faii. Ahing nongyaigi matamga oibane shanadi masha adu kibasu faorakee. Aduga amuksu mathamoida khanjarami “keino shibu thajarane humm mandebu ei echa thajagi fibam murti yamna munna khangi. Adu karigumba thaja oiramlabasu madi ahing nongyai ashida kari touriba jatno. Hana mamangi matamdadi ashigumba matou ashe amuktasu thokhidri. Herraa shidi ei amuktang yenglubana chumganida.”

Ashi khanduna shana yamna kina kina macha nupigi kada changlaklami. Adubu mahakna pardar adubu haidoktuna yengluba matamdadi kanasu leplaga leiramde. Aduga macha nupi thajasu ningaidana tumduna leirami. Adubu thajagi laidhi adudi macha nupigi famangda oina taduna leiramle. Mashidagi shanana matomda ashumna shonjarake “keinone eibu houjikta shawaida angang nupi macha amana leplambagi mami takhibagum toukhibanida. Hahh eigi wakhalna oira jatlane hoida oirinida echa thajasu tumli emung ashidadi ma natana angang atopasu leiba nate aduna eina houjik ukhriba shing adu eigi wakhalna pangkhanda khanjinbadagi oirakliba oirini.”

Ashi khanduna macha nupigi laidhi adubu khungatpiduna machanupigi manakta thambirami. Mahakna laidhi adubu thamlamliba adudi faklanglom thangba nakan adomdani. Aduga shana adu macha nupigi kadagi thokhige hek toubaga karigumba potshak amakhak leimaida thup laona taraklami. Mashidagi mahakna mamai adu leithoklaga yengluba matamdadi tarakliba potshak adu macha nupigi laidhi adu oiduna leiramle. Matou aduda shanadi masha adu kibasu shum henjinlaklami. Mahakna laidhi adu kachinlomda thamlambani. Adubu matou karamna matai thanglibi macha nupi adubu lanthoktuna laidhi aduna taraklibani haina mahak yamna kiba wakhal kaya ama khanlami. Aduga mahaki khongthang adusu kibana tapna tapna thangjinduna famangda tariba laidhi adu khungadabagi touraklami.

Matang ashida shanana laidhi adu khungadabagi nontharakpa matamdadi thajagi kangkhada mushin muba masham mana efa faba mamit yaodaba angang nupi macha amana mangonda maya adu ehi higatuna yenglaga leiramba adu ubada shana khangprek khangduna hoo ema ei shiredana haina laoraga matung hannduna chenbada thongjinpanda mahaki makok adu shujinduna mahak khudak aduda wantharami. Mahakna laorakpa adu tabada thajasu hougatlaklami. Aduga mamabu wakhal taraknaba hotnarami. Adubu shanadi wakhal tarakmandraba aduda eshing louruge haina mahaksu chenge hek toubaga tamthiraba shaktam aduna thajagi hakchangda khangchong chongshinlaklami. Aduga thaja adu wakhal mangduna tariba mama shanada yengduna yamna houna houna noktuna jagoi shaba houraklami.

Matam adumakti nong ngamfung ngamfung tourakpa aduwaisu oirami. Aduga shanagi yumda lao khongba khara takhiba aduna makhoiga yumthangnana leiriba eriki mamma thadoi amadi mahaki nupa tomba makhoi ani adu shana hoida laklami. Aduga makhoina emungda changlakpa matam adudadi mama macha anina touramliba matou adu ubada makhoisu shwai laokhiba khanghoude. Aduga makhoi anina leikaigi miyam kouduna mama macha ani adubu laknarami. Mashidagi leikaigi ahal kharana tombada amuk onshinduna hairake “ haii tomba eikhoinane mama macha ani ashibu ashumna laknaduna leibanadi yararoi . Kanano eheiba maibara kanano amata kouroshoshe noibu. Makhoigi matou ashe lai oknaba gumba malli. Ebema shana ashishu houjik faoba gyan laktri aduga macha nupi ashina matomda pangchongda chonglaga mayagashe krak krak chiktuna leiriba ashe laigi oiba maram amagi natrabadi atei atopa maram amagi oiramloi.”

“Hoi hoi fagani khura nachane ahh awang thangbei maiba adu amukta kourukhige.”

Ashi hairamlaga tomba adu maiba adubu kouba chatkhi. Ngaihaki matungdada tombasu maiba aduga punna lakminaduna mama macha anida touriba ashe karino haina yamna kupthana lai khurumduna yenglaklami. Matam aduda khangle madudi oirakliba pumba laidhi adunani haiba. Aduna maiba aduna ehan hanna shanabu gyan tarakhanlami. Aduga shanada amuk tapna hanglake “ebema nangi khura wa haigeko nangna nachagini haina leirakliba laidhi ashibu kadaidaginone.”

Shanasu mahakna laidhi leirakhiba mafam adubu hairami. Maiba aduna amuk shor ashangba ama honthaduna hairake “hahh laidhi ashidi arai achamba laidhi ama nate. Mashidi angang nupi macha amagi thawai mirel adu yaoraba laidhini. Matam kuirabagi mamangda laidhi ashida yaoriba nupi macha ashe yamna kanna nabadagi shikhibani. Adubu mabu pokpa mama mapa ani aduna yamna heiba maiba maibi ama oibadagi macha nupi adugi thawai adubu kouraga laidhi ashida hapchinkhibani. Aduga mama mapa ani adudi ahal matam oirakpana adum leikhidre adubu makhoi anina macha nupigi thawai ashibudi laidhi aduda hapchinduna adum thamlambadagi ngasi faoba miral lamba ama oiduna leiribani. Adunane nakhoisu karigumba potshak amabu leiba matamda khara kharadi yenglaga leiyuko.”

Ashi haiduna laidhi aduda yaoriba angang adugi thawai aduna pamba potshak kharabu thadoktuna houjikti thawai adusu shanti fangkhirami. Aduga laidhi adubuna erolnungda maiba aduna puduna lanthakhre. Matou ashumna shana amadi macha nupi thaja ani adu hanagum karisu toudana aki tujungbasu amata yaodana hingkhirami. Aduga thajasu handak thokhriba thoudok adudagi mamada laidhi leibiyu shanapot leibiyu hainasu amuk hanna haikhidre.