Thaina yamna chaoba leibak amada enak yamna khunba loumi nupa feijao kouba ama leirami. Mahak ashe enak ashuki matik yamna khunlami. Leibak aduda leiriba loufam amadi engkhol ayamba mahakini maram ashidagi mahakna mi mayam amabu shel pidune neklaga mahaki loufamda thabak shuhanlami. Feijao yuu bu yamna pamjaba mishak amani aduna mahakna fanglakpa shel ayamba yuu thaktoktuna aduga nupi mayam amaga loinaduna arembada shel mayam adu loinamak chading touthoklami. Feijaona enak khunle haibadungai mahaki nupi thambal amadi macha nupa ngamba anigini haibada feijaona karisu toubiramde. Makhoigi chanaba cheng chak faoba pibidabana maram oiraga thambal keithelda manamashing yonduna pikliba macha nupa ngambabu yokcharami. Matam amadadi feijao ashe magi nupi angangidamak yamna khanjaba mishak ama oiramkhibani . Adubu mahakna yuurai chenlakpa aduga oktabi nupi kayaga loinarakpa ashidagi mahaki nupi angangbu miraiba houraktuna houhikti mahaki mafamda magi nupi angang adu mitop amaga chap manakhre. Nongmagi numitni feijao mahaki loufamshing adubu yengshinlamlaga hanagi matougum yuu yonba oktabi mayam ama leiba mafam aduda chatnaba haina shem shaduna leirami . Matam aduda thambalna mapuroibada hairake “makhoi pabung ngasidi wari amata shanakhishe.”

“Umm kei warino ei matam ashe thengle nangna haidouba adu yamna thuna fat fat hairakohh.”

“Makhoi pabung ema echa ashibu nangi nupi angang natrabaro nahakna eikhoigidamktani haina cheng khuya amafao khaidoktuna pijabidrishe keigino. Epuroiba enak khunba amagi nupi eina epuroibagi mafamda lamlanbi mashak khangdaba mitop amagum leihanbirishe keigino. Aduga nangna enak khunlabasu eina keithel thoktuna echa pishak ashibu thaknaba hotnari. Nate mashi pumnamak ashibu karino makhoi pabung. Makhoi pabungi kari karamba thamoino adubu karamba wakhalonno.”

“Madu haibagiro nangna thabak chatkadaba eishe faraga thamlishe hahh. Eina tourishe nangbu nashana wakhal adu tajadabro nakhoi nama nacha ashe eina nungshidre pamdre haina eshagi nungainaba lambini eina thirishe khanglabra. Aduga nacha nupa ashisu eigi echara migi machara khangde aduna mathong maram khangdaba nakhoi anigidamak eina keidoubei eigi eral ethum ashibu khaiduna shijinahangaduino. Chathok ohh chatlo ei thabak chatke eingonda yamna yetlakanu. Nangnane wafam ashida hanjin hanjina chagat chagat shum nganglakladine nama nacha yum ashida leiba faoba fanglakloi. Aduna migi shaijin shayada nap hadana napunshi adu leningdradine tumina adumak ngamna ngamnaba hotnaraga hingo ngamdragana huu chagera thouri yangera touraga nama nacha nakhoi ani puna hek shidokho. Maduda eina karisu nungaitaba ningamdaba touroiko.”

Ashi hairamlaga feijao shel mayam amabu puduna yuu yonba potfamda chatkhi. Mapuroibagi matou aduda thambaldi mathwai yamna nungaijaramde. Matam khara houkhre houjikti feijaogi lamchat sajati ahongba karisu leitri . Hanagi matougum mahaki shel ayamba yuu amadi nupi mayamda thadaduna nungaithokli. Nakan amaromdana thambal keithelda nungtigi kaduna yamna kanna hotnaduna machabu yokcharani. Ngambasu houjikti angang pungkaksu chaoraklaba oibana mapana mama macha makhoi anibu thina toubiba aduga miraibiba mayam ashe mahaknasu mathwai aduda yamna nungaitaba ama faojarami. Aduna keithelda mana mashing yonba chatnaba haina shem sharibi mamagi mateng pangna pangna hairake “umm ema ashigi mana mashing mayam ashibu ema natomdana loina keithel tamna puba ngamduiro. Eisu khara paibiraga emabu keithel faoba thidorakpige ema.”

“Humm yaniye emagi ebungo emane adum pukhigeda huren echana amuk natomda yumda hankhiba adu emana keithelda leifam chafam khangoiye.”

“Adu ema mana mashing mayam ashe loinamak sitlakladi faniko.”

“Umm adumainabu loina loina shitkhradi ema echana karigi wajaruduino.”

“Hoi ema adu ema ei keinomta hangeba.”

“Keino hango.”

“Ema eikhoi paba ashe enak ashuk yamna khunlaga ema echana ashuk wana hinglishe keigino. Keigino pabana ema echa eikhoi anibu ashuk yamna nungshidrishe. Migi mapadi mahakdouna toude. Lairajarasu migidi makhoi makhoigi mapa aduba ngamnaba hotnaduna magi nupi aduga machashing adu nungaina thambi aduga eikhoigidi pabasu shel mayam ama pairini adubu mahakna pairiba shel adudagi shiki ama faoba khaidoktuna ema echagini haina pibidrishe keigino ema.”

“Emagi ebungo emasu nangi napabungi mawong matou ashe karibu haigadabano khangde. Matam amadadi mahak ashe ema echabu yamna lunna toujarakpani. Adubu mahakna shel mayam ama paikhatpa hek hourakpadagidi napabung ashe yuuda ngaoba hourakhi aduga lamchat chumdabi nupi kayaga loinabagi heinabi leirakpa ashina houjikti napabungda ema echagi mafam amata leitra malle. Einasu napabungda fana haijaduna yenglabani adubu napabungna ema echabudi nungshibiba ngamdre. Adubune emagi ebungo echagidamaktadi nama ei leirishidi emanane kanna hotnaduna echagidamak karisu wathanloiye.”

“Ema nangshe kayada faribano eishe ema nangi nacha oina pokchaba ashe laibak yamna feiko ema.”

“Hoise hoise farese adu emasu keithel chatlukhige nangne yumda lengdana adumak leiramuko. Adugane napabungna huren halaklaga ngangba cheiba tourabasu nang karisu khumganuko emagi ebungo.”

“Hoi ema ei keisu khumloiye.”

“Umm umm echadi maram mokpani fare fare aduudi ema amuk chatlukhigeko.”

Ashi hairamlaga thambal keithelda chatkhre. Ngambasu mamana hairambagi matung enna yumda adumak lengdana leirami. Ngaihaki tungda ngambagi leikaigi mamanaba khara makhoida laklami.”Ngamba ngamba lakohh eikhoi punna lampakta shanarushe mi mamangi dada nanao hoidi loinamak shanahoure eikhoisu shanoushe.”

“Etao noi saorano nakhoi oina shanaruro eidi yumda mishu amata leite aduna shanaba adu konna oina yaorage etao.”

“ Ashh adudi eikhoi anisu nang yaodradi makhoiga shanaminabadi talle. Adu farese noigi yumshida oina eikhoi ahum shanarashi.”

Ashumna hainaduna ngamba amadi mahaki matao ani aduga punna ngambagi yum aduda yamna haraona shanaminarami. Tanja aduda feijaosu mahaki loufamdagi halaklami. Mahakna macha nupa ngamba amadi magi marup anina shanamina duna leiramba adu uraga yamna saona hairake “ haiii kana kanagi machashingnone eikhoidaga shanaraga leiramlishibu. Haii ebungo nakhoi anine nayum nayumda chatnaro chatlo. Adugane matung manaodi eikhoidaga lakanuko aduga ngambagasu nakhoiga shanaminaba yaroi khanglabra chatlo chatlo nayumda chatnaro chatlo.”

Angang ani adusu feijaobu kijabana yamna thunamak mayum mayumda chenakhirami. Makhoi anina hek chatkhibaga feijaona ngambagi mana adu paiduna yamna kanna chingthatuna hairake “ khangbra nang humm karigino nangna yum ashida migi machabu pushinlaga shanaribadi hahh. Yum ashida nangna kushi rashi touba yabro hahh namagi lamchat adumakni nangna louriba ashe aduna afaba thabak amata touraktene hahhh nang houjik hatokohhra hahh hatokuhhro.”

“ Ahhh ayo ayoo ema paba ei lanjare ei matungda amuk hanna shanararoiye aduga yum ashidasu eigi etaoshingduna laktanaba ei haijarage paba ei yamna nare eibu thadokpiyo paba.”

“ Karigi naba ngasaina ashumaina fuba ashe nai haiba adu ningshingdabro hahh noi nama nacha ashida shikhradi khara wai shangladoubani. Chatlo kaidano yenakhadara keinom leirusho . Ei thabak chatkaduribani eina firol loishinlaga thorakpada eigi emangdaga leplaga eigi dhao thatlaba nakhouri charam adu metkhairaga hatkadabani khangni.”

Ngambasu yamna kina kap kaptuna makhoigi yenakhada chenshinduna tumina famlaga kaptuna leirami. Aduga feijaosu mafi adu nanna setchinlaga adumak chatkhre. Ngasaidagi mapa machana touriba adu makhoiga yumthangnana leiriba ngambagi makhura amanasu loinamak urami. Mashidagi mahakna feijao chatkhiba adu ubada ngambagi manakta laktuna ngambabu thembirami “ ngamba ahh she shee yarese tokloshe kaplanushe echashidi nangi pabana nangidamak fanaba haina touribani maduda adumna warouraga kapa hounadese. Adugi saruk pudine eina eikhoigi loubuktagi pungdon amunba mayam heklakehh shee mashi chaothokuhhshe.”

“Khura eikhoi pabana eibu ashuk yamna nungshidrishe keigino khangde eidi yumda adum tumina leijabani aduga eigi etao anina shanaba houba lakpadagi makhoiga shanaminabani. Etao ani adusu kiduna chenkhre makhoigi khanbadasu ei yamna nungaite hayengdagidi etao ani adusu eigi enakta amuk hannasu lakadaba mandre.”

“Haii angaoba karigi lakloidrino madubu nangi naralo nangi natao ani adunane nangbu yamna nungshiba marup amani haina khanbamakta oiradine makhoina nangbu karisu lanna khanlamoi.”

Matou ashumna numit adu houkhre feijaogi okchadaba matou aduga mahaki minungshi yaodaba matou aduna leikai miyamna magi maramda machi machi khudingi wari shanabasu houraklami. Aduga mahaki loufamda thabak shuba yaoriba mioishingna faoba mahaki nupi angang adugidamak khandaba yamna nungainadaba faorami. Aduna nongmadi feijaogi loufamda thabak shuba yaoba ahal amana feijaoda hairake “ahh ebungo feijao nangi khura ngasidi nangonda wa khara haigeko eina haigaduriba ashe eihak ashe khun leikai ashigi ahal amani haina khanduna haibaniko .”

“Khura kari wafamno hekta haibiyo.”

“Ebungo nangna nangi nupi angang aduda aduk yamna tathi taoina toubiriba adubu chumbrane. Nate emou thambalgi mama macha adunabu nangonda kayamuk kaiba thabak tourakpagino nangna adumna makhoibu enthokpiriba adubu. Ahh nangsu nupani hoi ngaogadabani langadabani madu fana oidunasu nahakna nangi hek nupi angangbu miraiba adudi chumdedana ebungo.”

“Ahh khura wafam adugi oiradi khura hoina thoina khanjinbirunuda. Madudi eigi emungi oiba wafamni aduga eina eigi nupi angangda ngangningba cheiningba aduga touningba toubada khura hoina yengshinbagi thoina mathou tadabra haina khanlli.”

“Ahh hoi hoi nangna hairidubudi achumba wafamni eikhoigi ethoubudi tade adubu khungi ahal lamanshingna yaningdaba thabak tourabadi nangsu hayeng khungi ahalshingna cheirak pirakpadi yaiko. Aduna nangsu nangi nupi angang aduda khara ningthina touhaningbagi chumna haibaniko eina maduda nangna lanna louganu.”

“Hoi hoi khura ei keisu lanna loudeda aduga khura hoisu matungdadi ashumaina eikhoigi emungi maramda yamna awot apa shabirakanu. Haibadi hanuthang aduda ekaiba chopa nangani haijariba ahh fare khura mayamna thabak shuriba ashe yaobiruro.”

Ahal adusu ekaiboi keiboi magi thabak adu shuri. Matam aduda ahal adugi manakta naha khara amasu changlaktuna hairake “khura mashigi feijao haiba lamlaki shaga pangkhak oiraba nupa ashidabu karigi adugumba afaba paotak adu pibirurino wa manglaga toknabani. Mahakti mi manbei wani khura ashengbadadi mahak ashe mi natene shanine shaa. Aduna khura eikhoisu mahaki makhada thabak shubanina washu kanna hairuba yaba nate aduna eikhoigi ethou aduda adum shunaba toushi.”

“Hahh ebungohoi noina hairidusu yamna chumi adubu einane emou thambal amadi eshu ngamba anigi matou adu yengba ngamdraduna chumnadang hairubani. Adubu fare mashigi washi toklashi eikhoishe thabak ashe shunaba tourashi.”

Matou ashum touna matam khara houkhre houjikti feijao adu mashak matou yamna fajabi miyamna ngaonabi lamchat chumdabi oktabi nupi amaga yamna toina toina loinaba houraklami. Aduga oktabi nupi memtonasu feijao ashe enak yamna khunli haibagidamak mahakpu themduna magi nupa oinabasu kanna hotnari. Aduga feijaosu memtongi fajaba aduna ngaokhibana houjikti makhoi ani achetpa mari ama thamba houraklami. Aduga matam ekui kuidana memtonsu mirolakpadagi houjikti feijao memtonbu mahaki nupi atonbi oina emungda pushinlaklami. Thambalsu mapuroibagi matou aduda fana yaningdrabasu mahaksu upai leitabana khudingmak adum khangduna leiba tarami. Aduga houjikti memtona yum aduda touningbadasu touduna nungaina hinglami. Aduga mahakna thambalgi mama machabu macheni machani hainasu khanba ngamlamde makhoibu yum adugi minai amagumna mahakna loinarami. Nongmagi numitni thambal mahaki keithel adu karunaba haina shem shari aduga hanagum ngambanasu mamagi mateng pangli. Matam aduda memton adu emungdagi hangam hei hei laona chanba makhei thoraklami. Aduga mahakna thambal amadi ngambabu ubada hairake “ashhh humm yahourakpaga lai fatabashing ashe khudinaduna leirame tourishe. Hee noi ani eina hougatlakture hairadi khara machi marumda hanjinaraga leiba yadabro. Nate noi nama nacha ani ashina tourishe thawoina eigi ngasidi dhao ashe thatke touribro .”

“ Enao keino nangna hairidubu eche keithel kage haina thorakpani aduga echa ashisu mama eigi mateng pangjaba khaktani. Mashida nangna aduk yamna lanna louriduna karigino nangi dhaobu kanana thatkene.”

“Eshh kari nangna adumainaga eina ngangba shakpada nachingadu khumba yabro nang khangni ngasi. Hoo makhoi pabung tabiribro amukta thokpirakohh nangi nupi ahalga macha ashigana eibu hatoure.”

“Hahh kari toure haibani kanana nangbu hatkadabagi touribano ei leiringei kanana nangi natu nama shokaduino.”

“Tuu nangi nupi ahal ashe ashina eibu sha shanda ngangba douba nganglakline.”

“Ehh kari haiba hee thambal keino memtona haishe hahh karino nang gumba amana mangonda adumaina haiba yabro.”

Ashi haiduna achum aran khangdana thambalbu fubirami aduga ngambabusu fubiri. Madu pumnamak ashi uraga fatrabi memtongi thamoidi penjarami. Ashum touna matam kharagi tungdadi memtonsu macha nupa ama fanjarami. Matam ashidasu memtonna thambalgi mama macha anibu otpa neibadi toklamde . Handagi houjiknadum khudup tara tara henna makhoibu tathi taoina toubiba hengatlaklami. Nongmagi numitni thambalgi mama macha ani adu leijadabana maram oiraga chak kharaga achamba shougri thongba kharaga chak adu mama macha punna chaminari. Aduga memtongi mama macha amadi feijaona haoraba sareng achouba ama thonglaba yamna haraona chaminari. Mashidagi memtonna thambalgi mama macha aduda yeng yengduna makhutkadu lek leklaga hairake “ahh haokhre haokhre sareng achouba thongbagi mahao ashidi chaba fangdaba minadi khanglaroi. Natrane echa ebungo khaba haotro emagi sareng thongba ashe.”

“Umm ema yamna haowibu eidi ngasidi ebukshe penba makhei chaduini ema.”

“Ahh ahhh chao chao echana chanabani pabana sareng achouba leiraklishe echada pijadradi kanadabu pijaruduino. Epagi leijaradi eral thum pumbasu echagi khaktani.”

Makhoigi mawong matou adu uragada pikliba ngambadi wakhal yamna nungaijaramde. Matamdi ashum houkhibana houjikti ngamba pakhang mapung fare afa fata pumba mashana lepchaba ngamle. Aduga mahak houjikti mabuk mapao yamna faba shuba nomba kanba mamabu yamna chetna ningjaba pakhang amasu oirami. Nakan amaromdana memtongi nacha nupa khaba mama mapana kethok mouthokna magi apanbada piduna maning touhanlakpa oibana houjikti yamna mi usitada yamna fataba ngaoshinaba pakhang ama oiraklami. Nungtigi mahakna mapabungdagi shel mayam ama nam namduna louraga yuu thakpokpada shijinarami. Mashidasu natana mahak nahanwai mapabungna touramba fataba thabak adugum nupi nahada shel mayam ama thadadunasu leirami. Mashi pumnamak oidunasu houjiksu memtondi machabu kankhatpa leplamde machanabu hairabadi mahakidi loijare. Adubu feijao houjikti ahalsu yamna oishinlakpana wakhal khara tarakpagum touraklami. Aduna macha nupa ngaoshinaba khababu mahakna shemdoknaba haina yamna kanna hotnajarami. Adubu matam adu houjikti yamna thengjinkhibana mahakna fana kanna shemdoknaba hotnarabasu kanaba leiramde. Aduga houjikti khabana mapadagi shel namduna lounaba hotnarabaau feijaona piroidabagi kanna hotnabasu hourakhi. Adubu khabanadi ahal oiraba mapabu minungshi leitana fuba cheiba kaya ama touraga shel mayam ama nam namduna louthoklami. Aduga mahaki oktaba thabak adu makha tana adumak chathari. Nakan amaromdana ngamba houjikti makhoigi leibak adugi oina sha tanba yamna heiba pakhang ama oiraklami. Mahakna nungtigi umangda chatuna sha tanluraga mama macha makhoi ani adu yamna komna hingjarami. Matam kharagi tungdadi feijao ahal oishinlakpadagi leikhidre. Mahakna hek leikhidabaga fatraba khabagi mama machana feijaogi maral mathum pumba makhoigi oinaba hotnaraklami. Matam ashida ngambanadi mahaksu feijaogi machani aduna magisu mapagi maral adu fangfam thokee haina yetcharami. “Ematon ei ematonga enao khabagada wafam amakhak haijage eisu leikhidraba epa aduna pokpiramba mahaki ashengba ehhni. Aduna pabana thanamliba maral mathum mayam ashe khabakhaktagi oiba yaroi eigisu saruk thungfam thokehh.”

“Ahh keino tachou madu hekta yaroine nate paba leiringeidagi houna tachoudi pabada shukya yaraktrabani. Aduga pabagidi macha ei ethantani haina khanduna eibuta lunna adum toubirakhiba mayam adu tachoubu kaobibro. Pabanasu nungshibiramdaba aduga mahaki mafamdasu nangi chanafamsu leikhidaba nangidamak karigi pabagi maral ashe khaidokaduino. Madu einadi shukya yaroi pabagi leiriba lan thum pumba ei khaktagini ei etomdagine mashida tachouna khut thinjinlakpagisu mathou tade.”

Ngamba wahei khara haige toubani adubu mama thambalna khamjinduna hairake “emagi ngamba yare toklo napagi leijariba lan thum mayam ashina eikhoibu nungaina hinghanba ngamloi. Maduna eikhoida hena meisha pirakani. Adunane mashi mayam pumba nanaogi loina oijahourashanu ema echadi khungi ahalshingda hainaduna eikhoigi lam macha ama pibinaba haijaraga mafam aduda nungaina echana shuduna talakpa shen aduna ema echagi punshi ashe lenlurashi.”

“Ema emanabu adumna pambirabadi fare nacha wa makha amuk tajararoi emana hairiba adumak pangthoklashi.”

Ashi haiduna houjikti makhoi mama macha anina khungi ahalshingda fajana hainabadagi khungi miyamnasu makhoi mama machagini haina lam machet amabu khaibirami. Aduga hairiba lam macha aduda mama machagi oina khangpok macha ama shaduna thambal amadi ngamba ani adu hingba houraklami. Ngambana nungtigi umangda chatuna sha tanduna makhoi ani hinglami. Nongmagi numitni ngamba ayuk anganbadagi umangda sha tanluni haina thorakpani. Adubu numit adudadi mahakna sha amatasu thiba fanglamde. Ayuk nonganbadagi numit taba faoba thirabasu laibak thiba haigadra mahakna sha amatasu faba ngamdana mayumda halaklami. Matou ashumna numit nini humni thangna thangnana sha amatasu faba ngamlaktaba aduda ngamba mathamoida chingnaba amasu faoraklami. Aduga matomda haijarami “ karino touriba ashibu nongmatasu natana numit nini humni ashibu umang ashida sha amatasu leiba ude. Nate sha mayam adubu kadomda loina chatkhraba jatno. Humm ei ngasiga sha amata fadana hankhiba tarabani ema echadi kari chaduna hingani. Fare ei makha thangbagi mina changnadaba umang ashida oina hekta changlaga sha thirurage. Adubu eina change khaliba umang ashidi thainadagi ahal lamanshingna lai tin leiba umangni haina kinaduna kana amatana changnadabani . Adubu ei mashida changduna upai ama yengba natrabadi eigisu lambi leite. Heee eshor ebungo nanai eina ngasi faoba kanagi mafamdagisu lanjakhidaba makta oiradi ema echagi hingjanaba lambi pibiyuko.”

Ashi haiduna mahak mina kiduna changnadraba umang aduda changshinlaklami. Mahakna hek changshinkhibaga yamna fajaraba machina tha machetkumna longba shaji amakhak koichen chenduna shanaramba adu mahakna uraklami. Mashidagi ngambana mahaki ten adubu puthoktuna kapada shaji amom adugi makhongda panlami. Shaji adusu makhongda tena pankhibadagi chenba ngamdraduna mahak leimai aduda turaga leirami. Matam ashida ngambana haraona shaji adugi manakta changshinduna hairake “ eshh mashigi shaji ashidi onthoknasu fajakhredako aduga chaona marol ama chaoriba. Eishe ngasidi laibak kayada fakhrabano hee shaji amom nang eibu warouganuko eina lairaba mishak ama oirubana nahakpu faraga eigi ema amadi eihaki pukchak thakadouribani.”

Matam ashida shaji amom ashina ngambada tapna hairake “ hee thoujal heiraba taibang mioiba nangna ngasi fariba eihak ashe achamba shaji nate. Aduga eibu taibang kana amatanasu uba ngamdabani. Adubu nangna eibu uba ngamliba aduna takpadi nahak ashe nabukchel yamna shengba thamoi chaoba mishak amadi shoidana oigani. Hee nupa nangna eibudi amukta tadokpiramo aduga nangna eibu thawai kanbibagi mahei oina eina nangidamak mamal yamlaba khudol ama pige.”

“ Ehh shajinabu kamdouna taibang mirol ngaklaklibano khungi ahalshingna hainaba adu chumlagani ei ngasidi lai thengnaba haidu thokle. Hee laiyoiraba shaji leita lairagi meina kankhibana wajaraklabi emabu mabuk thanna pijaba ngamnaba haina eina umang ashida sha tanba changlakhibani. Adubu eina lai tinbu kidaduna thaoi usitaduna changlakpa natchade. Aduga eina nahakpu tenna kapkhiba adugi damaktasu ngakpiyo.”

Ashi haiduna ngambana shaji adugi makhongda lengduna leiriba mahaki tenjei adubu shatoklami. Mashidagi shaji aduna amuk hairake “ thoujal heiba nupa nangi thamoi aduda eihak pele yengo tuu ahhdagi achouba uhh panbi ashi ubra mashigi mathaktane achouba chafu amakhak leibani. Aduga hairiba chafu aduda yerum mayam amasu yaoramgani. Yerum mayam adudagi nahakna yerum amakhaktangbu louthaduna nangi nayumda pujakhro. Adugane yerum adubu yamna chekshina numit humnidang thamo. Matam aduda yerum aduna onlakpa potshak adu nangidamak eina khudol oina tambani khanguko. Adubune nangne yerum mayam adudagi amadagi henadi louganuko.”

Ngambanasu shaji amom aduna hairakliba aduga chap manana tourami. Aduga mayumda yerum amabu puraklaga mama thambaldasu angakpa shaji aduga thengnarakhiba pumba adu liduna khanghanlami. Matou ashumna numit humnigi matungdadi yamna angakpa thoudok ama thoklare. Ngambana thamlamba yerum aduna makhoigi apikpa khangpok adu shana mayamtana thanna leiramle. Maram ashidagi houjikti thambalgi mama macha anidu yamna enak khunba mioi ama oirakhi. Aduga ngambana mahaki shana lupa mayam aduna loufam achouba amadi engkhol yumjao kaya ama leiduna houjikti makhoi yamna nungaina awat apa amatasu yaodana nungaina hinglami. Ashomdana khabana mapa ebungo feijaona thamlamba maral mathum mayam adu kai kaiduna chathok thaktokhibada loinamak loishinkhiduna mama macha ani adu yamna lairaba haibadu oirakhi. Aduga makhoi aninasu houjikti ngamba adu shenjao paiba mishak ama oikhre haiba adusu khanglami. Pao adu tabada memtondi mabuk fatabi ama oibagi hounasha ngambana shenjao paiba mishak ama yamna thuna oiba ngamlakliba ashigi marumda chaoraba maram ama leiramgani haina khanjarami. Mashidagi mahakna yamna lai tingi maramda khang heiraba maibi amagi manakta laklami. Aduga hairake “ema maibi nachana ngasi lakcharishe emaga yamna luba wafam amakhaktang tanajageuuk haina lakpani.”

“Ahh ebema memton karino nangna hainingliba adubu emadane chingnadana hekta haiyo.”

“Ema eigi leikhidraba epuroiba aduna louramba nupi ahalgi macha nupa ngamba adu yamna lairarambadagi houjikti enak khunbada magi lamba leitre. Adubu ema mahakna khanghoudana enak yamna khunlakliba ashigi marumda achouba aronba maram amadi leiramgani haiba ashe nachana chetna thajei. Aduna ema ngamba hairiba nupa macha aduna matou kamdouna enak khunlaklibano haiba adu emana lai tingi oiba mahei shijinaduna amukta yengbiyo ema. Nachanane emagi awamal adu yamna matik chana pijage ema.”

Mashidagi maibi adunasu yamna kupthana yengduna ngambaga laioiraba shaji aduga thengnakhiba wari pumba adu liduna khanghanlami. Aduga memtonasu maibi adugi awamal adu matik chana katlamlaga mayumda halaktuna macha nupada ngambana enak khunlakhibagi wari adu lirami. Mashidagi khabana hairake “ema adudi shel painabagi araiba pambei adudi mashida leiredana. Fare adudi eine hayengmak chatuna shaji adubu hekta farurage . Madu oirabadi ema echa eikhoi anisu yamna enak khunba mioi ama oiragani. Aduga khun ashidasu eikhoina touning touningba apambada pangthokpa yarani ema.”

“Umm aduni aduni ahh madugi thambal gi mama macha nungshidabi adu mabuk ashina kayada fatrino haibabu eikhoida faoba makhoina enak khunlakpagi maram adu haida haidokpipote. Ehee eidi ekaobu kaowine shee mashigi hidak mahi ashe paishinlu hayeng nangna umang aduda shaji adubu thiba chatpa matamdane nangi mit aduda hidak ashibu teishinlu. Shaji adudine thamoi shengba mioi natrabadi uba ngamde haina maibi aduna hairakpani aduna hidak ashi teirabadi nahaknasu shaji adubu shoidana uba fanglagani.”

Matou ashum touna mathangi numita khaba adu maibi aduna pirakpa hidak adubu mamita teishinlaga shaji adubu farami. Aduga mahakna namduna yerum adugi leifam adubu shaji adudagi hanglaga houjikti khabana yerum mayam adubu chafu aduga konnana loinamak puduna mayumda laklami. Aduga numit humnigi numidang aduda khabagi emung aduda angakpa thoudok ama thoklare . Mahakna purakhiba yerum amam adu akhiba yamlaba yerum mayam adudadi shana lupagi mahuta tamthiraba saroi ngaroi ngakta oina thoraklami. Matou adu ubada khaba amadi memton ani adudi kibana loikhre. Aduga memtonna macha nupada amuk hairake “haii ebungo kei keino ashina nate migina shana lupa thokeye aduga eikhoigina saroi ngaroi bhut pret ngakta oina thoraklishibu keigino haiba.”

“Ema eisu khangde ashh eidi saroi ngaroi mayam ashe ubada kibanasu loire . Ema eikhoi anibi yum ashe thadoktuna thawai hingnaba chelhoubana faroidra.”

“Hee fatadi keino eidi chele nang leige hairasu leihouro.”

Ashi haiduja mama macha ani adu houthaduna mapanda chenthokhige tourami. Adubu makhoi anina chenba nangdringei saroi ngaroi mayam aduna mama macha ani adugi lambi adu thatkhre. Aduga emung adu maktada mama macha ani adubu hingthat thatuna hatkhre. Mathangi numita khabagi mama macha anina mishi chadana shirambani wari pumab adu khun aduda pak shanna shandoraklami. Adubu mama macha ani adudi yaman fataba mioi ngakta oibanina makhoi anima shikhiba aduda khunja mayam adunadi kalak pelli haina hainarami. Aduga ngambagi mama macha ani adudi khaba madi memton ani adu fana yamna fataba mioi oidunasu makhoigi ehh mari haibadu oiribanina mathamoida nungaitaba amadi adum faorami. Aduna ngambana mamada hairake “ ema ematonga enaogadu nungadi yamna nungaite makhoina afab ami ama oiramladi adumna karisu touramloidabani.”

“Umm eisu nungaite adubu ebungi mi haiba ashidi mashi ngaktani mana mana toujaruba adugi mahei adu mashana fangjaba haiba ashidi mashana tabani. Makhoi anina touruba fataba mayam aduna makhoigi thawai adu mangkhribani. Farese ebungo mashigi wafam ashe ningshingludrashi. Houjikti madu houkhre aduna houjikti hinghouriba eikhoigi khanduna hingna tabani. Adubune ebungo emna nangonda shinagadaba wafam amana shel paire haiduna nangnae fataba aranba lambidadi chatke khak khanba yadeko ebungo. Matam leiba khibikta awa ana taraba upai leijadraba kayagi mateng nangna ngamliba makhei pangadabani. Matam aduda eikhoibusu eshorna thoujalbigaduiniko.”

Read this also: –Meena Udaba Rajkumari

Ngambasu mamana hairiba adumak pangthoklami. Matou ashum touna mama macha ani adu yamna nungaina wata padana hingkhirami.