Thaina mamang ngeigi matam amada tampakleima koubi macha mashu amata leitrabi naitom shuraga chaduna hingjabi hanubi amakhak leirammi.
Tampakleimagi mama mapa machin manao kanashu leite mana wakhal tarakpada makhoigi mandomcha amana mabu yokpirake adubu mana chaoraklaba matamda mandomchashu atoppa nupa amada mayum pankhibadagi mabu hanna yengbirakkhidre ashina pikli ngeidagi migi mayumda chattuna migi konlik phishu phijam touduna madudagi phanglakpa shel kharana charaga hingjarakkhi.
Tampakleimana leishabi pharaklaba matamda mashak matou phajamankhibana pakhang shenjao paiba kayana koitan tannarakkhi adubu magi mathamoina pamjaba khoidaba kanashu yaoramde.
Khun ashida yamna lairaba tompok kouba shingchanlaga hingjaba yamna chamjaba nupa amana tampakleimada nungshi phongdokcharammi.
Tampakleima mathamoina pamjaba phanglabada laira enna khunba thidana tompokka luhongduna mayum maikei pankhi.
Lairajarabashu matei manao shujaraga komna nungngaina panjarakkhi.
Phana leitrabashu warabashu tampakleimana nongmata wai hairamde momonta noktuna arei areiba kharana pangnaba thongthaktuna charaga haraona leirammi.
Maraibakna thirishu luhongba tha phadri ngeida mapuroibashu chingda shingchanba chatpada lai oknaduna laikannaba ngamdana nganna shikhi.
Tampakleima magine haibada kanashu leitare mapuroibana thambiramba khangpokshang macha aduda hannagumna khungi mishinggi thabak shuduna lenlammi.
Nongma nongma houkhibana houjikti tampakleima ahan oishinlakle.
Nongma nungdang wairamgi matamda tampakleimana manggolda phamduna houkharaba mapuroibagi wari ama ningshinglaklammi.

“Tampakleima nangshi eingonda leirubadagi yamna wajareko mamang leikaigi tachaobada leiramlabadi shanana punglang langduna amukka henna phajaramgani.Adubu eina kanna shuduna nangbu nungngaina thamge khanlibani.”

“Tamo nungshibada laira enna khunba khaide nungshibada chilhaothiriba mishak adu ashengba nungshiba natte arang arak pamba mioini haina lounei aduna eidi shenjao paiba thamoina khoidadaba mida leigadubagi sharuk pudi lairajarabashu tamogi lakta momon minok tamjaba ashina penjaba henli.”

“Tampakleima nanggumba nupishi atangbani eishi nang leiramdrabadi yumpanba phanglamdabashu yai.”

Matang aduda leishabi nupi macha amana kouraklammi.
“O abok kari wakhal khanbiramlibano momonga noktana manggolda phamlamlibashibu.”

“Leihao abokshi nakhoi pupu leiringeigi houkharaba warishing adu ningshinglaktuna momon noklamlibani.ado nangbu nungdang wairam ashida kari thabakki lakpano.”

“Abok eishi abokta phi khara shubiyu haina lakpani mashigi phishingshi abokna shubirakkhiba phishingduni emannabi kharana waikhibadagi phajana pibiraktare aduna abokna phajana amukta shubiraku.”

“Hoi hoi eshugibu karigi phajana shuroidaribano abokna phajana shugani leishabi haibashidi ke moudana nungngaina leithokkadabani.Naha oiri ngei matamda nungngai houdana ahan oiraga langba yaba natte.”

“Hoi abok ado abokki phishubagi peisha pirammage.”

“Eshugibu karigi peishano piramganu.”

“Abok karigi piroidaribano abokna phi shuduna tanlakpa shel kharaduna chajaribani mashidabu khungi mou nupishing ashina yamkharaba phi kaya ama shuhanbiduna awamanshu pini khangde houjikkangi mishingshi minungshi machet ama phaoba yaode shuningdaba migi mashingnashu ashum ashum henjinlakle.
Abok migi warishi tokshi she eikhoigi enkholda thaba mana mashing kharani shina abok haona thongduna chabiro abokna keitheldagi mana mashing amata leirunu nashuna purakkani.”

“Leihao nangna abokki toubiriba mayamshi yamna yammankhare abokshu nanggumba echa nupi amata leiramlabadi ei karishu waramloi houjik abokna hingliba ashidi shiba ngaiba haibaduni echa eshu ama leidana hingningbagi wakhalga poktare.”

“Abok adumna haiganu nashu leiriba ashidi.ado abok nungdangshu tashinlakle ei chatlage mathangdadi abokka pupuga naha oiri ngeigi wari libiyu.”

“Hoi hoi ebokna shoidana ligani.”

Leihao tampakleimada chatlage hairamduna mayumda chatkhi.
Tampakleima leihaona magi manakta laktuna wari shanajaba ashina mathamoi yamna penjarammi magi wakhal awaba mayamshi koknaba nungthilgi matamda khungi anganshingna tampakleimagi manakta laktuna wari tanarammi anganshing ashina tampakleimagi apikpa enkhol aduda maningtamna chen chongduna shanabadu uraga tampakleimagi mathamoi chaothokcharammi magi mitmangda mashu shingna haraona shanaribani khanjaduna hingbagi mahao yaohanlammi.
Ayuk anganba matamdagi hougattuna khungi turel tamna phi mayamshing adu sham amada hattuna numit khudinggi turel aduda shurammi.
Turel mapan aduda phamduna mana numit khudinggi hairammi.
“Turel nanggi eshingshi onthoknashu langkhare nang leirambagi eina phi shuduna ebuk thakcharibani eigine haibada kanashu leite naitom taba punshini nahanmukki mapokta eina kari lanlubana handakki mapok ashida echa eshu mari mata amata leitana wana lenlibano.”

Ashumna haiduna mathamoigi awaba wa kaya ama phongdokcharammi.
Ayuk nungthilgi matamdana phishuduna shel tanli aduga nungdanggi matamdana phishaduna leirammi.
Phishana shana magi houkharaba wari khara ningshinglakammi.
“tampakleima eikhoigi etao mayamga handakti wanglaba chingjao adudagi shingchanlaga phanglakpa shelshing adu yennashi haina hainare mashi ei chattaba yade shel yamna phanggadaba thabakni aduna nang numit kharanidi nathanda leihouba ngamgadara.”

“Tamo ching adudi lai yamshinggi leiphamni mina hainei mapham aduda houriba ushing adu lai kayana onduna leibani hainei tamona mapham aduda chatpadu ei kaya pamjade aduna yaobiruranu.”

“Tampakleima madugi wari adu thainagi ahanshingna anganda wari oina linarambani ashengba natte
Chatkaduriba ashi ei ethanda natte emannaba kayaga punna chatkadabani shel yamna phanggadabani mashi chatluraga phanglakpa shel aduna chaoraba yumjao amashu shagani aduga enkhol ama leiduna eikhoi anina enkhol aduda mana mashing kaya thaduna yonlabadi eikhoi ani peisha paiba mishak ama oirakkaduribani aduna aphaba tanja ashi manghanba yade.”

“Tamo eigidi nang nattana kanashu leite tamona phatta nungda thoklabadi ei karam tougani.”

“Tampakleima ei karishu touroi eina chatlibashi nangbu nungngaina thamnabani.
Aduga eikhoi anigi echa leitri ngei mamangda eran ethum mayam peishinduna thamlaga echagi mai oigaduribani aduna echashinggi mai paknaba eikhoi shel paiba mi ama oidaba yade.”

Tampakleima mapuroibabu ching aduda chathan ninglamde adubu
tompokna haimanbadagi ching aduda shing chanba chatkhi.
Tampakleima wakhal khanduna phishabada nungdang thengjinlammi.
Hayengdi phishuduba yamna lei khanduna tumba changlammi.
Mathnggi nongnganbaga migi amotpa shugadaba phironshing adu puduna turelda shuba chatlammi.
Tampakleimana turelda phishuba matamda turel aduda wari kaya lirammi.
Ashumna phishuba loiraduna mayumda pukhatlaktuna phourammi.Tampakleima leihaona pibiramba mana mashing adu thongduna chaphu macha amada chak thongduna chai.
Magi mathanda nattana huren anganshing lakpada pijabige khanduna henna thongbirammi.
Nungthilgi matam youshinlaktuna khungi angang shingna magi yumda lakammi.
“Ebok eikhoi lakle ngashidi hingchabigi wari makhadu libiyu.”

“Eshusha nakhoi shanarubagi waramlagani ebokna chak khakle hanna charulako.”

“Hoi ebok.”

Anganshing aduna khoidana tampakleimana thongthaktuna thamba chak enshang shing adubu haona chajarammi matam aduda anganshinggi mama lakammi.

“Mashigi angangshi shida muk leiramme.
Nang yum makhada shunglei leitriba ashi karigino mathong maram khangdaba karino nakhoina charibadu nakhoi yamna thuna yumda chatshilao hayengdagi mapham ashida chatpa yaroi.”

“Ebemma eina eshushing chanaba haina phajana thongthaktuna thamba chak enshangshing pijabani eshushing ashina eigi nakta laktuna shanajaba ashibu kayam kairabage.”

“Ene karishu kaide adubu echashing ashi mapham ashida chathanningde mapham ashi laitin phattaba lei haina mina ngangnaganli.”

Ashumna haiduna machashingbu puduna chatkhi.
Tampakleima khungi mou naha amadi mi kharana mabu yamna lanna hanthana loubiba ashi yamna nungngairamde.
Anganshing adubu mamana namdana chingngaga chatkhiba adu kaptuna tampakleimada yengduna chatkhibadu yengba matamda thamoi shoklammi.
“Taibang mapu eibu ashumna kayam kuina hinghanbikhige khanlibano ei hingningdare eibu loushinbiro lairamlenda epuroibagi manakta nungngaina leijarage.”

Leihao tanja aduda makhutta awathabi amunba ama paiduna lakammi.Mou nupishing aduna machashingdu phu phuduna chingngaga pukhiba aduda tinngak tinngak yengduna changngaklammi.

“Abok awang leikaigi enamma thadoina macha nupa ashibu phu phuduna chingngaga pukhiribashibu karigino.”

“Leihao abokshi mina ubada papchenlabi shokna shamnaba yadaba mi amagum khanbana machashing ashi eigi nakta changhanningdabadagi phuduna pukhiribani.”

“Abok karino makhoina khanliba wakhal ashibu ashuk yamna mathamoi pikpa ahan ama oiraga wakhal khanthaba ngamdriba makhoibu machashing adudi nongnganbadagi sha shan thadokpagumna chak pijani pithakni khangdaba makhei thadoktuna thamle aduga makhoina nongnganbadagi miwa ngangnaraga leirabanina mikhudingmak phattana khanlibani.
Abok pukhibana phei machashing aduna abokki yumda laktuna chari thakliba mayamdu haraogedi leitraduna abok karishu khanlunu ei leiri abok awathabi amunba puraka ei khairakkhige charashi.”

Leihaona tampakleimagi awaba wakhalbu themjinbirammi.
Awathabi amunba adubu khaiduna harao harao chaminnarammi leihaona tampakleimagi houkharaba warishing adubu arakpa matam khudinggi lihanduna tarammi.

“Leihao napuga eigagi houkharaba warishing ashi tababu nungngaibara.”

“Nungngaiye abokka pupugagi nungshinaba ashidi houjikkangi leishabi eikhoinaga henponte.
Ado abok laishingshishu phatmande lairaba awaba midana awaba henna henna pishinba aduga nungngaiba ena keira khunba mioidana amuk henna nungngaibada pishinba ashina eidi laiga amata khurum ningdaba ama yaoshinlakle.”

“Leihao eshorbu keidounungda kaothokpa yade eikhoina phana warabashu taibang malem pan ashi taibang shemba mapuna shembirambagi eikhoi mayamshi ngashi punna unaba phanglibani.”

Tampakleimana leihaobu mashuda mashu gumna yamna luna toujarammi aphaba paotak kaya amashu pibirammi ashina leihaogidi wakhal loushing hengatlammi.
Leihaona ayamba matamda tampakleimagi manakta laktuna chak enshang thongthaktuna pijabirammi.
Ashigumba leihaogi matou ashida tampakleimana leihaoshi mama mapana cheigani khanduna hairammi.
“Leihao nangna abokki nakta toina toina lakpashi nama napana shoidana cheibini aduna nang yumda ningthijana leiyu aduga abokkine haina enshang napi kaya ama purakliba ashe touranu.”

“Eina abokki manakta lakpa matamda ngangningba makhei ngangshanu eidi abokki manakta adumak lakkani abok mina haiba phattaba wa tabiruni miwa ngangnaba kayana emung kainaba shinlini abok karigi pukning wakhak yamna shontharibano nashu leiriba ashini.”

Ashi haiduna mama mapana phana thinglabashu tampakleimagi manakta chatlammi.
Leihaogi mapa kunla amadi mama ebethoi wari shanarammi,
“Ebethoi nacha nupi ashina ene tampakleimagi manaktada chattuna hanubi adugi sheba toudana leiriba adubu karigino hanubi aduga eikhoigagi marakta karishu mari amata leinade nacha nupi adu pangmankhare masha wajanaba yamna shinliba karigino nangna mamani khara haiyu matung manao chattanaba.”

“Eishu haiba yaba kayarak hairabani eina haibaga manadaga happonte mana thokpa ama ngangduna chatkhi.”

“Madu yaroine ma angan nattrabani mayum makei panba yarabi leishabi mana kedana moudana yum ashida nungngaina leigedi haidradana hanubi adugi sheba touduna leiriba adu mina hairakpada ei yamna shaoninge aduna mahaina ngangnaba yadrabadi mayum thuna panhankhidaba yade.”

“Adubu aphaba nupa ama yengbana phagadara.”

“Yengdrabashu yare awang leikaigi etao chaothoigi macha nupa amata yaojaba khambatonga luhongnaba etaona eingonda haidunada leirabani eikhoina yare haina amuktang haikhibada haina shingnaba lakadubani.”

“Aduna pharani tachaothoidi maran mathum peiduna leiba mini machashu amatani echa nupina leibada yamna komna nungngaina leirani. Moi pabung mashigi thabak ashi khara thuna tounaba toushi.”

“Hoi hoi ei etaoda pao pikharage.”

Leihaogi mama mapana macha nupibu tampakleimagi manakta chatli haiduna mayum pannaba nupa haina shingnaba loirammi.
Leihao mama mapana hadak ma tahandana shinlamliba thabakshing ashi yamna shaoninglammi.

“Ema babana touriba ashibu karino.
Eingonda wa ama phaoba hanglamdana luhongbagi numit lepnaramliba ashibu karigino.”

“Eikhoina shinliba ashi nanggi phanabani mashida amuk hangbagi mathou tade.
Eikhoina shinliba mayam ashi nanggi nungngainaba ngaktani.”

“Ema baba hoina aduk yamna nathamoi pikliba adubu karigino hanubi kanashu leijadrabi adugi mateng kharada pangluba ashibu kayam kairabage.
ei nakhoina shinliba luhongba ashi ngamloi haidokkho mimangda choppaga tokkani.”

“Mashigi angan ashi eikhoina chei ngangdaba ashida yamna nawangle nang eikhoina shinliba luhongba ashi yadaba yaroi aduga nang ngashidagi mapanda thokpa amata yaroi.”

Leihaobu mama mapana kada thong lonshinduna luhongba youdriba phaoba thamlammi.
Leihao mama mapana handak touriba thabakshing ashi yamna yaninglamde adubu mana karishu touba ngamjaramde.
Leihaogi thamoida tampakleimabu yamna uninglammi mabok hanubi adugi manakta chattuna wari takhiba mayam adu ningshingduna kaplammi.
Ashomdana tampakleimana leihaogi luhongbagi pao ashi tabada mamittagi mapi taduna kaplammi.
Tampakleima magi amanba phijol aduga Mana leihaogine haina tubiba phi adu leihaoda piba lakcharammi.
Tampakleimana leihaoda piba lakpa matamda leihaogi mama mapana yamna hanthaba mityengda hanubi adubu yumda changhandana cheiraga chathanlammi.
“Ene nanggi adugumba amanba phi adu echa nupigine hainaga thambiramganu nanggi phi adudi nura oinabani aduga nang mapham ashida laklanu mina uraga eikhoibu noknakhini yare chatpiro.”

“Ebemma nanena purakliba phi ashi mamanbudi yamba pot natte adubu eina eshu leihaogine haina tujakhibani nanedi mashi nattana atoppa karishu pining ngai leitabana khudol ashima piramduna hanjakharage yaradi eshu leihaoga amukta unahanbiyu.”

“Ene phana ahanshu oire wakhal khara tabiyu mapham ashida tinliba mishingna uraga eikhoigi ejat pumba manglani yare yamna thuna chatpikharo.”

Tampakleimana phana yamna haijarabashu leihaogi mama mapana mabu tanthokpirammi.
Tampakleima mathamoi shokna phi adubu konduna mapi neithok neithoktuna mayumgi manggolda phamduna leirammi.
Leihao ngashai mama mapana hanubi aduda ngangkhiba mayam adu tabada yamna nungngaijaramde.
Mana mamannabishingga shinnaduna maningthongdagi tampakleimagi mayumda lonna chenlammi.
Leihaona maningdagi chenduna tampakleimagi mayumda chatlammi.
“Abok nashu lakle abokpu eigi ema babana yamna thina cheikhiba mayam adu amukta ngakpiyu.”

“Leihao eshubu uba phanglaroidara khanbada nabokti yamna wai adubu eshorna chanbiduna eshuga thengnare leihao nabokti lairabi oibana eshugine haina karishu piningngai leite aduna nabokna shajaba Phi ashi loushinlu nangna shagei amagi matik chabi mou ama oiduna yamna nungngaina panlu.Nabok ashonbi eina nangbu matam chuppada ngaiduna leiri haibashimata ningshingbiyu.”

“abok ei abokka kainaba ngamloi ei abokki naktta adumak leijarage.”

“Madu yade leihao nang chatlo nama napana nangbu thinnaraklabadi shoidana phubirani nang chatkharo.”

“Abok ei chatloi makhoina phugeshu phushanu.”

“Leihao nangna abokpu nungshirabadi abokna hairibashi yao chatlo.”

“Phare abok ei chatlage ei abokki nakta toina toina lakkani abok thabak awaba kana shuganu she eina purakliba shelshi loushinlu.
Nashuna kuinadagi abokki phajaraba phi ama leinaba haina tongshinjarakpa shelni mashi loushinbiyu abok.”

“Leihao abok shelshingshi louba ngamloi nang pujakharo.”

“Abokna lou yadrabadi nashu mapham ashidagi chatlaroi.”

“Phare eshuna pirabanina abok loushinlage nang yamna nungngaina panluko.”

Leihao mabukning yamna nungshina shonlabi mabokpu yeng yengduna mayum maikeida chatkhi.
Tampakleima leihaobu khambadi ngamda thamoi kaina leptuna leihouwe.
Leihao yaningda yaningda mama mapana shinduna luhonglammi.
Leihao luhonglaba matungda mabokki manakta yamna chatninglammi adubu haijabadi ngamjaramde.
Luhongba tha phabagi lakpa matamda kanashu khanghandana mabokkine haina acha athak khara puduna chatlammi.
Leihaona tampakleimabu ujabada yamna haraojarammi mabokta chanaba shing adu piduna wari watai kaya shanaduna leirammi.
Ashomdana leihaogi mamana macha nupi leiramdaba aduda tampakleimagi manakta chatlamgani khanduna kanadashu hairamdana lakammi.
“Leihao nangna mapham ashida ashuk yamna chatningliba ashibu karigino mapham ashida chattanaba haiduna nangbu nayum panhanlibani lako yamna thuna.”

“Ema eina mapham ashida chatpashi kayam kairabage nakhoi mayamna shonlabi hanubi ashida khanliba aranba wakhal adu yamna thuna tokpiyu ahan ashina ngashi phaobada migi phattanaba kari toukharabage.”

“migi phattanaba touba toudaba maga loinaruba mi amata mapunshi tenkhiba ngaktani aduna nang wa makha yamna taraklanu chatshi lao.”

“Ema migi maraibakta tamlamba dashabu ngashi abokta tariba awabashing ashi abokshu taningponte aduga hairiba emashu tarakloi haiba ngamba natte.”

“Mashi wa yamna nganggaduri nang lako haidi lakodana.”

Leihaogi mamana leihaobu makhut paiduna chingngaga chatkhi.
Tampakleimana hairakammi.
“Ebemma eshubu phubiganu madi karishu khangjadabani matung manaodi eigi nakta lakhanlaroi leihao nang matung manaodi abokki yumda amuk hanna laklanu.”

Tampakleima mapi era shenduna mayumgi thong adu lonshinkhi.
Leihao mabokki wahei adu tabada yamna thamoi shokna kapcharammi.
Ashumna numit ashidagi leihao mabokki nakta amuk hanna lakkhidare.Tampakleima mashu leihaobu nongmata kaoba leiramde numit khudinggi turelda phi shuduna kapcharammi.
Nongma mana turel mapanda phishuduna leiri ngei matamda yamna langba yirum manba potshak ama magi mitmangda taba urammi.
Tampakleimana pot adu khungattuna magi mon manakta thamlammi.
Tampakleimana yengba matamda pot adu nongma nongmagi ashum ashum chaoba hengatlakammi mana yengbada karino khangjaramde.

“Karino eina purakliba pot ashibu nongma nongmagi ashum chaoba hengatlakliba ashibu eigi mitna ubada sherannana uriba jatla.”

Tampakleimana ashumna khanjarammi adubu karishu thoinadi khanjinlamde mana potshak adubu magi mon manakta thamlammi.
Nongma nungdanggi matam amada tampakleimana tumba changlakpa matamda yirum manba pot adugi manungdagi mashak matou phajarabi leishabi ama thoklaktuna tampakleimagi mangda leptuna leirammi.
Tampakleima khara pakhatna hairammi,
“Ebemma nangbu kanano.”

“Ema eishi ngashidagi emagi echa nupi oiduna emagi nakta leiduna eina sheba touduna yamna nungngaina thamnaba lakpani.”

Tampakleima nupi adugi wahei adu tabada yamna penjarammi nupi macha adubu numit adudagi macha nupi oina khanjarammi.
Nupi macha adugi mamingbu mana yamna nungshina thoibi haina thonbirammi.
Numit ashidagi thoibina tampakleimapu thabak amata shuhanlamde mana chak enshang ahao ahaoba thongthaktuna pijarammi.
“Emagi thoibi emana thabak shuraktabashu kuirakle aduna chengphuda chengga amata leiramlaroi aduna ema migi phishuduna shel tandaba yade.”

“Ema cheng mayam ama leiri yengbiyu lako ema.”

Tampakleimana chengphuda yengluba matamda cheng mayam ama chengphu thanna penthoktuna leiramba thengnarammi.
Tampakleima wakhal chamamnarammi adubu ahan oibagi wakhal choiba oiramgani khandoklammi.

“Ebemma emana cheng wanlaktribashu phana kuirakle adubu chengphu thanna leiramme emaga eikhoi anishi chak yamna chadabana oiramanle.”

“Ema chengbu eikhoi emungda watpa hounade ema adugi sharuk pudi emagi chaningba enshang haibiraku nachana thongjagani.”

“Emagi thoibi emadi shareng thongba yamna pamjei adubu mamal yamna tangngi aduna echagi apambadu hekta thongngu.”

Ashumna hairamduna tampakleima magi kada changkhirammi.
Thoibi chak enshang thongthakpa loiraduna mamabu chak chanaba kourammi.
Tampakleima chakkhumda changlakpa matamda mathel lukoi kayagi nungshiraba manam kaya namlakammi.
“Echagi enshang manam ashidi onthoknashu mahao leirani takle.”

Ashumna haiduna chanaba tourakpa matamda macha nupi thoibina mana chaningba shareng thongduna leiramba aduda yamna ngakna hairake,
“Emagi thoibi mashidi karaidagi sharengno.”

“Ema eina keitheldagi leiraktuna thongbani chabiro.”

“Emagi thoibi nang ema khanghandana migi thabak enkhang shuba chatpara emada shengna tammu.”

“Ema nacha kanagishu thabak shuba chatte eigi leijaba shelna leibani ema chingnadana chabiyu nachana keidounungda phattaba emana yadaba thabak toujaroi.”

“Emana echada chingnaba karishu leite emana haibadi nang migi thabak shuba chatpa yaroi haibani phare phare adudi charashi lako.”

Ashumna mama macha haona shareng thongba adubu chaminnarammi.
Thoibina mahao leiraba mathel lukoi kaya thong thaktuna tampakleimabu pijabirammi houjikti tampakleimagi awaba amata leiramde thoibina macha mau lanna maphi maron phajaba kaya shethan duna mabuk phattaba khunja miyam mangda puduna chatlammi.
Yum kei amadi engkhon shangban pumba masha nanna leirakpa amadi maphi maron amanbada shettuna leiramba tampakleimana maphi maron ananba shettuna yamna nungngairakpa matou ashi ubada miyamna hainarammi.
“Ene tampakleimagi manakta leiriba leishabi adu maran mathum yamna leibi nupi oiramgani mana lakpadagi houjikti ene adu masha mau yamna kanna nungngaina leikhare.”

“Hoine adubu eina khanlibadi leishabi nupi macha aduga hanubi adugagi marakta kari mariga leinaduna leishabi aduna hanubi adugi mateng panglibano mashini eina khangninglibashi.”

“Hoine adushu chummi eina khanbada hanubi ashigi macha leite haijinnaduna atoppa leibak amada nahan makhei mahei mashingga tamba tharuba jatla.”

“Madu oiramba tai houjik kanda karamba pukchel chaobana ashuk yamna hanubi ashigi toubiduino.”

Ashumna khunjashinggi wakhakda khannarammi hannadi miyamna hanubi ashibu yamna hanthana khanbiramba adu houjikti tampakleimabu thakshi khashi khangna bebar leina wa ngangnarakpa houraklammi.
Miyamgi thamoida tampakleimabu khun ashigi maran mathum yamna leibi hanubi amani khannarammi ashigumba matou ashina tampakleimagi mathamoida penjarammi.
Nongma tampakleimana thoibida hairammi,
“Thoibi eikhoigi khunda leiriba mayum phaoba leijadraba mishing ashigi mateng kharada oirabashu emana pangningngi mashi echagi thamoida kari khanbage.”

“Emagi apambadu nachashu yai.
Adubu khunjashing ashi mabukchel yamna shengde mashagi kannabada thiduna migi phattanaba touba mina namna oi aduna ema makhoi nongmadi awaba ama nanglakpa yai.”

“Thoibi mashidi eikhoi khunjagi chatnabini eikhoina thingbashu ngamde.”

Mama machana khunjashinggi mateng kaya pangduna khungi chaokhatnaba thabak kaya tourammi ashina houjikti tampakleimabu khunjashingna thak wangna thamnarammi khun ashigi yamna maru oiba mishak ama oiraklammi.
Leihaona mashigi pao ashi tabada yamna haraojarammi.
Nongma yamna thajadana leihaona mabokki manakta lakpa matamda tampakleimana haraona mashubu emungda koushinlammi.
“Leihao eshudi udaba kuirakle ngashi nangbu ubada abok yamna penle.Leihao eigi echa nupi thoibiga khanglou houjik abokna nungngaina leiribashi magi mapannani.”

“Abokki echa nupi thoibi nahan makhei kadaida leiruribano abokna nenegi maramdashu eingonda amata haibidribadi karigino.”

Matam aduda thoibina hairake.
“Eikhoi emana haidribagi maramdi ei atoppa leibakta ehei tamba chatlui eikhoigi yengnaba kaya ama lei aduna eibu khudong thiba tadanabagi emana eigi maramda lotkhibani.”

Leihao thoibigi wadu tabada hairake,
“Nene lakamdrabadi abokshi yamna waramgani nene houjikti abokpu thadoktuna chatpikharanu abokshi yamna wajaraklabani.”

“Leihao nenena houjikti nabok ashibu thadoktuna chatlaroi magi sheba toubana eigi ethouni.”

“Emagi thoibi leihaona emagi mateng yamna pangbirake nang laktri ngei mamangda ma
Khaktani eigi wajarakpa.”

“Leihao nangna nabok ashigi mateng panlakpada awaba kaya ama mayoknakhiba mayam adu nenena khangngi nangbu eina thagatli.”

Ashumna leihaobu mayumda lakpa matamda harao harao wari kaya shanaduna haoraba mathel kaya pija pithakpirammi.
Houjikti khunja miyam punnamak mabukchel shengba aphaba wakhallon khanba ngakta oiraktuna amana amagi mateng pangnarakpa hounarakammi.

Ashumna chahi kaya leiraba matungda khun ashida nongchuraktabana khun ashida thaba mahei marong amata hingba ngamdabana chanaba phangdabagi awaba kaya mayoknarammi.
Chanaba leitabadagi hendoktuna thaknaba eshing leitabana henna awaba ama mayoknarammi.
Pikliba angan macha kaya eshing khoirangba khangba ngamdraduna shiba phaoba yaonarammi chaningngai leitabana mabuk lamlaba mi kayana nongthakta yengduna taibang mapubu ningjaba nattana karishu upai leiramde mapham atoppada chatlabashu khun ashigi migumna chap mannana eshing phangdabagi awaba mayoknaraba ngakta oirammi.
Tampakleima khungi oirakliba phibam ashida thamoi yamna shoklammi karitougadabano khanglamde.
Thoibi mamagi wajaba matou amadi khungi miyamna wanaba ashi ubada mamada hairammi.
“Ema ngashidi nacha wa amata haijage.”

“Emagi thoibi echana hainingba wadu karino emada chingnaba leitana tammu.”

“Ema nachashi nonggi laigi macha nupini eina lairamlenda handana miramlenda leibagi panthouna shaoraduna ekang thokhanbani aduna ema nacha amuk lairamlenda handrabadi miyam punna awaba mayoknaragani aduna ei hanlage ema.”

“Emagi thoibi emabu kari hairashige echana emabu thadoktuna chatkhibagi mahut eishu echagi natung enlaklage.”

“Ema madu yade emagi matam watli ema nachashu emabu thadoktuna chatningde adubu miyamgi khanduna nacha chattaba yade khanjabani.”

“Emagi thoibi nang lairamlenda hanlo aduga miyamgi awabashi amukta kokhanbiyu aduga emashu nanggi nanakta shoidana lakkani nang ngairammuko.”

Ashumna hainaduna mama macha thamoi shokna kapminnarammi.
Thoibi mathanggi numitta chatnaba shemshaduna leirammi.
Thoibina mamabu mathel lukoi kaya thongthaktuna mamabu pijanaba toubirammi.
Tampakleima machana thongkhiba mahao leiraba chak enshangshing ashi amuk hanna chaba phanglaroidara khangduna mamittagi mapi teithok teithoktuna chajarammi.
Thoibi thamoinungda khangba ngambagi panggal loikharabashu mamabu awaba wakhal khanghanba yade khanduna thembirammi.
“Ema kapkanu ei emagi nakta toina toina lakkani eikhoi ani keidounungda kainaroi ei numit khudinggi emagi shenba touba laktuini ema kapkanu nachana thongeba mathel mayamshi haona chabiyu.”

“Emagi thoibi nang shoidana numit khudinggi emagi nakta lakuko emana ngaiduna leiramgani.”

“Ema nachana chatkharabashu matam chana chak chabiyu nachabu ngaiduna leibiramganu eidi thengna lakpa yai nganna lakpa yai aduna ei ngaibiramganu chabirammu ema.”

“Thoibi miramlenda nama ashonbi ama leihouwe haibashi nang ningshingbiraku.”

Tampakleima amadi thoibi konduna kapminnarammi ashumna mama macha mathamoi kaiduna tumnarammi.
Mathanggi nongnganbaga thoibi tampakleimana phi shuba turel aduda mama macha chatminnarammi.
“Ema nacha chatlage emana nachagi turel mapan ashida amuk amuk lakpiyu ema nacha chatcharukhige.’

Ashumna hairamduna thoibi kanglaba turel aduda ashum lupkhibaga eshing ngakta chentharaklammi.
Numit ashidagi khun ashigi awaba punnamak koknakhi hannagumna mahei marong kaya loktuna chaba thakpa wataba khun ama oirammi.
Tampakleima macha nupi chakhiba adugi wakhalda yamna wajarammi.
Numit khudinggi turel mapan aduda phamduna leijarammi.
Ashumna touba ashida tha phajinlakpa matam adaida nongma tampakleimana turel mapan aduda phamduna mamittagi mapi taduna kaplami,
“Emagi thoibi hayengdi emashu nanggi nakta laklagani emabu ngaiduna leirammuko.”

Read this:- Mamit Tangba Angang

Ashumna khanjarammi mathanggi nongnganlaklaba matam tampakleimmana macha nupi thoibina shabiramba phajaraba phi phanek adu shetchaduna turel mapan aduda phamduna mamon minok tamjarammi.
Ashumna ngahak wari liramduna tampakleima turel mapan aduda hipthakhibadagi hougatlakkhidare.
Ashumna tampakleima numit ashida turel mapan aduda shiduna leiramba khunjashingna thengnaduna magi ashiba hakchang adubu turel mapan ashida phumbirammi ashumna numit ashidagi khun ashida tampakleimagi waribu shonnaduna makhoigi enkholda pannaba hei lei kaktuna ekai khumnaduna ngashi phaoba ningduna leihouwe.