Nungthingi matamni leikaigi mathong huktabi mou khara potfam amagi marumda jwar shanaduna leiri. Tombina hairake “ashh daoga yadeda karino touriba ashibu ashuk yamna dao ashe patliba ashibu karigino khangdre. Humn eina chathoklamdaida eikhoigi huii ashonbi manbi enembok aduna pangangda nganghoubani. Mana eigi dao pumba ashe ngasidi loina thatkhrabani mane hurendi nungaina yum hek hankhibaga makhouri charam adu metuna laknageba ma.”

Magi wafam aduda piyainuna khumlake “tombi haisu haibani nakhoi namebok adu nungshu nungshikhidreheii. Eikhoinaga nakhoida laklaga nanga hangbashe madi yamna saoning male mamitkase peina peinaga yengladana . Eikhoidine noidaga lakpada ma thengnani khanbada tala potnida maduda khara thuna shikhradi fadoubani.”

Piyainugi wafam aduda leirangnasu mateng panshinlakshe “hoi maduda shikhradi fadoubani tombi nangna kok hatkera hatokhrodana madugi hanubi adu. Ahaldi fana oire haibabu machindi haifet kanline nangi nanembok adu kabok pokpadu mangaire mana ngangliba mayam adu.”

“Haigumdana eine madugi hanubi adu hatpu hatokhiba yara potni wai shangnaba. Adu amuksu ma leibashe eingondadi yamna kaneine emungi thabak engkhang pumba mana loina touribani aduna eingondadi wai shangna nungaina koitok langthokpa ngamlibani. Hahh eina tourishe hayeng eigi nupa aduna langfeidagi hanlakladi amuksu chenthorakpa yaroidrine. Mana langfeida kuina kuina leirakpashe eidi yamna nungaijabi haiba adu oiribani.”

“ Adugi hairuradi nangi naraibak adu shanagi thamabal satpaga chap manaribani keino. Nangi laibak adu eikhoinagadi tanabada fangadaba leitre.”

“Ehh keino piyainu nakhoi nupa adusu nangna ngamdaine adudi nangsu naraibak faba chingi keino. Nangi nupadu nangna tou hairikhei touwi nangna ngangbada hangatna khumbasu ngamde nate madumuk nungaiba adubu leiramkhigadro.”

“Umm hoi nungbudi nungai haibabu eina ningba adumakti hek thungjadriba . Khara thengna hek hanjinlure karigi karagino haina hekta hangba wabudi eina ngangabada kana khumjade haibagi wani adum wahang paohangdi yamna touwi mashu. Eina pamlibadi eina touningba toubada kana amatana athingba thamdaba wahangsu hangbiraktaba aduni.”

“ Hahhh adugi hairuradine ahal hanuba amada yum palubase nungaikhre nungaikhre . Yum aduda kushi rashidani touraga eina leirishe minadi mapagumba ahal ashida mayum palle haina hainajabaga sariye. Eina shomda hotliba angka ashidi makhoina khangba nate. Shee piyainu jwar che ashe yenshinlakuhh matam manghandrasu fat fat hekta houjinshi. Tombina ngasaidagi dao yade yade hairishe handakti magi dao adu eikhoi anina pibirashi.”

“ Hoi hoi pibirashi shee ebema nangi che ashi paishinlo dao yaro handakti.”

“ Hahh heii hoi hoi yarage yarage eta nungshibi anigi bordagi dai yarage.”

“ Haii nakhoibu sandya wairam oirakle loishinarodana nayum nayumda ahal lamanshingna ngangbiroidrane noibu.”

“ Ene eikhoibu ngangba ngamgadaba midi poktrida adu ene ngasigi potshiti kamdoubige adum fabro.”

“ Ahh hoi potshitpudu adum mafeiye adu ngaikhoneheii noi noina ashumaina eigi potfam ashida lak laktuna jwarga shanariba ashibu kana amatana khangdabra haiba noibu. Enedine ahal matam oirakpane nakhoina nungtigi shel khara kharadi pibi haibabu hanuthangda mou naha nahoibu jwar shanahanle haiduna leikai miyamna kari kariga tourakadra haina pakhatlineheii.”

“ Ene karisu kibiruno leikai miyam laklasune namou eikhoina adum mayok yajage heera leikai ashida eikhoina ngamloidaba mi amata leiteda.”

“ Hoine adubudi leikai ashida tombi, piyainu , leirang haikhradi loire haina mina ngangnaribani.”

“ Aduni aduni ene adu ene kwadu matap amamamta tapirakohh aduga loishinaba tourage eikhoisu ene.”

Mashidagi potfam fambi tharonasu kwa matap amamam taptuna pibirami. Ashumna makhoi ahumsu magi magi mayumda hanakhre. Leirangdi mahakna mayumda hanjinlakpada magi mapuroiba feijaona lai thaomeiga thandoktuna mahak hanlakpa ngaiduna leiramle. Mahakna hanlakpa adu ubada feijaona hairake “nang hanlaklabro lakohh lakohh einane nangi eshinga shahanbirabani nakhong chamnaba haidana.”

“ Ummm hoi makhoi pabung adu chakti loibirabro.”

“ Hahh chakadi thongdrida nangbu chak lamlabro ashh eisune ngasidi thabaka wana hanjinlakpane esha ashe wabana loirabani tourishe. Adu yaradi nangbu chak ashe ngasi khaktangdi nangna oina thonglodana.”

“ Ashh keino makhoi pabung eisu yam wana hanlakline chakto nangna adum thongo eidi ngamaroi hairishine.”

“ Nang ashibu kamaina tougaduino khangdreda angang macha ama louruba eigi laibak ashe ashumaina ashum touraga loiradra khangdreda heee krishna hee govinda eigi laibak ashibu karino.”

“Ashh taningdeheii nangi namgadu solakanu shwaida chakse fat fat thonglo lao eina ngasi saorakladine eidi fate haijanu hairishine nang.”

Ashomdana piyainusu mapuroibana nganna hanjinlakuhh yadra haina haijarami. Aduga magisu mapuroiba adu mahakna ngamba oibanina esou erang khara langshinabadagi mapiroiba adusu tumina adumak leikhre. Mathangi numitasu makhoi mou ahum adu magi magi mathou khara khara shunaramlaga tharogi potfamda thoraknaba haiduna kanna hotnari. Tombisu mahaki amota firol khara amabu suduna pourangkhokta fouri. Tanja ashida mahaki manem shana adu thoraktuna hairake “ haii ebema tombi ngasidine ema luhongba ama chatkadaba lei adunane nang yumdagi chathokluranuko. Chata yadaba leirasu hayeng oina chatloko nangi hounabi tharo haibi adugi potfamda khubak eshei shakpa adu touranuko ngasidi. Humm ebema nang ama namem ei oibagisu fabaniheii kana kanagumbi atopa nupiga oiramlabadi nahana nasham adu khudang yetuna haihatkhradabani.”

“ Humm ema nasha aduga ngangthorakliba wadu yam chanadre changbikhro eine ehh karakadure .”

“ Tourise yengune kayada usitribanone shee nang adubudi khangnidana hanubi eibudi nangna usit thawoidana touriba adu ebungo yumda hanlakpa matamda nangna chatliba lamchat sajat adu sit nanna tamgeba aduga nanam adu tatpa makhei futhahange. Humm nupa nahana touba faoba kadaino hairaba kan ashida mou nangna touribanine koo.”

“ Ashh ema emana chatoubadu adum chatpiruro washe yam shangthabiraklanu emana eshou erang karagane ei dao yadiye chatoubadu chatpiro.”

“Humm nangko nang haii eidi hairishini nangko eina hanjinlakpada yumda leiramuko nang.”

Manemna chatkhiba adu khara saorapna yenglaga tombina machinda murum murum shonlake “humm mashida shan garinaga thomlaga shikharadi fakhranida mana hek leidana eishe nungaifam shukhang hek khangdeheii. Humm langfeida chatkhiba nupa adu hanlaklaga pao loina tamgani kaina hek tamda tamu khangni nang nakhwang adu pek laona thudeke nang.”

Ashumna ngaihaki matungdadi makhoi mou ahum adu mahei mahei tharogi potfamda laknare. Tombiga piyanuga hanna mafam aduda thungduna leirangbu ngaiduna leirami. “ Humm madugi leirang haibi adu houjik faoba lakteba karino mabu magi nupa hanuba adunagana thingkhraba jatlo.”

“Kaideinoheii thinglamoi keisu hanuba adunabu leirangda thingba ngamlabadi ngamlaba haiba aduni.”

Tanja ashida leikai adugi ngaoshinaba pakhang macha kharasu mafam aduda laklami. Aduga hairake “ehh eteima nakhoidi onthoknasu nganna leibiramkhreda. Adu eteima hoi ngasidi saobiba yade ene tharogi potfam maning ashe ngasidu eikhoina kanshinjarage.”

“Ehh hera kari wanoda ebungo eikhoina hanasu laklaga leiribani mi lakadaba watli haina ngaibagi wani aduga houjikta nakhoina prap prap laklaga nakhoina mafam kanshinlage kaidudi kari wano madu taba yaba wa oideko.”

“Hera eteima eteima hoise mounine nupi ama oibagi lemna leige haidraba adugumba nupa nahana tougadaba thabakta aduk yamna thawai yaoriba adubu karigino. Khara kharasu lemna leithokpiyu keidouge kanade kanade eteima nakhoi anigo kwa nung chanaba adu eikhoi shinjarage lemna leibiro ngasidi.”

“Hee karino nakhoina khanlibabu eikhoise khara pija pithak touraga hekta pangya yaradaba manbro. Farasu fatrabasu eikhoise nathaki ahal nateima ngaktani adunane yamna bebar leina ngang shakuhh khanglabra.”

“Ehh eikhoina hairishidabu kari ashoiba akaiba yaorabage aduga eikhoidi bebarga kaijabasu toujakhidena. Nupi ama oiradi mousu oiribani aduna lemna leibiyo haibei wani. Nate eteima hoina nungtigi mafam ashida laklaga touriba ashibu natomda khanjinlubada ekaiba faodabro.”

“Kari toubei ekaiduriba hahh madu nakhoina yengshinbagi nathou natene ebungo.”

“hoi hoi ethoubudi natchade haibabu mafam ashidi eikhoina kanshinlani ngasidi eteima hoina fajana haibada yadrabanina nakhoina touningba adu adum touro.”

Ashi haiduna pakhang machashing adu tharogi potfam maning aduda changshinduna famthakhre. Matou aduda piyainu amadi tombi makhoi anina yamna saona hairake “her kayadanone shee mise kayada usitribanone mafam ashe eikhoina hana kalee haiba natro.”

“Eteima mafam ashe nakhoigi nate lakningba mi mayam ama laklaga famlaba pulaba yaiko.”

“Haii nakhoibu lambida chatliba mishing ashina koiyeng yengnaraklene wadu khara khara tapja ngangnoune noibu amasu amasu kaidanaba tounoune.”

“Ene shi matang ashe yourabadi leikai tage hairasu tarasanu eteima hoise ngasidi leikai mamang thoklasanu moi.”

“Heee eikhoida natene thoktuishe noisune noisu.”

“Eikhoidi nupane nupana jwar shanabadi anouba ahenba thabak natiye aduga eteima hoina toubadi yamna fajaba thabak oirabanina nungaiba taredana.”

Mashidagi piyainu amadi tombi makhoi anisu saona kari karino pangangda nganglamlaga halaklami. Makhoi anina halakliba adu leirangnasu urakladuna hairake “heima keino hanjinlaklishina ene tharodu potfam famhoudrabo.”

“Ebema nanga hek ngainaringei ngasidi pakhang macha kharaga eikhoi khatnabada loikhre.”

“Keino hairishibu karigi khatnariba.”

“Hoo eikhoigi potfam maningi punfam adu makhoina mulhouredana adugine.”

“Ehh adubu hekta yabrane ei touge laoshe.”

“Yareheii toko oiraroi leikai mayam changlaklagane eikhoi ahumdane ejat mangduise aduna eikhoisu upai leitaduna tumina laklishine.”

“Ashh adudi eikhoi ahumdi ngasi kari touraga leigaduiba.”

“Khangdesa miwa khara ngangnaraga lenba taredana.”

“Humm einadi nakhoi anidagi ngasidi shel khara yamna khetke haina laklishine pungkhet hek khetkhredana.”

“Nangna adumaina khanba aduna oiramganiye dao yadrise.”

Tanja aduda mou naha erang pubi ama laktuna leirangda hairake “ eche leirang eine ngasaidagi nang thibada leikai pumba satleko.”

“Heima rani kari leirage nangna laklishe nahangi wari adugiro.”

“Hoi manemi eche nupa adudi echeda pungao pungao ngaoraba jatni adu enaksu khunli eibu kari paokhum pikho haibano.”

“Kari matangi warino nakhoina anina shanariba adubu piyainu eikhoi anidi koka pungao ngaojareda eikhoibu wakhal amukta tahanlo keidouge.”

“Hoo ebema warise aronba warine lakohh ashwai ashida shanarushe. Aduburo eikhoi ranina nupa ama eigi shinbiriye nupa adu thangnaba khundagine enaksu khulli hai mana eise yamna pamja malle.”

“Ehh adudi nangidi naraibak yamna fare keino ebema. Nangi nupa hanuba aduna punshidana kayam kuinabu punshigaduine. Nangdi naha yamna oiri aduna nupa aduga lona mari leinaraga nangi nupa hanuba adu shikhraga anouba nupa ashida kok hek amuk chenthokho. Humm adubund eikhoigi laiba ashidadi ashigumbagadi amata thoktre. Ewanena laira chudatnaba amada hek thungludana nungai famga khangdeda tourishe. Adu leirang eikhoina eikhoi oikhrasu nangdi naraibak yamna fari aduna nupa aduga khangnahouro ebema.”

“ eisu adumainadi khanlibani aduda amuk eigi nupa ashina houjik houjik karisu etou toudana kanlibanina eina nupa aduga amuk mari leinariraga hayeng miyam mamangda ekaiba nangadra haina khanbagi wani.”

“ Eshh karigi ekaiba nangduiba ebema nupa aduna nangse mou amani haiba adu khangna khangna nungshi pami haina hairakliba natro. Adu oirabadi hayeng karigumba leikai miyam amana khangnaraklabasu nupa aduga kok hek chenthokho madubu kayam luba thabakno. Eina nanga oiramlabadi eidine nahana ayaba pithokhrani leirang ebema nangse fana yamnadi shingkhibagum toubani aduga karigino nangna aduk yamna pangshinlamliba adubu.”

“Khangdreda ei tourishe hanuba ashis eibudi lunna chana toubibanina mabusu nungshiribani eina tourishe aduna eise firep ama loufam khangdre.”

“Eche leirang eikhoigi wadine enak khunba nupa aduga khangnahouro ashida leireko khura feijaona hingdana kayam kuinabu hingluduino nacha ama yaobas nate nangne wakhal munna khanjahou hairishine.”

“Hoidaheii shiraga shiredana keino aduga karigisu hekta shirudubano ei khakta toubasu natana taibang panba ashid ami ayambana loina tounaribani. Rani nangna hairiba nupa aduda eina yare haina haikhro aduga kari magi maming adubu kari haibano eibu kaothokhre.”

“Eche thanil haibani.”

“Ohh hoi hoi thanil mashak matougadi adum fajakhibagum toubani.”

“Fajabani keino eche mi pakhang yang yang laoriba nupani keino. Makhoigi khun aduda enak khunbada mashak matou fajabada thanil haina maming segak kaiba makhei chatlibani.”

“Heima pakhanglo hairishibu.”

“Umm mani eche piyainu pakhangni adunabu einasu eche leiranga she hayeng konna nungaina hingjanaba haina yaro haina hairibani.”

“Ashhh adudi leirang nangdi onthokna naraibak fakhre wani. Migi makadasu yetoubasu natraba adumuk faba thabak adubu ani shuramkhidro.”

Ashum touna numit adudagi leiranga amadi thangnaba khunda leiba enak khunba pakhang thanilga lonna mari leinaba houraklami. Nongmasu leirang amadi thanil ani adu mina changnadaba mongshong amada faminaduna wari shanaraga leirami. “ Leirang eikhoi ani ashumaina kayam kuina lonna unakhigaduino. Eikhoi ani yumbanminaduna nungshi chanana hingminaba adu eidi yamna pami.”

“Umm adubudi keino eisu pamibani aduda eigi nupa hanuba ashe mata shikhisanu toubani.”

“Ma shidrasu eikhoi ani kok chenthokhra loire keino wa haibabu aduk yamna laiba aduda nangna henjina pangkhanda khanjinle.”

“Ashh pangkhan khanjinbe wa natene houjik eina nangonda amuk chenshinluradi eise miyam mamangda puraga karino ama oina khanakhraniye. Hayeng mana shikhraba kanda nangi nanakta lakpa oiradi miyamna karisu thoina ngangnararoi. Adugisu mathakta magi leijariba lan thum khara adusu eigi loina oirani adunadi eikhoi ani hayeng nungairoidro.”

“Hoine chumine eidi madugibu thoina khanludene ashh leirang nangshe nashak fajabada natana wakhal loushingasu yamna leiba jatniko.”

“Adubudi eise leirangnidana leirang.”

Makhoi anina nok kheduna wari watai shanaraga leiriba adu leirang hoiga yumthang nana leiba nupa amana uthokhirami. Matou aduda nupa aduna matomda khanjarami “ ehh ashibu ta feijaogi nupi eteima leirang adu natrane manida. Nate magi ashibu nupa ashiga yamna nakshinanaga loinadana touwine . Humm makhoi anigi mawong matou ashe karino amaniko ei ta feijaoda amukta tamlukhige.”

Ashi khanduna nupa aduna yamna thunamak chatuna leirang amadi thanik makhoi anina nakshinana wari shanahoibagi warol pumba tamlami. Wari adu tarubadagi feijao masha adu ekai nungshi yanarami. Aduna yamna saona mahaki nupi leirangbu ngaiduna leirami. Ngaihaki matungdadi leirangsu mayumda hanlaklami. Mahaknadi mana touriba aronba pumba hanagum magi nupana karisu khangdraboi ningduna mapuroibabu ubada hairake “makhoi pabung ei hanlakpa ngaibiramliro.”

“Humm hoi hoi oktabi nangi thougal toujage haina eise ngasaidagi nangbu hanlakpa ngairibani. Nangna chatluriba adu kadaidano hahh.”

“Kainoda makhoi pabung eibu oktabi kaidi haibiganu eina kari oktaba thabak tourage ngangba yarena pangangda ngangbirakanuda.”

“Eigise ngangningdana ngangba nate khanglabr naramchat aduna ngangbani. Eina nangbu kayada nungshina amadi luna toujaba aduga nahaknadi eibu napuroiba ama leiri haiba faoba kaokhiduan lamlanba amaga lonaduna leiri. Aduga oidaba namthak kaya ama haijinduna eigi mita ut chairiba natro. Nangi aningba apambada eina ngasi faobada karibu thunghandaba yaokhrage. Nangna setning chaningba kari wathanbage mathamoi warakpa ngamdabi nangbi eina thajana ngasi faoba hingminaraklishe thuii tugutchei ei tasengna.”

“Eshhh hanuba nangna eingonda adumainaga haiba yabra. Humm narenh napa chadana eibu loubiraga adugumba wahei taga eingonda shijinabadi nang khangnidana nang. Nangi nayum ashida mikup ama faoba leibiroiye khanglabra.”

Ashi hairamlaga yamna saona thanilgi manakta chatkhirami. Nupi mashana makhongna thongna laklabanina thanilsu mou oiba tarabasu leirangbu loubada takhirami. Thanil ashe nupa mari manga cheluraga nupa ama oiduna leiramkhi. Adubu mahaki maramchat fataba mawong matou aduda nupishing aduga adumak kainakhiba oiduna leiramle. Thanilgi mama mapanasu machagi hakanda yamna lepa oibana leirangbu yamna tathi tawoina toubirami. Adugisu mathakta leirangdi mou amasu oibana aduna amuka henba mahakpu tathibirami. Thanilnasu nupi nahada chopa nupa ama oibana leirangi mahaki makhuta chalabaniba atop atopa nupi kaya amabusu amuk khangnaba houraklami. Aduga leirangsu thanilda karisu haijaba ngamlamde maramdi mahaksu mapuroibabu thadoktuna lakhiba mou nupi ama oibana mahakna thanilda athingba piba ngamdribani karigumba hek thingluraba thanilna mahaki maramda fataba kaya ama puthok puthoktuna nganglami. Matou ashida houjikti leirang adu mahaki ahal oiraba mapuroiba feijaobu yamna ningshinglaklami. Adubu mahakna tourubaba mashana fangjakhiba oibana adumak wana khangjarami. Nakan amaromdana tombi amadi piyainudi hanagum makhoidi mathong huktaba thabak adu adumak makha tana chathari.
Makhoi kana amatanadi leirangi oiriba yumban adugi maramda karisu khangjaba natchade. Nongmagi numitni tombi magi tougadaba mathou khara loishinduna tharogi potfamda laknaba touraklami. Numit adumakti tombigi manem adusu ahalga oirakpaga mashadu yamna kanna ngamlamde. Adubu tombidi manek anabi adugidamak karisu khantharuba toudana mahaki chatfam thokpa adu chatnaba adumak tourami. Matam aduda tombigi manemna hairake “ebema nangbu ngasi khaktangdi chathokhranuba emabu ngasidi hakchang ashe yamna nungaitene nangbu.”

“Hoo karino eibu yumshida ashum suru suru neishinlaga adum leiro hairibro. Karibu tou haibano nang nasha nungaitrena eibu adum nakhong adu paidana adum leiro hairiro. Adudine ahh minai faobanane yaraklaroi hanubi. Nangda khara thuna shikhradi faradabani nang ama leidana punshi ashe chayet khoiyetnaduna adum hingle nongmata ening ekha tamna chathokpa fao fangjadre. Humm nasha adu kalingei matamdasu adum ngangbaga cheibaga aduga houkik shirum narum touraga leiraba ashi faovada adum eingonda yetpashe handene nang.”

“Ebema emashe esha yamna nungaite haina toubanine ahhh emouna chatadaba yade hairagana hek chathokuhhro. Adubune emana haigadaba haibabu nahakna touriba thabak adu yamna fatabaniko. Madunane nongmadi nang miyam amana khongoinarakaniko.”

“Yare hanubi nasha adu ngamdedi haii nachin adudi adum kalline hahhh nang ngashi eina ehh karakladine nakhouri charam adu metlaga hatpadi shoiraroidabani.”

“Ebema hatke hairasu hek hatokpiramo adunabu eise nungaina eshorgi khuya tankhibanabu farani. Kanlingei matamdasu aduga houjik shonlaba kan ashidasu nangbu eigi emoi oina fangjarubagi kari shebabu langbikhrage nangna.”

“Mashigi hanubishe shoiroise ngasi eigi maching adu lakladine nang shoiroiko.”

Tanja ashida tombi mapuroiba adu kadomdagino khangde emungda fat laona changshinlaklami. Matou aduda tombi machin adu chabeng chabeng nganglambagadu chap laona leptuna masha adu epa pakhatna hairake “ahh ahh makhoi pabung keino houjik langfeidagi hanlakliro. Keino chatpikhibasu kuidri halakpagi paosu amata hairak laklaktena.”

“Humm nangdi eina hanlakpa ashida nasha adu yama pakhatlamlani.”

“Keino haibiriba adubu eidi karigi pakhatkaduino. Emasisu mashase nungaitabanina makhoi pabung halakladi fani haina khanjaramline.”

“ Ohh adunara ngasaidagi emana masha nungaite chathokhinu haiba aduda faoba nangna leikai koiningbana henmanduna ngangli shakliba mayam adu. Aduga ei ngasidi lambida thengnaba mina hairakpadagi nangi naramchat pumba loina khanglaklabani. Mawa mapuroibana langfeida wana thabak shuba chatkhre hairabadi lai ningdana ashoi angam yaodana halaknaba haina touraga leiragadabani . Aduga nangdi tharogi potfam maningda khubak esei shaktuna nungtigi leiriba oireko. Aduga ashonbi ema ashina nangi minai douna thabak pumba shuhanduna thamba. Eigi ema ashina nangbu kayamuk nungshige haiba adusu nangdi nakok adu yaodabi nupinine khanglamloi. Ashuk kuiraba matam ashe machinda khaktang ngangjabadagi hendoktuna nangonda eigi emana kari ahenba thabak toukhre. Aduga macha eingonda faoba nangi lamchat adu khangna khangna lotshinduna thamlaga mamou oibi nangbi fubikhini cheibikhini haiduna ngaktuna thamlakpa natro. Aduga nangnadi ngasi faoba ema ashibu nungshiba machet amata faodaba makhei kayada thina laknabiriba. Nang ashibu karamba nupino nangbu eigi nupi oina fangliba eihak ashe karamba epap leibanona haina khanlakle houjikti. Yare chatkhro chatlo nahak houjikti yum ashida leibagisu kanaba leiraroi. Eidi nanga makha tana amuk hanna hingminabasu ngamlaroi thajabasu ngamlaroi. Aduna eina fajana lemna hairingei ashida nahak yamna thuna chathouro hairishini.”

“Makhoi pabung eibu amukta ngakpiyo eina mamangda toukhiba fataba thabakshing adu ngasi haiba numit ashidagi amuk hanna toujararoiye makhoi pabung. Eihakpu apangbini angaobini khanduna amukta ngakpiyo makhoi pabung. Ema namoubu amukta ngakpiyo namou emagi nafamsa yamna lankhre ei matungda ashigumba thabak amuk hann toujararoiye.”

“Emou ebema kapkanu toklo emouna ashumna wakhal tarakpa ashini eina matam kuinadagi ngaiduna lakliba ashe hougatluu emanane emoubu karisu warouba leite. Ngasi hairiba numit ashidagi emoune wakhal taroko ebema.”

Adubu tombigi mapuroibadi houjiksu adumak saori mahaki asaoba adubu fathaduna mamana hairake “emagi ebungo yengune emou ashe mashanasu lanle haidana haijaraba ashidi. Mahakpu nangnasu amuktadi ngakpiyo ngasi haiba numit ashidagidine nungai yaifaba harao tayamna panba yumban haiba adu oiragadabani.”

“Ema nachagi thamoi ashe ngasidi saoningbagi meina tumna chakhre aduga meiri ashigi hourakfam ashina namou nupini. Aduna nacha eihakti mahakpu ngakpiba ngamjararoi ema nachabu warouganu “

“Ebungo nahak ashe emana hek pokchaba echaniko emana haiba wafamda nahakna hiktokpa touganu. Shoidaba landaba ngamba mioibabu kana leibage makhoina mashagi maral adu yajaduna shoikhre lankhre haijana haijaraklaba matak aduda ngakpiba ngambagi thamoi adubu ngasigi malem ashida athoiba thamoini haina hainaribani. Aduanane nahaknasu emoubu amukta ngakpiyu mashi matung tarakpadana emouna ashoiba fataba thabak ama hek tourakpa matamda echana leplakpa firep adu emanasu yaganiko . Adubu nahak handaki ashibadi nama eina hairiba ashe yadava yaroiko ebungo.”

Mamagi wafam adu tabada tombigi mapuroiba adusu wafam adubu yarami. Matou ashum touna numit adudagi tombisu wakhal tabi emung koibi mou ama oikhre. Mawa mapuroiba amadi manemgi sheba toujabana mahaki apenba amadi shoifadraba mathoumakni khanjaduna yamna wakhao tana hingkhirami. Nakan amaromdana piyainusu mahaki mapuroibana mabu luna toujaba aduga tombi amadi leirangi punshida thoklariba mayam ashe uraga mahaksu mashana wakhak tarakpagum touraklami. Aduna nongmadi mahak ayuk nganna hougatuba emung mangol sumang thelong ningthijana loishinjei. Aduga eru maithajaraga lao thaomei thanduna korou hanba mapu mahaki mafamda mapuroibagi yaifa thounijaduna leirami. Matam ashida mahaki mapuroiba yaimchou hougtalaktuna sumang lomda thoraklami. Tanja ashida ngasidi makhoigi emung manung sumang thelong sit nanduna leiramba adu ubada mahakti pungak ngakhre. Nahan makheidi mahakna nganna hougatuna thabak pumba toujabani. Aduga mahakna henan ngakliba wafam amana magi nupina lao thaomeiga thandana touram aduna mahakti amukta henan ngakhre. Piyainusu lai khurumba loiraduna mamai leishinlaklada magi nupana mangonda munna yenglamba mityeng adu ubada mahakti epa pakhatna changshinlaktuna hairake “ heima makhoi pabung kari toubirabage wakhal adu amukta tabiro.”

“Haii piyainu karino ngasi eina uriba ashibu nare ashibu mangla taibanglane eibu touriba ashibu.”

“Ashh adugi oire makhoi pabungna toubiriba nawong adudi. Hoo mang natiye taibangni taibang eina tourishe wakhal taraktuna eshana tougadaba pumba khanglaktuba toujaribani. Makhoi pabung matam amada eina chongam yamba charudaba adu houjiktada esha etomda yamna ekaiba faojarake. Aduga makhoi pabungda eina mamangda touhankhriba thabak mayam adusu afaba nate eina toufam thokpani adubu eina fatmandraduna taiyonana panba yumban ama oihanjakhibani. Ngasidi eihak wakhal tajare makhoi pabung eina mamangda toukhiba ashoiba aranbashing adugidamak eibu amukta ngakpiyo.”

“Piyanu eidi nangnaga ashumaina wakhal tarakpa ashe manga chap manakhre. Ashuk kuiba matam ashe eina nangtavu wakhal tarakpa mikup ashe ngaiduna lakhibani adubu ngasidi eshor mahakna thoujalbiduna mikup ashe pinabire. Adu piyanu nangisibu ngasi nongma khaktangidi nateko ngasikhak wakhal taramlaga hayeng amuk nangi hanagi hounabi adu adum tourakadui jatlo.”

“Ashhh tourakaroiba eishe wakhal mapung fana tarabani. Humm eibu yamna thajadabagi waro eine hanaga yamna manadrabani thajadraga hayengsu hangchitsu nungti numit khudingi eishe honglakpra haina yengjou. Aduga karigumba eigi hanagai chongam chadaba matou adu nahakna hek uraklaba eibu hatke hairasu hatpiyu ei eshana yana loujage makhoi pabung.”

“ umm nangna adumnabu tasengna wakhal tarakladi yaman farene. Ahh adudi nangna wakhal tarakpagi nang kari enshang chaningi. Nangna chaningan adu eingonda hekte haiyu nga chaningbra ei keitheldagi chatlaga hekta leiruge aduga haona thongtharagane nangbu nabuk adu kaiba makhei pijathoke.”

“Umm hoi nga dubudi chaninge adu leibadudi makhoi pabungna leibiruro aduga thongbadi eina thongjarage. Ngasidagi makhoi pabung emungi thabak amata shubiranu eina loina touraduine.”

“Hahh onthokna nungairedako adudi ahh fare fare adudine ei mai mitkase amukta tathoklaga keithelda nga leirukhige nang chakadu thagatlamo. Ehee ngaikhone nangbu chak thongdabasu yamna kuire chaka thongbagi mawong adubu nangbu ningshingibrone.”

“Ashh makhoi pabungi wafam ashidi eibu shum hanjin hajina ekaiba piba manshinlakeko.”

“Ahh adui nateneheii nangbu nangna wakhal adu pangkhanda hek khanjinganba ashina. Eina haibadu kuina thadoklurabanina kaoramgadra haina chumna hangbagi wani.”

“Hoise farese chak thongbagi mawongdu ei karisu kaojadri madudane makhoi pabungna thoina washinbiruranu. Adugi sarukpudi keithelda chatlaga nga adu leibiruroba.”

Read this also:- Nongsa Ningthouna Mee Oikhiba

“Hoi hoi leirurage leirurage.”

Ashumna piyainugi emung adusu mahakna wakhal taraktuna yamna nungaina amadi nungshi chanana mapuroibaga hingminakhirami.