Mamang ngeigi matam amada hei leina marang kaina houbada nattana yamnashu phajaba khun amakhak leirammi.khun ashi chana thaknaba wattana engna chikna panba khun ama oirammi.Khun ashida Tharoshang koubi yamna mabuk phattabi mana ngangbada chumme haina khanbi nupi amakhak leirammi. Mahakki macha nupa ahumkhakshu leirammi.
Makhoigi mamingshingdi Nongyai,Thabal amadi Nganba haina kourami aduga makhoi ahummak yamna nungshinarammi.Makhoigi mapadu yamna peisha paiba lou engkhon yamna leiba nupa amani aduna mapana thamlamba shel mayam aduna makhoi yamna nungngaina leirammi.Adubu mapadi nganbana pikli ngei matamda naduna shikhirammi.

Makhoi ahum mamana yadaba thabak amata touramde mamana tou haibata touduna leirammi.Ashina matam ayamba mamana haibada touduna leiba ashina makhoi ahum maning tamna koiba chatchaba phaoba shanglamde.
Makhoigi apamba phaoba mamada haijaba ngamlamde adukimatik makhoi ahumna mamabu kina chatlammi.

Nongyai,thabal amadi nganba mashak matou phibam murti yamna phajarammi ashina khungi leishabi shingna makhoi ahumbu yamna pamnarammi.Adubu leishabishing aduna machin manao ahumbu nungshirabashu makhoigi mamadugi khanbada kana amatana makhoi ahumga nungshinaba pamlamde.
Houjikti nongyai ,thabal amadi nganba pakhang mapum pharaklabanina makhoishu apam nungshi phaoraklammi.
Mamannaba shinga punduna koiba chatninglammi adubu mamana nongmata mamannaba shingga punba haibashi shungya yaramde.Nongma nongyaina mamada hairammi,“Ema nacha eikhoi yumda ashum leibashi wakhalga amata thoktare aduna eikhoi ashaibaktang thok uraga thuna hanjinlakke.”

“Noibu emana yum manungda ashum phajinduna thambaro mapan haibabu mashishu mapanni chapmanei. Nakhoigi namannaba ngaoshinnaba thabak shuningdaba mayamdu punlaga nakhoishu makhoigi matou tammakkani chatpa yaroi adugi sharuk phamda nga machinjak thakusho.”

“Ema adudi ngashai ayukna thabalga nganbaga eikhoi ahum chattuna pijarammabane.Ema nacha eikhoishi pakhang pharabani apha phatta khudingmak loina khangba ngamle eikhoina karigi amuk phatte haiba thabakpu touduino ema houjikti nacha eikhoibu thadokpiro.”

“Phare echashingna adumna hairabanina emana nakhoigi apamba chatpada thinglaroi adubune emana haigadabadi nakhoi emana yadaba thabak ama hek touraklabadi emadi yaroiko.”

“Hoi ema nacha eikhoi khangjei.”

“Aduga ebungngo emana nakhoi ahumgi nupidi ekhut chaba ama yengduna thigaduribani maran mathum yamna leiba aduna nakhoi ahum langphang touganuko.”

“Hoi ema.”

Ashumna mamadagi ayaba louduna makhoi ahum maphi maron nanna shet chaduna mamannabashing houba chattui tounarammi.Matang aduda nganbana mayamba anida hairakei,
“tachou tayai ngashidi emana eikhoibu thadoktana thadok rakpashi eshagashi eyang yangbagum touwe.”

“Manine enaoton eishu yangbagum touwe ado ngashidi eikhoi eikhoigi apamba nupi hekta khanluradubani.”

“Mane tayai khanlurashi. Adu emana eikhoibu chatthokpa yadaba ashida eidi tayai nupi thiba phangdana pakhang shari oiraga leiradarabu khanlurabani.”

“Enaosha ngashi emana eikhoina haiba yarak libashi atangbani aduna nakhoina touningba pangthokningba thabak khudingmak pangthok houro.”

“Hoi tachou.”

Machin manao ahummak amana amada ekai hanggoinaba amata leiramde machin manao wa amata lottana linarammi.
Ashumna makhoi ahum mamannaba kayaga chattuna leishabi khanba chatlammi.

Numit ashidagidi makhoi ahumgi apambada tharoshangna karishu yetlamde.Machin manao ahumna thabak ekhang punnamak loishinlamduna koiba chatlammi.Makhoi ahumna leishabishingda pammi hairuba matamda amata yabiraklamde maramdi makhoigi mama adugi khanduna loina kinarammi aduga mama mapa amatana macha nupishingbu tharoshanggi machashingga khangnaba yaramde.Konna thangdadi machin manao ahummak nupi amamam khangnajarammi.Makhoi ahumgi punshi houjikti hingbagi mamal leiraklammi wakhal awaba amata leiramde.Nongma thabal amadi nganbana mayambada haijarammi,“Tamochou eteimadu khara thuna pushinbirako nanao eikhoigishu khara khanbiyu.”

“Karino enaosha nakhoina hairibadubu.”

“Tachouna eteima hanna pushinlak tringeida eikhoina karamna nupi thigani aduna tachou hanna thiraba matungda eikhoi amuk thigadaba aduna nanao eikhoidi pushinningbana loire tachou khara thuna eteimadu pushinbirako.”

“Eibu karamna pushinduribano nahan emana magi apamba mou thini haikharabani .”

“Tachou adugidi nanao eikhoi haijage kari amata wabiganu.”

“Adudi phare phare laibak yengba haibaduni.Ei ngashimak natei madu yumda muduna emaga hanna unahanlage.”

Ashumna manao anina haimanba aduda nongyaina magi khangnajabi nupi adu mayumda puduna mamaga hanna una hanlammi.Tharoshang nongyaina nupi ama puduna mayumda changlakpa adu ubada shaoningba ama phaorammi.
Tharoshangna nongyaida hairakei,
“Nongyai karaidagi nupino yum ashida puraklibashi.”

“Ema eiga khangnajabi nupini emaga hanna shak khangnahange haina purakpani.”

“O nangdi nahan makhei toina toina chatthoklibashi nupi ashigi oire.
Phare nangna emaga khangnanaba haina puraklabanina emaga nupi macha ashiga wari shanahouge nang mapanda leiruro.”

“Ema wari shanabadu eidi yaoba yadabaro”

“Ebungngo nang wa makha yamna tarakkanu chatlo haidi chatlo.”

Nongyai mamagi maong khangbana karishu khangjadabi nupi macha aduda kari kari toubikhidara khanbada wajarammi.

Tharoshangna nupi macha aduda hanglammi,
“Ebemma nang eigi echa nupashi nattaradi nupaga amata leijadrabo echa nongyaishi mama eina shel paibi nupi amaga luhongnaba haina shingnadana loirabani aduna nang echa nupa ashiga makha tanna khangnaba yaroi aduga eina nangngonda ashumna hairakei haibashi nangna echada tamba yaroi.Nangna apamba shel kayano pige echa nupagadi khangnaba yaroi.”

“Ema eibu lairei haiduna adumnadi ngangbiganu eina tamo nongyaibu shel pai haina pammuba natte eikhoidi thamoishengna nungshinajabani.”

“Mashidi machingashu yamna khummine nang eigi emou oiba shungngam ngamloi houjikmak mapham ashi thadoktuna chatkho.”

Tharoshangna nupi adugi mama mapa panba makhei thina cheibiduna chathankhi.Nupi adu mamittagi mapi taduna kapna kapna nongyaida hairammi,
“Tamo hangyengdagi nangga eiga amuk hanna unadarashi eigi ema epagi mingchat thinaba ei kari amata touningde aduna tamoshu eigi wakhal kaothokpiro.”

Nongyai wa amata haiba ngamjahoude.matam aduda mama thoklaklammi.Nongyaina mamada hangjarammi,
“Ema karigino nupi macha ashina ashuk thawai nungngaitana chatkhiribashibu emana migi mama mapa panduna wa nganbiruribra.”

“Karigi pandani ahan lamanda kari wangang shangan ngangganishu khangdaba thouganlon bebar leitabi nupidubu mama mapa panduna cheidrabadi kanada cheiruni.”

Matang aduda thabalna mamada hairakei,
“Emana migi nungngairoidaba wahei hanna hairubagi oiramgani emana kari amata haidana mina hekta emada khumlakkadaba natte.”

“Yaima nangna kari khange eina hairishini yum ashigi moudi shel paibi nupitana oigadabani laira chudatnabi amata oiba yaroi.”

Mashi hairamduna tharoshang yamna shaona emungda changkhi.
Houjikti Thabal amadi nganbashu mamabu yaningdaba houraklammi.
Makhoi anina khara shaona mayambada hairammi,
“Tachou eikhoi emagi matou ashida eikhoi kayam kuina khangduna leikhini.Ngashi phaoba mana haibada chattuna lakpani adubu handakki matang ashidi ei shungya yaningde.”

“Enaosha nakhoi amukta shaogatkhinu tapthakho.Emana touribashi nongmadi shoidana mashana lanli haiba khangjarakchani.”

“Tachou khara laknadana keidounungda khanglakloi aduna eikhoi emashi peisha paiba mamou yamna pamlabanina peisha paibi mamougi sheba kamdoubano yenghanba tare. Tachou karishu wabiganu tachou eikhoigi thangnabada leiba khun ashida eigi etao ama lei mana makhoigi khunda leishabi mashak matou phajabi yamna lei hai aduna tachou chattuna tachouna pamba nupi adu khanbiduna pubiraku maduda emana yetlaklabashu nanao eikhoina phanaba shinjage.”

Nongyai manao nupa anina hairiba wa adu yarammi.
Nongyaina manaoshingda hairakei,
“Thabal nganba eyambana yum thadoktuna chatlaga nakhoina pham amadi loushing mayamdu shenabada wagani ei chatlaroige handakki mapok shimadi nupi thidarashu toklage.”

“Tachou madugi kari amata khanbiganu nanao eikhoina phanaba shinjage.eigi emannabagi ming khoimu koubani mana tachoubu shoidana mashak khanggani .”

Manao anina yamandabadagi nongyai mamada thabak amagine haijinduna thangnaba khun aduda laklammi.
Nongyai nongma changna leptana chatlaba matungda khun adu youraklammi.Nongyai lamshanglakpagi masha adu eshing yamna khoiranglammi.
Matam aduda leishabi nupi amana shanabun puduna lakpa aduda haijarammi,
“Echan nanggi shanabungi eshingshi kharada thakchaba yagadara.”

“Ebung thakpiyu yani.”

Nongyai eshing adu thakpadagidi masha adu tekkhatlakammi.
Leishabi nupi aduna nongyaida hanglakei,
“Ebungbu kadaidagi lakpano.”

“Echan eishi thangnaba khun ashidagi lakpani ado nakhoigi khun ashida khoimu koiba nupa adugi yumga khangbara.”

“Ebung khoimu haibadu eigi ebungni. Ebunggishi eikhoi tamochougi manakta laklibara.”

“Hoi maga unadaba yadaba thabak amagi lakpani.”

“Adudi ebung yumda nachanga chatminnarashi.”

“Hoi ado echangi mingga ngashaidagi hangba kaore ado echanggi ming khangjaba yagadara.”

“Ebung eigi mingdi chanu kouwe.”

“Echangi mingshi yamna phajei.”

Chanu amadi nongyai mathamoida amana amabu nungshiba phaonarammi adubu makhoi ani mapan thongdadi kari amata utthoklamde.

Chanuna nongyaibu makhoigi yumda puduna mabungga unahanlammi.
Khoimu nongyaibu ubada thabalna hanna mayambagi wari sharakkhiba aduda thabalgi mayamba oiramgani haiba khangjarammi.
Khoimuna nongyaibu harao harao emungda koushinduna nongyaigi ka ama pibirammi.Khoimuna nongyaida hairakei,
“Tachou yum ashida echanga eikhoi anigadani leiriba yum ashibu tachougi yummakni khanbiyu.”

“Hoi khoimu ado khoimu nangga eiga hanna unakhibashu natte nangna karamna eibu thabalgi mayambani khangba ngamlibano.”

“Tachou thabalna hannadagi tachouna mapham ashida lakkani haiba mana hairakkhare aduna khangbane.”

“O phare phare.”

Thabal amadi nganbana khangnariba nupi animak peisha maiba machani.
Thabalgi nupi leirang aduga nganbagi nupi thoibicha pokminnabi machin manaoni makhoi ani peisha paiba macha oirabashu yamna thouganlon bebar houna lonchat khangbi nupi amani makhoigi mama
Mapashu yamna pharammi.

Mama mapana thabal amadi nganbabu maya nupa oibada harao harao yarammi.
Makhoina tharoshanggi lamchattudi pamlamde adubu thabal amadi nganba yamna phaba angangni khangbadagi makhoigi macha nupi anibu harao harao thajaba pamlammi.

Thabal amadi nganbana mayamba shoidana youramlani khangjarammi.
Thabalna leirangga unaduna wari shanarammi,
“Leirang nangshu khanglamgani eikhoi emagi maong matou.Mana mabuk phattabana eikhoishu mipum khudingmakna ubada kinare eikhoiga amata loinaningdare eikhoi emashi karamba matamda wakhal taraktuino khangde.tachouna koinajabi nupi phaoba lairei haina kainahanbikhare mana touriba thabakshi ei yamna yaningde.”

“Hoi eikhoigi khunda emagi wari khangdaba kanashu leite loina khangnei. Adubu emana phattarabashu machashingdi phei haina loina ngangnei.
Eishu hannadi mamana phattarabanina machashu mamagi matou louramgani haina khanlui adubu tamoyaidi yamna phaba mi ama oiramme.”

“Leirang eikhoina hek pikli ngeidagi emaga pak leiminnarakte eikhoigi tachouna manao eikhoibu kadaida shoikhidage haina koishen shennaduna chaorakkhibani eikhoi tachoushi manao eikhoibu yamna nungshibi adunane nangna tachouda thougan lon bebar kaiba yadeko.”

“Hoi tamoyai ei keidounungda tamoyaigi mai chopnaba thabak amata toujaroi.”

“Adunidana wakhal tabi nupi haibashi ado leirang ei nangngonda wa khara haige.
Eikhoigi emashi peisha paibi mamou yamna pambani aduna nangga nanaopigadi emana harao harao loushinbigani.”

“Ashengbagi loushinbigadarane.”

“Hoi loushinni.”

Ashumna thabalga leirangga wari shanarammi.
Ashomdana nongyai khoimugi yumda leirammi.

Khoimuna nongyaibu mapanda puthoktuna makhoigi khungi mapham kaya yenghanlammi.
Khunja shing adunashu nongyaibu nungshina harao harao loinabirammi.
Khun ashi mamanggi chahi kharadagi houduna ngashi phaoba mana mashingshingshi tin taduna ayamba mangnarakkhi.
Ashina chanaba potchei yamna tangba ashina khunjashida haining ngai leitana wahanlammi.

Khoimugi engkhol achouba makhak lei maduda mi kaya ama thabak shu hanlammi adubu khoimushu hannadi engkhol ashigi mapanna shel paiba mi amakhak oirammi adubu houjikti engkhol ashi phattabana lairarakkhi.
Aduna thabak shuba mishinggi shel piba ngamdaduna chaoraba engkhol aduda machan nupiga makhoi anina mana mashing kharada oirabashu thaduna madudagi phanglakpa shel aduna emung purami.

Khoimuna wakhal khara nungngaitana hairakei,
“Tachou hannadi eikhoigi khun ashi chana thaknaba amata wattana yamna nungngaina engna panlambani adubu chanaba chinjak phanglaktaba ashidadi mipum khudingmak loina wanare.Karamba matamda eikhoigi awabashi kokkaduribano khangde.”

“Khoimu tachouna khangjaba ama lei madudi eikhoigi ahan lamanshingna takpiramba tin tadanaba haina shinjinnaba panbi amakhak lei madu eikhoigi khunda thariba mana mashingda chaithokei aduna ngashi phaobada eikhoigi khungi mana mashing phajana mahei panli aduna madugi manadu amukta shijinnaduna yengkhishi.”

“Hoi tachou adubu panbi adu kadaida phanggani.”

“Panbi adudi chingda yamna houganbani aduna shawaida leiriba chingshingshida shoidana houramgani.”

“Adudi tachou houjikmak hekta yengthoklurashi.”

“Hoi yenglurashi tinshing aduna panbishing ashibu loina chadri ngeida kanhounaba.”

Ashumna makhoi anina chingda chattuna panbi adubu thiba hourammi.makhoina ching adugi amanung changshinlaba phaobada panbi adu houramde konna thangdadi makhoina thiba kanmanbadagi panbi adu thiba phanglammi.

Panbi adu khara yamna hektuna mayumda puraklammi.
Panbi adu shijinnabagi maong adu nongyaina taktuna makhoigi engkholda chaithokammi.

Makhoina cheithokpa numit adudagi humni shubada mana mashingda tonglamba tin shingdu loina shiduna panbishingdu yamna phagatlaklammi.
Matou ashi ubada khoimu yamna haroujarammi makhoigi engkhol pharakpadu ubada khungi miyamnashu yengnarammi.Nongyaina khunggi mipum khudingmakta takpiduna makhoi makhoigi engkholshingda loina chaithokhanbibadagi houjikti khun ashida chana thaknaba amata wattare.Nongyaibu khun ashigi mipum khudingmakna yamna nungshinarammi.Nongyainashu khun ashigi ahan lamanshingbu luna channa toubiba ashina amukka henna nungshinarammi.Khoimugi engkholshu houjikti phagat laktuna mi kaya thabak shuhanduna hanna gumna engkhol phajana koihanlammi.

Magi ashigumba pukchel chaoba matou ashida chanuna henna henna nungshiba phaorammi.Chanuna nongyaida nungshibagi maong matou ama touribadu nongyaishu khanglammi adubu manao nupagi mamannabagi machan nupinina magishu machan nupigumbani mina phattana lougani khanduna karishu khandaba shaduna leirammi.
Nongma chanuna mabung leitri ngei nongyaida hanglammi,
“Tamochou ei wa amata hangge yagadara.”

“Echan kari wano nangna hangninglibabu hangngo.”

“Ehh tamochoushi nupiga thirabo.”

“Thidarida.”

“O ado houjik phaoba nupi thidrishibu khangnabaga leibaro.”

“Echan nabunggi khangnaba nupi amata leite ado keidourage nangna hanglishibu.”

“Keishu toudeda ashum khangningduna hangbani.”

Ashumna chanuna phongdokningna phongdokchabadi ngamlamde.
Nongyaishu chanugi phajaba shaktambu ubada nongma nongmagi nungshiba ashum hengatlakkhi.Mashidagi nongyaina tanja ama yengduna chanuda nungshi haina phongdok charammi.
Numit ashidagi makhoi ani yamna nungshinarammi adubu makhoi anina khoimugi mangdadi kari amata chingnabagi matou utlamde nongma khoimuna thangnaba khunda mana mashing puduna shangarida puduna yonba chakhi.Matam aduda nongyaiga chanuga wari shanarammi,
“Chanu eikhoi anina khangnaribashi mina khangngaklabadi yamna phajaroidari.”

“Tamodi khangngam khiroi mina ngangnaribashi.”

“Karino haishe.”

“Tamogi wakhalda eikhoi ebungna
Eikhoi ani khangnabada shaogani haina khanlibadu aranbani maramdi tamoyai thabalna laktuna wari pumba liramme eikhoi ebungna eibu tamoda pigani haina hainakharabane tamodi mashigi washi khangngamkhiroi.”

“Chanu nangdi mashigi washi nahanna hairakpa yadabara.”

“Tamona eibu nungshiramdrabadi haina tamona eibu nungshi haina hairakpa ngairakpani.”

Ashumna makhoi ani wa shengdoknarammi.khoimushu machan nupina nongyaida leikharabadi machan nupigi laibak phabani khanlammi.
Nongma khoimuna nongyaida hairakei,
“Tachou eigi echan nupishi ema babana hek pikli ngeidagi hudokpirambadagi eina yokcharakpani.Shelshu yamna paijaba natte hayeng konna emana echanbu mamou oina loishinbiyu yagadara.”

“khoimu emana chanubu mamou nupi oina loushinlu yadrabashu eina chanubudi keidounungda khak miraiduba leite aduna nang karishu khanganu.Hanna chattuna emana kari haibano takhishi.”

“Hoi tachou.”

Mashidagi thabal amadi nganba laktuna mayambada mateimabu makhoigi yumda puraktari ngei hanna mapham ashida luhongthoklashi hairammi.
Maramdi mamana kari amata touba ngamdanabani.
Mashidagi nongyai amadi chanu mapham aduda luhongduna leirammi.

Nongyaina pakhatchaduna chanuda mamagi manakta chattana mapham ashida adum leirashi haina haijarammi adubu chanuna mamagi sheba toujage mabu makhoigi yumda pubiyu haina haimanbadagi mayumda puba tarami.
Thabal amadi nganbashu mayambana mateima puduna lakani haiba tabada yamna haraojarammi adubu makhoi anishu mamagi maong matou aduda lakkaduriba mateima aduda kari kari nganbikhidara khanbada wajarammi.

Ashumna nongyaina chanubu mayumda puduna lakammi.Thabal amadi nganbana mateimagi makhong shoktuna khoiramjarammi.
Matang aduda tharoshang emungdagi pishum shuktharaga thoklaktuna nongyai amadi chanuda munna yenglammi.
Matam aduda chanuna karishu khandana tharoshangda hairakammi,
“Ema namou khurumjari.”

Tharoshangna machashinggi matou adu ubada mana chanubu thina nganglurabadi machashingna mabu shoidana shaokharani khanbadagi aphabi shaduna hairakammi,
“Ebemma yare yare hougatlu.
Emoudi nashakna maron phajariba.
Eigi emouni haibada mai pakchare.”

“Lak o lako emungda changngashi.”

Nongyai, thabal amadi nganba mamagi matou adu ubada makhoi ahum tingngak tingngak yengduna leinarammi.
Makhoi ahumgi thamoida mamabu thajaramde mamana utliba maong matou ashi makhoigi mangda toushinnabani khanglammi.Ashumna numit ashidagi chanu yum ashigi mou oiduna leirammi.
Tharoshangna chanubu yamna nungshiramde adubu machashinggi mamangda nungshidabagi matou utlurabadi shoidana shaokharani haina utlamde.Ashina chanugi ashoiba ama ngaiduna maran shijinduna tanthoknaba tourammi.

Nongnganbadagi chanu thabak ama phaoba chithadana phajana machutana toujarammi.Ashina tharoshang wa nganningngai amata leiramde.
Nongnganbadagi tharoshangna thabak kaya ama chanuda pishinduna laknarammi adubu chanudi kari amata wai amata haidana ngamnaba shujarammi.

Nongyai mamana chanuda touriba mayam ashi yengba ngamlaktaduna mamada cheige tourammi adubu chanuna themjinbirammi.
“Chanu nangbu ashumna kayam kuina khangkhini emana nangbu ashuk thina laknaraba phaobada eina ashum yengduna leikho haibaro.Chanu nangna emabu nugshiribadu karishu kanaroi eikhoi emashi minungshi khangdabi nupini adunane houjikmak eikhoi ani nakhoigi khunda chatnaba toushi.”

“Tamo eikhoina chatkharaga emagi shebadi kanana touhougani.
Tamo ei karishu wade eina yum ashigi mou oina lakabanina thabak shingshi touba tabani.”

“Chanu yum ashigi thabak toubadagi hendoktuna emana nangbu karishu khanbidaba ashidani eina nungngaitaribashi.”

“Yare tamo tokpiro emana takharaga wakhal nungngaikhiroi.
Adugi sharuk chak chabinaba toubiru lako ei emahoi amukta kourukhige.”

“Hoi hoi.”

Makhoina chak chaba changnaraktri ngei tanjada tharoshangna chanu uhandana makhoina chanaba haina chanuna thangdoktuna thamlamba magi sharuk aduda thum mayam hapchinlammi.

Makhoi mayam chak chanaba haina phamnarammi.Chak chaba hourammi matam aduda tharoshangna chakkhom ama hupchinnaba shaduna othoraklammi.
Matam aduda makhoi mayam mamada yengduna leinarammi.
Tharoshangna yamna shaona chanuda cheiraklammi,
“Mashibu kari eshang khuthongno thum ashuk yamna yakpa ashibu nayumdaga amata tamlaktabaro nama napa leitabanina thabakkashi amata tambinaba leitaba aduna houjikti kari share.Thabaktu heitaradi nayumdu karigi panlakleno pandarashu toku yadaro.”

Matang aduda nganbana mamada hairakei,
“Ema kadaida eshang thum yakeno eikhoi amata yakte.”

“O adudi eigi sharuktanine yakebashi mashina takpadi nangna eibu shinaba haina toubanine.”

“Ema namouna emagi eshangda kari amata hapkhiba leite ema nacha eshangdu anouba ama shinjarakage.”

“Yare nangna thongba chak eshangga chaduba ei kijei nanggumba pupangshudaba lairaba emungdagi hourakpi nangnashu yum ashigi mouga oini lakchashari.
Ngashidagi nang yum ashi thadoktuna lairaba nabunggi manakta chatkho.”

“Ema yare ngashaidagi eina tage haina tarakpani adubu emagi wangan shangan adu yamna henmanle.”

“Nongyai nanggi nupina poshem touba acha athak yamna pijarabanina nama eigi chinthaktaga khumba hourene.”

“Ema nabuk phattabagi hounabi mikhudingmak phana khanba ngamdabadu toubinu.eina eigi nupigi magun chap chana khangei eigi nupina nongmata emada phattanaba toukhiba leite.Eidi emana shoidana ashi tourakkani haina mapham ashida chattashi hairini adubu chanuna emagi shenba touni haina lakkhibani.”

“Yare nongyai nanggi nupibu achumba shaknaba haijinba wahei mayamdu taningde nakhoi animak ngashidagi yum ashi thadoktuna chatkho chatlu nakhoiga eigagi mari tatnarabani.”

Thabal amadi nganbana yamna shaona mamada hairakei,
“Ema nangna nganglidubu karino nangshi ahanshu phanayam oiraklaba shiphaobada nabuk aduk yamna phattaribadubu karigino.
Nangna ngashi ngangshakliba mayamshi shemjin shajinba ngaktani haiba eikhoishu loina khangei.”

“O nakhoishu lairachudatnabi nateima ashina shemjinlabanina eiga amata nungshidarene.”

“Ema eikhoina hairibashi emagi lamchattunani kharashu phaba tammu keidoubage.mipum khudingmakna nangna maram oiduna eikhoishu amata nungshinadare nangdi khawaidagi phattabi nupini.”

“Nganba nangna emada adumna hairidubu karigino emada adumna haiba phatte.
Emana namou eikhoibu chatkho hairabanina eikhoi chatchakharage adubu ema namou eikhoiga emaga maridi taknahanbiganu.”

Mashi haiduna makhoigi potchei yomshinduna nongyai amadi chanu mayum thadoktuna chatnaba tourammi.thabal amadi nganbashu makhoigi matung enlakkani hairammi adubu chanuna mamaga phajana leiminna hounaba shinnarammi.
Chanuna mabukning yamna nungshina hairammi,
“Ema namou eikhoi chatcharukhige.”

Waheishi hairamduna mamittagi mapi neithoktuna chatkhi.
Thabal amadi nganba mateimagi matou adu ubada thamoi yamna shoktuna leppaga leihouwe.
Makhoi anina mamada yamna shaona hairammi,
“Emashi peisha paiba namou yamna pamba nattaro eikhoi ani ngashigi numit ashida peisha paiba namoudu pushinlakkani yengngu peisha paibi namougi shenbadu nungngaibara haina.”

Mashi hairamduna yamna shaona chatkhi.
Thabal amadi nganbana makhoiga koinajaribi nupishingda wari punnamak liduna makhoi mari changduna mamabu amukta wakhal tahanshi hainarammi.
Ashumna numit ashida makhoi animak nupi chenlaklammi.Tharoshang mamou animak peisha paiba machani khanglakpada yamna haraona luhongbirammi.

Ashumna luhongduna leirakpa matamdagidi leirang amadi thoibichana mamabu otpa houraklammi.
Numit yungnga phaobada hougattana manemna thabak touba loiba ngairaga hougatlammi.Makhoina nongmata emunggi thabak ekhang amata toudana make shemduna leithoklammi.

Tharoshang nongnganbadagi chak eshang phishu phijam kolik wairam shengduna ngaihakta phaoba pothaba shanglamde.Makhoigi mamou nupi anina touriba ashi mana kari amata haida ngamnaba tourammi.

Tharoshang nongnganbadagi pothadana thabak shuba ashina masha adu wabana shoktharammi.
Leirang amadi thoibicha makhoigi thamoida mamabu thina toubashi pamlamde adubu mamagi phattaba lamchat ashibu shemdoknaba haina makhoina shinduna touribani.

Nongma tharoshangna mamou nupi anida hairammi,
“Ebemma ngashidi emashi yamna chok thei aduna nakhoi chaktu khara thoku.”

“Ngammoi ngammoi eikhoina yum ashida laklishibu chak eshang thongba lakparo emana eikhoida yumgi thabak amata youhandana nungngaina thambini haidaine.”

“Hoi emana haikhi adubu emashu nakhoida thabak amata touhandana ngamnaba touridana ngashidi esha khara nungngaitaba ashida haibani.”

“Yare kari toudana nasha nungngaiteina thabak shuningdabagi natat toushinnaranu phishuduba mayam leihoubani shurusho chatlu.”

Matang aduda thabalga nganbaga lakammi aduga hanglakei,
“Kari tounarabage.”

“O emashi thabak touningdadana masha nashinnariba.”

“Ebungngo ema nashinnaba natte esha ashi yamna chokthaba aduda ngashidi emoushingda chak khara thongngu hairambani.”

“Ema namou nupi anishi mayumdagadi chakka amata thongdana nungngaina kedana leiraklibani aduna thabak touhanladi mama mapana kari khankhibi aduna emana ngamnaba toubiruro.”

“hoi hoi ema toururage.”

Mamagi matou adu thabal amadi nganbashu yengba ngamlamde adubu mamagi maran adu mashana khanglakchanaba haina khaangduna leirammi.

Ashumna tharoshang mamou nupi amadi macha nupashingna laknarakpa ashida mana chanubu thina otpikhiba mayamdu ningshinglaktuna mamittagi mapi theidok theidokna chak thonglammi.

Nongma tharoshangna chak thangtoktuna thamlamba matamda leirang amadi thoibichana makhoi anigi eshang sharukta thum mayam hapchinlammi.

Makhoi mayam chak chanaba loina changngaktuna chaba hoirammi.
Matam aduda leirang amadi thoibichana chakkhom ama huptuna othoktuna hairakei,
“Ehh thum khuyat ashidi karino ashibu kari enshang khuthongno.”

“Ebemma eshangdu kari tourabage.”

“Nangna touge haina touraga khangshinnadabaga sharibanine yengngushe charaga ashuk yamna thumyakpa eshangshibu kanana chaduino.”

“Leirang eikhoigidi thum amata yakte.”

“O adudi emana eikhoibu shirashanu haina happanine.”

“Ebemma emana nakhoigi eshangda phataba amata hapkhiba leite emana thum happada khara otpa thunghoudabagi oiramgani ema eshang anouba ama pirakage.”

“Yare nangna thongba chak eshangga chaduba eikhoi kire.”

Mamou nupi anina nganglakliba wangang ashi tabada mana chanuda maran shibiduna yumdagi tanthokhibadu ningshinglaktuna kap kaptuna hairakei,
“emagi chanu ema ngashidi khanglakle eina echashingda toujaruba maheini ngashi eingonda phangliba ema yamna lankhare nakhoibu amukta hanlakkho.”

Mamagi matou adu ubada makhoi marina mamashi wakhal tarakle haiba khanglammi.
Matang aduda makhoina mamada hairakammi,
“Ema houjikti nashagi naran khanglaklaba nattara.Ngashi nangna namittagi napi taduna kaplibashi eteimana yum ashidagi chatkhiba numit aduda eteimagi mitludagi thamoishokna takhiba piranggi maheini.emana karishu maran leijabada tachou eteimabu yum ashidagi minungshi leitana tanthokpikhiba adudagi emagi phattaba lamchat ashibu shemdoknaba haina nacha eikhoina toubani.”

“Ema namou eikhoina emada touheidaba thabak kaya ama toukhiba adugi namou eikhoibu amukta ngakpiyu.”

Tharoshang houjikti khangngakle mamou nupi anina mabu wakhal tahanlakpa ashida penjaduna hairakei,
“Emou anina phattabi nama eibu houjikti wakhal tanhanle.emana nakhoida karishu shaoningba leite.
Emagi thabal nganba nakhoi ani nayambaga nateimagadu yum ashida puraku emana makhoi anibu ngaiduna leihouwe haiyu.”

“Hoi ema nacha eikhoi houjikmak chattuna tachouga eteimaga purakalge.”

Ashumna thabal amadi nganbana mayambaga mateimaga shagon gari ama puduna louba chatlammi.

Makhoina ashum leptana thourakpa ashina khoimugi yum yourammi.
Chanu manao nupa anina lakpa adu ubada yamna haraona kourakei,
“Thabal nganba nakhoi ani lakebaro changlako emungda phammulao.”

“Eteima ngashidi pao nungngaiba ama puduna laklabani.”

Matang aduda nongyai amadi khoimushu yumda hanlakammi.
Nongyaina manao nupa anibu kuina urudraba matungda uba phangjaba ashida yamna haraona konbiduna makhoi punna emungda wari shanarammi.
“Thabal nganba emadi ana ayek yaodeko.”

“Tachou yaode eikhoina ngashi lakebashi emana tachouga eteimaga lourusho haina lakebani.”

“Thabal nangna harishibu ashengbara emanabu nateimaga eikhoi ani tashengnamak lourusho haibarane.”

“Tachou nakhoi chatkharaba matungdashu emana tachouga eteimagagi kari amata khanlamde mashidagi nanaopishingga shinnaduna eikhoi chenlaga luhonglaba matungda emabu wakhal taraknaba haina emana eteimada otpikhiba aduga chap mannana toubadagi houjikti emana eteimada toukhiba maran mayamdu mathanda khangjarakle.”

“Aduna tachou tayaiga eikhoi ani eteimaga tachouga louba lakeini houjikti eikhoi echin enao ahum punna yumda leiminarurashi.”

“Etao khoimu nataona etaogi toubiman keidounungda khak kaojaroi.etaona eigi mateng pangbiriba mayamshi nataona etaogi pangba ngamba mateng shoidana pangjarakke.”

“Etao karigi matengno nataona angamba khara pangjabani einashu etaoda mateng nibagi matamshu lakkhini.”

Ashumna nongyai amadi chanubu manao nupa anina puduna mayumda lakammi.

Tharoshang amadi mamou nupi anina nongyaiga chanuga lakpadu ubada emungdagi mei louthoktuna oklammi.
Tharoshang mamou chanubu ubada mamittagi mapi taduna hairakei,
“Emagi chanu nang emabu warouganuko emana wakhal thenbi oirubana emouda ngangloidaba touroidaba kaya ama toubikhare adugi nang emabu amukta ngakpiyu.”

“Ema namou karishu emada nungngaitaba leijade emana namouda ngang shakkhiba mayamdu emana namoubu phahanningdana ngangkhiba ngaktani maduda namouna karishu khanjade.”

Read this also: –Kangjei Huranbi Leima

“Ashuk yamna phabi emoushibu eina kayada thina laknabikhiba ema ngashidi eshagi eran khanglakle aduna emoubu emana amukhanna thina touraroi.Ngashidagidi emana yum ashigi ahan oina nakhoibu phajana konduna yamna nungngaina leiminnaragadubani.”

“Eche ngashidagidi eikhoi ahumna emagi shenba phajana tourani.changngashi eche.”

Ashumna mamou ahumna numit ashidagi manemgi shenba touduna harao harao machashingga wari watai shanaduna engna chikna panduna nungngaina leikhi.