Thainagi matam amada nongyai kouba louuba nupa ama leirammi.
Nongyai mama mapana nganna hudoklambana makhurana mabu yokpirakkhi.
Makhurana mabu yamna luna toubirake. Makhoigine haibada macha amata leiramde Adubu makhuragi nupi ashangbina nongyaibu makhuragi mamangdana luna toubirammi aduga makhura leitaba matamda thina phu cheibiduna yumgi thabak enkhang pumba touhanbirammi.

“Nongyai nang ngashaidagi kadaida chatlui.”

“edomcha ei maningda konlik phengngubani.”

“Ngashaidagi konlik phaoba phenglamdribadi nang karidouriba.Nathibong taptana charaga shanaraga leithoklamganine.”

“endomcha phi shuraga emung wai teithokpa loiraga kon phengge toubani.”

“Nachin thinu nangna shanaraga leithokpa nattaro phei nang ngashidi nathibongga amata pijaroi.”

Mashi haiduna nongyaibu phubirammi.
Ashangbina kanna kanna phubiba adu nongyai khangba ngamdraduna chenlaga khangjarammi.
Makhurana yumda hanlakpa matamda nongyai mashadu yamna chokthana leiramba thengnarammi ashida shamuna karitouraba jatno khanduna hanglammi,

“Nongyai nangbu nashaga nungngaitabaro.”

“pabungcha ei karishu toudiye.”

“Nanggi nashadu yamna chokthana ui nangbu chak charabaro.”

“Chare.”

“Namannabashingdi awang leikaigi lampakta shanaraga leihouwe nangdi shanaba yaodradi kari tourabage.”

“Pabungcha ei shananingde haina yaodabani.”

“Phare lako pabungchaga chak chaminnarurashi.”

“Hoi pabungcha.”

Matang aduda ashangbi changlaktuna hairake,
“Moi pabung nongyaidu eiga mabuk thanna chak chakharabani chaninglammaroi ma pijaruranu.”

“Ashangbi ngashai chakharabashu eiga amuk chaminnagaduribani nanggi tougadaba nathoudu toururo.”

Ashangbi wa makha taramde nongyai makhuraga chak chaminnarammi.
Nongyai chak yamna lamduna leibana makhut macha aduna chaktu thanna paishinlaga mabuk thanna chajarammi.
Nongyaigi matou adu ubada shamu chingnaba kharadi phaorammi.
Ashangbidi nongyaigi matoudu ubada shaoningbana mei hourammi.
“Nongyai nang ngashaishu mayam charabaduda oktribaro yare hougatlo nang pabungcha khara pijaro.”

“Ashangbi echa ashina chaningba makhei chajashanu maduda nangna yengshinliba karigino nangna echa ashi chak mabuk thanna pijabidabara nang naron chummu nattarabadi nang napam youni.”

“Moi pabung karino haibiriba adubu eikhoigidi echa nongyai nattana kana leiri mana eikhoigidi punnamakni echada pijadana kanada pijagani nanai nupina haibashi thajabiyu.”

“Pabungcha edomchada cheibiganu edomchana eibu chak pukthanna pijabi ei shanarubagi waduna chak yamna chabani.”

Shamu nongyaigi wadu tabada magi ashaoba punnamak phatharammi.
Shamuna nongyaibu machada machagumna luna channa toubirammi.
Shamuna engna tapna ashangbida hairammi,
“Ashangbi eikhoigidi echashu amata leite aduna nongyai ashi taibang mapuna eikhoigi echa oina thabirakpani hayeng konna eikhoina ahan oiraklaba matamda echa ashina eikhoibu nungngaina thambirakkaduribani nangna nongyaibu nabuk thokki nacha makni khanduna luna channa toubiyu.Eidi thabak shuba chatpana echa ashiga leiminnabashu phangde nanggadi matam ayamba leiminnahoubanina nang echa ashibu phajana yengshinbiyu.”

“Moi pabung nanai nupishu khangjei eishu echa nongyaibu luna touribani.”

Ashangbi onthok onshin ngangduna migii thamoibu chingshinbi ngambi nupini mana aphabi shaduna ngangshaktuna mapuroibabu themjinlammi.
Mana nongyaibu nungti numit khudinggi thabak shuhanbirammi arappa pukkhiridagi magi erujaba amadi yumgi shijinnanaba eshing kaya amashu shokhanbirammi.
Angang oiriba nongyaigi makhut khubak adu eshing arumba pumanbagi tatpana chak phaoba loukhattuna chaba ngamlamde.
Ashangbina huida thakpa chakka mannana lada haptuna enshang amata yaodana chak kharada enthokraktuna pirammi.
“Edomcha enshang khajikta heibirako.”

“Karigi enshangno enshangga leite eina piriba chak adu chao.”

Nongyai madomchagi matou adu ubada yamna kina chak mathanda chanaba tourammi.
Mabuk lamlaba nongyaina makhutti shokpana chak paiba ngamjaramde.
Narabashu nana chak adu khajik khajik loukhattuna charammi.
Mapi teithok teithokna mabu pokpiba mama mapana mabu luna channa toubiduna mamana mabu chak enbirakkhibashingdu ningshinglakkhi.
Ashumna nungti numit khudinggi maram chadana ashangbina otpirammi.
Nongma nongma houkhibana houjikti nongyai pakhang mapum pharakle.
Nongyaina pakhang pharakla phaobashida ashangbina otpa toktari.
Nongnganbadagi loubukta thabak wana shuru hanlakaga shan shenba amuk chathanli aduga migi loushuba shingchanba kaya ama shuhanlammi ngaihakta phaoba pothaba shanglamde.
Nongyai ayukki chak phaoba chadana warabashu wana shujarammi.
Houjikti ashangbigi emung nongyaina purammi ashuk youna wana hotnajariba phaobashida ashangbina nongyaibu nungshiba machet ama phaoba phaobiramde.
Shamuna magi nupigi lamchat ashi khanglakpa houraklammi.
Adubu houjikti shamu naha oiri ngeida thabak akanba shubana maram oiraga masha adu chahi khara yamshinlakpada ahan yamna oishinlaktuna shonjinlakammi.
Ashina houjikti ashangbina yum ashida touning touningbada touduna leirammi.
“Ashangbi nongyaidu nongnganbadagi thabak wana shuduna eikhoigi emung ashi puribani aduga nangna angangdugi chak phaoba ningthina shemshaduna thamningdriba ashi karigino echa lakani phajana shemshabiduna thambiyu.”

“O ngamjadare karibu kanagani mitopki machabu ashum mathibong thakaga narandi leitana karigi minungshi leiribano.”

“Ashangbi nang wa ngangbada yamna henjinlakle nanggi nathamoi adudi nungga chapmannei angan aduna thabak shuduna eikhoibu thakpidrabadi kanana thaktuna hingduna leikhini.”

“Eikhoina mabu ashuk kuinadagi yoklakebashi eikhoibu thaknaba nattaro mashidi yumgi minai amana toupham thokpa mathouni.”

“Ashangbi nangna echa nongyaibu yum ashigi minai amagumna khanlabanina nang houjikmak napamda chatkeshu chatkho chatlu aduk pukchel pikpi nangbu eina yum ashida leihanningde.”

“Eigidi nupa watte hanuba nanggi nanakta wana epunshi lenjagadubagi sharuk pudi ei maning leikaigi ta amujaoda yum panduna yamna nungngaina leiruge.”

“Ashangbi nangna eibu yamna ushittarene napuroiba amada kari wangang shakngang nganggani khangdrabi nangdi yum ashida leiba yaroi nangna nayum pangera panloira nangna thokpa nayumda chattuna tourusho mapham ashi nabukchel shengdabi nanggi nayum natte.”

“Eche eigi nupa adu yamna thuna shinaba hidak amata piyu.”

“Ashangbi shamuna nangngonda karidourabage aduk yamna phaba enaopa aduna.”

“eche karaidagi phabano eina touba thabakta khongthang khudinggi yengshindunata leiraga eina kadaidagi eningtamduino machashu nattabada mayambagi macha ama yokshinlaga makhoi ani changduna eibu aranba tahanbire.
Eche eina hairiba hidak ashida pibiyu.”

“Ashangbi nangbu amukta munna khankhone.”

“Eche khanba yaba khanlaba matungdagini eina lakebashi echena thabak ashi ngamloi haibara ngammoidaba oiragana ei mi amada hainarurage.Atoppana shel loukhidubagi sharukpudi eche phanghounaba haina lakpagi wani ngamdragashu kaide.”

“ashangbi nangshi onthoknashu phinggat khare echena karidoubagi ngamloidaribano echena ashigumba thabak ashidi toudunata lakabani echena nanggi ningba thunghangani.
Nanggi ashigumba thabak ashi nungtigi toudunata lakabani madugi hidaktu shemduna mayam thammi louthokrakkhige ado mashigi hidak ashidi mamal yamna tangeko.”

“Echena apamba kayano pige hidaktuda piraku.”

“Hoi hoi.”

Chinggongleina emungdagi lada yomduna hidak khara pirammi.

“She she mashigi hidak ashi napuroibagi chakta chaiduna pijou madu oirabadi numit nini humnigi manugda shoidana naraga shiradubani.”

“Eche amuktang chabada shigadaba hidak oina pammi eidi nabagi shebaga touba tanli.”

“Ashangbi nangshi onthoknashu pangkhare nangna hidak akanbadu tharurabadi nongmada shidokkharadi nang khujashingna tanthokkhiba taba.”

“Hoine echena hairiba adu yamna chummi adubu ei tandi tanlida enabagi sheba touduribashi.”

“Numit kharani phaobadi warabashu wana toururo thabak ama touge hairadi awaba khara mayoknaba taba.”

“Hoi eche ei toururage.”

Ashumna makhoi ani shinnaduna shamubu thuna shinaba shinlammi.
Nongyai ayuk angnanbadagi chak thongthaktuna shamubu pijrammaga magi thabak chatli.
Adubu ashangbina yamna thajadana nongyaida hairake,
“nongyai edomchana chak adu thongbirage nanggi tougadaba thabaktu toujaruro ngashidagi edomchana adum thongngadubani.”

Ashangbigi matou aduda nongyai ngakcharammi wadi makha tadana magi thabak toujarammi.
Ashangbina mapuroibagi chakta numit khudinggi hidak hapchinduna pijarammi.
Ashumna nungti numit khudinggi hidak haptuna pijaba ashina shamu ekhang khanghoudana masha adu khangshon shontharaktuna narammi.
Nongyaina maiba kouduna yenghannaba touba mtamda ashangbina maibi chinggonglei oina kouhanlammi.
“Nongyai nakhoigi pabungchashi karishu tourouda leihou khara toubani eina piramliba hidak ashi pithaku.”

“Ene eigi pabungchagi masha ashi yamna shonjinlakliba ashi phagatlakkhidara.”

“Pharakkani pharakkani nang karishu waganu eina piramliba hidakshida pijou.”

Ashangbi amadi maibi chinggongleiga shinnaduna maiba kanada yenghanlamde ashina shamugi masha adu henna henna shontharaklammi.
Nongyai magi pabungchagi masha ashina phatgatlaktaba ashida chingnaba kaya phaorakpadagi atoppa maiba kouduna yenghannaba tourammi.
Matam aduda shamuna mangonda hairammi,
“Nongyai echaga pabungchaga kuina leiminnaba phanggaduba mandare.
Nang pabungchabu warouganuko pabungchana hairamgadabadi eina nadomcha khanghandana nanggine haina loupham ama leiduna thambani madudi eikhoigi yum ashigi maning pangbada ashum chatlu noigi ta pheijaoga lou thangnaraga leibani eina pheijaoda wari pumba liduna khanghanlamlabani.”

Mashi haibaga shamu masha adu kanna naba chikpa houraktuna thoro thoro onlammi.
Matou adu yengba ngamdraduna nongyaina maiba kouba yamna thuna chattuna maiba nongthon kouduna lakammi.
Adubu makhoina yum youba matamda shamu shiduna leiramle.
Maiba nongthonna yengba matamda khangba ngamlammi madudi shamushi mina poshem touduna hatpani haiba.
Nongyai thamoishokna kapcharammi,

“Pabungcha karino touriba matou ashibu nachabu kanada shinnaramlibano.”

“Nongyai nakhoigi napabung ashi chumnagi naba leiyong natte mashi migi poshemna thokhanbani.
Mashigi hidak ashi maibi chinggongleitana shemba hidakni.”

Wadu tabada nongyai houjikti punnamak wakhal taraklammi.
Yamna ningngamdana shamugi mathou mangam pangthokpa loirammi.
Aroiba oina shamugi mathou pangthokpa loiba numit aduda ashangbina maga khangnaba amujaobu mayumda puduna lakammi.
Amujao matu macha leibada nattana mayushu yamna thakpa ngaoshinnaba nupa amani.
Ashangbina nongyaida hairammi,
“Nongyai nang ngashidagi yum ashi thadoktuna chatkho.
Ngashidagi eiga nakhoiga mari amata leinadarabani.”

“Edomcha eibu yum ashi thadoktuna chatkho hairashu chatkhini adubu edomchana pabungchagi mathou mangam aroiba numit ashida tourakliba thabak ashidi kaya phajade.Minashu yamna thina ngangnakhini.”

“Nangna eigi apambada yetpham thokte nang yamna thuna chatkho chatlu.”

“Edomchana atoppa nupada yum panninglabashu pankhibada eikhoi karishu hairoi adu nattana karigi eigi pabungchabu hatpiribano.”

“Eina noigi pabungchadu hatkhiba leite mashana shijakhibani nang wa makha tanu chatkho chatlu.”

“Edomcha nang nongmadi narangi matung enna eshorna nanggishu khudol tambirakkhini.”

Nongyai aroiba oina yum adubu yengjarammaga maphi maron yonduna mapabungna hairamba loupham aduda chatlammi.
Makhoigi loupham manakta pheijaona mabu ngaiduna leirammi.
“Nongyai epanna nang shoidana lakkani khangduna ngairamlibani.
Nakhoigi pabungchana eingonda wari pumba liramlabani.Nang ngashidagi ningtamba mishak ama oirabani nang houjikti nashagi lantanba houjaro loupham ashida phou thaduna naran lepchaba houro aduga nanggi yumshu nakhoigi pabungchana leiduna thambirammi madushu yenglushi lako.”

Pheijaona yumdu youba phaoba nongyaibu thinbirammi.
Houjikti nongyai yum aduda leiduna lou enkhol kaya hotnaduna maran lepcharammi.
Nongyai magi pabungchana magidamakta leishinbiduna thambiramliba yum loupham ashi khanlubada kapcharammi.
Houjikti nongyai maran mathum peishinduna yamna komna hingjarammi.
Mapham adudagi mamannaba kayashu khangnajarammi houjikti mayum makei panbagi wakhal phaoraktuna mayum panlage khanjarammi.
Khun adudagi mashak matou phajarabi Numitleiga khangnaduna luhongduna mayum makei panbagi lamda khongdaminnarammi.
Nongyai louda numit khudinggi chattuna phou yengshinlammi aduga lou adugi nakanda enkhol ama leiduna mana mashing kayashu thajinduna shel tanlammi.
Nongma Numitlei mapuroibana yumda hanlakmandrabada mana chak enshang lada yomlaga thinlammi.
Nongyaina magi nupi lakpadu ubada hairammi,
“Numitlei nang wanaba karigi chak thiba lakebano.”

“Tamo lakmandaba aduda chak lammammani haina thilakpani.”

“Hoi eishu lambabudi lammabani adubu matek shimata touba loiramge toubani.nangshu chak charamkhiroi chanaba tourashi.”

“Hoi tamo.”

“Numitlei nang hayeng khoidi ei laktri phaoba chak chadabadu touganu nanggi nabuk thannaba chak phajana chao adugane eigine haina hayengdagi chak thinlakkanu ei yumda lakaga adum chage.”

Nongyai amadi numitlei adumakki yamna nungshinarammi nongyaina magi nupibu yamna luna channatoubi ashumna makhoi ani yamna nungshinana leiminnarammi.
Houjikti nongma nongma houkhibana nongyai amadi numitleigi macha nupa amaga nupi amaga leirammi.
Macha nupa yaichenba pungkak chaorakle aduga macha nupi Linthoishu mabunggi matung enduna shanarammi.
Nongyai amadi numitlei macha anigi nungshiraba matou adu yengduna yamna nungngaina hingjarammi.
Numitleina macha anibu chekshinna keida shoikhidage khanduna shennajarammi.
Nongyaina loudagi karakpa matamda mama macha makhoi ahum shanaduna leirambadu ubada momon minok tamjarammi.
Macha anina mabu ubada chenshinduna konlakammi.

“Tamo echa anina mapa lakaga chak chani haina ngashaidagi chakka amata chao haiba yade.”

“Epagi yaichenba,linthoi nakhoi anidi ashuk thenglaba phaoba epa ngairamliba karigino nakhoi hayengdagidi epa ngairamganuko.”

“Baba yaodrabadi eikhoi khitang chabadu nungngaite aduna baba ngairambani baba hengdagidi nganna hanlaku.”

“Hoi hoi epa nganna hanlakke numitlei echa anishi chak lammammani chak hanna chanaba tourashi.”

“Hoi tamo.”

Makhoi punna chak chaminnarammi mama mapana yaichenba linthoibu yamna luna toubirammi makhoi anina mama mapagi manakta maningtamna mamon minok noktuna kejarammi.
Makhoigi emung awaba amata leitana yamna nungngaina panlammi.
Nongma khanghoudana numitlei masha yamna kanna ngamdaba houraklammi.
“Numitlei nanggi nasha ashi henjinlaktri ngei maibi amukta kouduna yenghanshi nang ngaihak leirammu.”

“Tamo koubiruranu maraina phajakhijani.”

“Nanggi aduna yaroi anaba haibashi nganna yenghoubagi kannaba yamna lei nangna yum ashigi khawaidagi maru oiribini nang naba yade ei kourukhige.”

“Tamo mashigi anaba ashi eina pikli ngeidagi adum touraklabani kari amata khanlunu.”

“Madu yade amukta yengthokshi.”

Nongyaina maibi kouduna yenghanlammi.
Maibi aduna yamna wakhal nungngaitana nongyaibu mapanda kouthoktuna hairake,
“Nongyai nanggi nupi ashi kanba ngamloidaba leina ama nare magi leina ashi mingondadi lounahanba natte mama puknungdagi tourakpani.
Pikli ngeida yenglamlabadi phahanba ngamgadabani adubu houjikti yamna thengkhare.
Nanggi nupi ashi wakhal nungngaina thambiyu.”

“Ema maibi eigi nupi ashibu amuktadi hotnabiduna kanbiyu.”

“Nongyai emana nanggi nupi ashi kanba ngamlaroi nang emabu warouganuko mapugi nongdamni.”

Nongyai ningba karammi ashuk yamna nungshijabi mama ama oibada matik chabi numitlei yaodana karamna macha aniga mapunshi lengani khanbada wajarammi.
Adubu kari amada wadaba shaduna thabak phaoba chattana numitleigi sheba toubirammi.
“Tamo eina hayeng konna leikhidaba thoklabashu tamona echa anigi matik chabi mama ama thibiduna echa anibu nungngaina thambiyu mashimata nanai nupina ningjari.”

“Numitlei karino nangna hairidu nang karishu touroi nungngaina potharaga leiyu eikhoi anigi echaga eikhoi punna nungngaina leiduribani.”
Nongyaina magi nupigi mathamoibu haraohanlammi.
Numit kharani leiraba matungda numitlei taibang thadoktuna chatkhi.
Pikliba macha anina mama leitabada ungdunata kaplaga mapada mama piyu hairammi,
“Baba eigi ema kadaida chatkharage eikhoi echanga eiga emagi manakta thibiyu.”

“Yaichenba epana echa anigi emadu shoidana purakkani nakhoi ani epaga chak hanna chathokkhishi.”

“Baba adudi huren shoidana eikhoigi ema purakkadara.”

“Purakkani babana shoidana purakkani.”

Nongyaina machashingda mama purakkani haiduna chak pijarammi.
Macha anigi hotnabada lou enkhol amata chatpashu ngamlamde macha anigi khanbada wakhal yamna wajarammi.
Magi awabadu ubada mataoshingna shinbiduna thariktha koubi nupi ama louhanlammi.
Nongyai tharikthabu mayumda puduna lakammi.
“Yaichenba linthoi yengngu epana purakliba ashi ngashidagi nakhoigi ema oiradubani.”

Macha anina mamani haiduna thatrikthada konjarammi.
Tharikthana angan anidubu nungshina nanbirammi.
“Thariktha eigi echa anishi maraibak yamna thirabani nangna echa anigi mama ama oiduna echa anishibu amukta nungshina loinabiyu.”

“ tamo adugi kari amata wabiganu eina echa anibu luna channa tougani.”

Numit ashidagi tharikthana angan anigi mama oina yum ashida leirammi.
Nongyai mayum panlaba matungda numit kharanidi thabak chatthoktana tharikthagi matou yengduna leirammi.
Magi machabu kayam nungshina loinabibage haibadu yengthoklammi.
Tharikthana macha anibu chak enbiduna yamna haraona loinabiba matou adu ubada mathamoi yamna penjarammi.
Matam shangnadagi macha nigi momon nokpa maithong urudraba matungda ngashida uba phangjaba ashida yamna penjarammi.
Thabakti matam shangna leppa yadabana nongyai thabak shuba chatnaba tourammi,
“thariktha eigi lou enkholshingdu chattabashu kuirakle aduna ei ngashidagi lou enkholshingdu yengshinba chatlani nangna eigi echa anishibu phajana loinabiyu ei chatlukhige.”

“Hoi tamo chatpiruro echa anigidi kari amata khanbirunu mama eina shennagani.”

Ashumna numit ashidagi nongyai lou enkholda thabak yamna kanna shuba hourammi.
Matam khara chatludaba aduna amuk makoktagi shubaga chap mannarammi.
Nongyai houjikti magi wakhal awaba kokcharammi macha anishu tharikthana phajana yengshinbiramgani khanduna magi thabak wakhal nungngaina toujarammi.
Adubu mana khanjariba shing adu tayonnabani.
Tharikthana nongyai hek chetkhibaga karishu khangjadaba angang anidubu magi yamkharaba phi kaya ama shuhanbirammi.
“She she nachin nanao anina mashigi phishingshi houjikmak shugadubani aduga phi shuba loiraga chakkhumda chaiduna leiriba koklik shingshi phengdokkadabani.
Ei thabak chatluge adugane eina hanlaktari ngeida emung wai phajana teithoktuna thamlamgadaba khangngedana karigumba eina hanlakpada loiramdrabadi nakhoi ani mashida leiriba chei ashina phugadubani.”

Magi matou adu ubada angan anidu yamna kirammi.
Mamana hairiba thabak mayam adu pikliba machin manao anina tourammi.
Yamkharaba koklik mayam adu thangba ngamboi ngamdaboi touduna phengjarammi phi mayam adu machin manao ani changduna shujarammi.
Angan oibana thabak mayam adu toubada masha adu yamna choktharammi.
Chak lamduna chakkhumda changduna yengluba matamdashu chak maru amaphaoba leiramde tharikthana arembada huida loina thakchinduna leirammi.
“Dada ei chak yamna lamme.”

“Echan chakti amata leiramdare ado nang chak lammabanina eikhoi maningda panba awathabidu munhourabani adu oina charurashi lako.”

“Hoi dada.”

Machin manao anina maningda panba awathabi amunbadu hektuna chanaba tourammi.
“Dada awathabishina puk thande.”

“Echan she mashishu nang charo aduga huren baba lakaga puk thanna chak charashi.”

“Dada nangdi charoidara.”

“Echan dadadi chaklamde nang charo.”

Yaichenba chak lambana mabuk adu pairaga khangjarammi piklibi machan nupidugi khanduna chak lamdaba shaduna machan nupida loina pijarammi.
Tharikthana ayuk anganbadagi thokkhiba ashina mamannabi miwa ngangnabi khara puduna nungdangda hanjinlakammi.
Pikliba angan aniduna mora thaduna chak enshang punnamak loishinjarammi karigumba loishinlamdrabadi mamana thina phubiba aduda yamna kijarammi.
Thariktha mayumda hanjinlakammi.
“ Angan anidubu yumgi thabak enkhang shingga loishinkharaba jatla amukta yengngukhige.Heima eikhoi maningda panba awathabi adudi kanana hekkharaba mashigi angan anishina oiramgani.
Yaichenba linthoi nakhoi ani amukta thoklaku.”

“Ema karidourage.”

“Mashida panba awathabi amunba adudi nakhoi anina chakharabara.”

“Ema eikhoina chak lammandana chathokkhare.”

“Eina ashuk kuinadagi chaning chaningna chadaba makhei munba ngairakaga nakhoi anina chatthokkhiba nakhoi ani ngashidi khanggani.”

Mashi haiduna angan anidubu cheina thina phubirammi.
“Ema echanbu phubiganu phuge hairabashu eingonda phubiyu madi anganni kari amata khangjadabani ema.”

“Karigi khangdaba nakhoi animak eina lemna tharoi.”

Mashi haiduna cheina mapham marang khangdana mungphuda phubirammi yaichenba machan nupibu konduna mamana phuriba chei adubu machanda panhandana mangonda panhanlammi.
Tharikthana phuba yaba phubirammi.
Yaichenba masha adu cheina khangbada yamna wajarammi.
Mamittagi mapi taduna mamabu kouduna kapcharammi.
“Ema nanglako eikhoi yamna ware karigi echanga eikhoi anibu thamlamduna chatkhiribano.”

Ashumna angan anidubu tharikthana nongyaina thabak chatkhiri ngeida thabak shuhanduna maram chadana phubi cheibirammi.
Nongyaishu mayumda leitabana touriba matou ashi amata khanglamde.
Hadak marak machashingshigi maithongda yamna nungngaitabagi mami ama uraklammi.
Ashidagi nongyaina macha anibu magi louda puthabirammi.
“Thariktha ngashidi echa anishi louda putharage nang eikhoi ahumgi chak yommako.”

“Hoi hoi.”

Nongyaina macha anibu loubukta pubirammi yaichenba linthoi machin manao anina enkhol aduda maningtamna chen chongduna shanabadu ubada yamna haraojarammi.
Machashingga makhoigi shang aduda chak chaminnaba matamda macha anina nahan makhei chak chadabagi yamna haraona chabagi matou adu ubada yamna chingnaba houraklammi.
“Epagi yaichenba nakhoibu namana nahan makhei chak phajana pijadabara.”

“Baba emana dadaga eikhoi anidi chak pijade huigi aremba kharadu oina chao haina pirammi.”

“Baba echanna khangdadana haibani eikhoi emana chak phajana pijei.”

“Yaichenba nang epada wa lokkanu nachanna hairiba ashi chumbara.”

“Baba eikhoi nanggi nanakta ashum leijarage echanga eikhoi anibu thadoktuna chatkhinu.”

Macha anigi matou aduda nongyai chingnaba kaya phaoraklammi.
Yaichenbana tharikthagi phattaba lamchatshing adu lithoku yaramde makhoibu amuk phugani kiduna.
Numit ashidagi nongyaina macha anibu loubukta puduna leiminnarammi.
Houjikti angang anidu masha mau phana maka lamna chen chongduna shanajarammi.
Ashomdana tharikthana shaobana mei hourammi.
Nongma nongyai arappa mapham amada thabak chattaba yadabana chatnaba tourammi.
“Thariktha nang eikhoigi enkhol adu eina laktriba phaobadi khara chatlaga yengshinlammu echa anidu phajana loinabiyu.”

Mashi haiduna mayum thadoktuna chatkhi.
Tharikthana angan anidubu mayumda leihandana loubukki shangda thambirammi.
“Nakhoi ani loubuk ashida yamna leiningba nattaro leihouro adugane nakhoi ani yumdaga hanlakpa yaroiko mapham ashida adum leigadabani.”

“Ema eikhoi yumda lakchage eikhoidi baba yaodrabadi mapham ashida leiba kijeiye.”

“Karigi kiba lakpa shungya yaroi karigumba nakhoi anina lakaba nakhoi ani phugani.”

Pikliba angang aniduda kihanduna loubuk adugi shangda thamlamduna chatkhi.
Pikliba machin manao anina kanashu leitaba loubuk adugi shang
Aduda leirammi nungdanggi matam oishinlakpada thong kanna lonshinduna yaichenbana machan nupibu konbiduna leirammi.
Nongnganbaga mapana makhoi anigi chanaba purakkani khanduna ngairaga leijarammi.

“Dada ei chak yamna lamme babana eikhoi anigi chak purakkhidara.”

“Echan babana shoidana purakkani ado eikhoi baba ngaiba oina babana thariba chujak ashi hektuna charurashi.”

“Hoi dada.”

Yaichenbana chujaktu hektuna mei hougattuna louraga machin manao ani chaminnarammi.
“Dada shidi yamna haowe hayengdagidi eikhoi ani babana chak puraktrabashu shumaina chashi.”

“Hoi eikhoi anina babana tharamba mana mashing mayam ashi shennadubani aduga eikhoi anishu mashi chaduna leiradubani.”

Mapana tharamba mana mashing mayamdu makhoi anina shennajarammi nungti numit khudinggi chujat meiren kaya chaduna lenlammi nongmadi mapana makhoi anibu louba lakkhini khanjarammi.
Ashomdana tharikthana mayumda mamannabi kaya pushinduna sha thongduna charaga yamna nungngaina leithoklammi.
“Thariktha nanggi nupa lakaga nangbu angan anidu loushangda thamlidubu wa thoknaroidaro.”

“Karishu touroida eigi nupa laktuba watli mana lakamdai matamda angan anidu loururadubani.”

Ashumna magi wakhalda angan anidubu nongyai hanlaktari ngei louduna thamge khanlammi.
Yaichenba machan nupigi mabuk thannaba hotnabada madi masha yamna shokchinlammi mapana tharamna mana mashing kayadu mana yengshinlammi.

Nongma nongyaigi mamangda magi nupi numitleina yamna thamoi shoktuna mamittagi mapi taduna mangonda waroubagi matou ama urammi.
“Karino houjikki mang adudi numitleina eingonda yamna warouriba karigino ei hayengmak yumda hanlage echa anidu mapa eibu ngairamlagani.”
Nongyai mana hanlakkani hairamba matam adu watli ngei mayumda hanlakammi,
“Eishi yumda changdri ngei eigi enkhol adubu kamdouribano amukta yenglambana phagani.”

Mana enkholda changlakpa matamda enkholgi potthokshing yamna pharamba adu urammi.
“eigi enkhol ashidi onthoknashu phajaramme.
Ahh ada leiriba ashibu eigi echa ani mankhareda.”

Yaichenba amadi linthoi mapana lakpadu ubada yamna haraona kouraktuna konjarammi.
“Yaichenba nangdi nasha ngamdabara karidoure nasha adu yamna nayeng taramlibadi nakhoi anibu namaga lakamlibara.”

“Baba eikhoi dadaga eikhoi ani babana yumdagi chatkhiba numit adudagi shang ashida emana thamlamduna chatkhare yumda hanlakabadi dadaga eikhoi ani phuni haibagi eikhoi ani shida leiramlini.”

“Eapagi linthoi namana nakhoi anibu mapham ashida chanaba kari amata thinlaktabara.”

“Baba dada eikhoi anidi chujat meiren chaduna lei eikhoidi chak chadaba kuire ado baba eikhoi dadaga eigigagi chak purakpara.”

Nongyai machagi wahei adu tabada thamoi yamna shoklammi ashuk kuiraba matam ashida pikliba macha anina kayagi matik wana khanglamgani khanlubada macha anibu konduna kaplammi.
“Echa ani ngashisagi epana keidounungda thadoktuna chatlaroi.
Namana ngarang eigi mangda uramliba adudi echa anina wana lenba ashigini.
Phei khanggani ngashidi eigi echa anibu ashuk thinna laknaribi nang khanggani.”

Nongyaina macha anibu yumda puduna chatlammi.
Thariktha mamannabi kayaga nok noktuna leirammi.
Mapuroiba ubada mamannabi shingdu loina chatnakhi thariktha masha adu pakhatlammi.
“Thariktha nangshi eidi yamna pukchel chaobi minungshi leibi nupi ama oina lourubani adubu nangdi nathamoi pikpi minungshi khangdabi shagi wakhal chenbi oiramle nangna karishu khangjadriba eigi echa anishida otpiriba karigino.
Nangna angan anishibu nungshi biroidaba oirabadi eigi nupi oiba karigi yaraklibano.
Nang ngashidagi yum ashi thadoktuna chatkharo.”

“Tamo adudadi haibiganu ei lankhare matung manao amukhanna toujararoi eibu amuktadi ngakpiyu.”

“Karigi ngakpa nangbu ngakpagi matam loikhare chatkho chatlu nakhoina eigi echa shennabidrabashu mapa ei leiri echa anibu mapa eina yengshingani.”

Nongyaina tharikthadu mayumdagi tanthoklammi.
Thariktha mana karishu khangjadaba angan anida otpikhiba mayamdu ningshinglakpada yamna nungngairamde houjikti yum thadoktuna mamittagi mapi neithok neithoktuna chatkhi.
“Epagi yaichenba linthoi ngashidagi nakhoi anibu epana keidounungda thadokloi epaga nungngaina leiradubani.”

“Baba eikhoibu amukhanna thadoktuna chatkhinu eikhoi yamna kijeiye.”

Read this also:- Nongmada Nupi Ani Chenba Mani

“Epa leiriba ashidi karishu kiganu babana nakhoi anigi chanaba ahao ahaoba mayam leirake aduga naphi naron phajabashu leirake.ngashidagi eikhoi nungngaina leiradubani.”

Numit ashidagi nongyaina atoppa nupi amatabu macha anigi mama oinaba thiramde mana macha anibu mabuk thanna pijabiduna maning tamhanduna harao harao loinaduna nung ngaina panlammi.