Numidang wairamni thabalei eshing shoknaba shanabun ama paiduna laklami. Lambida chatna chatna mahaki mamit aduna pakhang kana kanabu lakpage haidunasu yenglami. Aduga machinda tapna shonjarake “ ashh karino ngasi ashibu pakhang nahadi lairaduna hanu hanthi faoba amata hek lambi ashida chatlade hai wani. Nate makhoibu numidang wairam ashigumba matam ashi eina eshing shokpa hek hek thorakehh khangduna nupa haiba jat adu makheidu loina lotnakhrabara khangdre. Taibang mioibadi lairadana sha shanda faoba laba hai jat adu amata ude haibani ngasi ashibu. Hahhh thabalei ebema nangi naraibak ashe onthoknasu thina tamlamkhra boiredako.

Ashumaina punshi chupa mayum panba khangdabi aribi mingthon adu fanglaga lelo haina tamlamlabra khangdreda. Humm makhoi nupashing ashisuba eishe makhoigi mamita karibu oina uribano khangde eina makhoida nungshi nungshiba wahei kaya ama hairabasu makhoina eibu heinade eibu hek ubaga pai paiduna hekta chenakhi. Nate eigi shak ashibu kayamuk yamna hek thiraba jatno eina eshagi shaktam ashe mingshelda yengjaba matamdadi karisu thidabagum touwi hoi kuchubudi khara mujarabasu rashigadi matum matum yaojariba potni. Mashidabu eingonda pambidriba nungshidriba nupashing ashe ei ngaktaba ngamde hairiba ashini ei.

Natraga eigishibu eigi ming ashe leigi maming thabalei haina kouba ashina oiraba jatla khangdre. Ahhh thainagi epu ebuthou hoina haibirambadadi leigi maming kouba ashe yamna fate haina hainabani madumakna eishe houjik faoba chahina nambo poraba ashi faobada nupa fangdana leirabra khangdre tourishe. Hahhh haina haina uchin nachin leikaigi pukhri achouba ashi faobadi yourakleshe adubu nupa amata houjik faoba thengnade haibanemi.”

Ashi haiduna thabalei pukhri mapan aduda ngek laona famthei aduna mahaki shanabun aduda makhut adu thamlaga chubada metuna akoiba aduda koilei leiraga yengduna leirami aduga amuksu hairake “ngasidi nupa amata thengnadriba fao eine yumdaga amata hanloida adum pukhri mapan ashida famlaga leigeba ei.”

Ngaihaki matungdadi leishabi macha khara makhoisu pukhri aduda eshing shokpa laklami. Makhoina thabalei matomda pukhri mapan aduda famlaga leiramba adu ubada nupi amana hairake “heima eche thabalei nangdi natomda kari touramlibano ahhh echebu etei amaga khangnarabra haiba adugi ngairamiro eche.”

“Hehh angang nangidu mi usitriro hahh eibu yum panba khangdre kaina karemnariro noigidubu.”

“Ashh eche nangna yamna lanna loukhre eikhoina haibadi echena koileiga leiraga yengdana leiramba aduda kanagumba ama ngairaga leiba malure adunani eche.”

“Ohh adugi oire eidi wakhalgase seranana khaluredana saonuko noi.”

“Saodeda eche adu echebu natomda kari touribano haiba eshing shokpa chatpa adu eikhoida houramlaga eikhoiga punna chtaminarashu yaidana eche.”

“Humm noiga chatminaradi nupa thengnaba makhei noidada koitan tanei eingondadadi hanna faoba yengbirakte haina eina etomda chatlibani haiba shidi noina khangdriba. Noi noi ashida nayum adu khara khara thuna pankhradi faradoubani. Adumaina toukhradi eisune nupa amatang oirabasu fangjaganidana.”

“Hahh kari harino eche.”

“ Humm karisu haideda hayengdagidi punna adum chatminarashi haiba.”

“ Umm hoi aduni eche adu eche nang saodi saonu eikhoi wa amakhak haige. Eikhoina haigaduise echebu nungshiduna haigadouribani.”

“Saoroida karigi saoduino hekta haiyu kari wano noina echeda haininglibabu.”

“Ahhh eche echena houjik faoba yum pandana leiraklishe nahanwai echega khangnajaba nupaga kainakhiba leibro. Adu natraga echegi punshida nupa amatana nungshi hairaktabagiro eche.”

“Hummm thoibi nangi wahang ashibu karino nate eishe leishabi aribini kaina nakhoina khairibro hahh.”

“Echeshima pangsaoda saoganlihee wariga shanagadaba tanba ama yaoshinlakle echegi punshi wari adu eikhoisu khangninge haina toubani.”

“hoo ebema nupa fangdabagi nupa adunabu fanglabadi eibu houjik faoba ashumaina aribi mingthol fanglaga leikhidro humm noisuba wakhaldu khara khara khaladi fadoubani.”

“Ohh adu eche adugi oiradi eikhoi wa ama haibige . Ngasidagi eche nangshe eikhoiga hek hek pulashi eikhoigi erakta tinlabadi houjikangi ake amou aduga tounariva niti niyom mayam ashe loina khanglanidana . Adu oirabadi echesu mina aribini echu tadabini haina khanararoidana aduga eche nupasu adum fanglani.”

“Hoinehee haigumdana nakhoina hairiba adumaina amuktangdi yengthokpa yaine. Adudi thoibi hayeng eine nakhoida lake aduga eibu amukta fajana kebigera.”

“Umm kebige eche lakohh eidi lakte hairibani.”

Ashumna wari ngaihak shanarabagi tungda makhoi punna amuk mayumda hanlakminarami. Thabaleisu anouba asha amaga loinana hayengdagidi ketharaga nupa farurage haina haraona hanlaklami. Mahakna nokfet nokfet touraga thongalomdagi changlakpa adu ubada mama ebemchana hairake “ehhh karino eshing shokpane haiduna ahhh ayuk yenda anganbadagi thokhraga houjik sandya yachanglakpa ashida nokfet nokfetka touraga hanlakliduna. Nate echabu nupaga fanglabra haiba ngasidi.”

“Hoo ema fangbabudi fangdri adubu hayengdagidi fanglaniye ema adunane eina nokfet nokfet tourishe.”

“Hahh awoibeiraneheii adumnabu nangna nayumdabu panba khangjarabadi yamna faradabani. Adu ngaikhone nangbu karam hainano nangna hayengdagi nupa fanglani haina hairiba ashina.”

“Ahh hayengdo ema mamangi thoibina makhoida lakohh aduga eise houjikangi makhoigi leishabi machana kenariba tounariba adumaaina touhange haige. Adu oirabadi eishe chahi khara lijarabasu mina houjikangi chatnabi ashi loina khanglabanina pamnarani adunani eina hairishe ema.”

“Hera nap chadaba adumaina touragabu nate nangi chahi adubu noithorakuhh haiba yagadro. Fanayamna kegera mougera nangse aribiduni haina adum mina hainarakani . Adugane ebema nangi kuchu kumen aduna marol ama migi macha douna tangou tangouraga natu naman adu nanjaba oirabadi faba madusu natedo . Adunane nang hayeng adu thoibi hoidaga chatlaga kehandanaga tourunuko mina noknabada loiganiko nang kadaidagino kachin laimu ama thorakle haina hainabijani.”

“ Ashh eikhoi emashima jugot wairam chadaba wa ngakta hek ngangiheii.”

“ Haii jugot chadaba nate eina hairiba ashe ashengbamaki tourakadouriba fibam adu haibanine. Hahh lai ashisu angakpaniko echa nupi amakhak pokchaba ashe mayum pan khangdabi ama oina hek oihanbire.”

“hoo ema eise nangi nacha oina poklambadagi yum panba khangdribani. Shak ashisu eikhoi paba louramlabadi khara fajaramgadaba adubu ema oina lourabanina kana amatana eibu pambidre.”

“ Haii ei loubaginine nangna mi khara manjariba adu napa ashe malamlabadi nang mi malaroi ahh tinmu laimudum malamlani.”

“ Haii haii karino nakhoi nama nacha ashibu washe onthoknasu kanna kanna ngangnakhredako sandya yachanglakpa ashida nate nakhoidouna leikai ashigi karam karamba emungda touba yaobage.”

“Hoo paba emana eise paba loudana shak thibagi yum panba khangdrine hairibani.”

“ Hahhh namamaknabu adumaina hek haibrane ebema.”

“ Hairibani paba adugine emaga eigana khatnaramlishe.”

“ Haii mama karigino nangna echada adumna hairibadi mina hainabana hainabani nangmakna echa ashida adumna hek haibadi fatedana. Aduga karigino nangna ei amuk paktana nganglamlibadi leikai miyam amanane nanga eigase shak chuda yengnabada eina yam henna fajei haidana hainaribaniko. Echa ashina thiriva ashe nang loudana thiribani eibu louramlabadine echa ashe laida lai manba makhei fajaramgadabani.”

“Ehh mashaknena chafu amubada migi mashak yekshinlaga thamba adu hek malaga macha ashibu magi mashak matou louramlabadi fajaramgadabani kaina hahayo eidi nokpu nokchaningida tourishe.”

“ Tourise yengune mise kayada usitribanone shee. Haii nangko nang chei lakaniko chatlo emungda changnaro nakhoi nama nacha migi mamang ashidane sandyaga oibane sumang matol ashida ngangnariba ashe yamna fajadre.”

Ashumna numit aduma houkhre mathangi numita thabalei chak nganna chathoklaga thoibi hoigi mayumda laklami. Mahakna chatkhiba adu mama ebema ebemchanadi fana kanna thingjabani adubu mahakna ngamduna adumak laklami. Thoibi hoigi sumang aduda leplaga thabaleina hairake “thoibi hoo thoibi nangbu tabro.”

“ Ahh haii kananoneheii.”

“ Endon eine thabaleine .”

“ Ehe ehe thabalei nang oireko lakohh lakohh changlakohh thoibidu mamanabi kharaga eikhoi maningi pukhri mapan aduda karino shingju chanagani haibra keino touhoubani nangsune emungdagi adum changkhro.”

“ Umm hoi endon adu endonbu engkhol aduda kari tharamlino.”

“ Ahhh hawai tharak maru khara shum hunjinlamlibani. Maduna hayeng palaklabadi chara kharadasu chanaba yai haidana touribani ebema.”

“Ohh feiye endon adudi ei amuk maningda changukhige.”

“Hoi hoi changuro changuro.”

Mashidagi thabaleisu makhoi leishabi macha makheina shingju chanariba mafam aduda changlaklami . Mahakna lakpa adu ubada leishabi macha makheinasu haraona koushinlaklami “eche thabalei nang laklabro lakohh changlakohh eikhoidi nang laklaroidra haina khalure. Shee shingju mapot ashisu shemba loishinlakadoure. Mashi hanna chaba loiraga echese ngasidi eikhoi mayam changduna fajana kebiduine.”

“Umm adu nakhoina huren eibu keba matamda sita shangbigadi malhanlakanuko. Eigi kuchu ashinaga khara fajabane nakhoina kebada jugot chadradi eine punshi chupa nupaga amata fangloidrine aduna khara fajana keyuko noi.”

“Ashh echeshima fajanabane keduise thinaba natiye. Hurene keba loiraga echese nupa mayam amana koitan tanaraktabra yengu.”

“Hahh awoibagi tanarakadro.”

“Hoiba tanarakaduine.”

“Ashh adudi yamna nungainibu adu eidine punshi ashida nupa amatana nungshi pami kaina haibiraktrabani madugi hairurabadi nakhoi nakhoidine naraibak yamna feii. Eidine leikai miyamnasu mayum panba khangdabini hainasu hainabiba ashibu eina yum ashe paningdadana pandribraba.”

“Yarese eche toklo ngasidagidine leikai miyamna echebu adumaina amata hainararoidabani.”

Ashumna ngaihaki matungdadi shingju adusu makhoi mayam chaminaba loiraduna thabaleibu makhoi leishabi macha mayam ama changduna yamna fajana kebirami. Aduga thabalei adu makhoi mayamna fajana keraba adudadi mahak mashak matou yamna fajabi nupi ama mankhre. Kanagumba mioi amatana mahak ashe leishabi aribi mayum panba khangdabi thabalei aduni haiba khanglaroi. Mashidagi thoibina amuk hairake “ eche tuu mingshel ashida amukta yengune shee.”

“Hoo ema kanano ashibu thoibi nate ashibu eiro.”

“ Mane eche ashe nangne.”

“Ashh keino eise ngasidi lairembida lairembi male haiwani. Eibu ashumaina fajarakani haiba faoba khanlude. Adu thoibi eine ngasidi yamna haraobana loire nakhoi mayamna nahana ashumaina eise kebiralamlabadi nupa adu nahana yamna laina fanglamladabani. Adu ngaikhone eina houjik keshin teishinliba mayam ashe chamthokhradi eigi hannagi shak athiba aduda amuk onlakaduinine.”

“Umm hoi eche adubudi keriba mayam ashe chamthokhradi loina kokhidradi keino.”

“Ashh adudi thoibi nakhoi mayamnane eibu amukta keba tambiyo. Eidu keba adu heirabadi nungtigi kekedana shak ashe fajahanlaga leiba yaranidana.”

“Hoine adubudi eikhoi hayeng shoidana tambige adu eche houjiki oinadine eikhoi punna thangnabagi khunda chatlushi . Aduga nupa kana kanana echubu tanarakpra haiba adu yenglusheba eche.”

“Hoi hoi yaiye yaiye yengushe ngasidi eise nupa shoidana fangladi faganiko.”

“Umm fangduine eche ashuk yamna fajana ketharaba ashidabu karigi fangloidrino. Adu ngaikho shee ei firol khara puthorake mashi oina setlo eche aduga echegi shamgadusune ei fajana shembige.”

Ashi haiduna thoibina mahaki upudagi fajaba firol khara puthoktuna thabaleida sethanbirami. Thabaleidi makhoi enkhatlaklibi leishani machagi firol adu setpada masha adu ahanbada ehei heinajaramde. Aduna hairake “ahh thoibi nangi firolshingse setpada ei kaya heinadebu aduna eigi firolshingse oina adum setlageba.”

“ Ashh eche adu yaroiba echegi thainagi firolshingse setladine amata yararoi aduna eigise adum setlo.”

“ Umm hoi hoi adu ei heidi yam heinadeko tourishe.”

“Keisu touroise asum setla setlaga heinarakadabani eche shigumba firolshingse hanna amukta setaduna tourine.”

Mashigadi makhoi punna thangnaba khun adomda lakminarami. Makhoina lakpa aduda lambida thengna thengnaba mioishingna makhoida yamna munna munna yengnarami. Matou aduda thabalei adudi mangonda kari kari ashoiba yaoraba jatno haina koilei leiduna yengjei adubu atei leishabi machashing adudi mahakumna karisu touramde. Mana masham mana nan nanduna mafi marolgadu koilei leiraga yengba aduda thoibina hairake “ eche keino touridubu.”

“ Thoibi lambida chatliba mishingshingna eikhoidada yengakpagum touwi aduna eise kari karida asoibaga yaora jatno haina yengline. Adu eigi maise amukta yengune ngadai nakhoina kebirakhiba adu kokhraba haiba.”

“ Haha adugi oireko eche adugidine karisu khanluno eikhoina keiriba adudine eshingna chamthoktriba makhei karisu kokloiye. Aduga eche mi makheida yengnarakliba aduda laigi machadouna fajabi nupi ama lakle haidana echeda yengnariba oiriniye.”

“Hahh awoibagiro noina hairishibu.”

“Hoiba manemi eche.”

Ashumna hainaringei pakhang khara makhoiga mayoknana khara laptakna lakliba adu makhoina uraklami. Makhoi mayam adugi marakta mashak matou yamna fajaba nupa amakhaksu yaorami. Nupa adubu ubada thabaleidi pungao hek ngaokhre. Aduna thoibihoida tapna hairake “ heima thoibi yengune nakhoibu tuu ahhda nupa khara lakehh aduga mayai ethang thangliba nupa ashi amukta yengune mashak ashe kayada fajarino eidi mabu ubada pungaohek ngaore haiba kamaina touni.”

“Eche adumaina tounu makhoidane echena apamabagi mawong matou adu utpa yaba nateko adumna hek tourubagane echegi fajariba shak ashe mamal karoidribani. Aduna fana pamlabasu pamdaba saduna thouwa saruno eche.”

Ashumna hainaraga laklami nakan amaromda makhoigi mamanglomda lakliba chaothoigi kangbu aduna amuk hainarami “ta chaithoi yengu tuu ahhdagi fanek angangba setpi ashe mashaksu yamna fajei ashi oina hekta koishinhouro ta chaothoi.”

“Ahh ahh thoiba eisu pambabudi nupi ashe ngasai khara laptakna ubadagi adum pamlabani . Magi mashak ashe ubada eidi punga ngaorabani adu thouba nongyai fajariba mashak khufaja ashiga eina hairubadabu yabirakadro. Makhoigumna mashak matou fajabidi lairadana houdong hanubi manbi nupi amatana faoba eigi hanjinliba chirai ashi ubadane kana amatana yabiraktrabani.”

“ Ashh ta chaothoi nangshe pangkhrehee houjikti nupi ashina nnagi chirai atangba adu ugadaba natre keino . Maduda udanaba haidana nongyai eikhoi anina ashaba sham ashibu hapawo khuiriba mai mit adubu keshin teishinlaga tinghanbawo touduna hotnaribani. Aduna ta chaothoi nangse houjikti pakhang ariba khumu thokpa haiba adu oidrabani houjikangi yang yanga laoriba pakhang macha ama onlabani.”

“Hoine ashh eidi madugi wakhalgado kaobu kaothoklure chira tanglaga lakpagi wakhaldane eina tourishe. Adu farene laibak hekte yenglashi adu kamaina haiduino.”

“Adugine nang keisu khaluno ta chaothoi nanao eikhoi ani thoutharake nangda matou malhanlo eikhoina haiba wada achumba manaba nangnasu matou malhanlakohh.”

Mashidagi makhoi ahum adu thabalei hoigi manakta youshinlaklami. Thabaleisu mamal kahanlibani sadana nupa makhoidaga hanna yengde adumak tumina chatlami. Mashidagi nongyai makhoibu khamduna hairake “ahh echan nakhoi amukta ngaibikhoba.”

“Ahh ebung kari haige.”

“Nakhoibu kaidagino eikhoi leikai ashidadi hanna amukta udribo adugi chumna shum hangbani warouganuko.”

“Umm waroudeda karigi warouduino eikhoise thangnaba khundagine ebung hoigi leikaishida thabak amagi laklambani.”

“Ohh adu echan eikhoiga shum shakhanh maikhangnashe shum echam chamna yaniko.”

“Umm hoi yaiye.”

Ashi haiduna makhoi mashel maming matha hainaduna khangnarami. Mashidagi thoibana amuk hairake “adu thoibi nakhoi namanabi thabalei ashe eikhoi etao mashak fajaba chaothoina yamna pamjarura malle. Ngasai nakhoina khara laptakna lakpa hek ukhibadagi thabaleida hai leirabani. Adu nakhoina amukta hainabiyudana.”

Wafam ashi tabada thabaleidi haraobana loikhre mahakna ngasaidagi ngaojariba chaothoina mabu adumna nungshiraga leiramba aduda mathamoida haraobagi ngamkhei leikhidre. Adubu mahak mapan thongdadi karisu uthoklamde. Mashidagi thoibina amuk hairake “ahh ebung eta thabaleise ekai yamna thibani ebung chaothoigi wafam ashe mahak houjikmaki oinadi paokhumga piba ngamgadaba mande. Aduna hurendu eikhoi hurendu mabu amukta themlaga haikhige adu natradi ebung hoigi mamangdadi paokhum piyo haiba yararoiba. Adu ebung hayengdo eikhoironda koithorakohh aduga eta thabaleigi paokhum adusu pihanlage ebung chaothoi.”

“Ahh ahhh hoi yaiyr thoiba keisu kaideda taha taha hekta warep loubadu chumdabra haina khalli . Aduna thabaleibu magi apamba adu nakhoian amukta ningthina hangbirakohh.”

“Umm hoi ebung chaothoi adugidi karisu khangano eikhoina fanaba adum shinlake.”

“Hoi adu thoibi hayengse eikhoi pung kayada lakohhge.”

“Ahh nungthin pung ama ani taba aduwaida oina lakpiro.”

“Hoi hoi aduna fani adu thoibi eikhoi etao chaothoia she nupiga amata koijaraktribani. Thabak shuba nombasu yamna kankhraba jatni. Leikai aduda mama mapana macha warakpada etao chaothoigi matou tamo haina hainaribani. Adugane thoibi etao ashe matomdadune poklishe lanthum haire peidana leiribani ahh nakhoigi nata thabaleina etaoda leijaba fanglabadine shanagi konungda leijabaga manaduribani.”

“Ohhh adudi ebung nongyai ebung chaothoi ashidi onthokna enak khunba pakhang oireko. Ahh keisu khalunuda eikhoinane eta ashe yanaba adum hainabige adu ebunghoi mayam ngasigidi eikhoi chatlukhige hayengdo soidaba lakpiyo.”

Ashi hairamlaga makhoi adu chatkhre makhoina chatkhiba adu yengduna chaothoina hairake “ ashh nongyai thoiba handaki ashimadi matoudi fajana maleheii.”

“ Ta chaothoi ashida thoknaba haidana eikhoina shinlibani. Houjikti ta chaothoisu nupi fangde haina karisu warurano eteima mashak matou fajabi lairembi manbi ama fangdouredaba. Leikai ashida leiriba ta chaothoina haibada yarakhidabi leishabishing adugi mamangdane eteima thabalei ashe ta chaithoina louduna makhoibu ekaiba nanghangadabani.”

“ Umm hoi adu ngaikhone eigi ahapa sham aduga mai mit ashida yekshin teishinliba mayam ashigi maramda mana khangkhragadi amuk kamaina touni.”

“Ashh ta chaothoi nangse onthokna pangkhredako houjik faobagi oinadi ashumain adum khangdanaba haidana hotnaba tabani. Aduga hayeng eteima ashe ta chaothoigi khuta taraba matam adudadi nangi ashengba shaktam adu khanglasu yare keino. Matam adudadi ta chaothoibu chirai tangi pakhang aribani haidana eteimana hundoklamba amuk yakhidro.”

“Hoine nangi wadu yamna chumi fare adudi nangna hairiba adumak hekta tourashi. Ashh eise nahan makhei yamna panglaga leiramle. Hannana nakhoina tou hairiba ashe ashumaina touramlabadi fadouni.”

“Yarese ta chaothoi hanna touhoudrasu houjik tourashidi aduga eteima amasu fangdourashidi mashidagi henna nungaiba ama amuk leiraroi . Kanadese ngasidi karino enshang ahaoba amata chathokshe adu chagadaba mathel adudi ta chaothoina kongba taba.”

“Yaiye kongthoke nakhoi anina chaningbada haiyu ngasidi loina pijathoke lakohh chatshi lakohh.”

Ashomdasu thoibi hoidu wari nungaina saduna chatli. Thoibina haii “tashh kamdouwi khanglabra ngasidi pakhang mashak matou fajaba ama eche thabaleigi oina fangledana. Eikhoina shinbabu shoi haibra haha.”

“Aduni eta echegi mashak fajaba etei ama fangdoure khanbada eikhoidi wakhalse nungaibana loire aduga echesu nungairamganida eche.”

“Ahh umm hoi nungbudi yamna nungaiye ngasimuk nungaiba numit amata eigi punshi ashida leiraroi. Adubune enaosha eigi ashengba shaktam ashe mana khanglaklabadi eibu mahakna shoidana hundokpiramgani. Aduna eise thamoi yamna kaihougadra haina yamnadi pakhatle.”

“ Eshhh karigi haiduiba adumaina henjina khanluno mana houjik faobagi oinadi khangdanaba lotlaga loire. Hayeng luhonglaba matungdadi echegi ashengba asu khanglabasu yare matam adudadi manasu echebu kainaba ngamlaroi. Aduna matam adu youdriba faobadi warabasu wana lotpa tabani.”

Ashumna matamdi ashum houkhre thabalei amadi chaothoi yamna chetna nungshinaba hounarami. Mapunshigi oina ahanba khangnajaba ngaktaga oibage aroi akham leitana nungshinaba haiba adu oiraklami. Nongmagi numitni chaothoi amadi thabalei makhoi ani wari shanaduna leirami. Mashidagi chaothoina thabaleida hairake “thabalei nangse eiga nahana thengnaramlabadi fadoubani . Ebanigi nungshi mari ashe kuina shangna nungshinaba adu eidi pami. Aduga eikhoo anigo mari ashe punshi chupagisu oihanshiko. Hahh eidi karigumbada nanga kainakhiba thoklabadi ei hingduna leiba ngamgadaba mande. Eigi punshi ashida nahak khaktani eina khangnajaraklishe.”

Thabalei wadi ngangde mathamoida tumina khanjei “karigi eina nangbu thadoktuino ashuk kuiba matam ashe nupa amata fangdana lakhibi eine. Punshigi ahanba oina fangjariba nangbu eina karigi miraiduino. Adubu ashuk yamna nungshijaba nangi nafamda eina yamna chaoba minamba amadi touriko. Mashigi khanbada ei mikup amara pothafam khangde eigi ashengba ashe nangna khanglakpa matamda eibu nangna karini haina khangadouribano.”

“Thabalei kari tourage tuminna leiradi.”

“Ahhh humm keisu toudeda ta chaothoi eisu nanga kainaba ngamloiye. Nanga hek kainaraba mikup aduda eigidi aroiba mikup adu oigadouribani.”

“Adumaina haiganushe touheide eina hingliba makheidine nangbu keidounungda thadokloi. Houjik eina pakhatchariba ashe nangidamakne nangna eibu mirairamgadra ashigi wakhaldane.”

“Eshh einadi nangbu karigi miraiduiba punshigi oina mirairoi nangtana miraigadabada ngaire.”

“Haha einasu nangbu mirairoida adu eikhoi ani karamba matam punshi lambida chatminaba fangani. Eidi nangbu ngasimak eigi yumda puduna chatninge.”

Chaothoigi wafam ashi tabada thabaleisu yamna haraojarami. Aduna mahaksu tapna khumlakee “eisu ta chaothoigi nanakta adumak lengdana leininge ta chaothoi eibu nangi yumda pubiro ei eshana yajare.”

Mashidagi makhoi ani punna chaothoigi mayumda lakminarami. Matam adu sandya yachanglakpagi matam aduwaidagi chaothoigi mama ebema tharo adu eshou lang langduna lai thaomei thanlaga leirami “hoo ngamdre ngamdre ashuk yamna ahal oirabi hanubi eina mou macha mou anoubi amagi thabak pumba loinamak toudana leire. Eche amakhak pokchaba ashisu magi maraibak ashida nupi amata hel tamlamdra malle tourishe. Eche ashigi esu emougi kumheigadu yengba fangdana shigadoura malledako tharo eise. Nateba eina haibadi shangsar ashida echa ashibu nungshibiba nupi amata leitriba ashini eina henna ngakliba ashe mamit tangbi oigera makhong tekpi oigera amatasu purakudana ei penge ei pengeba. Hahh khangdre khangdre tourishe kari laibakno khangdreko tharo eigi laibak ashe. Humm madugi chirai tang aduna kadaidabu chatlibano khangdene ayuk nganta thokhibadagi houjik faona hanlakteba ashe. Hahh chahi aduna nambo porabanina chirai adu khumnaba haidana ashaba mashamgasu hap haptana chatliye echado eine nokpu nokninglakleda tourishe.”

Matang ashida mahakna macha nupa chaothoina nupi amaga loinana thongal lomdana changlakpa adu uraklami. Tourakliba matou aduda tharo yamna ngakpa amaga loinana machagi manakta changshinduna hairake “ ebungo kanano nupi ashidi mashakna mashak fajariba laigi machabu malline.”

“ Ahh ahhh ema namou nupi loushinbiyo thabalei emane ema khurumo.”

“ Ema namouna khurumjari namou ngasidagi emagi sheba fanghanbiyo ema.”

“ Hahhh emouni haiba eibu ngasi ashibu mangla taibanglane tourishibu. Ebema hougatlo hougatlo emanane nangbu ngasidagi emou oina nate echa nupi ama oina khanlabaniko. Matam kuinadagi eigi emungda hangduna leiriba mafam ashe echa lakpa mikup ashidagidi ahangba amata leiraroidabani. Lakohh lakohh emagane punna emungda changminarashi.”

Ashumna makhoi punna emungda changminarami. Ashomdasu thabalei chenkhre haibagi pao ashi mahaki emungda natana leikai pumbana tanarami. Leikai miyam adugi marakta chaothoigi emungbu mashak munna khangba mioishingnadi aduk yamna enak khunkhraba fakhraba emung aduda makhoi mayamna mayum panba khangdabini haina hainaribi thabaleina chenkhre tabada makhoidi angakpa amasu oinarami. Nakan amaromdana thabalei amadi chaothoi makhoi makhoigi arot adu haidoklashi haidokhigumshira haiduna masha mashada ashuki matik chamamnaba amamam faojarami. Mashida chaothoina thabalei tadringei mama tharoda tapna hairake “ema hoo ema.”

“Haii karino chirolga amuk touraga kouraklishina kari toure.”

“Ashhh ema kok shaba thabak ama toure.”

“Hahh kari tourabage emagi ebungo nupi macha ashigi emung aduna nangbi pakhanh ariba chirai tangbani haiduna emou ashibu fadokadabagi laklabraneheii.”

“Ashj eikhoi emashidiba adugi natiye namou nupishe ashina eise chirai tangi pakhanh aribani haina ashe khangdabaniba. Adu eibu ashengba eigi shaktam fibam ashe haidoklashira ema. Huren karigumba mana eigi fibam ashe ubada saoraga hayeng nonganbada makhoigi emungi mioishingda mashana yana chenba nate namdana fabani kaina hairakladi kamdouni ema. Aduga amuksu karigumba aronba ashe adum thamjinba taragana tungi poloidana kari oirakpa ashhh ei kokse ngaore ema.”

“Hahh eshh adudi kamdouni ebungo adubune ebungo wafam ashe eikhoi lotshinlaga thambadi afaba oiroine. Emou ashe thoina fataba thamoi kanbi nupisu mande mana nahakpu tasengna nungshibamakta oirabadi nangbu chirai tangi pakhang aribani haidana karisu mirairakloi. Aduna eikhoi wafam ashe emou ashida amuktadi ashengba adu haiduna yengshi.”

Ashumna mana macha wafam punna kupna tanarabagi tungda chaothoigi ashengba shaktam pumba thabaleida uthokraklami. Thabalei chaothoigi oiramliba fibam ashida mahak saoningba karisu leiramde. Mahakna tasengna nungshijakhiba mishak oibana mahakna chaothoibu adumak nungshiri haina hairami. Aduga thabaleisu matang ashigi khudonh chaba adu louduna mahakisu ashengba pumba adu haiduna tharo amadi chaothoida khanghanlami. Tharo amadi chaothoidi thabaleina ashuki matik mashak matou thibi nupi ama oiramba ashida pungak ngakhre. Adum oinamak chaothoi amadi tharonasu thabaleibu haraona loushinbirami aduga tharona amuk mamougi makokta nungshina nanthabiduna hairake “emoudi emagi ashengba lanni lann tanglaba hera mani muktadagisu henbine. Emana nahakpu thajei nahakna emung ashigi oinadi khwaidagi matik chabi mouni. Shaktam fibam haiba ashidi shupnatangi mapan thongi oiba kuyom amakhakni . Khwaidagi luribadi thamoi shengba aduni emagi ebema ngasi hairiba numit ashida nahak echa nupa ashiga pukchel khoijen tinna nungai yaibi marang kaina emung ashida hingminajaroko emagi thabalei.”

Read this also:- Mani Mamou

Matou ashum touna matam kharagi tungdadi thabalei amadi chaothoi makhoigisu luhonh keihonngbagi thouram ama yamna chaona pangthoktuna makhoi ani amana amabu yamna thajana amadi nungshinana hingminakhirami.