Thaina ningthou panba leibak amada lou-uhhba feijao kouba ahal ama leirami. Mahaki pakhang mapung faraba macha nupa ahumkhaksu leirami. Makhoigi mingna chaoba, chaothoi amadi thanil haina kourami. Machin manao ahum ashe makhoigi leibak adugi oina thabak fabada amadi mashak matou fajabada thoidok hendokna maming chatlami. Adubu mabuk chelda yenglurabadi chaoba amadi chaothoidi minungshi leitaba ashon ana amadi awa anashingbu yamna thaoi usitaba mioi ngakta oina tourami. Mashigi onna teinabada thanildi pukchel yamna chaoee minungshi lei .

Nongma makhoi machin manao ahumna loufamda thabak shuduna leiringei makhoiga loufam thangnaba mayamba amana ashumna hairaklami “haii enaosha nate nakhoi ahumdi loufamda thabak shudunata adum leirabro. Leibak praja miyamna tounariba chenariba thabakashe amata touduna yenge ningdrabaro nakhoibu.”

“Ahh tada kei thabakno leibak miyamna tougadabagi koichen chenari hairishibu. Nanao eikhoidi thabakna chinmankhibanara keino leibaki paogashidi etabu tadreda tada.”

“Hera anaosha noishima leibak ashigi miga manjadeko. Yengune eikhoigi leibak ashigi ningthou adugi naitom pokchabi macha nupi adu ana laiyong khangdana nabadagi famshenaduna leire hairiye. Aduga leibak ashigi konungi maibana haibadadi macha ebema leimaton adu thoidok hendokpa karigumba matik magun leiba komla kharabu pijarabadi mahaki anaba adu shoidana fagani haina haimalle. Aduga eningthounasu adugumba komla adubu puraktuna macha ebemada pijaba ngamba mioi aduda macha ebambu thajagani. Aduga leibak ashigi ningthousu oihangani haina pao laothaokhre. Maram ashidagi leibak ashida leiriba naha pakhang maheikhi makhoi makhoina leijabi thaduna komla faja fajababu thirure hairaga macha ebemada pijanariye. Adubu laibakna thiribadi ngasi faoabada macha ebema adu makhoi mayamna purakpa komlashing adubu charabasu nabadi fatri malle. Aduna houjiksu leibak ashigi naha makheidi komla faja fajaba puduna konungda chatpa leptriye. Hahhh makhoina adumaina komla faja fajaba thiba adunane keithelda yolliba komlagi mamal ashe yamna hengatla potnida”

“Ehh tada eikhoidi madugi pao adumadi tadena. Ahh adunabu loubuk ashida ayuk nungthin khaidakhei thabak shuraga leiribani. Pao adunabu achumba oiradi eikhoi echin enao ahumsu laibak yengluba yaba jatnine.”

“Umm yengthokadabanine ebo, kanana khangbano nakhoi ahumgi maraktagi amada hek laibak faduna macha ebama adu thunglaro nachin nanao ahumgi naraibaktuda shanagi thambal shatpaga managaduinine. Adugisu mathakta wajaraklaba nakhoigi paba adubusu nungaina thamba ngamduinine. Eheee mashina mashi oikhraga noigi paba adubu naraga lei haiba adubu khara fatribo.”

“Hahh kharadi fare tada ahalgi matamga oirakpaga handakti eikhoi pabashe yamna toina toina chifet chifet naba yamna touee naye tada.”

“Hoine adubudi ahal oiraktana tourinine. Adu nakhoi ahumsune hayengdi konungda karaga naraibak adu amukta yengnarusho.”

“Hoi tada hurendo wafam ashe pabadasu houdoklage aduga hayengdu eikhoi echin enao ahumak mathang manao naina chatuna laibak hekta yenglurage.”

Ashumna makhoi ahum adu mayumda halaklaga wafam adubu mapabung feijaodasu haiduna khanghanlami. Mashidagi feijaona wakhal ngaihak khalabagi tungda ashumna tapna amuk hairake “umm fare echasa nakhoina naraibak yengluge hairadi yengjaruso. Adubu yengoi nakhoi nachin nachao mathang manao naina ahal naha khairaga mathang manao naina chatle hairaga naraibak adu yengjaruro . Aduna epagi chaoba nangna ahalnina hayeng adu nangna hana chatuna naraibak yengjaruro.”

Ashumna mathangi ayukta chaoba adu keitheldagi yamna fajakhraba komla kharabu leiraga thumok macha amada hapchinduna konung tamna laklami. Mahakna ashum lakpagi lambida yamna ahal oiraba lairaba chakniba amakhak thengnarami. Ahal aduna chaobabu ubada tapna hairake “ahh ebungo eihak ashe ngarangdagi karigumba amata chaba fanglaktri. Aduna ebungogi thumok aduda chanabaga yaorabadi eingonda khajiktang pibiramuba .”

“Ehh kari haii ahal eishibu noi napa napunaga nangi chanaba thinlucho kaina tharakpa mi oina ururabro. Chatlu chatlu ahhda humm eina lakliba thabak ashida dhao thumga yadou mandeko.”

“Ebungo eibu amukta nungshibiyune. Yaragadi eingonda chanaba khajiktang oirasu pijabiramu.”

“Heraaa onthokna nungaikhidredako eine chanaba amata yaorakte haibani ahal nangbu.”

“Ahh adudi nangi thumok adudana kari karino yaoridubu.”

“Haii madu hanglibadi nangi kari nathou leige. Eigi thumok shida yaorishe hangoi ngaktani. Aduna nangna yamna chaninglagana hangoishe oina naya adudi enshinlakeshe.”

“Ahh saokhinune ebungo eidi shum khangningduna hangjabani. Adu fare nangna thumok aduda hangoi ngakta yaoee hairabanina nangi thumok adu hangoigi hangoi ngakta oina yaojaroko.”

“Ahh hoi hoi yrese eine thabak yamna luba ama chatlibani. Karisu leitraba mathong maram khangdaba nanga thengnabadagi eigi thabak ashe thengthahanle.”

Ashi haiduna chaoba yamna saona konung adu tamna chatkhirami. Mafam adu yourabada chaobana haijabadagi ningthou adunasu mahaki komla adubu leimatonda pijaba yabagi ayaba adu piraklami. Adubu angakpani chaobana komla adubu louthoke haina thumok adu hangdoktuna yengluba matamdadi ngasai mana leirakhiba fajaraba komlashing adu hangoi ngakta oina oiduna leiramle. Hangoishing aduna thumok adudagi chongthoraktuna konung aduda hangoi mayam aduna lan touba houraklami. Matou aduda ningthou adu saoningbana mei hourami. Aduga chaobabu tap tana futhaduna konung adudagi tanthoraklami.

Mayamba ahalna maithirabada houjikti chaothoigi palli amuk oiduna mashu keitheldagi komla kharabu leiraga thumok macha amada haptuna konung tamna laklami. Mahakna ashum lakpagi lambida ngasai chaobana thengnakhiba ahal adu mahakasu thengnarami. Ahal aduna chaothoigi mafamdasu chanaba khajiktang pibiyu haina nijarami. Adubu chaothoina mahakpusu mioibagi wangang ngangbiramde. Mashidagi ahal aduna tapna chaothoida amuk hanglake “ebungo adudi nangi thumok aduda kari yaoribano.”

“Ahh eigi thumokshidine lingi lin ngaktani yaorishe. Mina chanaba yaodre hairadi kokhek tokte haiwani. Ashum marei mara touraga lei adudana kari yaoriba adadana kari yaoriba haina hang lei. Hahh nangne ahal oirambagisu fabani natlamdradaba ngasaina tap taba makhei futharadamni.”

“Ahh saonu saonu ebungo nangi thumok aduda kari yaoribano haiba adu shum khangningduna toubani. Fare nangi lingshing adu tekta kaidana thumok aduda adumak yaoduna leirasanu.”

Mashidagi chaothoisu konung tamna adumak lakle. Aduga mahakisu thumok manungda haplakhiba komla adu lingi lin ngakta oiduna leiramle. Maram ashidagi ningthou adunasu saoraduna chaothoibusu fuduna tanthoraklami. Ashumna houjikti thanilgi palli amuk oiraktuna mahaksu komla kharabu puduna laklami. Matam aduda mahaknasu chakniba ahal aduga thengnarami. Ahal aduna thanilda chanaba kharadang pibiyu haijarubada mahakna yamna haraona magi komlashing adudagi komla amabu louthoktuna pijarami.

Mashidagi ahal adunasu yamna haraona thanilda amuk hairaklami “ebungo nangi thoujal heiba natou ashida ei pungpen pelle. Adu nate nangi komlashing ashibu yonlibro.”

“Nateda khura eikhoigi leibak ningthougi naitom pokchabi macha nupi adu yamna kanna naduna leire. Aduda karigumba thoidokpa magun chenba komlabu macha ebema aduda pijarabadi mahak adu naba shoidana fagani hai. Aduna eisu laibak yengjaruge toubani. Eigi komlashing ashina macha ebemadu naba fahanba ngambra yengjaruge toujaribani.”

“Ohh adugi oireko yengoi ebungo nangi komla ashe macha ebama aduna chaba matamda mahaki anaba adu loinamak faba oirasanuko. Ashuk yamna thoujal heiba nangi natou aduna pumnamak afaba ngakta oirasanuko.”

“Hoi hoi khura adudi eisu amuk chatlukhige .”

Ashi haiduna thanil konung tamna laklami. Aduga ningthouda haijaduna mahaki komla adubu leimatonda pijabirami. Angakpani matam kuinadagi naduna leiruraba leimaton adu thanilna purakpa komla adubu hek charubadagi khudak aduda mahaki anaba pumba adu loinamak fakhirami. Aduna thanilna amuk ningthou aduda tapna haijaraklami “eningthou houjikti nanai eihakna macha ebemagi anaba ashibusu fahanba ngamlabanina macha ebema ashe eingonda thajabirone.”

Wafam ashi tabada fatraba ningthou adugi wakhalda ashumna khanba houraklami “humm eibu nupa macha ashina echagi anaba fahanli haidunashi lou-uba mangondabu eigi echa asibu hekta thajaradrane. Aduga karisu leitraba mahakpu eina ningthouga oihanladraba. Humm ei loushing ama shijinaduna nupa macha ashe hatnaba shindaba yadre. Natrabadi eihakpusu leibak miyam ashina haikhiba wa ngakpa ngamdaba ningthou ama oina shoidana khankhrani.”

Ashi khanduna ningthou aduna thanilda tapna amuk hairake “ahh ebungo yengo nangnadi echa ashibudi naba fahanbire. Aduga eina haikhibagi matung enna nahakpusu leibak ashigi ningthou amabu oihangadouribani. Aduna ningthou ama oinaba nangonda changyeng kharadi eina toudaba yadre. Karigumba changyeng ashida nangna mai paklabadi nangonda echa ashe thajarage aduga ningthou khubam ashisu eina nangonda shoidana shinarageko.”

“Ahh adu eningthou kari karamba changyengno eingonda toubigadouriba ashibu.”

“Karisu leiba thabak nateda nangnane numit 3 nigi manungda hee amabu shagadabani. Aduga hairiba hee adu leikang amadi eshing animakta thouba yaba hee ama oigadabani.”

“Ehh karinone hairishibu eningthou adugumba hee adubu leibu leibrane.”

“Haii karigi leitani haigene ahh adugibudi noidi louminina mapan epangashe ethok thoktrabanina adugumba heega lei haibagashe khangjaramloine. Ahh chatlu chatlu hee adu numit 3nigi manungda saduna konung ashida purak uhh.”

Mashidagi thanilsu hee adubu sarunabagidamak umangda uhh kharabu yanba laklami. Aduga achou achouba yamna fajakhraba uhh kharabu khanduna yanba houraklami. Uhhshing adubu yanba loiraduna thanil ngaihak leimaida famthaduna wakhal khanba houraklami “ashh leikang amadi enshingda thouba yaba hee ashe eidi emana pokpadagisu amukta ukhidri. Nate eibu houjikpu hee ashibu matou karamna sagaduinone. Hahh hee ashi shaba ngamdaba thoklagana eningthouna eigi thawai ashe loukhiduribani. Ashhh khangdreda eina houjik touduishibu keino.”

Mahakna ashumna matha sana khanduna leiringei mana lambida thengnarakhiba chakniba ahal adu kadomdagino khanghoudana magi manak aduda laklami . Aduga hairake “ahh ebungo keidoure nangdi mafam ashida matha sana famduna leiramliba ashina. Nate nangi komla adu chabadagi macha ebema adubu naba fahoudribaro.”

“Ehh khura kadomdagino lakpirishibu. Ahh khura eigi komla adu chabadagi macha ebema adu nabadi fahoure. Adubu marou leiba eningthounido aduna mana magi macha nupi adu eingonda thajaningdaduna marei touba houraklibani. Aduga eibu eshing amadi khangfan animakta thouba yaba hee ama numit 3nigi manungda saraga purakadabani haina hairake. Karigumba eina hee ashe shaba ngamdrabadi eigi thawai ashe mana loukhidouribani .”

“ohh onthoknasu marou chaokhredako nakhoigi ningthou ashidi. Ahh adubune karisu warunu nangi khuranane mahakna hairakliba hee adumak saraga nangonda pigani.”

Ashumna ahal aduna mateng pangbiduna hee adu athuba matamda shaba loishinlami. Aduga thanilna hee adubu thouduna konung adu tamna yamna haraona amuk laklare. Mahakna hee adubu thouduna lakle haibagi pao ashe ningthou adunasu tarami. Mashidagi ningthou adudi yamna ngakna mahaki konung adugi mapanda chenthoraktuna yenglaga leirami. Thanilsu hee adudagi kumtharaktuna ningthou aduda khara karemnaraga hairake “ahh eningthou hee adu shida leireshe . Mashigumba hee ama shaba ashidi karisu leibak ama oiramdreda. Ahh esham shamnahek haijarabada eigi khut oina ashigi thabakni haijariba.”

“Ahh hoi hoi yamnadi laibanida mashigi hee ashe shaba ashe . Adunabu einasu nangna ngamni khangduna numit 3nigi manungda saduna purakohh hairibani.”

“Hoi eningthou adu houjikti eningthougi apamba adusu eina tourabanina eibusu hainakhibagi matung enna ningthou khubam adu hapirone. Aduga macha ebemabusu eingonda thajabiduna luhongbiro.”

“Ngaikhoda ebungo nangshina marol ama taha tahahek toukhreda. Houjiksu eina nangonda pangthok hangadaba thabak khara watline. Ahh hairiba thabak ashinabu mai paklabadi handakti nangna ningthou oiba haiba ashe shoidrabani.”

“Hahh kari haiba eningthou changyeng amasu amuk watlibra hairishibu.”

“Hoine ebungo ningthou oiba haiba ashe tarai taraina hekta oiba yapotene. Yamna heithoi shingthoiba ama changkharaba jatni. Adunani eina nangonda changyeng makhal makhal chathariba ashe. Adubu handaktine aroiba changyengniheii. Handakishinabu hek mai paklaba makha tana nangonda changyeng amuk hanna touraroi.”

“Hahh farene eningthou adubu changyeng adudi karino haiba adudi haibiro.”

“Ahh yengoi nupa macha eikhoigi leibak ashidagi khara thapa chingnungi mafam amada yamna chaoba amadi loushing yamna leiba langja kouba uchek ama leibani. Hairiba uchek adugi mameidagi matu amabu fuklaga nangna eingonda shinou. Karigumba hairiba thabak ashida nangna mai pakpa ngamlabadi handakti nangonda einane ningthou khubam shinabadi shoidrabani.”

Ningthougi wafam ashi tabada thanil makoktagina makhong faoba tuu chungkhiba khanghoude. Mahakna hairiba uchek adudi ashuki matik yamna sathiba mibu hingna set setaduna chaba ngamba uchek amani. Aduga uchek adusu hainingai leitana yamna chaoba uchekni. Maram ashidagi uchek ashigi manakta chatkhiba mioi amata ngasi faoba hanlaktri. Aduna thanilsu mahakna tougadouriba thabak ashe araiba amadi oiroidouri haiba ashe mashana khangjarami.

Adubu mahakna yamna thouna leina ningthou aduda ashumna hairaklami “ohh madugi uchek adugi matu amakhak loubabu eningthouna wa oina ngangbiriboireko. Hahhahh eidi nokpu nokningida mashibu changyengni kaina pennamuk laiba ama hek pishinlakee tourishe. Ahh fare fare eningthou eine hayeng ayuk anganbada leibak ashibu thadoktuna uchek adugi manak tamna chatkhrage. Adubune eningthou handakti hainakhiba wadi nangnasu shoidana ngakpiyuko.”

“Ahh hoida hoida handakti eisu haikhiba wadi shoidana ngakanida. Nangi khongchat tuda mai pakna halaknaba hotnajou.”

“Hoi hoi eningthou aduga wafam amana eina uchek matu louba chatkhringei eningthouna tap pat touduna macha ebemabu atopa nupadagadi thajabiramganuko. Eine tha 1 gi manungda shoidana halakani. Aduga hairiba matam ashifaobada eina mafam ashida amuk hanlakhidaba thoklabadi eishe shikhre haina khanbiroko .”

Ashi hairamlaga thanil mayumda amuk halaklami. Aduga wari pumbasu mapa feijaoda liduna khanghanlami. Feijaosu macha adu langja hairiba uchek adugi manakta chatkhragani khanbada yamna nungsha thijarami. Aduna tapna thanilda mathwai adu wana hairaklami “ebungo madugi langja hairiba uchek adugi manakta chatkhiba mioi amata mafam adudagi halaktri. Adunane epana haigadaba haibabu nangsu mafam aduda chatpagi wakhal adu thadok ohh. Ningthoubu karino oidrabasu yaii nahakna madugi khubam aduma fangba ngamnaba hotnabada echagi thawai adu mangkhrabadi epadi mangjaredana ebungo.”

“Paba adumainasu wakhal adu pikshinbiganuda. Adugi mahutane tachouga tayaiga punna haraona nachabu lakpa kaiduna leibiramu. Pabagi thoujalnabu fanglabadi nachana ngamloidaba thabak amata leite. Aduga paba eina ningthou oiradi leibak ashida leiriba awa ana taraba mioishing ashigi punshi ashe pungon onhandourini. Adunane paba eine ningthou ama oidaba shukya yadabani.”

“Fare fare echagi wakhalnabu madu yourabadi epanasu nangbu bor piriba ashini. Nangna touru touruba thabak khuding mai pakpa ngamjarak uhhko. Adugane wafam amana karigumba nangna lambi lamkhangda kanagumba mioigi mateng pangbinabaga hairaklabadi makhoibu chingnaba leitana mateng pangbiramuko.”

“Hoi paba nacha pumnamak kaojaroi pabana haibiba khudingmak nachana loinamak pangthokchage.”

Ashumna mathangi numita thanil mareibak adubu thadoktuna langja kouba uchek adugi khongul liba houraklami. Numit kayani leptana laklabagi tungda ahanba oina thanilna umangi chidai amada khun amada mi mayam ama khundaduna leiba adu thengnarami. Mafam aduda leiriba yumshing adu changchat amada loinamak fajarami. Hek yengbada leibak adu enak yamna khunna leiba amani haiba ashe khangba ngamlami. Mashidagi thanilna mathamoida ashumna khanjarami “ohh leibak ashidi enak yamna khunba leibak ama oiba jatnina. Mafam ashida leiriba yumshing ashe konungumna fajaraba yum ngakta oina touee. Aa aa shanana shaba yumgasu yaorine. Hahhh eisu houjikti numidangsu tarakadourabaniba mafam ashigi yum amada changduna ahing ashimatang leijage haina hairubana farani. Umm adudi ei mafam ashida leiriba yumshing ashidagi khwaidagi yengbada enak khunba manba yumm aduda oina changduna hekta haijarurage.”

Mashi khanduna thanil leiriba yumshing adudagi khwaidagi enak khunba emung amada changlaklami. Mahakna yumm adugi thongjinda leptuna emung adugi mioibu tanaba kouge haina hek toubaga yumm adugi manungdagi matei manao anina yamna kanna khatnabagi makhol ama taraklami.
“ Haii nangne eina hairibashiniko ngasidagine keithel chatpa oigera napamda chatpa oigera amata hek chatpa yararoidabaniko. Aduga eina hairiba wa ashi thaoidaduna yumdagi mapanga hek thoklamlaba nangne eibu fate hainuko.”

“Eshh hareee ngambiredako mapan thok oidribashe ei natiye makhoi pabungne makhoi pabung. Naramchat adu chumdragane eigi eramchatagadi taishinbirakanu.”

“Taishinba taishindabei wa natene nangna touriba adubu chumlibra haibanida. Yum ashidagi mapan hek thokhibaga emungda hanjinlaklaga mathong maram khangdaba wa kaya ama ngangduna emung ashe shanti leihandre. Adunani eina nang mapam thokpa yaroi haina hairishe. Yengu eikhoi anina nungtigi sumaina shum khatnaduna leiraga emung ashida purakadouriba chaokhatpa ashibu karino. Hahh chaokhatpadi lairadanane pikliba echa ani ashi faoba sumaina shum touradine makhoisu ngaoraga shoidana chatkhrani.”

“Hoo adunabu maduda thoktanaba emung ashe shanti leinaba thabak adu makhoi pabungna toubiyo haijariba ashini.”

“Ngaikho ngaikho karino nangna eingonda touhaningliba ashibu hahh karinoba amukta haiyune.”

“madu eina haigadaba nate nashana khangjagadabani. Nashagi naramchat adu hanna chumthok uhh madudatane emung ashe shanti fangadabane.”

“Keino eigi eramchat haidi nate karinoba eigi eramchat haibabu. Eina kari akaiba lamchat chatlageba.”

“Hoo chatlamoi chatlamoi tumdaba mishe houdokpa yamna wabaniko .”

“Haii nupi karigino nangna maning mamang that thatuna nganglishibu. Wadu mayek shengna karino haibadu haiyu haibanine.”

“Hoo yare washe yamna koithok koithoklaga hangbiranu. Khangoi haina khangdradina adum khanglaroidabani.”

“Humm nangi adugumba naong natou adudane eina yumda suklei leiningdrishe.”

Ashi hairamlaga nupa adu yamna saona yum adudagi mapanda thoraklami. Matam ashida nupa aduna thanilna makhoigi khonganda leptuna leiramba adu uraklami. Aduna nupa aduna thanilda amuk hairaklami “haii ebungo nangdi shida koudouramino. Nate nangbu eikhoida kari haininge, eikhoi shwai misu mande nangbu kadaidaginonehei.”

“Ahh eyamba eishe atopa leibak amadagi lakpani. Adu houjikti numitsu tashinlakadoure haina eyambagi yum ashida ahing ashimatang leijage haina haijage changlakpani.”

“Ohh fare fare lako lakoo emungda changlak uhhshe.”

Ashi haiduna thanilbu emungda pushinbirami. Aduga yumbu adugi nupi adunasu mahakpu yamna haraona amadi luna channa toubiduna ahing aduma leihanbirami. Numidangi chak adu makhoi punnasu chaminarami. Matam ashida yumbu adugi nupi aduna thanilda tapna hairaklami “ahh ebungo enshang adubu chaba eya yadrabaro.”

“Yaida eteima yamna haowee nga thongbanabu chaba yade hainabrada.”

“Haha adudi nabuk thanaba chaoko chak enshanga mayam ama leihourii oktrasune hekta hairakuhh ekaiganuko.”

“Hoi eteima.”

“Adu ebungo nate nangbu kadaidano ngasai chatkani haikhiba adubu.”

“Ahh eteima eishe loushing yamna lei hainariba langja kouba uchek adugi manakta chatlibani.”

“Hahh kari langjagi manakta chatlibani haiba. Ebungo mafam aduda chatkhiba mioi amatadi ngasi faoba halktribaniko. Adu karigumba nangna laibak faduna halaklabadi uchek aduda eikhoigi emung ashina toina toina khatnariba ashigi maram adu karigino haina nangna amukta hangbirak uhh. Madi loushing yamna leibanina malem ashigi emung pumbagi wari adu mahakna khangbani.”

“Hoi hoi eteima nanaona laibak faduna halaklabadi eine eteimagi wahang adugi paokhum aadu shoidana pujarake.”

Ashumna numit adu houkhre mathangi numita thanil uchek adugi manakta amuk lakpa houraklami. Handaksi khara chatlabagi tungda ahingi matam oirakpadagi yamna enak khunba emung amada amuk changjafam lourami. Emung adugi mioishingnasu mahakpu yamna lunna chana toubirami. Aduga handakti yumbu nupi aduna thanilda mahaki naduna leiribi piklibi macha nupi adugi anaba adu kamdouna fagadage haina langja hairiba uchek aduda hangbirakuh haina thanilda yumbu nupi aduna hairaklami. Thanilsu hoi haiduna mathangi numita mafam adu thadoktuna mahaki khongchat adubu makha tana adumak chatpa hourami.

Handakti mahakna ashum leptana lakpada yamna chaokhraba turel amabu thengnarami. Turel adubu hee honba nupa amana torban amadagina torban ama faoba mioishing adubu lanthok lanshin touduna pubirami. Maduna mahaki hingnabagi lambisu oiribani aduga turel adumaksu yamna lubba turel ama oibana mi amana eroiduna lanthokpa ngamba haiba adusu oiramde. Thanilna torban aduda leptuna leiba adu ubada hee honba nupa aduna hairaklami “ahh ebungo nangsu torban ama ashida landuna chatkadouribro.”

“Ahh hoi eyamba chatuine adu eyambagi hee ashida amukta lanthokpiyu eine eyambagi awaman adu matik chana mayamna pinariba ashumaina adum pijage.”

“Umm hoi hoi lakohh lakohh hee mathak ashidane tongkhatlakuhh. Adugane eyamba turel ashe lanthokpirage.”

Thanilsu hoi haiduna hee aduda tongkhatuna turel adubu lanba houraklami. Matam ashida hee honba nupa aduna thanilda amuk hanglake “ebungo nangshe eina hanasu amukta ukhidri nate nangbu kadaidaginone. Aduga mafam kadaida chatlibano houjikna.”

“Ahh eyamba eishe ahh athapa leibak amadagi lakpani. Aduga loushing yamna lei hainariba langja kouba uchek adugi matu louba lakchabani.”

“Hahh langjagi matu louba lakpani haiba. Umm nangi nathouna adu ubada eyambana thagatlihei ebo. Adu nangbu uchek adugi maramdadi miyamna ngangnaribashing ashidi hanna khangbra.”

“Hoi eyamba ei loinamak khangjei adubu ei uchek adugi matu adubu loudabadi shukya yadabani.”

“Umm nangna khanjariba adumak mai pakpasu oisanu. Adu enao nangnane huren halakpada eigi maramda uchek aduda wahang amatang hangbirakera.”

“Kari wahang oirabano eyamba nanaoda hekta haibiyu ei shoidana hangjarake.”

“Ahh eishe turel ashibu lanthok lanshin touduna miyam ashigi sheba touribani. Adubu lakliba miyam ashinadi eishe kaya maru oidabadouna wa ngang shakpada ushit thaoidaduna hek hek touee. Makhoigi matou ashida eishe epen pendre adunane nangna uchek aduda makhoi mayam aduda eishe kayamuk yamna maru oibage haiba adu kamdouna khanghangadage haiba adu nangna amukta hangbirak ohh.”

“Hoi hoi eyamba nanaone shoidana hangjarake.”

Ashumna hainaduna lakpana houjikti turel adubu lanthorakle . Aduga khara chatlabagi tungda thanilna langjagi yamna chaokhraba mayum aduda thunglami. Mahakna mathouna yamna leina yum adugi thongjinda leptuna hairaklami “hoo yum ashibu kana kana leige miga amta leitabro leiradi amata thokpirakohh.”

Matam ashida mou naha ama thoraktuna thanilda yamna ngakna hairake “ehh ebungo nangdi kanano. Nate nangbu shida keidouba laklinoba mafam ashidi mihing chaba achouba langja hairiba uchek adugi mayumni haiba ashe nangbu khangdrabaro.”

“Eteima ei loinamak khangjei adubu mashi pumnamak ashe khangna khangna ei mafam ashida lakchabani. Adu eteimadi mafam ashida kamdouna leiramlibano. Eina tajabadadi langja di mii amata uba yade mahakna hek thengnakhiba mi khudingmak hingna hingna setuna hekta chathokee hai. Aduga eteimadi langjagi mayum ashidana kamdouna hingduna leiramlibano.”

“Ebungo eishe langja hairiba uchek adugi nupi. Aduna magi nupi oiba aduna eina mafam ashida hingduna leiramlibano. Adu nate nangbu shida keidouba laklibano haiba. Langjana yumda halakpada nangbu ukhrabadi nangi thawai adu shoidana loubikhrani.”

Mashidagi thanilna mafam aduda lakhibagi maram adugi wari pumba adu liduna khanghanlami. Warishing adu tarabagi tungda nupi aduna thanilda tapna amuk hairake “fare fare adudine nangna eikhoigi famungi makha ashida lotuna leiro. Einane langja adubu mabuk thanna pijaraga ngantana tumhankhrage. Adugane mana tumlingei aduda nangna magi mameidagi matu adubu tatloko.”

“Hoi eteima aduda yamna luba wafam amakhaksu leiriye.”

“Kari wafamnone ebungo.”

“ ahh eteima eina mafam ashi younaba lakpada mioi kayagi emungda ahing kaya ama yarektuna laklibani. Aduna mioi kaya aduna langjagi mafamda makhoigi oiba wahang kaya amasu hangbirak ohh haina shinabirakee. Adu eina karigumba kangkhada lotuna leirabadi eigi wahangshing ashida kanana hangbigani.”

“Madugi oireko adugidine nang karisu warunu nangi wahangshing adu eingonda hairamu. Aduga eina huren mangonda wari shana shana wahangshing adubu hanglage. Aduga mana pirakpa paokhum adu nangsu tajahouro.”

Ashumna hainaduna thanil adu houjikti kangkhada changduna lotkhre. Numit tashinlaklaba matam aduwaida langja adusu mayumda hanjinlaklami. Adubu mahakna emungda hek changlakpagadi mahaki nupida ashumna hairaklami “humm keino nupi ngasidi emung ashe mihing manam namida.”

“Ohh ngasaidu nupa ama laklambani aduna mihing manam adu mangondagi namhouba oirini.”

“Kari nupa ama laklami haiba nate madi shida keidouba lakliba eishibu kana kiba faodabagi usitaduna laklibra haiba.”

“Nate nate makhoi pabungi sathiba maong matou adu nupa adudi tasengna khangjadaduna laklambani. Adubu eina nangi shathiba naong natou adu hairubadagi madi kuina leiramdadi thinthadana adumak chatkhrabani.”

“Ohh fare fare adu nupa adubu shida keidouba lakpani hairamge.”

“ehe eidi ekaohek kaothoklure nupa adunane wahang ahumkhak hanglambani.”

“Kari wahang hanglamliba madi.”

“Hoo enak khunba emung adugi matei manao aduna karigidamak matam chupada khatnadunada leiribano haina hanglami.”

“Umm madugi emung adugi wari oireko. Madudi emung adugi nupi aduna mina tamshinlakpa higaiwashing adu aranbani haiba khangdabadagi magi nupa aduda lanna ubadagi khatnaribani. Hahh makhoidi moigi emung aduda yumthangnaba shing aduna kalaktuna emung kainaba shinlibani haiba adu khangjadaduna touribanine.”

“Adugane makhoi pabung nupi amana magi naduna leiriba piklibi macha nupi adu kamdouna naba fagadage haiba adusu hanglambani.”

“Umm madugi nupi macha adu mamana masham kakpa matamda magi masham adu uchekna chenduna pukhre. Aduga makhoigi mahum shadaba angang adugi masham adu youkhre aduna angang adunasu naba adu shukfat fatribani. Karigumba uchek mahum adudagi angang adugi masham adubu louthoktuna ningthina fumjinbirabadi mahaki anaba adusu soidana faragadabani.”

“Adu uchek mahum adudi kadaida leiba jatno makhoi pabung.”

“Eheee uchek adudi angang adugi yumgi maningda houba heinou panbi aduda mahum saduna leibanine.”

“Ohh aduga aroiba wahang oina nupa aduna hee honba nupa adugi maramda hanglami. Nupa aduna hee honba adubu matou kamdouna miyamda mahakna touriba thabak adu yamna maru oibani haina khanghangadage haina hanglambani.”

“Ehee madugi hee honba adusu onthoka pangkhredako. Mana kanagumba matik magun leiba mi amabu eyai aduda puthoklaga matomda hek hee aduda thadoktuna thamlamu. Matam aduda mahak youdradadi turel adu lanba ngamloi haiba adu mioi adunasu adum khangjaradajani.”

Ashumna langja aduna hairiba mayam adu thanilnasu loinamak taduna leiribani. Mashidagi langjagi nupi aduna mahakpu mabuk thanna pijabiduna nungaina tumthahanlami. Mashigi tanja ashi louduna thanilna yamna tapna kangkhadagi thoraktuna langjagi mameidagi matu amabu thatlami. Aduga mahak mafam adu thadoktuna thunamak laklami. Ashumna mahakna uchek adudagi fanglakpa paokhumshing adusu wahang hanglakliba mioishing aduda loinamak haibirami. Mahaki matou aduda penjaradina enak khunba emung shing adunasu mamal tanglaba hira mani mukta kaya amabu pamuba leitana thanilda khudol oina tambirami.

Ashumna yamlaba potfam adubu puduna houjikti thanil mareibakta youraklami. Aduga ningthou adugi manakta chatuna uchek matu adubu pirami. Thanilna ashuk yamna lukhraba thabak ashibu erai laina pangthokpa ngamlakpa ashida ningthou aduda yamna ngaklami. Aduga maru oina thanilna purakliba tanglaba mani mukta mayam adu urubada ningthou adudi amuka henna mamit thakatlami. Aduna mahak thinthaba toudana macha nupibu thanilda thajaduna chaona luhonglami. Aduga houjikmaki oinadi thanil adu ningthougi khubam adumakti haplamde.

Nongma numit amada ningthouna tat touduna thanilda mahakna fanglakliba mani mukta shing adugi maramda hanglami. Matam ashida thanilna mani mukta shing adudi langja haiba uchek aduna mangonda khudol tamlakpani haina haijinlami. Mashidagi ningthou adu thinthaba toudana langjagi manak tamna chatkhirami. Mahakna ashumna leptana lakpana houjikti turel achoubana leiriba mafam aduda thunglare. Mahakpusu hee honba nupa aduna turel adubu lanthokpigadabagi tourami. Matam ashida hee honba nupa aduna langjana hairakhiba wahei adubu ningshinglaktuna ningthou aduda turel adugi eyaida matomda hundoklamlaga mahakna eroiduna chatkhirami.

Ningthou adu upaidi leita eyai aduda eroibasu heita adumak shiba ngaiduna leikhirami. Ashomdana ningthouna halaktraba aduda houjikti hainakhibagi matung enna thanilna leibak adugi ningthou oina panduna magi leibak praja miyambu ningthina yengshinduna yamna nungaina pankhirami.