Thaina leibak amada yamna ahal oiraba enak khunba lallonba nupa ama leirami . Mahak ashe atopa thapla thaplaba leibak kayada koina chatuna lalonbagi thabak touba mioi ama oirami. Magi chaoraba konungumba yumjao aduda mahaki macha nupa telheibaga makhoi anikhaktang leirami. Ahalgi matamga oirakpane lalonba nupa adu ahal leinana naduna famshenaba houraklami.

Nongma telheibana mapagi sheba touduna leiringei ahal aduna telheibada tapna hairake “ epagi telheiba epa ashe kuina hingadaba manlaktrenehei. Aduna ngasidi epa nangonda wa khara haige. Yengoi hayeng eina leikhidraba matungda eigi ehut ereng shinduna nangna lalonbagi thabak ashe makha tana adumak tourakhoko. Lalonba haiba ashe mi amaga amaga thengnaduna wa ngangnaba marei yetnaba khudingmak ngamgadabani. Aduga lamit tumitsu yamna khangba ama mathou taii. Adubu epana hairiba thabak ashe nangnasu shoidana touba ngamgani khangi. Aduna nangna epagi lalonbagi karbar ashibu makha tana adum chatharakhoko. Aduga atopa wafam amana nangna malem ashida leiba mafam kayada koina chatuna lalonlurabasu awang thangbagi epak ashigi mayai maktada leiba ethat macha adudadi lalonba adu chatke haina khak ninglunuko.”

“Paba atei mafamdadi chatpa yaraga karigino ethat adundana chatpa yaroi hairishibu.”

“Haii mafam adudi oidaba namthak amadi minambatana thanlaba leibak amani. Mafam aduda leiriba mioi khudingmak oidabata ngangba khadrak madrak touduna nouna lakpa minoushingdagi shen louhounabata hotnaba leibak amani. Maral leijadraba mioi kaya ama makhoigi langda thukhrabani. Aduna epana hairibashiniko nahak mafam adudadi khak chatke ninglunuko.”

“Hoi paba ei pabana yadaba thabak adudi eisu keisu toujaroi.”

“Adunidana echashidi.”

Matam kharagi tungdadi ahal adusu adumak leikhidre. Mahakna hek leikhidabadagi magi mahut sinduna telheibana leibak kayada lalonba chatlami. Aduga sengdongsu yamna yamna fanglakpadagi houjikti telheiba adu makhoigi leibak adugi oina khwaidagi enak khunba mioi ama oirakhi. Nongma makhoigi leikai adudagi mahaka yamna lunna tinaba marup ama laklami. Aduga telheibada hairake “ahhh etao nang leirambashe yamna fare. Eishe nangondagi mateng amakhaktang nijage haina lakpani.”

“Kari matengno hekta haiyu keidourage etao.”

“Etao eikhoi emadu thangnaba leibakta thabak amagi chatkadabani. Adu eikhoigidi nangnasu henna khangliba aduni thangnaba leibakta chatpada tongba yaba hijao amatasu leite. Adu etaogidi hijaosu mayam ama leibanina nangondagi hee amatang nongma ninigi oina waige haina lakpani. Aduga etaogi heegi awaiman adusu eina shoidana pijage.”

“Hera adugi oire nangna ngasaidagi koithoka koishinga touraga leirido. Waiyu keino eigi epoti nangisune nangna puningba hee ama hekta khanduna pukhro. Aduga ei heegi awaiman gadudi loiroiko.”

“Ehhh yade yade loudaba yaroi , nangna adumaina hee awaiman adu lou haiba yaroidaba oiradi ei nangi hee ashi purarou atei atopa kanadaginoma oina wairurage.”

“Ehee nangshidibako marei onthokna kankhre farese eine heegi awaiman adu shen oinadi louraroi adugi mahutane noigi pukhridagi nga ama thonglaba eibu huren chakouro.”

“Hoi hoi adu oirasu yaiye adudi ei nangi hee mayam ashidagi ama khanlaga pukhrage. Adugane huren numidangdu eikhoida chakto charashi. Pabaga emagasu leiroidabanina nangsu khara nganna lakohh. Aduga eikhoi ani changduna nga adu thonglaga hekta chaminarashi.”

“Hoi yaiye etao .”

“Fare adudi ei amuk chatlageko huren nganna lakohh.”

Ashi hairamlaga telheibagi marup adu hee amabu puraga chatkhre. Numidangi matam oishinlaklabada telheiba mahaki marup adugi mayumda laklami. Mahaki marup adusu yamna chaoraba nga amabu shemduna leirami. Mahakna telheibana lakliba adu uraga yamna haraona hairake “etao lakohh lakohh changlakohhh .”

“Ashh eidi ngagase thongba loiramlani khanlaga chatharurage haina laklaga nangdi nga ashi faoba shemba louramdriba oire.”

“Loidure loidure kayambu kuidoino adugane ei fat laona thongdoraklage haona chatharashe.”

“Umm adu noi pabaga emagadubu thangnaba khunda chatkhridubu kari aruba thabak leirageba .”

“Keisu leiba nateda pabaga yamna lunna tinaba matao amagi macha luhongbagi chatkhibani. Adu nangdi lalonbaga chatrabo.”

“ Chatlida adu handak nongma nini ashidi ware haina potharaga leibani. Hayeng hangchit leiradi amuk makha tana lalonba chatpa houraduine.”

“Ohh adu handakti karamba leibakta oina lalonba chatuino.”

“Hahh eina shum khanbada nahanwai eikhoi pabana hinglingeida eingonda chatkanu haina yamna kanna thinglamba leibak ama leiye aduda oina chatshira khalliba. Mina hainabada leibak aduda lalonba chatpa ashe shengdong yamna chaona tanba ngami haineiye.”

“Hahhh aduga keigi noi pabana shengdong chaona leigadaba mafam adudana chatpa yaroi haina thinglamlidi keigi.”

“Aduburo eisu ashengbadi khangde pabana hairambada mafam adugi mioishing adu khadrak madrak touduna mingondagi shen louhounaba yamna hotnei haiye . Aduga oidaba minamba namthakasu yamna touna malle . Aduda eikhoi pabana eishe awafamda tagani haina chatpa yaroi haina thinglambani.”

“ohh adudi etao nangna mafam aduda chatlurabadi nang awafamda taroidra.”

“Heraa etao nupani keino laibak amuktang yengthokluge toubane. Moinasu panghenda henjinba yapoteda eisu telheibani keinone.”

“Haha adubudi chumba nangsu eikhoigi leibak ashidadi loushing chaobada hainaribani aduna moinasu pakti henjinbadi ngamloida.”

“Farese nga ashisu shemba loire lakohh chakhumda changlashe. Ei ngashe fat thokdorakhige aduga punna hekta chatharashi.”

Ashumna makhoi ani adu nga achouba adubu thonglaga yamna haraona chaminarami. Matam kharadi tungdadi telheiba adu mapabungna hinglingeida chatpa yadeko haina kanna haijaramba wafam aduda lalonba chatlage haina chap yungna khankhre. Aduna mahak magi chaoraba hijao amada potchei kharabu haptuna oidaba minambatana thanlaba mafam adu tamna laklami. Numit ninirom houkhre leibak aduda yougadabasu khajikta mangairakle.

Adubu ekhang khanghoudana yamna kanlaba nonglei nungshit ama touraklami. Matou adumakti akiba fanglami aduga telheibanasu mathamoida khanjarami “eshh kari matouno tourakliba ashidi, eina lakliba mafam ashe chatkhiganu haina eshor manasu thinglibra keino khangdre. Heraaa eisu lakpani haina laklabanina mafam adu youdanadi toklaroi. Thawai ashe mangkhraga mangkhre noinadadi ngamhanlaroi.”

Ashumna mathamoida chetna thajaba thambaga loinana yamna wana nonglei nungshit adubu mayoknarami. Aduga ashumna wana mayoknaba hek loibagadi minambana thanlaba leibak aduda mahaksu thunglare. Mashidagi telheibana shor ashangba ama honthaduna amuk haijarami “hahhhhh uchin nachin youdadi youjaredana shee. Humm ngaikho mafam ashe oidaba namthak yamna toueesu hainabanina eigi potchei mayam ashe mafam ashida adumak thamlamkhige. Aduga eihak esha khaktamak hanna leibak ashida changduna mafam ashigi mioishingi maong matou adu hanna yengthoklukhige.”

Mashi haiduna telheiba mahaki hejao aduda magi potchei mayam adubu thamlamlaga mahak leibak aduda changshinlaklami. Mahakna ashum changshinlakpa matamdadi mafam adugi oiramliba mahousagi fajaba aduna telheiba adu pungshum hek shumhatkhirami. Yenglu yengluba khudingda fajaba leirang kaya upal wapal kayana ningthijana hourami. Aduga wanglaba chingdoldagi eshing chaibi kaya amasu chentharaklami. Mayam ashi urubada telheibagi thamoida ashumna khanjakhi “ohhh onthoknasu fajakhredako mafam ashidi shwargagabu pangkhak oiramgadaba malli. Ashuk yamna fajaba mahousagi oiba mafam ashidi eigi punshida hanna amuktasu uraktri. Ashigumlaba mafam ashida leiba mioinabu oidaba namthakpu touramgadrane.”

Mashi khan khanduna lakpada mahakna turel mapan amada manam ponba nupa amana khoi choplaga nga faduna leiramliba adu mahakna uraklami. Aduga nupa adugi manaktana achouba ujao amagi mathakta uchek macha amakhaksu tonglaga leirami. Telheibana lambi aduda taramba nung macha amabu khunduna uathakta tongliba uchek aduda thomlaklami. Aduga laibakna faribasu uchek adugi makokta nung aduna panbadagi uchek adu leimaida thawai yaodana taraklami. Adubu telheibadi uchek adubu hanna yenglamdana chatkhige tourami. Adugadi ekhang khanghoudana khoi choplaga leiramba manam ponba nupa aduna yamna saona telheibada ashumna hairaklami “haiii lamkoiba nupa nang ngaikho.”

“Ahh eyamba eibura kari haibigadabano.”

“Keino nangna tourishee hahh karinoba nangna touramlishe.”

“Eyamba karino haibirishibu einabu eyambada kari toukhrage ei wakhal ama taba ngamjadrebu.”

“Tuu yengsu shee nangna eigi pababu hatoklaga thamlamlishe keigino. Hoo paba eidi mangledako paba nangbu nachana kourishe tadrabaro nangbu amukta halakhoba. Heee mifata mitambal nangna eigi pababu hatpagi eina nangbusu ningthouda wayel handuna fangshi touraga hathangani .”

“Ehh eyamba keinone haishibu mashigi uchek macha ashibu eyambabu pokpa naparane. Heraa eyamba haiba yai haina panghaida haijinbiganuda. Uchek ashinabu eyambagi paba kamdouna oigaduinoda.”

“Haii mihatpa ei wa haige tao uchek ashe mamangi mapokta eigi paba oirami khanglabra. Aduga mahakna shikhraba matungda uchek ashida oina amuk poklakpani. Adunani eiga uchek ashiga punna leiminaramliba ashe. Houjikti mahak ashe eigi paba oirabanina eina chatpa mafam khuding mahaksu eiga loinaduna adumak laklibani. Houjiktasu eiga nga faba lakminaramliba ashini. Aduna nang eigi pababu hatpagi dhandhi adu fangfam thokee.”

“Ashh eyamba madudi eidi kaidei khanglanige uchek ashe nangi pabani haina cheda keida eraga thetpasu nate. Adunadi eidi khangdabanina hatoklibanidana. Mashida eigi eral keisu leite aduga eidi khangdaduna toukhibanina dhandhisu fangfam thokte.”

“Karigi fangfam thokloidriba mashigi bichar ashe nangna tougadaba nate eningthouna tougadabani. Eina wafam ashibu eningthouda wakatkani aduga nangbu fangshi touduna hathangani. Karigumba nangna fangshi touduna shiningdrabadi eingonda uchek ashigi mamal oina lupa lishing 5 pigadabani.”

“Ehhh keisu leitaba khubi muktang chaoba uchek ashigidamak eidi karigi lupa lishing 5 pigadouriba. Ahh ngamoi ngamoi nangna watakningba kanadano wakatlusho eina ngamnaba thengnani. Aduga eidi nangi shen adu pibadi shukngam ngamloi.”

“Heraaa ashuk yamna mii usitaba feii nang khanganidana eine houjikmak eningthougi manakta chatuna pao ashe tamluni aduga nangbu mapum thitpa makhei laknahangeba.”

“Ohh chatlo chatlo tamluro chatloo nawa shuklou loubide hairishine eidi.”

Mashidagi manam ponba nupa adusu ningthougi konungda mahaki wafam adubu bichar touhanaba haiduna thunamak chenkhirami. Telheibadi nupa aduna chenkhiba adu ubada noktuna hairake “tourishe yengune manam ashina epon hek poladana yongna chenbadu mangaikhre. Hahh eikhoi pabana hairamba adu chumdi chumba jatniko hek houbada khadrak madrak ama touba hourakledana. Haha kumhei ashe yamnabu nungairi makha tana leibak ashida chatuna kari kari tourakpage haiba adu yengedahei.”

Ashumna makha tana leibak aduda adum chngshinlaklami . Mahakna ashum lakpada sham kakpa nupa amaga amuk thengnarami. Nupa aduna telheiba ubada mahakpu yamna taramna koushinduna hairake “hoo eyamba nahakpu mafam ashida koiba lakpa minouro.”

“Umm hoi mane noigi leibak ashe mina yam fajei fajei haina hainaba aduda eisu koiba laklibani.”

“Umm hoi hoi fajabani fajabni eyamba eikhoigi leibak ashidi atei atopa leibakadi manadabani. Yamna magun leina fajabani adu eyamba nangi sham ashidi yamna shangledana aduga koi adusu chomkhatlakle. Aduna eyambagi shamga koi aduga nanao shit nanna kakthat charakedana.”

Telheiba mahaki makok amadi mamaida nanduna ngaihak yenglaga ashumna amuk hairake “haii gumdana eigi shamga koi ashidagi yamnasu shanglam khredana. Ahh hoi hoi fare fare nangnane eigi shamga koi ashiga yamna masha nanna kakpirakohh. Adu enao nangi sham kakpagi mamal ashidi kaya lougani.”

“Heraa eyamba shibu hanganido haina hanglishibu keigino. Eina eyambada pigadouriba ashe nungaiba makhal ama natro. Eina eyambagi sham kakladi eyambasu masha nanna urani adudagidi nahaksu wakhal adu yamna nungaijarani. Aduna eyambanasu eingonda sham kakpibagi mamal oina eibusu wakhal nungaihanbiba taredana.”

“Ahh hoi hoi nangna wakhal nungainaba shen adu eina khangna pirage. Shee shee eigi sham ashiga koi ashigashe amukta masha nanna kakthatlakoo.”

“Hoi hoi eyamba nanao toujarake.”

Ashumna sham kakpa nupa aduna telheibabu nungaiba wari kaya sha shaduna mahaki masham amadi makhoi adubu yamna fajana amadi ningthijana kakpirami. Mashidagi sham kakpa nupa aduna mingshel amabu pushinlaktuna telheibada yenghanlami. Aduga hairake “yengbiyu eyamba nangi pukning aduna apenba oidribaro. Eisu fana fajanadi shem shemduna kakchakhrabanida adum yaramlani khanjei.”

“Umm hoinehei nangdi sham kakpa ashe yamna heiba jatnidana . Eikhoigi leibak aduda leiba sham kakpashingdagidi nahakna henna sham kakpa ashe yamna heiba helli. Ahh adudi shee nangi sham kakpagi mamal adu shen lupa 1 ashi oina louroshe.”

“Keinone eyamba houjikta eikhoi ani hainakhiba adu kaobirabro. Eina eyambagi nungaiba adu pirabanina eibusu eyambana nungaihanbirone shen lupa 1 ashina eibu nungaihanba ngamde . Aduna eibu nungaihanaba shen khara hapakhone.”

“Ehe eikhoigi leibak adudadi sham akakman ashe shen makhai amakhaktang oi. Aduna einasu nangi nungainabani haiduna shen lupa 1 ashe pirabani . Nangsu aduna shen lupa 1 ashe louraga nungaina leihouroshe.”

“Eyamba eibu nungaihangani haina shamsu kakpa yaba makhei kakthokhraga eina nungsu nungairoidaba shen piraga yaro hairishibu keiginone. Yamna thunamak shen adu kharaga hapaga pirakuhh natrabadi ei eningthouda wakatkani aduga nangbu wayel touhangani.”

“Onthokna nungaikhidreda shee shen lupa 2 ashe oina louro. Aduga mashidagi hennna hapakho hairadi ei nangonda shen amata piba ngamloi.”

“Yaroi yaroi eyamba eingonda shen lupa lishing 1 piyu madutada eihakna nungaiba ngamgani. Madu natrabadi eisu nangi shen ashe louba ngamloi. Aduga nangna eigi sham akakman ashe matpikhre haina eningthouda pao tamluni.”

“Heraaa adu yourakladi chatlo choo nangi ningthou aduda eina nangi sham akakman adu piyu yadre haina tamlusho. Mana eingonda kari touba ngamlakpage haiba adu yenge. Ashuk yamna kadar fadar kanba nupa ashibu kari nupanone. Fajana shen pibada lou yadrabanina houjikti eisu nangonda shen amafaoba piraroi. Kanadano nangna wakatningba mafamda wakatluro chatlo.”

“Fei fei nang khanganidana.”

Ashi hairamlaga sham kakpa nupa adu ningthougi konung tamna thunamak chenkhirami. Mahakna chenkhiba aduda telheibana karemnaraduna ashumna laoraklami “hooo chenlu chenlu kana chejou heiii nanghouraroi chenluheii. Humm karamba makhalgi mishingnone mashigi leibak ashida leiriba mishing ashibu. Hahhhh makhoigi maong ashiga hairuradi makhoi mashel ashibu amana amaga namthak tounaduna pangkhata khatanaraga leiramdou malle. Fare eisu lakpane hainadi laklabanina thokuhhba ama maraina lakcharani mafam ashi shinba thungnadi koidanadi hankhraroi.”

Ashumna telheiba adu makha tana ashum laklami. Ngaihak laklabagi tungda mahakna keithel macha amada amuk thunglami. Mafam aduda potleiriba mioi amadi yonliba mioi shing aduna tounariba niti niyom adu ubada telheibadi pangnokta nokninglami. Amana amada marei pangyeta yetnaduna leirami. Potfam amadana nupi amana komla kharabu leirami. Aduga shen pidana chatkhige tourami. Matam ashida potfam mapu aduna nupi aduda hairake “haii ebema nang eigi komlagi mamal adu piramdrine.”

“Keinone hairishibu tada houjikta ngaihaki mamangda tadagi nakhut makna loukhridudi.”

“Ehh hare hare kayada ngamlibanone sheee haii adumna oidabadi ngangnagumshiko laina yaroi kadaino shen adu piramo.”

“Tada pikhrabani wani.”

“Ohh nang pikhre tasengna pikhreko.”

“Hoime tada pikhre haibani.”

Mashidagi potfam mapu aduna nupi adudagi komla mayom adu tap laona laklaga hairaklami “kadai adudi eisu nangi komla adu pikhrabane shidi atopa mi amagine nangna sheranana puraga leiramle.”

“Keino tada shidi eigi komlane adumaina toubinuda kadaino komladu piburakohh.”

“Heimma ebema nangna houjikta nangi komla saruk adudi mafam ashida chathokhraba daine. Eine emitshina uhouee aduna adugumna aranba wafam adu hairakanu.”

Ashumna amana amada marei kaya ama yetnaduna makhoi mashel pangkhata khatnarami. Tanja ashida kadomdagino khanghoudana chahi miyai chanlabi nupi ama telheibagi manak tamna yamna kanna chenshinlaklami. Mahakna chenshinlakpa adu ubada telheibana machinda tapna hairake “ohh amasu amuk lakledana shina karamba khadrak amuk tourakdouriba.”

Mashidagi nupi aduna tapna telheibada hairake “ebungo nang lakpa ashe yamna fare eine nangna mafam ashida lakpa yamna wana ngairamlibani.”

“Ahh ene nangbu kanano aduga kari maramgi enedi eibu lakpa ngaibiramlino.

“Haii ene kouganu ematon haiyune nangbu. Eishe nangnadi shak khanglamlaroi adubu eihak ashe nangi pabana louramba nupi atonbine. Mahakna mafam ashida laklaga eibu luhongbikhi. Aduga moithem touduna eina hingnabagi shen tharake hairaga eibu mafam ashida thamlambani. Adugadi mahakti shensu shuktha thabirakte aduna eina mafam ashida yamna wana hingduna leiramlibani. Adubune houjikti napa adu laktrabasu echa laklabanina yare. Echanane emagi hingnabagi lambi oinaba shen adu pibiramo. Yamna yamdrabasu yanida lupa lishing 10 natraga 20 na adum yanaba shinlage emana.”

“Aaaa keinone ene nangna hairiba wafam adudi eidi houjiktabu khangbada ngairi. Eikhoi pabanadi madugi maramdadi eingonda karisu hairamba leite. Aduga mahakna hinglingei matamdasu nakhoigi leibak ashida chatkhibagi paosu eidi takhidena.”

“Hahh kari haiba nakhoi pababu sikhre haiba. Hooo makhoi pabung karigino nangna nacha nupa ashida eigi maramda kari amata haidokpiramdriba ashibu. Nanai tolabibu kamaina hinghou haibano.”

“Ashh ene yarese enegidu mi onaba oiramni eikhoi pabadi nongmada adumaina toukhibasu leite nupi angangda maityeng lana yengba mioi nate mahakti.”

“Haii nangi pabana touba thabakpu nangna kamaina khangduino eina hairishe ashengbani . Aduna eigi hingnaba shen adu pirakohh natradi nahaki napana eibu luhongbiraga hundoktuna thamlamle haina eningthouda wakatkani. Adumna touradi nahak shoidana dhandhi fanganiko.”

“Hoo dhandhi adu fanglage chatlo ningthouda wakatluro. Eshhh lupa lishing 10 piyu kaina shen ashibu uton watonda panbro nawa loude chatlo. Hooo ematon ningthoudane eina ematonda nawa loude hairke haina khara tambiyu chatlo chatlo nangi pao adu tamlurocho.”

“Kayada machong pak naidriba angangnone shee mamaton eingondabu nawa loudeka haijabaga saii fei feii nang khanganidana. Haii nang chenlamba yaroiko ngasidi nahak matik thokpa makhei laknageba .”

“Hoi hoi cheloi cheloi tapna adum chatpiyo ema amuk tushin khotchinbaga touraga nangsu eikhoi pabagi manakta ahh laireipakta amuk chatkhini aduna tapna tapna adum chatpiyu.”

Mashi haiduna telheiba adu matomda amuksu nokchei “haha kumheishe yamna nungaikhatlaklii mathel mathel oina amamam shum hapchinlakliye. Kanadeda ashwai faobadanga ashum chatuna yenglukhige. Aduga eisu yumda amuk hanaba tourage.”

Ashi haiduna makha tana ashum chatpa houee adubu khongthang khara hek thangbaga mana nakan nama ama youdaba nupa amaga telheiba adu amuk thengnarami. Nupa aduna telheibabu ubada yamna mashak khangbadouna hairake “ehh ebungo nangna eikhoigisida laklamba ashe yamna farehei. Eisu ngasi nongma nini ashida noigi yumda lake haina touramlibani.”

“Hahh karibuno haishe eyamba.”

“Ehee eidi ekaohek kaorure nangnadi eishe khanglamlaroi adubu nakhoi pabaga eigadi yamna munna shakhang maikhangneida. Adu farese ei washe koithoklaga leiraroi hekta hairageko. Tuu eigi na ama yaodrishe nahanwai eina shen yamna chinba matam amada na ashimabu kaklaga noigi pabada lupa 30 da bhandhan thamkhibani. Adu houjikti eigi khuta lupa 30 adusu leire aduna nangonda lupa 30 ashibu piraga eigi na nama adu handokcharage toubani.”

“Ehh keinone haisibu na bu bhandhan thamba yabrane. Eikhoi pabanadi mashigi maramda mahakna hinglingeida eingonda kari amata hairamde.”

“Ahh hairamgera hairamoira eina houjik wafam ashibu nangonda hairaga khanghanlaba natro aduna yarabani. Shee lupa 30 shee louro aduga eigi na nama adu pibiraklo.”

“Eyamba eingonda nangi nadu leite aduga nangi shen ashibu ei louba ngamloi.”

“Hahh kari bhandhanda thamlamba potpu manghanba hounabrane. Yaroi yaroi eigi na adu mamal yamna yamkhraba jatni aduna eigi na nama adu pidaba shukya yaroi karigumba nangna eigi na adu piba ngamloi hairagana madugi mamal oina lupa lishing 3 piyu.”

“Ehh mathong maramsu khangdaba nangna hairaga eina hekta shen adu piraninehei. Nang ahal oirambagi fabani natrabadi namai aduda kupakna on onaduna ngasaina tharamladabani.”

“Eyaa kayada mi usiteinone fei nang khangni nangna shen adu piyu yadrabanina houjikmak eningthougi manakta chatuna wakatluba tare.”

“Umm wakatpiruro wakatpiru aduda eina karisu kibigadaba leite .”

Nupa adubu yamna saona konung adomda chatkhre. Mahakna hek chatkhibaga telheibana mathamoida ashumna khanjarmi “humm ei mafam ashe thadoktuna thunamak chathoubana chumgani. Mafam ashigi mioishing ashe oidaba namthakta touraga hingba mioi ngaktani . Aduga mioi maridi shuredana eingonda namthak touramlaga ningthouda wakatluni haina chatkhrishe. Huren karigumba makhoigi ningthou adusu moidouna makok chakpa mi ngakta oiramlabadi ei farak yamna tarakani aduna ei chathounaba tourage.”

Mashi haiduna mafam adu thadoktuna thunamak chatkhinaba hotnarami. Adubu ningthougi manakta wakatpa chatkhiba mioi mari aduna hanna wakatpa hankhibadagi ningthou aduna telheibabu mahaki shagol tongba lanmi kharabu tharaga faduna konungda purakhanlami . Telheibana konung adugi manungda hek changlakpagadi ngasaigi mioi mari aduna amata oina apunba khonjel amada ashumna hairake “ehh eningthou tu tu ada lanmishingna farakliba nupa ashini eikhoina haijariba adu. Humm nang khanganidana ngasidi.”

Makhoigi wafam adu taraga ningthou aduna telheibada hairake “ haii nupa nangbu kadaidagi lakpanone aduga namingna kari kouee.”

“Eningthou nanai eihaki mingdi telheiba koujei ahh athapa leibak amadagi lakchabani. Adu eningthou eikhoigi leibak adugi chatnabi oinadi ningthou amabu thengnarabadi mahakna ngamjaba khudol amamam tamnei. Aduna eigisu ngamjaba eingonda yaojaramba shana khudop ashimatang eningthouda khudol tamjage.”

Mashi haiduna eningthou manakta changshinduna khudop adu pige tourami matam ashida telheibana mamai adu fat laona leithoktuna magi mathakta wakatliba mioi mari aduda onshinduna hairake “ahh nakhoi maribu eina eningthouda khudop ashima khudol tambada yaningdaba natraga nungaitabaga leibrane.”

“Ahh leite leite eikhoidi nahakna eningthouda khudol tamba adu ubada eikhoisu yamna nungaijaribani wakhal ashe yamna haraojaribani.”

Mashidagi ningthou aduna telheibadagi khudop adubu louduna mahaki khutsha amada shijinkhre aduga hairake “khudop ashidi onthokna fajakhreda haii telheiba nangna eigi efamda piriba khudop ashe einasu haraona lourabaniko. Aduga ngasi eigi efamda lakliba wakat ashi amuk wayel hourage. Haiii nam ponba nupa nangna hanna lakpani aduna nangi wakat adu karino haiba adu hairaro.”

“eningthou tuu yengbiyu mashigi telheiba haiba nupa ashina eigi paba adubu makokta nungna thomlaga hatokpiribani. Aduga eina eigi pababu mahakna hatpanina mashu fangshi touduna hatpiyu aduga eibu eigi pabaga kainahanbagi awamal oina lupa lishing 5 bu eingonda pihanbiyune eningthou.”

“Ehh telheiba nangdi karigi nupa ashigi mapabu hatluribano . Madudi nangsu yamna langanidana aduna nahak ashe mihatpa ama oirabanina nangbusu mi amabu hatlubagi dhandhi oina fangshi touduna hatpa tai aduna shen oinasu lupa lishing 5 adu nupa ashida piba tare.”

“Eningthou nanai eihaki wafam ashisu amukta tabikho. Eidi chumnagi uchek macha amabu hatlubani aduga uchek adu mahaki mapani haibasu eidi khangjade konna thangada khanglakpani. Aduga eina uchek adubu hatliba ashigisu maram yamna chaona lei. Eigi paba adu mamang mapokta mi oina poklambadu handaki mapok ashidadi nga oina poklakee. Aduna eisu eigi pababu unanabagidamak mafam ashida lakhibani. Adugadi mashigi nam pomba mihatpa ashina eigi paba adu mahakna khoi choptuna faraga hatoklaga leiramle. Aduna einasu saoning mankhraduna mahaki mapa oiriba uchek adubu nungna thomduna hatkhibani.”

“Ohh adudi wafam ashe telheibana karisu landena. Haii nam ponba nangna migi mapa adu hatlubagi mahaknadu laman khumduna nangi napa adu hatkhibani. Aduna maral leiriba mioi ashe telheiba nate nam ponba nahakni. Nangna hanna migi mapa adu hatlubagi manasu nangi napa adu hatpani aduna dhandhi fangba tarabasu nahakna oina fangadabani. Haii kana lei mashigi nam ponba ashe mihatpani aduna mahakpu keishum shangda faduba thamjinkhro.”

Mashi haiduna sham kakpa nupa aduda amuk onshinduna hairake “haii sham kakpa nupa nangi wakat aduna karino haiba adu amuk tarashidana.”

“Eningthou yengbiyu mangda lepliba telheiba hairiba nupa ashiga eiga yanakhibagi matung enna eina magi sham amadi koibu yamna fajana kaklaga magi thamoibu pelhanduna nungaiba faohankhre. Adubu mahaknadi eigi efamda nungaiba adu piba ngamdre. Aduna nupa ashibu eningthouna amukta wayelbiyu.”

“Telheiba sham kakpa nupa ashina hairiba ashina achumba oiradi nupa ashibu nungaihanaba thabak adu nangna toukhro natrabadi nang shoidana dhandhi fanglani.”

“Eningthou hoi mahakna hairiba ashe chumdi chummi mana eibu nungaihankhre aduga einasu houjikta eningthougi nafamda khudop ama khudol tamba matamda mahaksu nungaire haraore haina haikhriba adudi. Aduna eihak dhandhi fangfam thokhte haina khanjei.”

“Umm hoine makhoi marimak houjikta haraore nungaire haina haikhibanine. Ahh adudi sham kakpa nangbusu telheibana nungaihankhrabanina nakhoi anigi marakta hisap ashe chap manare amana amada henjinadreko.”

Sham kakpa nupa adusu upai leitraduda tumina leikhirami. Mashidagi ningthou aduna nupi aduda mahaki wakat adubu amuk hainaba haina hairaklami. Nupi adunasu mahaki wakat adubu hairare. Ningthounasu nupi adugi michangda changlaga telheibada khara saorapna ashumna hairake “haii telheiba nangi namaton ashina hairiba wafam ashidi araba yaodabra haina eina khanlli. Nangi napana nupi ashibu louramlabanina mahaki hingnbagi lambi oinaba shen adudi macha oiba nangna pifam thoktabrane.”

Telheiba wakhal ngaihak munna khanthaduna tapna amuk khumlake “umm hoi eningthou ematon ashina hairiba wafam ashe yamna chumi. Fare adudi eihak magi shenfam adubu pinaba shem shajare . Adubu eningthou eikhoigi leibak adugi chatnabi oina karigumba mawa mapuroibanabu shikhrabadi mahaki nupi adusu hingna hingna meinungda langshinduna mathwai thahanjei. Aduna ematonsu pabana luhongduna louramlabanina mahaksu meinungda chongshinduna shifam thoke. Mahakna eigi pabana shikhraba matung ashida faoba ashumna hingduna leiriba ashe nanai eihak yamna penjade aduna ematon ashe hingbagi hak leite mahakpusu meinungda langshinduna hapiyune eningthou.”

“Umm chumine mahak ashe nangi pabana lourabanina nakhoigi dharma aduda mahaksu yaoba tabani. Adudi haii nupi nahak telheibana hairiba ashimak touba yarabra. Nawa napuroiba shikhrabanina nahak meinungda hingna hingna langshinduna hatpa haiba ashida nashana yareko.”

“Eshhh nate nate eningthou eihak nupa ashigi mamaton nate eina hingnabani haiduna mangonda hangpaida haijinkhibani. Ei shenga amata pamjadre eihaki thawai ashitadi kanbiyu eningthou.”

“Kari haiba nangna eigi chinlaba matam ashibu manghanduna leire. Eibu adugumba oidaba thabak amagidamak kok shanhanbagi nahak dhandhi fangdaningai leite . Haii enaisha mashigi nupi ashe keishum shangda faraga thamjinlu. Aduga nonganbadagina numit taba faoba lumlaba chakrik adu takhanluhei.”

Mashidagi manaishing adunasu ningthou aduna hairiba thabak adumak pangthoklami. Aduga ningthou aduna amuk aroiba oina mana nama yaodaba nupa adugi wakat adubu amuk tarami. Wakat adubu munna tarabagi tungda ningthou aduna telheibada amuk hairake “haii telheiba nupa ashina bhandhanda thamkhiba mana nama adu handokcharage hairabanina nahaksu kok hek handokhan khrodana.”

“Ahh eningthou handokpabudi yai haibabu nanai eihak ashe mashigi maramda yamna luba amadi oigadouri.”

“Hahh karinone luduriba ashibu.”

“Ahh keinoni eningthou eikhoigi pabana hinglingeida mioi kayagi mana namabu bhandhan oina loukhi. Aduna pabagi upu adu migi mana nama tana thanna youduna leihouee . Maram ashidagi nupa ashigi mana nama adu eina khandokpada yamna lunna thoklani. Adu upai amakhakti shijinaduna mahaki mana nama adu khandokpadi ngamgani.”

“Ohh adudi upai adu karino haiyu tashidana.”

“Eningthou madudi atei atopa amata natchade nupa ashigi lemhouriba mana nama ashimasu kaktuna eingonda pibiro. Aduga eina na adubu puraga pabagi upu aduda yaoriba yamlaba na mayam adudagi mahaki mana ashiga yengnaduna chap manaba na adu khandokpa natanadi eigi upai atopa ama leijade. Madu natragana nupa ashiga punna eigi leibakta chatuna eikhoigi yumdagi mahaki mana nama adu mashana khanjaba ashimaga yai.”

“Umm hai natatpa adudi nahak telheibana hairina wafam ashe yaninglabra.”

“Ahh kadaidagi kadaidagi eningthou eidi na nama ashe eshana etomda kamdouna kakpa ngamduino ei ngamjaroida.”

“Ohh adu oiragana eigi sha kaknaba thamliba mioi ashida oina nangi na nama adu kakhanlashi.”

“Ehh ei ngamjaroi eningthou nanai eihak adumanaga tourabadi madugi cheina aduna khangba ngamdraduna shikhiba tabanine eningthou.”

“Fare nangna nangi na adu kakpa ngamloi hairabanina nahak nupa ashiga punna magi mayumda chatminaro. Aduga nangi nana adu nashana khanjaruro .”

“Humm eningthou nupa ashe marou yamna leiba nupani aduna eidi mahaka chatminaba ngamjaroi. Karigumba mahakna eibu paklaba eshingi epak adugi mayaida enthadunaga thamlamlabadi eihaki thawai ashe mangani.”

“Heraaa adu yourakladi nahaki nana nama adu adumak mangkhrasanu eigisu hotnaba yabadi hotnare adubu upai animak nahakna amata yadrabanina nahaki nana nama adu mangba tareko . Chatlo chatlo nayumda chatkhro chatlo.”

Mana nama yaodaba nupa adusu upai leita mayumda hankhirami. Aduga telheibasu ningthou aduda aroiba oina khurumjaduna mayumda amuk halaklami. Mahakna mayum hek youbaga thokhiba thoudok pummba maga yamna lunna tinjaba marup aduda tamlami. Mahaki marup adunasu telheibagi wari adu yamna nungaina madi nok noktuna takhirami. Mashigi matungdagidi telheiba adu khadrak touba mioishingtana thanna leiraba mafam aduda amuk hannasu chatkhidre aduga chatke hainasu ningkhidre.