Thaina leibak amada yamna lunna tinaba marup anikhak leirami. Makhoi anigi mingna manglem amadi boyai haina kourami. Makhoi animak ashe mayum makei panaduna macha mashusu loinamak leinare. Adubu makhoi anidi thabak shu nomduna hingjaba oibana makhoi makhoigi emung adu punaba hotnabada yamna wana hotnajarami. Aduga yamnasu lairaba oibana makhoigi emung ani ashe amana amabu yengshinaba faoba ngamnaramde. Adubu makhoi ani yamna kanna shu nomduna magi magi emungbu punabadi hotnajarami. Nongmagi numitni manglem amadi boyai migi khulang chatluraga halaklami. Matam adumakti numidang wairamgi mamshuk mamshuk tourakpa aduwaigi matamni. Makhoi anina wari shana shanaduna shum lakpada miyamna kinariba tinmu laimi fataba thokehh haina hainariba leirak macha adugi machin aduda youraklami. Leirak adu hek lanthokpagadi makhoi anigi yum adusu adumak naknana leirabani. Mashidagi makhoi ani adu amana amada yengnaduna hairake “etao eikhoi anibu leirak machin ashidadi yourakle adu misu kana amata chatnabasu ude nate eikhoi anibu kamdoushi hairino ngaihaktang atopa mi kharaga lakpra haina yengkhishiro.”

“Hoi etao aduna fagadaba malle matam ashisu makhoina lai tin thokehh hainaba matam adu chap chari aduna kannano lambi ashida mi lakpra natraga atei achat awong khara yengkhishe. Ashh etao eidi haisu haibani mashigi leirak ashe kisu kikhre ahingi matamdadi lairaduna ayuk nungthingi matam aduda faoba langadaba faoba hek talli.”

“Umm toubagibudi leirak ashe hanna ashumainadi touramba natpote makhoi lai shanaba kharana mafam ashida lak laktuna lai shanashinbadagi pumnamak ashe thoklakpani. Ahh adubu etao eigidi eigi nupi adu lai tindasu yamna thajajabanina mahakna eshorbu chetna nijaba aduna eikhoina ngasi faoba ashoi angamdi thokteibani haina khalli.”

“Awoibanine etao boyai etaogi nupi adudi lai tinbu onthokna ningkhre. Mahakti eina hek lakpa khudingi lai khurumduna eshorbu chetna ningjadunata leirami.”

“Umm hoi etao madi mahaki ashangba matamdata natana magi chinlaba thougai kaya ama kaithoktuna eshorbu toina toina khurumjabani. Karigumba thabak ama toubagisu eshorda ashoi angam youdanaba haina hanjin hanjin nijabani.”

Makhoi anina ashumna wari shanaduna leiringei makhoi nupa khara leirak aduda prap prap changkhibadu uraduna makhoi anisu nupashing aduna leirak aduda lanthoktuna chatlingei makhoisu chathourashi haina makhoi anisu nupa mayam adugi matung enaduna changlaklami. Ahanbadadi makhoi anina makhoigi mamangda chatliba nupashing adu thawoina yengshinludabani. Adubu konna thangdadi nupa mayam adudi amuba machugi chap manaba fijol ngakta setlaga leiramba adu makhoi anina uraklami. Matou aduda makhoi ani adu hanadagi kharaga kiraga leibane amuka henna kiba faoraklami. Leirak adusu fana shangna changshinlaklabani aduna amuk hannaduna chatkhigadabasu makhoi anida kaya khudong charamde. Mashidagi boyaina hairake “etao keino moina tourishibu makhoina setliba fijol ashisu loinamak manei nate makhoishing ashibu saroi ngaroi tinmu laimu fatabaga haido oira jatlo.”

“Ashh etao eisu keino tourishe wakhal ama taba ngamdre. Ngasai makheidi thoina yengshinludabanara keino urudabani. Nate eikhoi anibu chelhoubana fagadui jatlo.”

Ashumna wari shanaduna leiringei fimu setpa nupa mayam adugi maraktagi khwaigi ahal oiba nupa amana makhoi anida munna yengduna hairake “ahh ebungo hoi noina eikhoigi etung ennaraklishibu noibu eikhoigi erakta tiningbro.”

“Ahh khura lannadi loubinu khura hoina touribashibu karino nacha eikhoidi hanna amuktasu khangjaba natabanina hangjabaniko khura.”

“Ebungo eikhoigishe eshorda karigumba amabu kathokcharaga makhoidagi eikhoina apamba pot adusu lougadouribani. Yengu eiga houjik punna leiminariba nupa machashing ashe makhoi makhoigi punshi ashe ashuki matik hainingai leitana waraklaba ngaktani. Adubu makhoisu eigi etung enjarakpadagi houjikti nungaina hingba ngamjaredana.”

“Nate khura khurana hairishibu eikhoina karigumba khuragi natung enduna eshorda karigumba kharabu kathoklabadi eikhoi ashe enak khulhanbiyu haibada shoidana enak khunhanlakadra.”

“ummm mani mani ebungo adumak hekta oithokpa yagadouribani. Aduna nakhoisu enak khuninglabadi eigi etung enjarakuhh.”

Ahal adugi wadu tabada manglemdi nupa adugi matung enduna chatninglami. Adubu boyaidi eshorda shengna thajaba mioi ama oibana ahal ashina touriba ashe fataba lai tinga mari leinaba thabak oigani haina khanjarami. Aduna madi ahal aduna hairiba wafam aduda matung enge ninglude. Mashidagi menglemna boyaida amuk hairake “etao ahal ashina hairiba wafam ashibu eikhoi anibu karam toushige. Shudana enak khunge hairabadi ashimuk faba lambi amadi leiraroi khalli. Eikhoina shuribanido haina nonganbadagi numit taba faoba shuraga hotnaribashi nongmagi chara ani ashidagi henna karisu konnade . Aduna eidi ahal ashigi matung enlage leple.”

“Humm etao nang adumna firep adu taha taha hektamak lepthokhinu . Ahal ashina touriba she lai tin fatabashinga mari leinaramgadaba malli. Aduna taret tarakrak thokna khanlada nang warep adu louhaningi.”

“Etao eingonda madugi matam leitre ngasi eikhoina ahal ashiga thengnariba ashidagi makhoi amuk karam kanda thengnagani haiba tamba ngamba nate . Aduna natao tungidamak nupi angangidamak khalaga ei khongthang ashe thangjinlage haina leple.”

Adubu boyainadi matao adu adumna toukhinu haina yamna kanna haijarabasu manglemnadi mataogi wafam adubu takhidre. Aduga thunamak fimu setpa makhoi mayamgi marakta changshinduna mahaksu makhoigi marakta tinlage haina haijarami. Mashidagi ahal aduna manglemda karigumba chanaba potshak kharabu piduna chahalami. Ashumna touraga manglemda ahal aduna shana pik thanna yaoraba khaojaa amabu piraklami. Aduga makhoi mashel kari karino wari khara shanaminaraba tungda manglem yamna haraona boyaigi manakta changlaklami. Aduga makhoi ani punna mayumda amuk halakle. Mayum yourabada manglemdi shana mayam aduna magi nupi angang aduga nungaina wari kaya shanaduna leirami. Adubu boyaigi mataogidamak khanbada khala yamna wajarami. Mahaknadi matao manglem ashi karigumba awafamdadi tagadoure haiba adu khanglami. Aduga ngasai makhoina thengnarakhiba thoudok pumbasu boyaina magi nupi thoibida haiduna khanghanlami. Mashidagi thoibina amuk hairake “eshh makhoi pabung adugumba mathong maram khangdaba thabakadi yaobiramganuko. Makhoina touriba adu thaina epa epushingna lai fataba shingdagi shel pubagi chatnabi amamam leiriba adu shoidana oigani. Aduga hayeng makhoina pukhiba shel adugi mahuta kanagumba mioi amagi thawai adu piyu haina hairakpadi shoidrabani. Aduga tada manglem adubu makhoi pabungna thabak adu touganu haina kari amata thingbihoudrabo. Mahaksune houjik khaki nungaiba yenglingei tungda waba kaya ama tarakaduine.”

“Hahh etaodu einadi fana kanna adumna toudanaba haina haibani. Adubu manadi eigi wadu tabikhidre. Adubu nupi makhoina kari karino khangdaba aronba wari kharasu shanakhi aduga makhoina sanarakliba wari adudi etaonasu eingondadi haidoraktre aduga eisu tandana adumak hangludre.”

“Hanglunu hanglunu adugumba fataba warigadu hanglu laklubaga yaba nateko makhoi pabung ashhh eidi makhoi pabunga tada manglemga loinagaduishe tanbu tanleda. Yaradi makhoi pabung loinabirabasu khara laptak laptakna haibadi touda yadava matangda khaktang oina punbiroko. Eina hairishe fatabagi wadi nate karigumba eikhoigi emung ashidaga fata nungdaga thokladi echa matomda yaojaba nungshiraba echa nupa pibashidi kamdouni. Aduna makhoi pabungnasu thabak ama touba matamda wakhal adu khara khara khanthaduna toubiyo.”

“Hoida hoida adubudi eisu khangida. Adu ngaikhone eidi ekaobu kaorure echa pari adu ngasai eina hanlakpadagi udri nate mabu tumkhrabaro.”

“Hoi tumkhre mamanaba mayamga shanaba aduda wara malle chak adu ngantana pijabaga keiga adum tumkhre. Adu makhoi pabung echase fanasu chaore handaki chahi ashdagidi mamanaba mayamna mahei tamba chatnariba ashida mashu thanaba toushi. Natrabadi shel leite lairei haina ashum touduna leiradi echa ashe hayeng eikhoina wariba ashumna wana thabak shuraga adum lenkhiba tare.”

“Ummm eisu wafam adu nangonda houdoke haina khanlambani . Handaktine chaba chadaba echa ashidadi mahei tamhalhoudaba yade. Adu nangsu handakti eigi eteng pangba oina karino thabak kharadadi touba yaba leibra haina adu yengshinludana. Emung pubashe nupa eigi ethouni haibabu nangi nateng yaodrabadi eikhoi anida natana echa ashisu wana hingba tare.”

“Hoo adugibudine eina ngasai mamangi eche tombiga wari pumba shanarurabani. Mahana migi fanek lonliba adu shel yamna tanba ngami haiye. Aduna madi mingondagi fanek mayam mayam ama louraga mana amuk karbar oina atopa mioishingda amuk thadaduna fanek adu lolhan malle. Aduda eisu magi fanek lonaba adu yaoge eingondasu fanek khara khaibiyu haina hairubada manashu haraona yarake. Adumabu toujarabadi makhoi pabungi nateng oinaba yamdrabasu shel kharadasu pushinlakpa ngamlani.”

Ashumna makhoi anina yamna kanna hotnaduna onlakpa chahi aduda macha nupa pibabu mahei tamba tharami. Aduga ashomdana manglem adudi houjik yamna enak khunba mioi ama oikhre aduga karbarsu yamna chaona touduna mahak houjikti mathou yamna chinjaba mioi amasu oikhibana magi matao boyaiga kayasu unakhidre. Adubu nongmadi tan chanaruba tanja oibana makhoi ani adu keithelda thengnarami. Mashidagi manglemna hairake “ehh etao udaba yamna kuireda etaodi. Nate etaobu kadomda chatpirubano. Aduga houjikna karam karam panlibage.”

“Ahhh etao eidi hanagi hamu hamu adumm thabak shuba chatlaga arum hingli. Aduga houjikpudu ashigi potfam ashidagi cheng chak hawai chengwai khara leikhige haina changlakpani. Adu etao hoidi yamna nungaikhra maleneko enak khunba mioi oikhrabanina ningthou amagum nungaina naning touna paleneko. Natao eikhoigashe nongmata ningshinbiraktre hairiba.”

“Ashhh kadaidagi onthok onthokpa wafam ngakta ngangida etaoshidi ei nangbu ningshingdaba natene etao . Ashuk yamna nungshiba marup nangbu eina karigi kaothokaduino . Aduda eishe thabak chinmankhiba ashida mai leithokpa shangdaduna toubani. Hahh etao enak khunle shel paire hairabasu shel adu macha amuk pokhanaba hotnabada thougai yamna changine aduna ei yumgi nupi angang faoba amata yengshinba shangdrabani tourishe.”

“Ahh adubudi eisu khangida etaodi thabak yamna chinjabani. Adu houjikshibu kari kari karbargadi pairige.”

“Ahh etao eishe eikhoi shwaida fangba mahei marongshing ashe mapan leibakta hek hek thariye. Eikhoi shwaidadi hongna amadi marang kaina fangba potshe moi mapan leibakadudadi yamna tangna fangi aduna shendongsu yamna leiye etao. Aduga eigi lou engkholshing ashida mi mayam ama neklaga mahei marongshing ashisu thahanba oibana eidi amuka henna shendong yamna fangi. Adu etao shina shi oikhrasu nangsu adumaina wana hingadabagi saruk eikhoigi etung enlakohh aduga nangsu yamna nungaiba punshi mahing amada hingnaba toushine etao. Ahhh nangi khandrasu nangi nupi angangi khalaga makhoibu nungaina thambiba adu nangbu pamdabro.”

“Umm hoi etaona hairidubudi chumi nupi angangbudi karigi nungaina thamningloidrino. Adubu etao eidi etaona touriba thabak adu ngasi faoba thajaba thamdri. Makhoina touridu lai shanaba shoidana oigani khalli . Aduna eidi eshorda thawai lupchaba mioi aduga
Mi eigi nupisu adumangai aduna etao adugumna lai fataba shanaba adudi ei yaoba pamde.”

“Heraa etao kaidagi lai fataba shanabano eina ashuk kuina makhoigi matung enlaklishe makhoina eingonda karigumba amata katlu adu piyu ada piyu haina hairakpa amafao yaodri. Makhoigi haibabu eikhoi mayam punlaga laigi oiba haibadi makhoida kathokhraba potchei chak enshang adu haona haona chathokpa khaktanine etao. Adunane etao eibu haijou hairadi nang thabak ashibu yamna touhaningi eidi. Houjikpudi nacha nupa piba adu piklibanina kharadi fakhini adubu hayeng mana khara chaoraklaga matamdadi magi mahei tamhanbagi shelsu mayam ama changlakani. Mashidasu natana awatpagi awatpa ngaktani leirakaduishe. Matam aduda etao nangna shuriba shinfam aduna emung adu menba konarakloi. Aduna nangsu wakhal adu amuktadi munna khanluko. Ahh fare etao adudi eisu ashomda mina ngainaramlani adudi etao eikhoi ani konna amuk thengnarashiko aduga etao nangna karigumba awaba tarabada natao ei leiri haibashe kaoganuko. Hek khudong charaktrabadi eigi nakta hekta lakuhh amagi amagi amata natabi ei nangi nateng pange.”

Ashi hairamlaga manglem adu thunamak chatkhre aduga boyaisu manglemna chatkhiba adu yengduna leihouwi aduga mabukningdasu ashumna khanjei “ohh etao nangshe natao eina haiba washe loudedako. Hahh adubu eina eshorgi mafamdadi nangbu tekta kaidanaba haina nijageko.”

Mashi haiduna mashu magi leigadaba potchei khara adu leiraga mayumda amuk hanlaklami. Matou ashumna matam khara houkhre. Houjikti pibasu pakhang mapung fare. Mahaksu houjikti ahenba mahei tamlunaba mapan leibakta chatpa tarami. Adubu lairaba mama mapa aninadi machabu mapanda thanabagi sheldi leiramde. Mafam aduda mahei khara khara tanhanba aduda faoba boyai amadi thoibidi yamna wana hotnajaribani. Aduna makhoina machabu mapanda thaduna mahei tamhanba haiba ashi oithoktabani. Mashidagi makhoi anina wakhal adu yamna nungaitana ashumna wari shanarami “haii mama nacha nupagi mahei tamba thanabagi shel ashibu kamdoushige. Ahh eikhoigi leijariba shel khajik kharak ashinadi oiha yaba natedo.”

“Makhoi pabung eisu kari haigadabano khangdre tourishe echa shidabu mi ama oijaba ngamhourabadi khanduna ashuk wana hotnajarakpa ashe mahei charamdaida lairaba oibana echabu mahei makha tana tamhanba ngamdana toklagadra khangdre.”

“Adu eikhoi kana kanadagino shel khara hangba yabra yengshiro.”

“Umm madusu yai haibabu houjiki matam ashidadi mal thamdanadi shel puge haibada kana amatana shel piningdene tourishe.”

“Hahh farese adu oirabadine eikhoi leijariba yumfam ashima bhandop hekta thamdoklaga echabu thakhrashi. Aduga hayeng eikhoina khara khara shuraga shel adu amuk shingdokhrashi. Mashi natanadi eikhoigi upai amata leiraroi.”

Matang ashida piba adu emunglomdagi thoraktuna hairake “ema paba ei ama ehei tamnaba hotnabada yumfam bhandhan thamba adudi toubinu. Maduna tungda awaba kaya ama nanglakani. Ei ehei tamba adu toklage aduga epangalna shura nomlaga pabagi mateng oina panglage.”

“Humm epagi ebungo yade yade adumnaga touba yaba nateko. Nangne nahei adu makha tana tamdaba yade. Nangna nahei adu matik chana heiraga achouba mioi ama oiduna eikhoibu nungaina thamgadabani.”

Ashumna haibadagi houjikti pabasu yare aduna mathangi numita enak khunna emung amada chatuna boyaina makhoigi yumfam adubu bhandhan thamlaga madudagi fanglakpa shel aduna macha nupabu mapangi chaokhatpa leibakta mahei tamba thakhirami. Aduga boyai amadi thoibi anina yamna kanna shu nomduna makhoigi bhandhan thamliba yumfam adubu handoknabasu kanna hotnarami. Adubu makhoi anina shuriba adu macha nupagi shel thanababu hotnabaga bhandhan thamkhiba yumfam adugi shendoi faona hunba ngamlamde. Aduga makhoigi emung adu migi shendoi hunbaga macha nupagi shel thanaba hotnabaga yamna waba haidu oiraklami.
Nongmadi boyaina migi loufamda thabak shuduna leiringei mahakna yumfam bhandhan thamkhiba leikaigi mayamba adu laktu a boyaida ashumna hairaklami “haii haii boyai nangne shomda amukta karakho eine nangonda wari amakhata houdoklamge haina laklibani.”

“Ehh tachou kari wafamno huren yumda oina lakpirasu yabadudu karigi migi loufam ashida amuk lakpiribano.”

“Haii nangdi migi loufam ashida laktrabadi unabasu fangsu fangdana. Nangi nupida hairurasu nang leite haina hekta hairake aduna nupi nahadadi wari ashe shanaba nungaitre toubani. Ahh nangishibu migi mamangda shel thouba lakehh kaina ekairiba haiduro. Ekairunu ekairunu migi shel tolabadine ashumna ekaiba kharasu nangba tabanine. Karigumba ekaiba adu ningningdradi shendoi adu tha khudingi pithokladi fadouba . Madusu toudedo noidi aduga yengo noina shendoi hunlaktriba ashe fana yamna kuirabani. Hoi maisu amata hairaktedo adunane handaki onlakpa tha ashida shendoi shelep adu punna fugatlakohh. Ahh eidi noishe yamna thajana shel adu pikhibani adubu noidi thajaba manghanba mioi adu oiramle. Adunane mathangi thada shelshing adu pithorakloko. Karigumba noina pithokpa ngamdradi noigi yumfam adu eigi mingda onshinba tare aduga noisu makha tana nakhoigi yumfam adudasu leiba yararoi.”

“Tachou adumnadi toubiganu eikhoine athuba matamda shendoi shing adu pithoraknaba touge.”

“Ahh ebungo madugi matam adu henkhreko . Nahana noina shendoi adu chang naina hunbiramlabadi madu thokloidaba. Adubu houjikti eine nakhoibu makha tana yengbiba ngamlaroi. Shendoi khara shanaraga hingbanina eikhoidi noina adumaina touradi chara hendana shiba tabanine. Adunane washe makha yamna ngangnabagisu mathou tade aduna eina hairiba adumaina tourakloko ahh adudi eisu amuk chatlukhigeko.”

Ashi hairamlaga nupa adu chatkhre boyaidi tourakliba fibam ashida matha yamna shaba haidu oikhre. Numit aduma mahak matou kamdouna shel mayam adubu pithokpa ngamgadage khanbada thabaka shufam khanglamde. Aduga konnathangdadi mahakna ashumna khanjaraklami “humm ei hayeng ashe etao manglemgi manakta chatuna mangondagi shel khara hangludrabadi thabak khudingmak pangthokpa ngamlaroi. Hee eshor ebungo nanaibu waroubiganuko etaona talliba shel adu aranba lambina tanba oirabasu nachagidi madudagi loujaruba natradi upai amata leiraroi. Nahaknasu thoujalbibasu ngamdrabanina hayeng ashitadi mangonda shel adu loujarurage aduga matung tarakpadadi ei magasu amuk hanna loinadanaba hotnajage. Hahh aduga eina touge khaliba thabak ashe eigi nupidadi khanghanba yaroi mana karigumba khanglaklabadi etaodagi shel adu louruge haiba yarakloi. Aduga ashuk yamna matha shaba thabak ashe eina mangondasu khanghaningde eigi awaba she uraga mana amuk henna mathwai adu wagadouribani. Herra nupanabu keino hekta touraga loiredana.”

Ashumna wakhal kaya ama khanduna mahak mayumda halaklami. Aduga mahakna mapunshigi ahanba oina magi nupigi mafamda namthak touduna wafam amabu lotnaba hotnaba oibana numit adumadi boyai adu mashadu karinoma etou toujarami. Aduga mana touriba mawong matou aduda thoibinasu mapukningdadi khara makheidi chingnabsu faojarami. Aduna tapna mapuroibada hanglake “makhoi pabung kari touba yaorage nangbu ngasidi hannaga manadaba mawong khara eina ujei . Aduna makhoi pabungna eingonda lotpiriba wafam adu karino haiba adumatang haibiyu.”

“Hahhh ahh eidi keisu lotena lote lote einabu nangonda karibu lotluduino. Ahh ngasise thabak shufamda khara warakhre eishe aduna eshashe hamchat hamboinadana toubani.”

“Humm adugi nate makhoi pabungido nanai nupina shum ujabana nahak karigumba aronba kharadi tougadoure haiba ashe khangjei aduna thabak adu toudringei karino haiba adumatang eingonda haibiyo. Aduga afa fata adu punna wataminahoushi.”

“Ehee nupi nang ashima onthoknasu nungaikhidredako eina karisu toude hairaga ahh hanuthang ashida eina karibu amuk nangonda lokhidouribani.”

“Humm hoi hoi fare fare adudi makhoi pabung eigi pukningda chingnariba she afaba oina eikhoi eshor mabu amukta thouninaduna khurumjashe .”

Ashumna hainaduna makhoi ani adu mapu mahakpu ngaihak khurumjaraga adumak tumnakhre. Mashidagi thoibina mahaki manglanda onthokpa mang amabu manglami. Mang adudi mashini boyai adu manglemgi mayumda ayuk anganbada laklami. Adubu manglemdi mathou chinjaba oibana ayuk oirabasu thabak chatkadabagi loishinduna leirami. Tanja ashida manglemna boyai lakpa adu ubada hairake “heima etao lakohh lakohh changlakohh kadomdagino touraklishibu.”

“Ahh etao eishe nanga aruba wari amata shanajage haina laklibani adu etaobu thabak adu khara thurabro matam kharadang kaithoklaga wari amata shanashi haibabu yamna kairadro.”

“Ahh karigi kaiduribano nangidamaktadi eingonda achinba matam kaya ama kaithokpa yai. Adu nate nangbu eingonda kari hainingeba ayuk ngannalaklishibu. Nate kari toubaga yaorage etao.”

“Etao eishe wafam ashe nangonda haidrabadi upai ama erei leitre aduna nangi nanakta hellkta chenlaklabani.”

“Hoine adubu kari wano haiba adudi amukta hanna hairakhodana nangsu.”

“Hahh etao eigi echa nupa piba adu mahei tamba mapan leibakta thanaba shel amata leitabadagi eina eigi yumfam adu bhandhan thamdoklaga mabu mapanda thakhibani . Adubu etao eidi lairaba oibanina eigi nupiga eigana kanna shurabasu echagi shel thanaba hotnabaga migi shendoi hunbaga yamna ware. Aduna shendoi adusu chang nainasu hunba ngamdre. Maram ashidagi eina shel puriba ahal aduna mathangi onlakpa tha ashida shendoi shelep adu punna fugatlaktradi eigi yumfam adu mahakna mulani haina haibirakehh. Adubu etao aduk yamna shenfam adudi eina kadaidagi ashuk tengkhraba matam ashida tanba ngamluni. Aduna etaona mateng amukta pangbiduna shel adu nangondagi amukta pujage haina laklibani.”

“Herra etao eigi sheldi nangisu shelni . Aduna adumna puba khotpagadu haibirakanu. Einane etaogi shel adu loinamak pigani. Aduna shel adudi amuk shinglaktrabasu yare eina nangi nateng pangbani khallo. Adu nate shel adubu kayano.”

“Etao lupa lishing 50 khaktani.”

“Ohh lishing 50khaki oireko nangna aduk matha sariba adudi shehh shhee shishe lupa lakh amani. Mashi paishinlo. Aduga migi shel adusu shingdokhru aduga aremba khara aduna nangna touba yaba karbar macha amara keino hekta toushinlo.”

“Ehh nate nate adumna ahenba shel ashidi pibiganu eigi dharkar oiba shel adu khakta oina loujage.”

“Hahh nangna eishe mitop oina khala malle. Sheee shel ashe nangna eibu ashengba nangi marupmakni khalabadi amukta loushinlo.”

Boyaina mataona adumna hairaba aduda shel adu loushinlami mashidagi manglemna amuk hairake “ehe eidi ekao hek kaorure etao lakpagi eina sheba amta toudri adunane nang ngaihaktang famlamo eine nangna chanaba acha athak khara puthorake. Eigi nupi angangshing adusu mapamda thabak amagi loina leinakhre adunane eina oina loina hotnaduna leirabani tourishe etao.”

“Aaa aaa etao chanabagadi langbirurano etaogi thabak khuchin aduga nangi thabak adudum chatcharao lakohh.”

“Hoida etao thabaksu chatkaduribani adubu ashuk nungshiba eigi marup nahakna nongma fadok eigida laklaga kari amata pijdana halhankhiba adu eidi yaroi. Aduna kuiroishe shida ngaihaktang famlamo ei yamna thuna thorake.”

Ashi haiduna manglem emungda thunamak changkhi aduga chanaba khara puthoktuna matao boyaiga punna chaminarami. Ashumna houjikti boyai adu migi shelsu shingba loikkhre. Adubu mathangi numita mahakpu manglemna mayumdagi louba laklami. Aduga nahanmuk makhoina fimu setpa nupa mayam aduga thengnakhiba adugi manakta puraga laklami. Matou aduda boyaina yamna ngakna hairake “ehh etao keino nangna thabak ama chatlushi hairaga karigino eibu ashida puraga laklishibu.”

Adubu manglem paokhum amata pide mahakna hangliba wahang adugi paokhum oina fimu setpa ahal aduna khumlake “ahh boyai nangsu houjikti eikhoigi erakta tilabani. Adunane nataona nangbu mafam ashida puraga laklishe. Ngarang nakhoi anina chaminakhiba chanaba pot adu eikhoigi ashida laida thadokpa pot ngaktani. Aduba nangsu madubu charurabanina houjikti eikhoigi erakta tinlabani.”

“Hahh kari eidi pot adu khangdaduna charubani aduna khangdaba haiba ashidi maral amata leite. Aduga eisu nakhoigi natung enba adu eshana khangna amadi eshana yana enkhiba nate aduna madu chatnaba yaroi.”

“Haii eina hairiba ashida tuminna leiyu mashida nangna wa chabeng chabeng nganglabadi nangi nangak adu nashaga tongan tonganna shoidana taragani.”

Wafam ashi hairakpadagi boyaisu kibadagi tumina adumak leirami . Mashidagi makhoi mayam adu laishon tinshon khara tourabagi tungda ahal aduna boyaida amuk hairake “haii boyai nangbu eikhoina nungaihanbagi damak eshor mahakna nangondagi chakthak amabu nirakle. Aduna mahako machak oiigadouriba aduna atei karisu nate nahaki naitom pokchaba nacha nupa pibani.”

“Hahh kari nate nate adumna haibiganu nakhoina pamlabasu eigi thawai ashe oina loubiyu aduga echagi thawaidadi loubiganu.”

“Madu yaba nate eikhoina nachagi thawai adu pamduna haiba nate eshor mahakna pamduna hairakpani. Aduna mahaki apamba adu thungahanlo madukhaktana nangi afaba oiganiko. Aduna nangi nacha nupagi thawai adu piyo.”

Thawai adu piro piro haina ashumna ahal aduna yamna kanna kanna laoraklami. Aduga tanja aduda thoibigi mang adusu kaikhirami. Mahakti mangda toukhibashing adu taibangda oiraboi ningduna yamna kanna laoduna hougatlaklami. Mahaki matou aduda boyaisu hougatlaklaga kari tourabano haina hanglami. Aduga thoibinasu mahaki mamangda toukhibashing adu loinamak haijrami. Mashidagi houjikti boyainasu mahakna touge khaluriba thabak ashe eshor mahakna fataba thabakni haiba adu khangladuna magi nupida shakhi oina mangda takpirakpani haiba adu khanglami. Aduna mahak houjikti mana touge khaluriba thabak pumba adu magi nupidasu loinamak haidoklami. Mashidagi thoibina wakhal ngaihak khalabagi tungda mapuroibana shel puba madu maga punna chatlaga puminourashi. Aduga makhoi manglemna pirakpa chana thaknabadi amata chagumshi. Aduga manglembusu mahakna touriba fataba thabak aduna mabu awafamda tahanlaktringei masu lambi adudagi thadoktuna lakohh haina hairurashi haina hairami. Hairiba wafam ashe boyainasu yaraduna mathangi numita makhoi ani punna manglemgi mayumda laklami.

Manglem amadi mahaki nupina boyaigi matei manaobu ubada haraona koushinlami. Aduga makhoina hairakpagi matung enna shel adusu piduna boyai hoigi matengsu pangbirami mashidagi boyaina matao manglemda fajana haiduna mahakna touriba thabak adubu thadoknaba hairami. Adubu manglemnadi mangonda awaba amata nangdriba oibana mataogi wafam adubu yaramde.

Mashidagi upai leitaba boyai amadi thoibi makhoi ani adu adumak halakle. Aduga makhoidi manglemna pirakpa shel aduna migi shel adusu shingdokhre. Matam khara leibadagi pibasu mahei tamba loiraduna leibak ningthougi achouba famnaiba ama oirakhi. Aduga mama mapa anibu nungainasu thambirami. Nakan amaromdana manglem adudi mataona haiba yakhidabadagi yamna nungaitaba thoudok amadagi magi nupi angang loinamak shikhirami. Ashumna houjikti manglem adu shel yamna paijarabasu naitom taba nungaifam khangdaba punshi mahing amda yuuga marup oiduna naitom adumaak lenkhirami. Adubu eshorbu chetna ningjaba mahaki thoujaltabu ngaijaba boyaigi emungdi macha nupagi mapaldagi yamna nungaina amadi awat apa amata leitana adumak hingkhirami.