Thaina ningthou panba leibak amada yamna lairaba ahal ama leirami. Mahaki mingna shubon kouee , mahak ashe ahal yamna oijarabasu yamna naha oiribi nupi amabu magi nupi oina lourami. Makhoigi khun adugi miyamna shubon amadi mahaki nupi thaja anigi maramda yamna thina thina ngangnabirami. Adubu makhoi anina mayamgi higaiwa adubudi karasi tabiramde. Aduga makhoi ani pukchel khoijel tinana yamna nungshinana hingminarami. Aduga makhoi anigi yamna nungshiraba macha nupa ani amadi macha nupi amakhaksu leirami. Nungti numit khudingi shubon migi loufamda chatuna thabak shurami. Aduga madudagi fanglakpa shen khara aduna magi emung adubu purami. Mahakna thabak fana kanna shujadunasu magi emung manung adubudi fajana yengshinbiba ngamlamde. Maram ashidagi matam ayambada makhoigi emung adu chara henbana ayamba oirami.

Nongmadi shubon ayuk nganna houduna thabak thiba thokhirami. Adubu laibakna thiribasu numit adudi mahakna shuba yaba thabak amatadi fanglamde. Aduna mahak yamna wakhal wana mayumda halaktuna mangolgi machi amada famduna leirami. Tanja ashimaktada thajasu emungdagi thoraklami. Mahakna thorakpa matamda mapuroibana touramliba matou adu ubada yamna ngakna hairake “heima makhoi pabung keidoubirage ngasidi ngantana halaklaga tuminna famlaga leiramlishibu. Hoi maisu haide keidourageba hakchang adu nungaitrabo.”

“Ahh karisu toudeda ngasidi eina shuba yaba thabak amata fanglaktre. Aduna nama nacha nakhoibu ngasisu amuk chara henhanlaba tare khanlubada wakhal ashe nungaimandraduna tumina famlaga leiramlibani.”

“Ohh ngasisu amuk echashing ashe chara henhanba tarabako. Hahh yarese makhoi pabung thoinasu wakhal adu nungaitaba toubiruranu. Eisune hayengdagidi mingondagi mana mashing khara tiklaga madubu keithelda yonba chatlage. Makhoi pabungi mateng pangba oina ei thabak ashe tourage.”

“Ehh nangdi kadaidagi shenna mana mashing adubu tikluduriba.”

“Ahh aduburo makhagi enetonna mangondagu eina yonaba mana mashing shing adu khara khaibirage haiye. Aduga madugi shen adudi eina hayeng konna potcheishing adu yonba loiraga adum piyu yani haiye.”

“Umm nangna touduishe fadi fei haibabu leikaigi miyamshina marol ama miwa ngangnaba kanbane nangna keithel thokpa aduda migi mityeng changlakadra khanbada eidi yamna waine.”

“Makhoi pabung leikaigi wadi thaoina tabirunu mathou leitaduna miwa ngangnaribani. Makhoishing adunabu nongmada eikhoigidamaktani haiduna cheng khuya amafaoba mateng pangbirakhrabaro. Kari chari kari thaklina fao hangbirakhiba leikhrabaro. Adunane moisu moigi thokpa eikhoisu eikhoina ngamjabi thaduna hingnaba hotnaraga loire.”

Ashumna mathangi numitagi thajasu makhoigi keithel macha aduda mana mashing yolaga mapuroibagi mateng pangba houraklami. Adubu leikaigi miyamnadi thajabu uraga noknabiba miwa ngangnaba kaya amasu tourami. Nongma keithel karakpi nupi anina thajana mana mashing yonduna leiba adu uraga ashumna lonna wari shanarami “eche yengune mashigi thaja haibishe ahh mawanena mapagumba amada leishinle hairaga mimangdaga thoraklishibu ekaidabra khangdeme. Eiga oiradi ekaibana mapanga thokpa ngamlaroi.”

“Hoine adunine einasu ngasaidagi khalamishe keithel thoklaga mawagi mateng pangliba kaidunine mana tourishe. Mawa nena touriduga laira chudatnaba amada hek leirabanina shee kheitheldaga thorakpa houredana.”

“Ahh enak khula khulaba naha mayam ama leirishidagi ama khalaga leigedi haidraga . Hummm hanu hanthi amada hek khalaga leishinlishibu tanda mallene. Umm thui tubu tugutcheida eidi mashigi nupishe.”

Thajasu makhoi anina touriba maong adu khara makheidi loina khanglibani adubu mahak karisu khangshinadaba saduna magi yonfam thokpa mana mashing adu yonduna adumak leirami. Ashumna matam khara houkhre nongmadi shubon hoigi leikai aduda miyam punba kumhei amakhak pangthoklami. Aduga shubonsu thabak wana chatlubagi awaba adu koknaba haiduna kumhei adubu yaoba laklami. Mahakna kumhei pangthokliba mafam adu yourakpa matamdadi shubongi leikaigi marup mayam ama fajaraba chaklen ama chagadabagi tourami. Makhoina shubonbu uba matamda yamna haraonasu koushinbiduna chaklen adubu makhoi punna chaminarami.

Ahanbadadi mahaki marupshingi matou aduda shubonsu yamna penjarami. Ashuk kuiba matam ashe mahakti lairei haiduna magi enak khunlaba marupshingna mabu tathi taoinadana touduna lakhibani. Adubu numit adudadi mahaki marupshing aduna shubonbu yamna nungshina amadi luna khanjabagum toubirami. Ngaihaki matungdadi makhoi mayamsu chaklen adu punna chaminaba loirami. Matam ashida shubongi marup amana mangonda yamna usitana ashumna hairaklami “ahh etao shubon nangdi kumhei ashi pangthokpada lairabanina shen puthokpasu yaodabanina mayamna chanabagi pukham tengkot ashe nangna loinamak loishinduna fengdoklamoko.”

“Ehh keinone hairishibu etao eibu leite lairei haina aduk yamna hanthanadi toubiganuda. Eisu minine etao kumhei ashe pangthok ohh haina eningthouna shenn pibirakpani. Aduga kumhei ashida nakhoi enak khunba mioi khaktang yaogadabani haibasu leite. Aduna loishinba tarabasu nakhoisu yaoraga punna loishinminagadabani.”

“Haii minai macha nangumba laira chudatnaba amana eikhoida adumainaga haiba yabra. Nangna karigumba thabak ashe tou haiba yadradi eikhoi mayam manaduna eningthouda wakatkani aduna kumhei ashibu nangna maram oiraga loinamak kaihanle haina haigani.”

Mahaki marupshing adugi wahei adu tabada shubon upai karisu leiramde. Aduna mahak mayamna chanarambagi lukhak chakum adu loishinbada tarami. Mahakna thabak adubu touna touna mamitagi mapisu leptana shintharaklami aduga mathamoidasu ashumna khanjarami “ohh eishe kayadasu tonkhrabano eshagi ereikaigi mioishing ashina faoba eibu ashumaina touribiriba ashinadi atopa leibaki mioishingnadi eibu kayam thina toubirakani. Hee lairaba nangi fajafam ashe leitedako touru touru khuding lairabana maram oiraga eishe maithiba ekaibada nange. Eimuk tonnba jiba ashibu ngasigi malem ashida leiramkhigadra.”

Ashumna ngaihaki matungdadi thabak adusu touba loiraduna mahaksu mayumda halaklami. Mana yamna wakhal nungaitana halakpa adu ubada thajana mapuroibagi nungaitribagi maram adusu hanglami. Mahaksu wari adu tarubadagi yamna nungairamde adubu mahakna mapuroibagi mamangda karisu toudaba saduna mapuroibagi puning wakhalbu thouna hapiduna wahei kaya ama haiduna themjinbirami. Matou ashumna matam kharadi houkhre nongmasu shubon amadi mahaki emung manungna chaningai thakningai leitabadagi chara henbada tarami.

Adubu shubonadi mahaki nupi amadi machashing adugidamak khanbada magi marup amadagi shen khara purunaba chatluge haina magi nupi thajada hairami. Adubu magi nupi thajanadi wakhal adu yamna wana ashumna hairaklami “makhoi pabung chatluranuda nahansu nangi marupshing aduna nahakpu mioibagi wahei faoba ngangbiraktriba aduni . Aduna chara adu henlabasu henlashi keidouge makhoi pabung mingondagi shen adu hangbiruranu.”

“Heraa keisu tourakloida eine shen aduga chap chanaba thabak adu magi mayumda shuramge. Farese nangsu wakhal adu nungaina leiramu eine shen adu puraga thuna lake.”

Ashi hairamlaga shubon magi leikai adugi enak khunba marup amagi mayumda laklami. Mafam adu yourabada shubongi marup aduna shubonda hairake “aiii etao shubon nangdi shida keidouba laklino nate eingondagi kari amuk niba laklinoba.”

“Etao eishe ngasaidagi thabak shuba yaba leibra haiduna thiba yabasu thirurabani . Adu thabak amata fanglaktre aduna etaona yaragadi eibu shen khajiktang pibiyuba eine madugi mahut oina nangi loufamdara keino thabak adu shujageba.”

“Humm eina nangshe ngasaina lakpa ubadagi shen piyu hairakani haiba ashe hanana khangkhrabani. Fare fare nangna eigi shen piyu hairadi eigi amotpa firol mayam ama lei madubu nangna loina shuba tare. Aduga eigi yumgi kashing ashisu nangna loinamak sitok sengdokpa touramgadabaniko.”

“Ahh etao madudi nupigi thabakne yaragadi eina shuba yaba thabak amata oina pibiyu.”

“ Heraaa minainabu thabak shubada chihao thinabro. Eidine madu natanadi thabak atei atopa amata leite. Shuge hairadi eina hairishe oina shuro natragana kaidano ama hangluro thabakto.”

“Ahh nate nate etao eine thabak adubu shujarage.”

Ashi haiduna shubon upai leitana thabak adubu shurami. Mahakna yamkhraga thabak adu shuba loirakpa matamdadi mahaki hakchang adu yamna choktharaklami. Aduga mahakna shuriba yamlaba thabak adugi awamal oina magi marup aduna yamdraba shen kharabu piraklami. Adubu mahak wahei amata haidana shen adubu puraga mayumda thunamak halaklami. Aduga thajada shen adubu piraga makhoigi chanaba chak enshang adu thonghanlami. Matam kharagi tungdadi lourok panthasu oiraklami. Matam ashida shubondi magi thamoida haraobagi ngamkhei leikhidre. Mahakna khanglami madudi lourok pantha ashidadi mahakna migi loufamda shuba yaba thabak mayam ama fanglani aduna makhoigi emung adu chara henlaroi haina khanbada yamna nungaijarami.

Aduna mahaki wakhalda ashumnasu khanjarami “humm eishe shwaida migi loufam macha macha ashida thabak khara khara shuduna leibagi mahuta echa nupa ani ashibu puraga khungi khwaidagi enak khunba pibagi manakta chatlaga magi chaoraba loufam aduda thabak mayam ama shurubana fagani. Fare adunadi ei hayeng pibagi mayumda chatuna magi loufamda thabak adu shujanaba haijarurage.”

Mashi khanduna mathangi numita shubon adu enak khunba pibagi mayumda chatlami. Aduga mafam adu youraga mahakna pibada yamna nolukna haijarami “ ahh enao piba nayambashe nangishida mahei marong ashi lokpagi thabak aashe shujage haina haijage lakchabani. Ahh eigine masha ma-uhh faba echa nupa anisu leihourani enaonabu yarabadi mafam ashida makhoisu thabak shunaba pujarake.”

“Ehh tachou madudi yamna fakhraba wafamnine . Eigidi loufamnaga yambane thabak shunaba migi mashing ashe hanadagi watuna leiribani. Adu tachouna angang ani adumasu puduna lake hairabadi nakhoi napa nacha ahumgi lou pari 2 amadi eina nakhoi ahumda thabak shunaba shinagene.”

“Ashh yamna nungaijare enao adudi hayengmak hekta ei echa anidubu puraga lakcharage.”

“Hoi hoi tachou kuithadabi hayengmak hekta lakpiro.”

Shubonsu hoi hairamlaga mayumda haraona halaklami. Aduga maithong adu maka lamna magi nupi thajada hairake “haii nupi yenguheii hayengdagidine nacha nupa ani ashiga eiga punna ebungo pibagi loufamda thabak shuba chatlagadabani. Mahaknane eikhoibu nungshibiduna lou pari 2 khak epa echa eikhoi ahumna hotnaduna marei marongshing adu khomjinlakohh haibirake. Ahh madugi peisa adudine mayam ama fangadouribanine.”

“Eshh nungaijaredako makhoi pabung fare adudi echa ani ashibu puraga hayengmak hekta thabak adu shuba houbiruro.”

Ashumna hainaduna mathangi numita shubon adu ayuk nganna houduna macha anibu puduna pibagi manak tamna laklami. Lambi chatna chatna shubongi macha anina mapada tapna hangjaraklami “paba eikhoina thabak shuba chatlishibu kanagi loufamdano.”

“Ahh aduburo nakhoi khura piba adu magi loufamdani.”

“Ohh khura pibadi shen yamna paibanina eikhoigi awamalsu yamna matik chana pibirakaniko.”

“Umm umm pirakaduini pirakaduini adugane nakhoi nachin nanao anina nangi khura pibana nungairoidaba maongda thabak adu shuba yadeko. Eikhoidi sinmini aduna mapu oiriba makhoigi mabukning pennaba haiduna eikhoina eshagi ethou adu pukning changna shugadabaniko.”

“Hoi paba.”

Ashumna hainaduna lakpana houjikti pibagi mayum aduda yourare. Pibasu makhoibu lakpa ngaiduna leirami makhoina lakpa adu uraga yamna haraona hairake “ahh tachou lakpiredana lakohh lakohhh atei mioishingdi thabakpu shuba hounakhrabane. Adu tachougi echa ani haiba adu ashira.”

“Hoi ebungo mani makhoi ani ashini.”

“Ohh makhoidi mashana marol ama fariba eina pamjaba haiba adu hek thoklare. Adudi tachou lakpiro eine tachou hoina shugadaba loufam adu takcharage.”

Ashumna hainaduna houjikti pibanasu mapa macha makhoi ahumna shugadaba loufam adu takpirami. Numit adudagi houna shubon amadi mahaki macha nupa ani adu pibagi loufam aduda ayuk nungthin numidang khaidana yamna kanna thabak shujarami. Shubongi macha ani adusu chahi 14-15 gi angang oijarabasu mathouna yamna leiba shuba nomba kanba mapagi matou louduna makhoigi mathou adubu yamna mapukning changna toujarami. Makhoigi matou ashibu pibanasu ubada mathamoida yamna apenba ama faojarami.

Nongmagi numit amadi shubongi mapa macha ahumna loufamda thabak shuduna leiringei mafam aduda yamna kanna nong chuba houraklami. Nong adu yamna kanna churakpana maram oiduna atei atopa sinmishingdi arumba pothashangi marum amada chenshinduna leinakhirami. Adubu shubongi mapa macha ahum adudi nong churabasu chuna makhoigi thabak adubu loidaba yade haibagi matagum adumak makha tana thabak adu shuduna leirami. Matou adu pibanasu urami . Mashidagi mahakna pothashang adudadi khonjel adu khara wanglapna shubonbu kouduna hairake “hoo tachou tabiribro nong ashe yamna kanna churakliye. Aduna angangshing aduga punna marum ashida ngaihak leirakho lakohh.”

“Ahh yaniye ebungo eina marum aduda changashi hairasu echashing ashina yaba koubadi leiroi. Aduna eikhoidi nong ashe churabasu chuna thabak ashe adumak shujage. Aduga ebungo nangna haiba yade haiduna eikhoibu waroubinuko.”

Mahaki paokhum adu tabada pibana mathamoida ashumna khanjarami “ohh kayada shuba nombada mathwai yaokhrabanone shee. Tachou shubon ashe ahalsu fana oishinlakle eteima adumadi naha maoiri haibabu hayeng tachouna leikhidraba matamda eteima aduna karinone shuraga machashing ashibu thaktuishibu. Umm fare eine upai amadi makhoigi mapa macha ashida pirage aduga makhoisu eina nungaina hingliba ashigum makhoisu hinghanlage. Eina touriba aronba ashe mangondasu takpiduna mabusu yamna nungaiba punshi mahing amada hinghanbirage.”

Ashumna matam kharagi tungdadi shubon amadi mapa macha makhoina yamna kanna hotnaduna mahei marongshing adubu ningthina lokpa ngamjarami. Aduna houjikti makhoigi khutshuman adusu louba matam oiraduna shubon pibagi manakta magi khutshuman adubu louba changlami. Matam ashida pibana yamna haraona shubonbu manakta koushinduna hairake “ahh tachou changbirakohh changbirakohh eine ngasaidagi tachouna changlakpa ngaiduna leiramine. Tachou nangi amadi nahaki emung adugi khalaga eina thabak amabu toubirage haina khalli. Adu shigi wafam ashina tonganna thamkhraga shee tachougi khutsuman adu ashida leire. Adu tachou eina piriba ashidi tachougi pifam thokpa khutshuman adugi saruk ahum thokpagi ama khaktani. Adu saruk ani adumana hayeng oina louba laklo. Aduga madugi shen adu louba lakpa oina tachouga wari aruba adumasu shanarashi.”

Shubon wahei amata hairamdana shen adubu puraga haraona laklami. Shen mayam adu ubada shubon yamna haraojarami adubu mathamoidadi ngasai pibana hairakhiba wahei aduna chingnabasu faohanlami. Aduna mathamoida wahang kaya amasu hangjarami “keino pibana hanadagi toudaba maong ama ngasidi eingonda touraklishibu. Nate eikhoina thabak shubadaga magi mathamoida nungaitabaga yaokhra jatla. Ashh khangdreda lairaba haiba ashe fajafam chanafam hek leitaba jatniko. Hee eshor mahakna hayeng wari aruba ama shanashi hairishe afaba waritadi oihanbiramuko.”

Ashumna khanna khanna lakpana mayum youkhiba khanghoude. Mashidagi mahakna purakliba shen mayam adubu thajada pishinlami aduga machashing adugi yamna haoraba mathel amabu thongbiyu haina hairami. Mashi hairamlaga mahakti magi kada changduna tumina wakhal khanduna leikhirami. Mahakna mangduna leiriba ashe pibana ngasai hairakhiba wahei khara adudani. Magi maong matou ashida thajanasu chingnaraduna mapuroibada tapna hanglake “ makhoi pabung kari tourabage ngasai thabak halakpadagi wakhal adu yamna wana uriba adubu karigino.”

“Ahh nupi yengoi pibana hayeng ashe eiga yamna luba wari ama shanashi haina haihouee. Aduga eigi khutshuman adusu ngasi pirakliba adu saruk ahum thokpagi ama khaktani aduna saruk ani amadi hayeng oina louba lakohh aduga wari adusu sanarashi haina hairake. Hahh mahakna eiga sanagadouriba wari adu karibu oiraba jatno. Epa echana mahakidamak thabak shuba matam aduda mana nungaitaba maong kharaga uba fangkhrabara khangdre.”

“Ohh adugi oireko yarese tokohh keisu lunasu khanjinbiruranu eshorna chanbiduna eikhoigi yaifanaba wari ama oiramlagadi kamdouni. Adunane wakhal adu kharasu chaothokpa tambiro lakohh chaksu loire nachashing ashiga chak ashe haraona chaminararo lakpiro .”

Ashumna makhoi punna chak adubu yamna haraona chaminarami. Mathangi numita shubon wakhal yamna wana khan khanduna pibagi mayumda laklami. Mahakna lakliba adu ubada pibana mahakpu yamna taramna okpiduna mahaki manakta famhanlami. Aduga yamna haoraba chaklen amabusu chaminanaba hairaklami. Ahanbadadi Shubonna wafam adubu yaramde adubu pibana yamna kanna haimanlaba aduda konna thangdadi shubonsu pibaga punna chaklen adubu chaminarami.

Ngaihaki matungdadi chak adusu chaba loiraduna pibana shubonda tapna hairake “ ahh tachou eina tachoubu ngasi koujariba ashe yamna luba wari ama shanage haina koubani. Tachou nangbu enak khuningdabrane.”

“Ebungo piba enak pu khuningdaba kanabu leiramgadage. Eisu khuningibanine adubu leitaduna lairaba mioi ama oiraga ngasifao leiribani.”

“Adudi tachou nangne eina touriba aronba thabak ashi tachousu toubiro. Adu oirabadi eina enak khunliba ashigumna nahaksu shoidana enak khungani adubu tachou wafam ashe aronba oina tougadabani kana amatadadi haidokpiba yadeko. Eina tachougi awaba adu yengba ngamdabadagi wafam ashibu haijage touribani.”

“Hahh kari karamba aronba wafamni ebungo.”

“Ahh tachou eikhoigi khun ashigi chidaida leiba umang macha adugi mayai maktada yamna ahal oiraba bhut pret shanaba ahal ama leibani. Mangonda laigi oiba thouram kharabu touhanlaga sathiraba thawai kayadagi shen lougadouribani. Aduga madugi mahuta eikhoina karigumba potshak amabu dhan touthokhiba taii. Adu oirabadi eikhoi hainingai leitana enak khunba mioi ama oiragadabani.”

“Ehh ebungo adudi bhut pret aduna eikhoigi thawaigadi louge hairakloidra. “

“Madumakti hairakloida tachou ahal aduna haibada ehh nai taba thabak amatadi touhanloi haina hairake. Aduna tachousu wakhal amukta munna khanbiyu. Khudong chaba haiba ashe pak pak hek laklaroidabani. Aduga tachousu fanadi ahal oiraklabani aduna eteima amadi echashingi khanlaga amukta munna wakhal adu khanthaduna yengbiyu.”

“Ahh ebungo eibu wafam ashe houjiki oinadi firep ama louba ngamdre aduna eingonda matam kharadangdi pibiyuba.”

“Fare tachou nangonda hapta amagi matam pirage mashigi manungda tachouna firep adu louba ngamdrabadi nanao makha tana nangi nateng pangbadi ngamjararoiko. Ahh aduga shee shina tachougi awatpa khutshuman aduni.”

Mashi haiduna yamkhraba shen mapun amabu shubonda piraklami. Madu ubada shubonna ngakna hairake “ ehh ebungo keigino eingonda shen ashuk yamna pibirakeshibu. Nate shidi yamna yamankhra malle ebungogishe eingonda migi shen adu onnana pirakpa malle.”

“Humm nate nate shen ashe karisu onade mashidi eina tachoubu nungshiduna pibani. Adu tachou eina haiba wafam adu nahaknane munna amuktadi khanduna yenguko. Mashidagi henna nungaiba wadana enak khunbagi lambidi leiraroi. Tachouna fana kanna thabak shudunasu pakhek enak khunbadi ngamloiko tachou.”

Shubonsu mashidagi pibana pirakliba shen adubu puraga mayumda wakhal khanna khanna halaklami. Aduga magi nupidasu shen mayam adubu piduna pibana hairakhiba wafam adu loinamak tamduna khanghanlami. Mashidagi thajana wakhal ngaihak khalabagi tungda mapuroibada tapna hairake “makhoi pabung pibana hairakliba wafam adu eikhoibu nungshibiduna fahaningbadagi hairakpa oirambasu yaii. Adubune eigi wakhaldadi laina enak khunba haiba ashe khudong thiba kaya amadi mayoknagadabaa malliko. Aduna makhoi pabungnasu firep adu loubiba matamda yamna munna khanthaduna loubikho.”

“Umm nangna hairidusu chumii nupi hahh farese eingonda hapta amagi matamdi leiridana aduna mashigi manungda eina afaba achumba firep amabu lounaba kanna hotnarage.”

Ashumna hapta ama chupna khalabagi tungda houjikti shubon adu pibagi wafam adubu yarage haina chap yungna lepkhre. Aduga wafam ashibusu mahaki nupida khanghanlamlaga mahak pibagi manakta laklami. Mashidagi pibana shubonbu lai shanaba ahal aduna leiriba mafam adu chap chana takpiraklami. Aduga mahaksu ahal aduna leiriba umang aduda changshinba houraklami. Umang adu matam kuinadagi mi ponga changnadaba umang ama oibana yamna shuklami. Aduga mafam aduda houriba uhh panbishing adusu ashuki matik yamna wanglami.

Adubu mahakna yamna kanna hotnaduna ahal adugi manaktadi yourami. Mafam adu yourabada shubonbu lai shanba ahal aduna yamna taramna okpirami. Aduga karino khangdaba kira kiraba mayek kharabu leimaida yektuna mahaki lai adu shanaba houraklami. Ngaihakti mafam aduda ashaba nungshitna chingba kaya ama shituna mafam adu akibagi shaktam ama oiraklami. Adubu khanghoudana madu pumnamak adu mangkhre. Aduga ahal aduna shubonda amuk tapna hairake “ebungo yare yare houjiktine pumnamak loire shee shee nangidamakta lai aduna pirakpani shee.”

Ashi haiduna lai shanaba ahal aduna shubonda shana khao amabu piraklami. Madu ubada shubondi haraobana loikhre. Shana khao adubu puraga mayumda thunamak laklami. Aduga magi nupi thajadasu ngasi mahakna tourakpa thabak pumba adu loinamak haiduna khanghanlami. Ashumna numit adudagi houna shubon makhoigi leikai adugi oina khwaidagi enak khunba mioi ama oirakhi. Mahakna khanghoudana enak khunlakpa ashida khun adugi mioishingi thamoidadi wahang kaya ama mathamoida hangnarami.

Nongma shubonna pibagi mayumda mahakpu unaba laklami. Adubu matam ashida angakpa thoudok ama thoklare. Pibadi atopa leibak amada mayum hongduna leikhiramle. Aduga mahakna mayum hongkhriba leibak adusu karamba leibaktano haibasu khangba ngamlamde. Touriba matou ashida shubon mathamoida kari karino pangkhandasu khanba houraklami. Mayumda halaklagasu magi nupi thajada wakhal yamna wana hairaklami “nupi piba adu atopa leibakta mayum hongkhre haibra lotuna chenkhre haibra keinoma hainahouee. Mahaki yumm adusu amata leiamdre loinamak tumna thugairamle. Ashh eidi mana haibagi matung enna lai shanaba ahal adugasu loinarugum tou eishe kokshe onthokna sagadourida.”

“Keinone haishibu nate adudi pibana leikhriba leibak amadu karamba leibaktano haibasu makhoigi yumthangnaba shing adu amata khangnade haibro.”

“Umm makhoisu amata khangdaba malle pibana makhoi kana amatada wafam ashigi maramda hairamde haine.”

“Ashh adudi kamai touni lai shanaba ahal aduna hayeng konna afaba khaktang tourakladi feii . Karigumba emung ashigi khudong thibada tanaba thabaka touraklabadi eikhoidi kamdouni.”

“Maduninehei eisu khaliba ashe ashh wakhal shee nungaifam khnagloidrida. Wadana nungaininglubei houjikti dhasha achouba ama tagadouriba jatla.”

“Humm einadi chamarak haijabaniko thabak adu toudringeida amukta munna khanthabiyona.”

“Ashh hoishe yarese toklo thok uhh ba ama maraina lakcharani. Adugane nangsu eikhoina toukhriba aronba thabak ashe kana amatada haidokpa yadeko.”

Ashumna matam khara houkhre nongmadi shubongi mayumda naha pakhang ama laktuna shubonbu lai shanaba ahal adugi manakta laknaba pao pihanlaklami. Mashidagi shubonsu wakhalda chingnaba kayaga loinana ahal adugi manakta laklami. Mafam aduda hek houbaga ahal aduna tapna hairake “ahh shubon nang lakledana lakohh lakohh eine nang lakpa ngaiduna leiramline. Yengoi nangna shen louruba lai aduna houjikti mahaki shen adugi mahuta karigumba khara katlaro haina hairare. Adunane nangnasu mana piyu hairiba potshak ashe pithokhro.”

“Oja kari potshakno mana pamliba adubu.”

“Hahh yengoi mana pamliba ashe nangi naitom pokchabi nacha nupi ningol aduni. Aduna mahakpu nangna gyan manghanduna mafam ashida purak uhh aduga mabu lai aduda katkhrashi.”

“Ehh karino oja eigi amata yaojabi echa adubu kathokhibadi eidi ngamjaroi. Madu nataba atopa upai amatangdi yengbiyu oja .”

“Humm madu nataba atopa upai amata leite. Aduga yengoi nangna nacha nupi adubu kathokningdrabadi nangi leijariba lan thum shing adusu loina mangkhrani. Aduga nacha nupi adubusu lai aduna mashana adumak loukhigani adunane nangsu yamna munna wakhal adu khanlloko. Nangna katrabasu mashana loudou leiraba. Karigumba nangna katlagana nangi naral nathum adudi mangoidouribani. Aduga lai masha aduna loukhragana nangi naral adusu mangkhiduini. Ahh muna khalo muna khalo adugane nangonda numit ninigi matam pigeko . Mashida nangna nacha nupi adubu puraktuna lai ashida katrabadi lai adu laklaga adum loujakhrajani.”

Shubon ahal adugi waheishing adu tarubada kokthakta braja tarakpagum thokhre. Awaba potlum adu puduna mahak wahei amatasu hairamdana tuminna mayumda halaklami. Lambi chatna chatna matomda wakhal kaya amasu khanjarami “ohh eigi ashoiba khongthang amana piklibi echa ashigi thawai ashe mangkhibada tarabako. Eishibu karamba mapanone hahh eisu eigi emung ashina nungaina leiba adu pambadagi khudingmak toukhiba ngaktani. Adubu ei houjik kari touba taii echa ashe kathokhragana eigi eral ashe lengdana leigaduini. Aduga katkhidaba taragasu echa ashidi lai aduna adum loukhiduba leire aduga eral mangduine. Fare echa nupi aduma mangkhrabasu echa nupa ani amadi leiridana. Aduna echa nupi ashimadi kathokhrage. Ohh epagi ningol nangne epabu warouganuko.”

Ashumna khan khanduna lakpana mayum youkhiba khanghoude. Pikliba macha nupi ningolna sumangda chen chongduna shanaraga leiramba adu ubada mahaki thamoi adudi machet lishing thokna kaikhre. Adubu mahak maithongdadi awabagi mamida uthoklamde. Karigumba mahakna waba saduna leirabadi magi nupina mahakna tougadouriba tamthiba thaong ashe khangkhigani khanbei mahak karisu toudaba saduna leirami. Mathangi numita shubonna macha nupi ningolbu karigumba mahi amabu pithaktuna wanthahalami. Aduga kanasu udringei macha nupi ningolbu pamduna lai shanaba ahal adugi manakta laklare. Mafam adu yourabada makhoi ani changduna ningolbu lai fataba adudu kathokhinaba thourang kaya ama touba houraklami.

Matam ashida yamna ahouba khonjel amaga loinana shubongi nupi thaja adu mafam aduda chenshinlaklami. Aduga leimaida wakhal mangduna taraga leiribi piklibi macha nupibu mathada pamkhatuna mapuroibabu yamna saonasu cheijarami. Tanja ashimaktada khun adugi mi ayambasu mafam aduda loinamak youshinaraklami. Aduga shubon amadi lai shanaba ahal ani adubu faraga ningthougi konungda pukhatlami. Nakan amaromdana thaja amadi khungi nupi kharaga loinaduna macha nupi ningolbu hidak langthak semba maiba amagi manakta puduna mahakpu layenglami.

Ashomdana shubon amadi lai shanaba ahal aduda ningthouna wahang kaya ama hangba houraklami “haii shubon karigino nangna nangi piklibi nacha nupibu hatkadabagi hotnaramlibadi. Nate nang ashibu karamba mapanonehei.”

“Eningthou nanai eina ashoiba khongthang ama thangjinlubadagi echagi thawai ashe mangbada takhibani.”

Ashi haiduna shubona pibaga makhoi ani loinarakhiba aduga makhoina touriba aronba thabakshing ashigi maramda loinamak haidoklami. Mashidagi ningthou aduna yamna saona lai shanba ahal aduda hairake “haii ahal nangdi karigi ashuk fatraba thabak ashe toururibano.”

“Eningthou eidi mashigi thabak ashe hanadagi houna pibada tougumshi haina haijabani adubu mahakna eibu shen piduna mit thakathankhi. Aduga thabak ashibu touhankhibani.”

“Umm piba haiba nupa adu magi aronba thabak thouwongshing ashibu khanglakteingei mirot oiduna chenkhrabanineko.”

Ashi haiduna yamna saona lai shanba ahal adubu mahaki manai kharada hatkhinaba yathang pikhre. Aduga shubon buna mapunshi chupa keishumshangda thamnaba fadok takhirami. Ashumna shubon mahaki lemhouriba punshi adu keishumshangda lenbada tarami. Mashi pumnamak ashe oidunasu shubon mahaki nupi amadi macha shingna mahakna toukhiba ashoiba adugi maheina nungaina wata padana leiri tabada yamna nungaijarami. Aduga mahaki punshidi keishumshang aduda adumak lenkhirami.