Mamang ngeigi matam amada yamna engtappa mashak matou yamna phajaba Pari kouba nupa amakhak leirammi.
Mahak ashe Eboyaima amadi shanareigi macha nupa ahanni parigi makhada machan nupi amaga manao nupa amaga leirammi.Machan nupigi mamingna mishna kourammi aduga manao nupagina Thoujal kourammi.Parigi mapa eboyaima engkhol koibanupa amani mama shanareina mapana engkholda thariba mana mashing shingdu mahakna keithelda phamduna yonlammi. Makhoigi emung ashe yamna lairaba emungshu natte aduga yamna peisha paibashu natte adubu chaba thakpadi wattana engna leirammi.

Pari angang oiri ngeidagi mama mapabu yamna ningjarakehh emunggi awabada sharukau yarake. Mahaki thamoida mama mapa makhoi anitana wana shunomduna machin manao makhoi ahumbu leirik tamhanbada yamna warammi.
Mama mapagi awaba kharada oirabashu koknabani haiduna pari leirik khara tamlaba matungda adumak leirik tamba adu toklammi.Houjikti machin manao ahummak pakhang leishabi phare.
Mishnana magi leirik tamba hanlaklaga mapana engkholda thabak shuriba aduda mateng panglammi.Thoujalshu leirik tamba hanlaklaga mamana keithelda engshang napi yolliba aduda mamagi mateng panglammi.

Paridi migi thabak shuba yaoduna shel tanlammi. Mahakna migi nunghonba, yum shaba amadi aphang aphangba thabak kaya yaoduna shel tanlammi. Nongma Parina thabak shurubagi phanglakpa shel punnamak mamada piduna hairammi,
“Ema shelshi loushinbiyu eikhoi echangi leirik awatpadu leihanbiyu.”

“Ebungngo nangna migi thabak shuba wana yaoruraga phanglakpa shelshing ashi emada pirak libashi mashing yamna yamle aduna ema ngashidi nanggi shelshi louraroi.Ema hoina nanggi anouba naphi naron amatashu leibiba ngamde aduna peisha ashina nanggi naphi naron kharada oirabasu leijaruro.”

“Ema eigi phiroldi konna kayarak leiba yai aduga angangi leirik adu matam chana leihoudrabadi yaroi ema eina tanliba shelshi echan nupi amadi enaonupagine houjikti nachashu chaore aduna ema pabana ashum shubadu ei yengba nungngaite aduna mishna amadi thoujalbu matik chaba mi amamam oinaba eina hotnagani.”

“hahh ebungo nangna hairiba adu yamna afaba thabakni adubune houjikti nahak yamna nouri thabak akanba yamna shukhinu nangna nachan nupi amadi nanao nupagidamak karigi waribano ema eikhoi leiri nang makhoigi karishu waganu nama eikhoishu naha oiri shuba ngamkhini.Emana nang leirik makha tamthakho haibashu nangna hekta tokthoke emana khange nang leirik makhadi tamthaninglabashu emunggi awabashigi khanlaga thokkhiba nattara.”

“Ema ei leirik adu shuktam tamkhidabash natte yare khara tammadi eina phajana tamdrabashu mishnaga thoujalga mapum phana tamhanba ashina maruni. Yareshe ema mashigi warishi toklashi peishashi loushilo nacha migi thabak kharashu shuba chatkadabashu lei eikhoi echandu chak loikharabo.”

“Loirabane loirabane chathok uro ado ebungngo nang migi thabak shubadu khara leppoko nashadu amata yararoi.”

“Hoi ema.”

Mashi haiduna mama macha machin manao makhoi punna chak chaminnarammi.Mishna amadi thoujalna Mayamba paribu yamna nungshirammi makhoishu mayambana thabak shuduna shel tanlaga makhoi anibu mapum phana mahei mashing tamhanlibani khangjarammi.Makhoi anigi thamoidashu makhoina leirik tamlibashi mayamba amadi mama mapana yamna wana shel tanduna tharibani khanduna maheida pukning changna hotnaduna nongmadi matik chaba mi amamam oiraga makhoigi emungbu nungngaihangani khanjarammi.

Nongma eboyaimana yamna thajadana matam shangnadagi unakhidraba mamannaba keshoga thengnarammi.
Kesho yamna peisha paiba lalon etik touba nupa amani.Eboyaimaga angang oiri ngeidagi yamna luna tinnarakpa mamannabani keshogi emung hannadagi peisha pairakpana makhoigi yum hongduna leikhibadagi unakhidabani adubu ngashidi yamna thajadana thengnajarammi.Kesho amadi eboyaima makhoi ani yamna kuiraba matungda unaba phangjaba aduda haraona konnarammi.Ngaihak cha bora yonba potphamda phamminnaduna wari watai kaya shanajarammi.keshona eboyaimada hanglakammi,
“Etao eikhoi anina unaraktribashi phanadi kuirehe.”

“Hoi etao kuire eikhoi anina unaraktriba.”

“Etao nanggi nacha kaya leirage.”

“ahh eigi echa nupa anikhakka echa nupi amaga lei ado etaogidi kaya shurage.”

“Etao eigidi echa nupi amaga nupa amaga leiri.Ado etaogi echashingdi kari kari hotnariba.”

“hahh etao echa nupa ahandudi mama mapa eikhoigi awabada mateng pangduna migi thabak shuba chatli aduga echa nupa yaimadi handakta leirik tamba loishinle echa nupi atombina leirik adum tamli.”

“Ohh ado etao houjikpu kari kari thabak shubirige.”

“Etao eikhoi pabana thamlamba engkhol machet aduda eshang napi khara thaduna eigi nupina keithelda phamduna yonli. Adu nataona etaogi manakta lakke haina khalakpashi yamna kuire adubu emunggi hotnari ngei etaogi nanakta lakpagi shel pharaktadana lakpa ngamdare. Ado etaodi houjik phaoba lalon etik touribara.”

“Hoi etao touri eishu etaogi nakta lakke haina khanlakpashu kuire adubu eigi thabakshina chinmankhiduna lakpa shangdaba.Adubu ngashidi thengnaredana etao ei wa amata haige.”

“Etao kari wano hekta haibiyu.”

“ahh eigi yum shabagi potchei yonbagi potpham achouba ama hangngi maduda potchei yonnaba mikhara watli maduda etaogi echa nupa amatashu yaohange haibada etao kari khanliba haidi etao houjik kanda shel yaodana thabak touba hounade aduna etaogi echashingdu shel thokpa thabak amata toujahouradi etaogi emunggi awaba kokkaduribani.”

“Mani etaona hairidu achumbani ei yumda chattuna echa nupada amukta hangduna hairakke etao.”

“Phare etao adudi eishu amuk chatlage etaogi echashingda hangbiruro aduga hayeng mapham ashida amuk thengnashi.”

Ashumna makhoi ani yanarammi keshoshu mayumda chatkhi.
Aduga Eboyaimasu mayumda yamna haraona machashingga wari shanarage haina khanduna laklammi.
Eboyaimana thoujalga phamminnaduna wari shanaba hourammi,
“Epagi thoujal epa nangngonda wa khara haige.”

“Kari wa oibirabano paba.”

“Epana nakhoibu leirik phoubadadi mapum phana tamhanle. Adubu houjikki matamda shel pidrabadi thabak amata phangloi. Aduna epana hainingbadi nang epaga yamna luna tinnaba peisha paiba emannaba amagi yumshabagi pot chei yonba potpham amada pot yonba yaoduna shel tanlunaba haibani mashi nang kari khanliba.”

“Pabana hairiba wa adu yamna chummi shel pidana thabak touba oithokloi adubu paba nachadi migi potphamda yaoduna shel tanba pamde eidi firol shemba shaba yaoduna phiron tuba pammi paba.”

“Adushu yamna phaba wani echana pot yonba yaoba pamde hairabanina
epana karibu hairuni echana pamliba adu maipaknaba hotnajaro.”

“Hoi paba nachashu phiron tuduna shel mayam tagani paba.”

“Hoi hoi ado ebungngo nang nayambadu amukta eigi nakta laku haiyu.”

Thoujalna pot yonba yao haiba yaraktraba aduda eboyaimana macha nupa ahan parida amuk hanglammi.
Eboyaimana parida phajana hairammi.
Parishu mapana hairiba wa adu haraona yarammi.Eboyaimana magi nupidashu wari punnamak liduna khanghanlammi shanareina macha paribu lapna thabak shubadi chathanninglamde haina mapuroibada haijarammi adubu eboyaimana phajana haibadagi shanareinashu yarammi.
Shanareina macha parida hairammi,
“emagi pari nangna migi pot yonba yaoba matamda yamna heina shingna yaogadabani shahargi mishingshi mapanda aphaba sharaga manungda phattabani aduna nang mina enshinba khak louganu nashana thabak ama touba matamda nasha nathantana thabak adu toudri ngei mamangda phei phate hanna khanduna tougadabani nangna migi phattanabashu touroidabaniko.”

“Hoi ema nacha phattaba thabak amata toujaroi.”

Eboyaima machana yarakpa aduda yamna haroujarammi mana mathanggi nongnganbaga hanna keshoga unashi haina khiba mapham aduda keshobu ngaiduna leirammi.Mana ngaibaga ngaihak leibaga kesho mapham aduda yaoraktuna makhoi ani wari shanarammi.
Kesho eboyaimagi macha nupana magi potyonba yao haiba yare haiba adu tabada yamna nungngaijarammi. Aduga eboyaimada amuk hairammi,
“Etao eidi thabakshu yamna chinbanina mapham ashida toina lakpashu pharak tai aduna etaogi echa adu eina houjik lakli ngeishida chatminna hourage haibabu kari khanlibano etaona.”

“Etao adushu yai kari amata kaide adudi eikhoigi yumda chatlashi.”

“Hoi etao chatlashi.”

Ashumna makhoi ani eboyaimagi mayumda lakammi.Eboyaimana macha parida houjikmak chatnaba hairammi.
Parisu maphi maron yomshinduna loishinba loiraduna mama mapada khurumjaraga mayum thadoktuna chatkhi.
Shanarei macha parina mayum thadoktuna chatkhibadu yengduna mamittagi mapi tana kaplammi.

“ ehee Shanarei karigino nangna kaplidubu echa parina chatkhribashi eikhoigi phanabani amukhanna hanlakoidabashu natte kappanu tokloko.”

“Ema eikhoi tamochoudu yamna thuna hanlakkani nang karishu waganu.”

“Emana nakhoibu amata emagi naktagi lapna chathanningde nongmagi nakhoibu uhoudabada eshashi leipham khangde.Emagi mittadi nakhoishi angang macha ama oina uri.”

“Hoi yareshe ema lako changlashi emungda hayenggi keithelda yonnaba eshang napi shemmurashi.”

“Hoi hoi shemmurashi lak o lak o.”

Shanareibu machashingna emungda changminnaduna hayeng keithelda yonlunaba eshang napi shemshaduna nungngai nungngairaba wari kaya shanarammi,
“Ema eikhoi tamochouna migi chaoraba potpham aduda yaoradi peisha mayam phanglani.Peisha mayam aduna eikhoigi emungdi nungngairaniko.”

“Mani eikhoi nungngairadubani adubu emagi yaima mishna emana nakhoi anida haigadabadi nabungna ngashi miramda chattuna shel tanba chatkhiribashi nakhoi anigidamaktani aduna nakhoi ani nabungbu keidou nungda miraiba yadeko.”

“ Hoi ema nacha eikhoi keidou nungda tamochougi toubimal kaojaroi.”

Shanareina matam ayambada machashingbu aphaba paotak kaya pibiduna wakhal loushing leibagi wari kaya ama libirammi.

Ashomdasu pari adukeshogi mayum yourammi.i keshogi phajaraba yamnashu chaoba yum adugumbadi parina mamangda amukta phaoba uraktriba aduda munna yengduna leirammi.
Keshona paribu emungda pushinlaktuna phamlaga wari watai kaya shanarammi,

“Pari ngashigidi nang pothajaro aduga hayeng nongnganbaga eina nangbu potpham aduda puduna nangna karamna pot chei yongani haibadu epana takkani nang yum ashibu nayummakni khanduna leiyukk.”

“Hoi .”

Mashi haiduna keshona parigi ka ama pibirammi.Pari ka aduda magi purakpa maphi maronshingdu thamduna loishinlammi.Matang aduda keshogi nupi atombi leihao mayumda hanlaklammi.
Keshogi nupi ahandi shikhiba kuire mana leihaobu magi nupi atombi oina pushinlakpani Leihaodi keshoga yengnabada yamna anganni.
Leihao yamna machin kanbi yu yamna thakpi nupi amani keshona magi nupigi apambada kari amata haiba ngamlamde leihaona apambada touduna leihanlammi.

Keshona magi nupida hairammi,
“Leihao nang ngashidii kadaida chatluino nongmata yum ashida phajana leite ngaihak leiraga amada amuk chat amada amuk chat nang kharadi henmanlabani.”

“Karino moi pabungna hairidubu eibu thabak leitana pangchatta chat shanagadaro thabak leibagi chatlibani.”

“O phareshe nangga wa ngannaba ngamponte.Ado eikhoi yumda ngashi eigi etaogi macha nupa amakhak eikhoigi pot yonba yaonaba purakpani.Lam lapna lakpane nangna khara phajana loinabiyu.”

“Ass kadaidagi migi macha amuk pubiraklibano nangi nupi ahanna thamlamba nacha anidu phaoba shennaba tanli ngeishida migi machaga yengshinba ngamlaroi.”

“Karino nangna khanlidubu migi machadu angang natte pakhangni eikhoigi potphamda yaoduna potchei yonba yaoba lakpani nangna karishu waning ngai leite.”

“O adubu haiba eina shennadrashu migi machabu yumda thaklaga kari kannadurige potchei yonba yaoba laklashu eikhoi yumda thamdrashu barada leihanba yai.”

“Yare leihao anganshi eiga yamna luna tinnaba etaogi machani nangna nganglidu angang shina takharadi nungngairaroi chatlo yare.”

Kesho magi nupiga onshinnaduna wari shanaba tanbadagi mana thokpa chatkhi.
Leihao khara saorapna emungna changngaklammi.
Leihaona emungda changlakpaga parina mapanda thoklakpaga mapa chanarammi.
Leihaona paribu yamna munna yengduna leirammi magi thamoida paribu nungshiba phaorammi.Leihaona parida hanglakei,
“Nangdi nashakna maron ama phajariba nanggi namingbu kari kouge.”

Paridi leihaobu ubada keshogi macha nupi oiboi ningduna eche haina kourammi,
“Eche eigi ming pari kouwe.”

“Echega kourakleshibu eibu yamna ahanga manbaro. Eishu nakhoigi lengnida mingdum kounashi eigi ming leihao kouwe.”

Matang aduda kesho changlakammi.keshona parida leihaoshi magi nupini haina mashak taklammi.
Pari keshona hairakpa wa aduda ngaklammi ngashai makhei leihaona mangonda hairiba mayamduga keshona hairakpa washingdu tarubada parina leihaoshi karamba makhalgi nupino haiba khangba ngamlammi.

Numit ashidagi pari keshogi mayumda leirammi.Mathanggi nongnganbaga keshona paribu magi pot yonpham aduda puduna potchei yonbagi niyom kaya takpirammi.Potpham adu yamna chaorammi hannadagi potchei yonba nupa anikhakshu leirammi.
Keshona nupa aniduga pariga mashak khangnahanlammi aduga parida hairakei,
“Pari nang karishu luna louganu nangna karigumba ama khangdrabashu mashida leiriba natao anishida hangngu nakhoi mashen tanaduna harao harao potcheishing ashi phajana yonminnou.”

“Hoi pabung.”

Mashidagi paribu potpham aduda thamlamlaga keshodi magi thabak chatkadaba ama lei haiduna adumak chatkhi.Hannadagi potchei yonba yaoramba nupa aniduga pariga wari shanaduna potchei yonminnarammi.
Makhoi anina parida pot yonbagi niyom phajana takpirammi.Parishu makhoina hairiba shing adu phajana taduna leirammi. Matam kharagi tungdadi mahaksu potchei Phajana yonba heirakle hanna makhoina pot yonlambadagidi parina yonbana henna peisha tarammi.
Mahakna potleiba lakliba mipum khudingmakta momon noktuna chinglemna phajaba wahei watashijinnaduna potchei yonba aduda minashu henna changninglammi.

Keshogi potpham ashi hannadi mi echang changlamde adubu houjikti potpham ashi hek hangbaga mina kirik kirik ennarammi.
Parigi mapanna kesho potpham ashidagi yamlaba shel kaya tanba ngamlammi.
Keshona parigi ashigumba matou ashida penjarammi mana paribu machamakni khanduna luna toujarammi.

Nongma parina potyonba hanlakpada leihaona paribu koushinduna wari shanarammi,
“Pari nangbu nonghek nganbadagi potchei yonba chatlidubu wadabaro nong phadokshu eiga phaminnaduna wari watai shanabashu yaidana.”

“Emashi ei wadeda mashidi eigi toudaba yadaba ethouni emashina nachada pot chei cheningbagi oiradi Nachada adum haibirako ei pujarakke.”

“ Hahh adu nangna eingonda emashiga kourishibu eishi yamna ahan oina urabra”

“Eikhoigi pabagi mannabanina eina pabung kesho haina kouwe aduna emashi thoka haina koubani.”

“Ado emashi thoklabashu nangdi eingonda leihao haina kourako yaiye.”

“Emashi haina adum koujage mina takharaga emashida ushitkhiroi.”

Ashumna leihaona paribu moithem touduna magi langda thunaba hotnarammi adubu parina magi ashigumba maong matou ashi yamna heinaramde aduna ayamba matamda parina leihaodagi lapthoknaba hotnajarammi.

Nongmadi potchei yonba yaobagi thagi peisha phangjarammi aduna keshoda haijaduna mayumdasu chatlammi.
Parina mama mapa amadi machin manao anigi phiron leiduna yamna haraona mayumda chatlammi.Parina mama keithel phamduna leiramba adugi manakta hanna changjarammi.Shanarei macha paribu yamna uningduna leirambadu khanghoudana lakpa aduda yamna haraojaduna machabu konbirammi.
Mama macha phamduna wari shanajarammi.Shanareishu macha lakpagi magi potcheishingdu loishinduna mayumda machaga changminnarammi.
Shanareina macha nupi mishna kouthoktuna mabunggi mei puthokhanlammi.Mishna mabungbu ubada chenshinlaktuna hairakei,
“Tamochou eigi kari leirakke.”

“Heima nabungshi emungda hanna changkhishanu lamga lapna lakpane warammani nang nabunggi chak khara thongnguro chatlo chatlo.”

“Hoi ema thongge ado eigi kari leirakpano hanna khangning toubani.”

“Mishna nangna yamna pamjaba hannadagi nangna eingonda leibiyu haiba phurittu leiraka.”

“ha eina pamba phiriktu leirakaba.”

“Hoi leiraka.”

Makhoi ahum yamna haraona emungda changminnarakei.Parina machan nupigi leirakpa phurit adu mishnada pibirammi mishna mabungna magine haina leirakpa phurik adu yamna pamjarammi.
Parina mamagi phiga phanekka puthokraktuna mamadasu pirammi.
Shanareina parida amuk hairakei,
“Emagi ebungngo nangdi emagi ashuk yamna leirakliba karigino nangna leigeshu phi macha amakhak leiraklashu yabaduda emana houjikpu phi maman yamba enlaga kari kannaruni.”

“Ema houjikti aduda natte kanagi shana likkon kaya ama shaduini ema houjikti wahanlaroi.Edo ema pabaga thoujalgadi ude kadaida chatkharage.”

“Napadi engkholda chatkhi aduga nanaopadu houjikti mamang leikaigi amujaogi fituphamda phituba yaokhare.”

“O adudi yamna phatenei manashu adugumba adu yamna pamjabanina.
Manabu phajana heiradi migida yaodrabashu eina yumshida magi fi tunna pitchei adu leibiraga shel tanba yai.”

“Madunabu henna kannaduribani.
Nanaopashu houjikti phajana heirabani. Papaga makhoi ani hanlakpagi matam youre laklani.”

Hainaringei eboyaimaga thoujalga
Mayumda changngaklammi.
Makhoi anina paribu ubada yamna haroaoarammi.Parina mapa amadi manao nupagi phiron pirammi. Aduga Parina thoujalda amil hairakei,
“Thoujal nangna fituba chatlibadu phajana heirabara.”

“Tachao heire houjikti ta amujaogi phi tuduna yonba yaominnaduna ta amujaona eingonda peisha khara pibi.”

“O adudi phare nangna heiradi migida yaodui sharuk pudi nanggisu potchei khara ama leibirage yum ashida phi tuduna yonlu mashina henna kannagani.”

“hoi tachao adua phi turaga yonbana henna kannagani khanli adubu fi tunaba potchei adu mamal yamba aduda leiba ngamloidara haina toubani.”

“Thoujal nang adugi karishu waganu tachaona thabak shuba chatlibashi nakhoigini. Ei handakti peisha khara shuba watkani aduna mathang lakpada eina nanggi fi tunba potcegi adu loinamak shunaba leirak age.”

“Hoi tachou.”

Ashumna machin manao amadi mama mapa punna yamna nungshinana wari watai kaya shanaduna yamna nungshina leiminnarammi.Mathang nongnganbaga pari mamaga machanga changduna chak eshing ngantana loishinlaga chak charaga magi thabak maphamda amuk chatlammi.
Aduga magi thabak maphamda changduna potchei yonlammi.
Keshona parina potchei yonduna leiramba aduda yamna ngakna hairammi,
“Ahh pari nangdi karamkaida hanlakleba.”

“Pabung ei ngashi ayukta lakpani.”

“Nangdi ngaraangda chatkhibada ngairi numit kharaniga yumda nungngaina potharaku yadabaro.”

“Pabung shidashu ei kari amata wadeda.”

“O phare phare adudi nang yumda chak chaba khara nganna changlako.”

“Pabung ei chak charaka.”

“O phare phare adudi nanggi tougadabadu toujahouro.”

Pari lakleba mishing adubu harao harao makhoigna leiningkiba potcheishing adu hangduna yenghanlammi.
Parigi wakhalda mana potchei yonba yaoba ashinadi manao nupagi fi tubagi potchei leibadi khara wagani khanduna ayuk nungthildana keshogi potphamda potchei yonba yaoraga nungdanggi matamdana lambi nakanda sha thongba yonba yamna chaoba potpham amada yaorammi.

Parina nungdang nungdang migi chaki potphamda yaoba ashi kana amatada khanghanlamde.Ayuk nungthildana yumshabagi potchei yonlamlaba matungda nungdang hek tabaga migi chak yonba yaojarammi.
Ashumna ayuk nungthil amadi nungdanggi matam amata manghandana peisha tanba ashina shel kaya ama phangba ngamlammi.
Parina awaba kaya khaangduna manao nupagi pot hei einaba haina hotnajarammi.

Nakan amaromdana Leihaona paribu nongma nongmagi nungshiba henlammi.
Mana karamna paribu phagani khanduna leirammi.Parigi wakhalda leihaona ashumna khanlamgani haibadi karishu khanlude.Adubu leihaona mangonda yengliba mityeng amadi touriba maong matou adu yamna heinaramde.Ashina matam ayamba leihaogi manaktagi lapthoknaba hotnajarammi.
Nongma parina potchei yonli ngei maga pot yonminnariba nupa amana kanashu uhandana potchei yaptuna atoppada yondui tourammi.
Nupa aduna touribashingdu parina loina urammi.parina khudak aduda changlaktuna nupaduda hairammi,
“Etao nangna adumna potchei huranladi kamdouna tonggani eikhoigi thagi peishashu wattana pibiri mashidabu nanggi kari pendaba leirage.”

“Etao nangna khangdabagi toubani.
Mamma keshogi nupidu yamna touba ngambi nupini mamma keshodi magi nupigi makhada leibani aduna eina hurange haina huranlibani aduga etao nangshu chekshinlu leihaona nangbu nungshiribadu chekshinlu nang shoidana awaphamda tajani.”

Pari nupa aduna hairiba wa adu wakhal taramde adubu mana leihaogi magun khara khangbana yari makhei leihaodagi lamthoknaba hotnajarammi.

Nongma parina nungdang chak eshang yonduna leiri ngei matamda
Kesho mamannaba kharaga potpham aduda changngaklammi.
Paridi changngakliba nupa adu keshoni khangjaramde aduna parina makhutta chak enshang paiduna puthokraklammi.
Kesho amadi pari makhoi ani amana amabu ubada yamna ngakna yengnarammi.
Keshona parida hairakei,
“Ahh pari nangdi maphamshida keidourammiba.”

Pari ngaihak khumpham khanglamde adubu mana keshogi maphamda minamba pamdabana magi ashengba wari pumba lithoklammi.

Keshona parigi mabukchel shengba mama mapa machin manaobu ningjabagi matou adubu thakgakpirammi.

Ashumna parina tumba chaba khangdana hotnabagi maheina houjikti manao nupagi potchei adusu leiba ngamlammi.

Parina potchei adubu mayumda puduna lakammi.Thoujal amadi mama mapa parina adumna potchei mayam ama puduna lakpa aduda yamna ngakna yengduna leirammi.
Thoujal mayambana pushinlakeba adubu chengshinduna mayumda thangminnarakei.
Eboyaimana parida hairakei,
“Pari nangdi ashuk yamna mamal yamba potcheishing ashi karamna leiriba.”

“Paba eina pabung keshogi potphamda yaoduna potchei yonbagi thagi phanglakpa shelna tongshinlaga leibani.”

“Adubu nangna ashuk yamna mamal yamba ashibu leidrashu nanaopadi migi fituphamda yaorabashu yai.”

“Paba eikhoi thoujalna yum ashida phi tujarabadi madudagi phanglakpa shel khudingmak mashagi oigani aduga migida yaoba haidudi mana wana tujaraga shel kharadagi henna phangloi aduna ashida tujaradi manashu tanshinlak einashu tanshinlakabadi emungshi chaokhatpa thugadara haina khanli.”

“Chummi chummi echana hairibadu echa etomta shubanadi emunggi awat apabu menlingei yumgi kari amata phouba tongshinba ngamloi daribani mi ani shuminnabana amana tanshinlakpaduna emungda changkharabashu amana aremba oigaduribani.”

“Hoi paba.”

Numit ashidagi thoujalna magi heijaba maheishing adu shijinnaduna phajaraba phi kaya lonlammi.
Thoujalna shemdokrakpa phi khudingmak mina amukta phouba shaba ngamnadaba hek yengbada mina pamnaba phi kaya shaduna keithelda mamagi potphamda thammaga shanareina yonba hourammi.
Mipum khudingmakna thoujalgi phajaraba phi adubu ubada pamdaba kanashu yaoramde.

Houjikti pari amadi thoujalna mapa mama anina engkholda yamna wana thabak shuduna eshang napi thaduna amuk keithelda yonbagi thabak adu tokhanlammi.
Houjikti shanareina keithelna maphi maron nalna shettuna macha nupana sharakpa phishingdu magi potphamda phamduna yonlammi.

Parishu magi manao nupagi phishabagi thabak adu yamna chaokhatlakle tabada haroujarammi.
Hannadi parigi emung wabana khamthenglambani adubu houjikti shelgi awaba kharadi koklakammi.

Nongma parina potchei yonba hanlakpada leihaona mabu koushinlakammi.
Matam adu kesho amadi machashingshu yumda leitabagi tanjani.Mashigi tanjashi louduna leihaona paribu koushinduna maga chenlashi haina parida takshinlammi.
Parina leihaogi adugumba wahei adu tabada yamna heinaramde mana leihaobu mama amagumna khanli haina phajana haijarammi adubu leihaona parigi wahei amata tadana mana thokpa ngangduna leirammi.
Ashumna leihaona parida namhaduna maga chenlashi haina hanjin hanjin taklammi.Leihaona ngashaidagi parida hairiba washingdu keshogi yumgi thabak engkhaang touribi nupi aduna loina tarammi.
Mana taba yaba taraba matungda leihaona mabu ukharabadi mashu shoidana awaphamda tarani khanduna magi thabak enkhaang thuna loishinduna chatkhi.

Tanja aduda kesho amadi machashing punna hanlakammi.
Makhoina leihaoga kada mi amaga leiminnare haiba khangbadagi kada keshona yamna shaona changlakammi.
Leihaona magi nupa changlakpa aduda yamna pakhatlammi.
Magi maral adubu lotnaba
Karishu khangdaba shaduna parida enthoktuna magi nupagi manakta chenshinduna parida maran kaya shibirammi.
Pari keshoda ashengba warishingdu haijarammi adubu leihaona paribu aranba tahanbirammi.
Kesho yamna shaona parida cheiraklammi,
“Pari nangna ashigumba phattaba wakhal lonshingshi chenlamgani haiba eidi thajarudabani adubu nangdi yamna lamchat phajadaba angang ama oiramle.
Phamba chanlaga hippa chanli haibaduni eina nangbu thajarubagi maheini nang eina lemna tharoi.”

“Pabung nachabu amuktadi thajabiyu eina emada aranba mityeng amata yengkhiba leite eibu thajabiyu.”

“Taningde lawai macha nang houjiktada nanggi narandu kupshinnaba hotnajaribanine”

Keshona parida cheiba yaba cheibiraba matungda keshona paribu nupinahada phattaba lichat chatli haina maran shibiduna tha 8 keishum shangda leiba tarammi.

Parigi mama mapa amadi machin manao parina ashigumba thabak touramgani haiba thajaramde.
Adubu keshona mamannaba eboyaimada yamna thina nganbirammi,

“Etao nacha adubu lamchat shajat phajadradi karigi migi mayumda thabak touba lakhanlibano.Nacha phouba phajana lamchat shajat shemba heitaradi hatpikho yadabaro.”

Keshona cheiba yaba cheibirammi.
Houjikti parigi mama mapa amadi machin manao punnamakna parida yamna shaonarammi.
Parina keishumshangda leiba matamda magi mama mamapa machin manaoshingbu yamna uninglammi adubu makhoi amatana maga unaba lakpiramde.
Parigi thamoida makhoigi emunggi mi amatana mabu unaba laktriba ashibu karigino haina khanduna yamna wakhal nungngaijaramde.

Ashumna pari maran shunglei leitana keishumshangda tha 8muk leiraba matungda thadokraklammi.
Pari mayum tamna yamna nungngaina lakammi.
Parina mayum yaobaga mama mapa amadi manao nupa manao nupi makhoi punna leirammi. Mahakna yamna haraona makhoibu ubada changjarakei.
Adubu makhoi mayamna paribu ubada machup leithoklammi.
Eboyaimana parida hairakei,

“Nangdi mapham ashida keidouba laklibano nangbu mapham ashi oktaba migi leiphamliga khanlurabara.”

“Paba kari wano nachada haibiriba mayamdubu nachashu khangei paba hoina eibu lanna louramgani haiba adubu paba ei karishu lande eina wari ashengbadu lijage.”

Parina mangonda takhiba dasha adugi maramda shengna haijarammi.
Parina phanayamna haijarabashu makhoi amatanadi parina hairiba shingdu thajabiramde.

Houjikti pari magi emung phaobana thajabiraktana aduda yamna thamoi shoklammi. Aduna mahak mayum thadoktuna wakhal nungngaitana mapham marang khangdana chatlammi.

Shanareina machabu nungshijarammi adubu mapuroibana yadabanina mana karishu haiba ngamlamde.

Pari engthamthagi engkharaba numidang aduda lambigi mataida phamduna engba khaangjarammi.Shanarei macha paribu kadaida leiramgani haina khanjabada yamna wajarammi.Pari migi aphang aphangba thabak khudingmak shurammi.
Nungdangdana keithelda migi potchei shangduna shel tanlammi.
Karigumba matamda parigi wakhalda mana shuriba tanliba peishashing ashi kanagino eigine haibada kanashu amata leitare eibu hinglubagi kari kannakhidara haina khanlakpashu yaorammi.

Ashomdana parigi emung yamna phibam shoklammi.hannadi parina thabak shuduna emunggi awatpa amata leihanlamde adubu houjikti thoujal mathantana phi tuduna emungbu phajana puba ngamlamde thoujalshu houjikti wamandana shaoningba phaoraklammi.

Keshogi yumda thabak touba yaoribi nupi aduna keithelda lakpada parina keithelgi nakanda maphi maron shegaiba shettuna kabok matum khara pairaga chaduna leirambadu ubada yamna nungngairamde.
Mana parigi manakta changshinduna parida hairammi,
“Echegi pari nangna tourammiba matou ashibu karino echeda amukta tammu.”

Parina machemakni khanduna chingnaba leitana loina tamlammi.
Nupi aduna parigi warishingdu tarubada yamna nungngairamde.
Madi leihaona paribu aranba tahanba numit adudagi yum adudagi thabak shuba tokkharabani.
Nupi aduna parigi awabashingshi yengba ngamdraduna keshoda ashengba waripumba tamduna khanghanlammi.
Keshona warishingdu tarubada yamna shaoninglammi mayumda chattuna leihaobu phurammi.
Leihao nahan makheidi mapuroibabu karishu leitana khanlambani adubu houjikti mapuroibabu kiba phaoraklammi.
Leihaona mapuroibada ngakpiyu haina haijarammi keshona yamna shaona hairakei,

“nangna karishu maral leijadaba echa paribu maranshibiduna houjikti mayumdagishu tanthokpikhare mabu kadaida leiramgani nangna khangba ngambara eina etaogi maphamda hairoidaba kaya haikhare nangna ashuk kuina tinarakpa etaogi maribu thadathanbire nang houjikmak etaogi makhong konduna haijagadabani.”

Mashi haiduna keshona leihaobu eboyaimagi mayumda puduna laklammi.
Eboyaima keshona adumna lakpa aduda kari tourabano haina pakhatlammi.
Keshona eboyaimada makhut ani lonnaduna wari ashengba pumba liduna khanghanlammi Leihaona eboyaimagi makhong paiduna mabu amukta ngakpiyu haijarammi.Eboyaima amadi magi nupi machashing punnamak pari maran leiramdaba aduda makhoina yamna thina cheibi nganbiduna mayumdagi tanthokkhibadu yamna ningngammakkhide.

Thoujal amadi eboyaimana paribu keithelda thabak shuba yaohouwe haina leikaigi mina ngangnarakpadagi thiba lakammi.Thoujal amadi eboyaimana parina migi potchei thangduna leibadu ubada mamittagi mapi taduna yenglaga leirammi.Makhoi anina parigi manakta changshinduna makhoibu amukta ngakpiyu haijarammi,
“Epagi pari nang epabu amukta ngakpiyu epana migi wabu thajarubadagi echada yamna thina cheikhare nang epabu amukta ngakpiyu.”

“Paba nacha karishu shaode tokpiro kappadu.”

Thoujal amadi eboyaimana paribu mayumda puraklammi.
Shanarei amadi mishnana emungdagi mei puthokraktuna paribu emungda changhanlammi.

Numit ashidagidi parina magi hannadagi tongshinjarakpa shel aduna engkhol ama leiraga mana mashing heira kaya thaduna yamlaba shel kaya ama tanba ngamlammi.
Ashumna parigi mapalna makhoigi emung awaba amata leitana yamna nungngaina harao harao panlammi.