Mamangeigi matamda apikpa khungang amada yamna nungshinajaba pakhang leisha anikhak leirami. Makhoi anigi mingna tampha amadi korou haina kourami. Tamphadi yamna lairaba emungi machani aduga korouna yamna enak khunba emungi machani. Makhoi ani ashe emungi fibamda khetnaba tarabasu amana amaga yamna nungshinajarami. Khun leikaigi mioi amatana makhoi anigi mari ashibu khangdaba yaoramde. Adubu mashi pumnamak ashigi mataina korougi mama leihao amadi mayum pan khangdabi mache leirang aninadi koroubu tamphaga loinaba adu pamlamde. Makhoi anina tampha ashe lairaba emungdagini haina yamna hanthana loubirami. Adubu korounadi mama amadi machena hairiba adu karisu tabiramde aduga leptana adumak tamphaga loinarami.

Nongmasu korou tamphaga unaba chatnaba mafi marol adu nanna setuna shem sharaga leirami. Matam aduda leirangna manao nupagi manakta changlaktuna hairake “ehh makega shemliduna kaida chatuiba.”

“Keigino echena adu hanglidubu thabak amata chatke toubani.”

“Haii nangi thabaktu ei chap chana khangi adunane nafi narolgado hongdoklaga tumina leiyu aduna nangi afaba oiniko.”

“Keino eche mina thabak chatlamdai khudingi echena adumaina adum koithat thatlishibu keigino.”

“Eigishe nangonda yamna thatningduna thatlibanine hahh eikhoina haiba adu enlagabu ashumaina toukhidro. Nangna chatuido chumna nangi marup mapang thengnaba aduga eikhoigi touriba karbar ashigi thabak chatpadi natlamloine nangi laira chudatnabidu unaba chatui oiramganiba.”

“Eche keigino nanga migi machadu wahei khudingi adumaina hek hek hairidu . Laira chudatnarasu madu shananine shana. Aduga eina chatuishe eigi toujariba karbar adugi thabak thouramshingdu loinamak ningthina yengshinjaramlaga chatliba. Mashida echena shum pangangda nganglishe keigino. Hoo laira chudatnabidu unaninglaga unagani unaningdrasu tokani maduda echena yamna yengshinlakanu.”

“Eshh kayadanone shee enaodi chaorak shanglakle kaina nache eina ngangbagase chinthakta khumlakleneko. Feii feii nang emada haigeba khangnidana nang. Hoo ema hoo emaooo taribro nacha nupa ashe madugi laira chudatnabi adu unabada chatkadui touraga leire amukta lakohh.”

“Haii haii ebungo keino nachena hairishe nangne kaidano chatkadui tourido. Adugi nupi aduda loinaranu haiba ashe nangna shukya yadrishe karigino. Adugi mahutane nangna touriba thabak aduda mai adu onshinlo haiba natro emana.”

“Ema thabaksu ashuk fajana pangthoklishidi. Eibu nongmada thabak mayam ashibu yengshindaba toudaba numitka yaokhrabo . Pabana thambiramba lou engkhol aduga potfam mayam adugisu mathakta karbar makhal makhal mayam ashe eina loinamak hotnariba natro. Aduga keigino noi mayamna shum eingonda nganglishe. Aduga echega nangana tampha eikhoi ani loinabada ngangliba adu toubiganu. Mahakti nachana punshi khongloi oijarage haina khanduna nungshijakhrabani. Aduna ema hoina fana thingdunasu eina yagadaba leitre ema.”

“Ebungo nangbu chaonaba yoklakliba nama amadi nache eikhoi anidagi ngarangda thengnabi lamlanbi aduna henna lurabro hahh. Humm madugi laira chudatnabi pu pang shudabi adu kari maheibu paibane khangdene echa ashe pangshum hek shumkhidako.”

“Ashh ema eine thabak chatlamdaida adumaina echega noina dhao adu thatpadu toubiganu haina kayarak hanna haijabani . Shee nacha thengle amuk chatlukhige.”

“Tourishe yengune haii eidi haibide hairishine nupi aduga loinaba adu yamna thuna tokchouko. Adugane eiga yamna luna tinaba enak khunbi emanabi amagi macha nupiga nanga luhongnaba hainaradabaniko.”

“Ohh hainouro hainouro noidani chapadouba eidi karisu khanbiroi. Eina tamphabu kok pushinlakladi nakhoidani thouram yamna shinba heibei chopadouba.”

“Humm eibu kamaina ngangani tourishidi eishe thawai ashe chakledako. Haii leirang nate nanao nupa ashibu kamaina toushige ebema. Managa madugi tampha haibi nupi adu yum ashidaga punshinlaklabadi emadine shibaga chap manaduine. Leikai miyam mamang ashidsa ekaibana loiduine. Mina enak khunli shenjao paiba emungni haina ekai khumnabiriba pumba loina mangkhrani. Ohh eigi echa nupa ashe fatkhidredako karigino haime mana adugi laira chudatnabi adubu aduk yamna pamlurishibu.”

“Ema madugi nupi macha adu emanabishingna haibadasu maiba maibigasu yamna yengdanaga tou malle. Adunane eidi eikhoigi korou ashe mana mahei potshemga touraga fakhrabara haina khalline. Eidi yamna chingneibu ema yengune eikhoi korou ashe hannadi nupi adu khangnadringeidadi eikhoina haiba wa khuding adu endunata lakliba natro. Aduga nupi aduga hek khangnakhibadagi eikhoigi ewaga amata loubikhidrishe emabu kari amata khandabraba.”

“Hoinehe ebema emadi madugi wakhalbu shuktou tourudrenehei. Humm eikhoisune kana kanano aheiba maiba maibi khara tanaduna nanao nupa ashe nganlingei ashida kari karino khara yenghoudradi mashi afaba shukoi oiraroi.”

Nakan amaromdana korou nungtigi magi thabak hek hek loiramlaga tamphabu unaba adum laklami. Makhoi anigi mari ashe tamphagi mama lukhrabi thoibinasu khanglami. Korougi mabukchel adubudi mahakna shengna khanglami adubu mahak enak khunba emungdagi oibana macha nupi ashe makhoigi emungi mioishingna pamlamloidra haibagi chingnaba adudi leitaba nate. Aduna nongma thoibina keithelda yolunaba pot kharabu shemduna leina leina ashumna hairake”ebema nangbu chak adu loidribaro.”

“Loire ema adu hayengi keithelda yonlunaba kari kari shemgadaba watlige eisu khara shembirakeshe.”

“Ahh ayambannabudi loireda adu maroi ashe khara manlakohh hayeng bora hounaba. Adu nangne ngasidi emaga wari khara shanashiko.”

“Umm yaiye ema kari warino .”

“Yengo nanga korouga loinaraklishe fanadi kuire . Emasu nakhoi anigi mari adubu thingbadi nate adu migi macha dudi enak khunba emungdaginido aduga eikhoina lairaba tolaba emungni adunane hayeng makhoigi ahalshing aduna echabu miraibigadra haina yamna pakhatline.”

“Hoi ema emana hairidusu chume adu eibu kari tou haibano ema . Houjikpu leikai mayamnasu khangnaraba ashida eibu korouga loinaranu hairibro ema. Nacha madumadi ngamgadaba mande einadi koroubudi yamna nungshijarure ema.”

“Hahh emasu khangi aduga korou ashidi afaba mine mana nangbu shoidana luna channa toubigani . Adubu mahaki mama leihao adudi achao aram kabine . Aduna hayeng echada shoklakadra khanbagi wane. Adu farese korounasu nangidamak leplakpasu yaida mashida thoina khandasi. Adubune nang makhoigi mama amadi mache adudagidi khara chekshinluko. Makhoi ani adu yamna touba ngambi nupiniko.”

Ashomdasu leihao amadi leirang anina maiba maibi kaya amabu tanaduna tamphada potshem kaya ama toushinaba hotnari. Mashigi mataida tampha amadi koroudi ashuki matik nungshinaba henlaklami. Aduga houjikti tamphanasu leihao amadi leirangna mahakpu korouga loinahaningde haibasu khanglaklami. Aduna tampha adu mathwai yamna nungaitana korouda hairaklami “hahh korou lairaba haiba she fajafam leitaba jatniko. Eshana shengna nungshijaba mishak aduga faoba ening ekha tamna nungshinajaba faoba hek fangde eikhoishe yamna tolle.”

“Umm amuk houraklabra nangi hounabi adu nangonda kanana kari hairaklageba emaga echegadi adumaina adum toudanada leirabani. Makhoina nangbu pamde pamde hairishe eina nangbu yum aduda mou oina hek pushinbadane makhoina yadabaga yapote. Maraina adum yajakhradabani makhoigi hounabi adum pangangda nagngkline. Nangda tashinbiruno nangidamaktadi eina echao chaona leplishidi.”

“Umm nangnabudi eigi damak lepigani haiba eisu khangida adu echega emaganasu eibu yabirabadi amuka henna nungaiganidana aduna shum haibane.”

“Ashh nangshe eche hoiga leiminagaduiro natraga eiga leiminagaduiro hahhh hairakohh amta.”

“Keino leibabudi nanga leiminadradi keino.”

“Adu oiradine wadu yamna nganganu tumina leiyo eina thokpa ngamnaba maiyoknagani. Houjikmak hekta chelashiro humm haigumdana ngasise numitsu yamna feii aduna ei nangbu puduna ngasidi chatlage.”

“Keino amuk touraklishina yamna thujinlakhinuko ei matam khara leikhini “

“Yare nangi matam khara leiba adu kuimanle haishu haibani nagsu khara khanlo eikhoi anina loinaraklishe kayam kuire . Kuina nunshinarakladi miwa changlakehh haiba adu kaoganu. Aduna eidi nangna yagera yaroira ngasimak nangbu puduna hekta chatlani eidi.”

“Wathi waremdu khit tourakhinu ei ngamkhiroi haibaniko.”

“Karigi ngamoideino eidi nangna ngasi chelashi hek yadaba taradi tuu ashigi turel ashida chongthaduna shigaduine.”

“Eshh dhapkadi yengune nangdi eroiba hei dainne aduna turelda chongtharasu keisu shiroiye.”

“Oii eroiba heirasu eina eroidrabadi tuminna adum eshing manung ashida lupthakhiduiba khangbra. Fagi nate eidi nang ngasimak puraga chatlani haishine.”

Ashi haiduna tamphana yadrabasu yadana namduna makhoi ani ngasi chenlami. Korouna tamphabu mayumda puduna lakpa aduda leirang amadi leihao ani adudi saoningbana loikhre. Aduna korouda yamna thina cheiba hourklami “korou keino nangna tourishe eikhoina pamde haiba nupi ashibu yumdaga pushinlaklishibu keigino hahh. Nangbu nupishe natradi atopa kana amata leitrabara haime ebungo. Humm tourishe yengune mashigi nupi ashe mamit managa tukthashinaraga tourishe.”

Ashi haiduna tamphagi manakta thunamak changshinduna fammi aduga hairake “ebema emadine wa lotpa ashe yamna henade aduna hekta koidana higeko.”

“Umm haibiyo ema .”

“Ahh eigi echa eshe emanadi noigumbi laira chudatnabishinga ashumna loinaba she paamdabani. Adu houjikti nangsu echaana pamle haina puraklabanina karibu touruni. Hahh adu nate nangbu nangna hingjanaba karino ama toujabana shel kharasu pirage nganlingei ashida miyam khangnaraktringei nangbu yumda thinbiragedana.”

“Keino ema nangbu ngaoraba migi macha ashe eina mafam ashida chelaga purakline. Aduga amuk thindoklurage hairidu karigino. Humm ema nangshe nupinine ko nupi ama oiraga nupi amabu aduk hanthana loubiridi keigino. Mibu shelna hekta leiba yani haibagi wakhal adu thadokpiyo . Mashe hanna laira jaramlasu jaoujikti eigi nupi haidu oidourbanina shenjao paiba emungi mioi ama oiraduine.”

Tampha korouna magidamak lepiduna adumna mamada haiba aduda magi wakhal adu kharadi chaothokchei adubu mahak mathamoidadi leihao amadi leirangsu kiribani. Ashumna houjikti makhoi ani luhong keihongdunasu leiminaraklami. Matam ashida leirangi mama macha changduna tamphabu ashuki matik yamna otpirami. Cheidrasu yaba ngangningaisu leitaba thabak amadasu kari karino kadai kadaidagino puthoktuna hekta chei hekta ngangi. Nongmasu koroudi magi achinba thabak khara leibadagi thabak adu ayuk ngantana kakhre. Aduga tamphasu emungi thabak khara touraga leirami. Matam ashida leirangna yahou etheng thengduna hougatlaklaga thabak touribi tamphada hairake “eshh hek yahourakpaga dhao yaroidabi ama hek thengneida. Nate eina haidi eishe hougatlaktoure hairadi machi marum amada ngaihaksu chanshinduna leiba yabro. Hahh nangishibu eishe mi uitriro hahhh hiyune nangishe mi ushitribaro haibanida.”

“Natiye eche eidi thabak touringeida eche hougatlakpa adu uhoudre eibu waroubiganuko.”

“humm laira chaudatnabishidi nayumda nama lukhrabi adunadi kari amta takpi tambiraktrabanina karimta khanglamlaroine. Yahourakpada asi tougadabani ashimana touganu haiba adusu kari amata takpiramoi. Chatlo nashaktu yengninge houjikmak cha thuna lolaga puthorakohh.”

“Ahh adu eche chaksu loirabani chakto oina cahthoklagera eche ei thiraklage.”

“Hee eina hairidu nangi nana adu tahoudabro hahh. Ei chak chage haiba nate cha thake haiba natro. Thabak ama toubada hanjin hanjin ngangnahalle chatlo cha du fat fat lolaga puthorkohhhh. Adugane shangomsu nang nang laoba makhei hapakadabaniko. Karigumba mahi adu churang churanga touhanlaklaba namai aduda heijingadabani khangu.”

Nongmasu leihao adu leikaigi mache amagi mayumda chakto mabuk pik thanna chathoklaga mayumda hanjinlaklami. Aduga mana wakhaldasu ashumna khanduna laklami “humm madugi laira chudatnabi adu khanganidana ngasidi mahak eina keidouge yengo mamai aduda enshang adu heijingeba.”

“Haiii tampha taribra nangbu chakto mangol ashida thangdorakuhh eine chak lambana loirabani .”

“ Hoi ema thangdok charaklage. Ema shee shida leire .”

“ Ehh kei enshangno shidi shougri natra shibu. Humm shougribu kanana chajaruni haige shee nang hek chao.”

“ Ashhh ema …”

“ Khangbra nang shugumba enshang ashe ahh noigi laira chudatnaba emung aduda chagadaba eikhoida chanade khangbra chatlo nashakto yengningde. Hee ngaikho eina ngasi namaida enshang heijinlido mashidi karisu leiba nate nangna shum nanam adu kanduna napamdaga chatkhro haiba yadrabaninane mashidagi henba kaya kayani eina tourakduishe khanguko nang.”

Numit adugi numidangni korouna mayumda halakpa matamda magi nupigi mamaida meina pokpadouna engang ngangkhatliba adu urami. Maduda korouna hairake “ahh tampha keidourino nangi mai adudi haa keidourageba.”

“Ahh ahhh keino keidourage haishibu.”

“Ashida ngangkhatlishe keidourage haibani.”

“Hahhh ahh ohh ngasaine eina nga ngoubada thao chongkhibani adugi oiriniye.”

“ Hahhh nang eingonda wa lotladuiro madu thao chongkhibagi nate haiyu ashengbadu eingonda hairakohh nangidamak ei leirishidi kana kiri tourino haiyushe. Karigumba nangna eingonda minamlakladi eikhoi anigi mari ashe ashum ashum lapthoknarakani.”

Mashidagi tamphana ngasai thokhiba thoudok adu mapuroibada lijarami . Wari adu tarubada saoraba korouna emung adu erang touba houraklami “ ema emaooo keino noina tourishe noibu saro miro.”

“Hee eina keidourage nama eingondabu adumaina ngangliba nangbu karamba minonehei.”

“Nate karigino ema hoina ashuk yamna fatrishibu tamphana noida kayamuk yamna kaikhrage amukta haibiyo.”

“Kaiba kaidaba eikhoi khangde eikhoina mashe shukpamhek pamde aduna otke yaona otlibani.”

“Ohh fare fare noina adu youna fatlamloi haiba ashe einadi khanludabani. Aduna eikhoi animak ngasidagi yum ashe thadoktuna chatkharani. Echega emaga noi ani yum ashida nungaina naning touna panbihouro. Adugane ema einadi nakhoi anibu shiraba faoba hannaa yenglaklaroidabani khangbiyuko.”

“Heimaaa ebungo ngaikhoshe adumna haiba hounade emashe ahalsu oirakle aduna ahalgi hounabi adu toururiba oirini echene emada wakhal tanaba haigeshe. Adumainna yum thadoklaga chatpa hounade. Tampha koroushe amukta khamjinlu eikhoine nangi nafamda yamna lankhre.”

Mashidagi tamphanasu koroubu themjinlami. Numit adudagi leihao amadi leirang ani adu makhoina tamphabu fana nungshidrabasu matam kharadi nungshiba saduna leirami. Adubu makhoi anina nakan amaromdasu atopa fataba lambi kaya amasu shinlibani. Leirangna mama ebema leihaoda hairake “ ema einena maiba aheiba ama tanaduna loirabani. Mashigi tampha haibi ashe mamita macha amata uhandanaba eina shinlabani. Adugane machabu yaodradi eikhoi korounasu adum tapna tapna enthokcharaklani. Aduga eikhoinasu macha yaodabagi namada mabu thina thina adumak touba yarani . Mashidasu natana mabu yumdagi tanthokpa faoba yagadouribani.”

“Umm adudi yamna faba wafamnine ebema adu ngaikho nangna tanaruriba maiba adu kaidaginone. Hayeng eikhoi korounaga khangnarakloidra haiba.”

“Khangloi khangloi ahh thangnaba leibaktagini adugane karigumba korouga maga khangnaramba thoklasu shel khara piraga magi machin adu menshinkhra loirene ema.”

“Onthoknasu shingkhredako emagi ebema nangshe adudine kanade matam manghanba fate hayengmak ema echa chatuna maiba aduga akupa marol adu tanathoklurashi.”

Mathangi numitni korou hanagum thabak chatkadabagi ayuk nganna shem shaduna leirami. Matam ashida leihaona hairake “ahh ebungo nangbu thabak chatkadourabro.”

“Ouu ema chatoure adu kari haininge ema.”

“Humm keisu hainingdeda adu nangne ngasidi ahh khara thapa eikhoigi thabak mafam adudasune khara youshinlakohhh. Emagi mangdane maduda thabak shuriba mioishing adu awa ana khara tabadouna urami. Adunane nangna amukta yengshinbirusho.”

“Hoi ema eina ngasi chatuishisu adugi thabak mafam adudane hahh mafam aduda chatuna yenshindabasu chayol amarom fare haina ngasidi yenglurage touribani.”

“Fareda adudi aduu ebema tampha nangbu ebungogi chaka pijakhrabo.”

“Ouu ema charabani.”

“Fare fare adudi ebungo nangne ningthijana chatluko aduga yariba makhei ngannasu hanlaknaba touko.”

“Hoi ema .”

Ashumna korouna hek chatkhibaga leihao amadi leirangsu mafi adu prap prap hongdoktuna maiba adubu tanaba chatkhi. Makhoina chatliba adu tamphadadi karisu hairamba nate aduga tamphana hanglurabasu paokhum pibiramdana adumak chatkhi. Makhoi anigi matou aduda tamphasu khara ngakchanabadi faorami aduga mathamoida khanjarami “kaida oira jatno emaga echegana chatlishibu eina hangbasu khumde. Ashh eidi moi ani ashe ekida ki hanadagibudi houjikna khara farabasu eidi makhoi anina eibu houjiksu nungshiramgani haiba shidi thajaba ngamde. Hahh adubu mashi pumnamak eina kiduna pangkhanda khanjinba oirambasu yaida.”

Ashomdana leihao amadi leirang ani adu maiba adugi manakta youraduna makhoina pangthokningliba thabak adubu loinamak maiba aduda haidunasu khanghanlami . Mashidagi maiba aduna amuk hairake “ahh ebema nakhoina hairiba thabak adu khuta khara changadouri adunane sheldi khara matik chana touko.”

“Oja maiba madugi oiradine karisu khanbirunu ojana haiba shel khudingmak amata watana pijage houjikmak hekta thanamu hairasu thamjaramge. Eikhoigi haibabu eikhoina haijariba thabak ashitadi shoihanbinu.”

“Ahh fare fare adudine ei houjik lai khurumba hourageko. Aduga nupi macha adugi maming adubu kari haibanone.”

“Oja tampha haibani.”

“Umm ahh adugane nakhoibu nabukning changna thounijou nakhoina fajana thounijabagi matung enna nakhoigi apamba adusu thungadouribaniko.”

“Fagani oja.”

Ashum touduna maiba aduna lai khurumlabagi tungda komla amakhak tamphada pijanaba haina piraklami. Mashidagi leihaona komla adubu louraga maiba adugi dhakhina adusu mahakna piyo haiba shel adumak piramlaga halakle. Aduga makhoina halakpagi lambida keitheldagi komla khara amasu leiraklami. Matou ashumna mayum yourabada tamphana chingnadanaba mawongda mahakpu komla adu pijakhre aduga leihao amadi leirang anina makhoina ngasai keitheldagi leirakpa komla adu oina tamphagi mamangda chashinarami. Matou ashumna leirakpana houjikti chahi 5rom fajinlaklaba faoba tampha mamita macha uba fanglamde aduga houjikti leihao amadi leirang aninasu tamphabu macha yaode haina thina thina toubiba houraklami. Nongmasu korouda mama amadi machena ashumna hairake “ebungo nangi nupi ashe kamaina toushige chahi 5a fajinlakle ashi faoba macha amatasu yaode nate noibu ashumaina ashum touba yadouribro hahh . Emagidi echa nupasu nathantani aduna sageigi ehh haiba amasu lei nate eikhoibu chada nouda gaidu shandoktrabadi kamdouna tougadouribano.”

“Ebungo emana hairishe achumbani eikhoisu nangna pamjana puraklabanido haina tampha ashe luna chana touribani. Adubu ashigumba fibam ashe youraklabada eikhoisu tumina leiba ngamlaktrene. Yengba yaba ngaiba yabadi eikhoinasu ngairedana ashuk kuiba shida angang yaodraba shinadi matungdasu angang karisu yaoraklaroi. Adunane nganlingeishida matam leiringeishida karino fagadouba ama tanahoushiko.”

“Ema , eche angang yaodaba shibu tamphagi maralane. Malem ashida mama oiningdaba nupibu leiramgadro adunane magi mamangda adugumba tabada nungairoidaba washingdu haibiganu. Eikhoisu kana kanano aheiba maiba maibi kharasu amuk tanaduna yenglukhige.”

“Hee maiba maibinabu angang pokhanba ngambro hahh nupi ashe lamchat chumdabi mapaptana yomlabi nupi ama oiramgani adunani mana macha yaodrishe khanglabro. Ahh khangde khangde eikhoidine nangshe nupi ama thinaba tourashe hairishine.”

“Ashh ema eikhoi yamna naha oiri matamsu ashuk yamna leirishidi. Karigino ema hoina aduk nanghouroudaba douna tourishibu. Hahh aduga angang yaogera yaoroira atopa nupi amaga eina thiba kaidudi oiraroidaba wani. Aduga noina tamphabu shuknung nungshide haibasu eina khangde aduna karigumba ashoiba amada hekta khudong chaba louduna ngangbasu tourakanu.”

“Heima heima yengune kayadanone shee nangi amadi emungi fanaba hairaga nangna eikhoidaga lanna louribanine hahh. Nangshe eigi ebukthoki echaninehei nakhoigi fatanba eina shingadro. Nangne ebungo emana hairoi haina haidabani nangi nupi ashina hek lakpadagi ei amadi nangi nache ashe nangna mi oina thadre haibase eikhoina khangi . Adubu eikhoidi nangshe echani haina shoiba yade haina khudingmak touribaniko. Adunane ebungo nang emana hairishe wakhaldu munna amukta khanllooko.”

“Mashida wakhal munna khanba khandabagi wafam leite ema. Eikhoigi laibakta echa fangjou haina tamlamlabasu fare tamlamdrasu fare. Aduga maduna maram oiraga eiga tamphagadi kainahanba ngamloi.”

Ashi haiduna korou yamna saona magi kada changkhi makhoina ngasaidagi ngangnariba mayam adu tamphanasu loinamak taribani. Aduna mahaksu wakhal adu yamna nungaijaramde. Adubu magi nungaitaba pumba adu fathaduna mapuroibada amuk hairake “ahh tamo ei wa amata haigeba.”

“Hahh tampha nangna haiduido ei khange aduna nangi wadu hairano. Adugane emaga echegana ngangba washe nangsu thoina tashinluno.”

“Tamo emaga echegana hairidu achumba wafamne. Sagei ashigi chada nouda shandoktrabadi eikhoina hingduna leirambagi kari kanagani. Aduna tamosu ema hoina hairiba adu yabiduna nupi ama thijinana toushe.”

“Humm eina nangbu echa yaodrena nongmata tathi taoina toukhrabo nongmata nangbu nungshiba ashe mayeng takhrabaro. Echa yaorasu yardrasu eingonda nungaitaba karisu leite. Mashidi eikhoigi laibakta tamlambanane adunane nangsu maduda thoina khanjinluno. Adugisu mathakta eikhoi houjik yamna naha oiri hotnaba yaba hotnakhisi aduga maiba maibi kharasu tanashe aduga eikhoigisu echa adu maraina fangjarakani.”

Ashumna magi nupibu themjinbirami adubu leihao amadi leirangna emungda macha yaode haina ngangba cheibadi lepa nate. Maram ashidagi korou amadi tamphasu pothafam khanglamde. Nongmasu mamaga machega khatnaduna lakpadagi korou adu thabak mafamda yamna saona tumina famduna leirami. Magi matou adu ubada mahaka yamna lunna tinana magi thabak mafamdasu thabak shuba yaoduna leiba mamanaba amana korouda hairake “etao keidourage nangbu ngasi ngarang ashe nasha adu yamna saobagum wakhaldu yamna wabagumnasu uii. Nate nangbu tamphaga nungainadaba saonabaga yaorabro.”

“Hahh etao magadi khatnadeda karisu nungainada leite nungainadrishe echega emaga eigane.”

“ehhh adudo keigino haishe echega emagana tamphada otpiba amuk hourakliraba.”

“Umm otpasu otle aduga handakti angang yaode hainasu tamphadi athiba wahei kayane makhoina shijinarishe. Adugisu mathakta makhoi anina eishe nupi ama thinaba hainasu yamna kanna shilibane.”

“Keinone hairishibu nakhoi ani ashuk yamna nahasu oiri angangbu keino maraina yaojarakchani. Aduda makhoina aduk yamna taha tahariduna keigino. Makhoigidubu tampha ashe pamdena maduda khudong chaba hekta louribro haishe.”

“Umm madumakni makhoina tourishe etao. Adu etao nangna khangba maiba maibiga leibro leiradi eingonda amukta takohh eikhoisu makhoiga amuk tanaduna yenge.”

“Ahh leibabudi leiye etao thaina eikhoi echesu ashumaina angang kuina yaokhidedana maduda mashu maiba amaga tanaduna lai tin ningthina khurumbadagi angang adu yaokhibani. Aduna maiba adugi leifam adu ei take aduga tampha noi ani amukta puna chatminaduna yengthokohh. Heraa thoinasu wakhal adu pangkhanda khanjinganu eshorna tamba ama maraina lakchanida etao.”

Mashidagi korougi mamanaba aduna takpirakpadagi mathangi numita tampha amadi korou maiba adugi manakta chatnaba haina shem sharami. Matam aduda leihao amadi leirangna makhoishe maiba maibiga tanakhiba tarabadi makhoina shinkhiba fataba thabak adu khangnarakpa tare khanduna korou amadi tamphabu khamnaba haina hotnaraklami “haii kaidano noina chatkadui tourishina.”

“Ema noina angang yaode yaode haina haibadu yaonaba haina maiba tanaba chatuiba.”

“Ehh ebungo noibu nakhuta shel pairena adugumba mathong maram khangdaba thabak adu touganu haiba natro. Maiba tanaraga angang yaohanba ngami haishe kanana haige. Hahh chinthiba chinthibi kanananone adumaina haijinlaklido. Ahh yaroi yaroi chatkhinuko sheldu pamui hairishine.”

“Keino ema angang yaodrasu yaode haiba aduga yaonaba hotnarasu amuk thinglibanine . Yarese ema eikhoi thabak chakadui loishinlibani aduna adumna chatlamdaida tung mang that thatuna khatanaba houbadu toubiranu.”

“Khatnaba houba natene shelda tinglaga tokani kanaroi haibanine. She she shee angang yaoge hairadine nupi ashe shinlaga atopa nupi ama louraga yaodouba nupi ashe leirimakheidi angang shukyao yaoraklaroi khanglabro. Ahhh aduga noina maibaga tanadui tourishe nupi ashigi mama lukhrabi aduna tanou haina hairakpa oiramnine. Humm emung kainaba shinbi mama adu mana eikhoigi shel ashe manghanduigi tourakliba oiriniba.”

“Ema nangna ashuk yamna fatrishe keigino maral leijadraba migi mama adu palaga amuk nganglido keigino. Tougadouriba thabak khudingmak eina shinlaga eina khudingmak pangthoke touribani. Hahhh ema noine handakna handak oirasu mathangdadi migi lanjadraba ahal lamandu panduna nagngbiganu.”

Ashi hairamlaga makhoi ani maiba adugi manakta chatkhre . Aduga maiba aduna lai tin khurumduna yenglabagi tungda korougi apokpi mama amadi machena tamphabu angang yaodanaba toukhre haiba ashe khanglaklami. Pao ashe tarubada koroudi saobana mei houkhre.Aduga maiba aduna wakhal ngaihal khalabagi tungda amuk hairake “ngaikhone ebungo nangbu kanagi machanone.”

“Oja eishe leikhidraga pibagi macha nupani.”

“Hahh etao pibagi machani haiba adudi nangshe leihaogi machanine ko ohh mana eigi enakta laklamlaga thabak khudinhmak ashe toukhribni. Aduga shelgasu yamna chaona piramkhra potnida. Adubune fare nangi pabung adu eiga yamna lunna tinarake adunane napabung adugi khanlaga epana nangidamak eina toukhiba fatraba thabak adu laida amuk shangtainabirage. Thabak she toubada eigi thawai ashi mangkhibasu yaribani. Adubune mashi pumnamak nakhoigi khalga aduga eigi eral adubu yajaba oina eina pangthoklage. Adugane nakhoisu eina lai khurumlakpa matamda nabukning changna eshorda thounijouko.”

Ashi haiduna maiba adu lai khurumba houraklami. Aduga korou amadi tamphasu mathamoi shengna eshorda thounijarami. Ngaihaki matungda lai adusu khurumba loirami. Adubu maiba adu mashada yamna shontharakpadagi famlambadagi tuge touraklami. Maduda korouna maiba adubu ngakhatporami. Aduga houjikti tamphada shemjinkhiba adusu loinamak maiba aduna louthokpikhre. Aduga laibak fanadagi maiba adugisu mathwai manghoudre. Matou ashum touna houjikti korou amadi tampha makhoi animak anouba asha amaga loinana mayumda halaklami. Aduga mayum hek youbaga korouna tamphada mafi marol adu yomshinaba hairami aduga mashu magi mafi adu yomshinlami. Matou aduda leirang amadi leihaona koroubu khamnaba kanna hotnajarami. Adubu korouna saona mama amadi macheda hairake “ ema noina touramliba thabak adu nacha eishe shikhrasu yare haina eishe hatlambaga chap manei. Aduk fatraba nakhoiga eiga punshi chupa leiminaba ngamloi. Ngasidagi nakhoigi damaktadi eishe shikhre haina louro einasu nakhoi ashe shikhre haina loujarabani.”

Ashi haiduna magi nupi tamphabu puduna chatkhi. Matou ashumna korou amadi tampha makhoigi oiba tonganba yum ama leiduna yamna nungaina hingkhirami aduga matam kharagi tungdadi makhoi anigi nungshiraba macha nupa amasu fangjaduna handagi amukta henna nungshi chanana amadi nungaina hingkhirami. Aduga fatraba leihaogi mama macha ani adudi makhoina toujaruba maral adugi dhandhi oina punshida ningamdaba awaba kaya ama mayoknaduna wana hingkhirami.