Jamuna yamna saona tharoshangi thongal lomda machin adu chei cheiduna changlaklami “madugi tharoshang haibi chinthibi adu khanganidana ngasidi. Mana machin adu kayada thiribanoba ashe hurenga hayenga hurenga hayenga haina adum yeithok yeishin touraga eigi matam ashe kayada manghanlibano. Shel puramdaidana koitan hek tanaraga pukhrinine shee. Aduga shendoi adu piramdaidana mana lot lotana onthoknasu heikhredako tharoshang ebema. Ma ngasidi khangani jamuna etik khanghangeba ma hee hee mi usitaba saradana mana henjinba ngamgadaba jamuna nate haiba ashe ma kaoraba malle.”

Ashi haiduna tharoshangi sumang adugi matolda leptuna koilao laoba houraklami “haii tharoshang tharoshang tabraneheiii ehhh kanagumbi amataga khumlaktene sheee. Haii nakhoibu kana amata tarabro eina ngasaidagi kourishe kana amata khumlaktene shee.”

Mahakna ngangliba mayam adu taraduna tharoshangi macha nupi tombi adu emungdagi thoraklaga hairake “emabok lakpiribro mangol ashida ngaihaktang kakhatpirakohh.”

“Haii ebema ei famba lakpa nate karinone nakhoina khaliba ashibu shel punida khangi shedoi pigani haibadi khangdene noi tha kaya surabage nakhoina marei marada touraga koilei leiraga leirishe hahh. Nama leitabro namadu kouthorakuhh wa chap chabi ama ngangnaduribani ngasidi.”

“Ahh ahh emabok eikhoi emadi leitiye adu handakipudi emana shendoi adu warasu wana pithokani haikhibani.”

“Ebema handak khaktangi pibana yaroine ahh mamang mamangdagi pirakhidaba puthaduna leiriba mayam adusu loinamak pithorakadabani. Nate nama adubu kadaida chatkhrage maga unaraga wari shanadaba yadavani ngasidi aduna ma hanlakpadu ngairaga leirage ei.”

“Emabok eikhoisu piningdabadi nate leimandaduna toubani. Ahh aduga emabok emabudi mamangda fanek ashaba khara yonba chatkhibani hanbabudi hanlaklaniye.”

“Umm umm hanlakhisanu halakhisanu ma ngasidi wa chap chabi ama ngangnagaduini ahh nangi tachouga nanamagadi leitabro hahhh.”

“Emabok makhoidi ahh enamagi mapamda leikhiba yamna kuire.”

“Hahhh makhoidu kari touriba adudana nanama aduna nabung adu hoiraga pukhriba oirinine.”

“Ahh hoi emabok.”

“Humm angakpaniko houjikangi moushingshe. Eikhoina echa eshushing ashibu wana naoyok naokolbiraklaga makhoi makhoigi nupi adu laklaba kandana nupashing adu makhoi makhoigida hekta oikhi. Ahh aduga nakhoigisu emung ashe sendol oihouriba ashe nabung adu luhongbadagi natro. Madugi wafam adu nanama aduna khangdrabasu nabung adunadi khangfam thokpani. Masu nupi mawa hek louraga chatkhribanine. Houjikanshe lukhre lukhre mou khanbadane aduna yeng yengaga khalu haina hainariba ashini. Nakhoi nabung adusu mashak matouda maram okpada leikai ashidadi miyamna pibangambagi matou tamjou haina hainaribani. Aduga nupinena hogai thingaibi ama hek thijinlaktana nakhoisu nungairedana she.”

“ Hoi emabok tachouna khara eikhoigi mateng pangbiramabadi eikhoisu shi youna wajaram loidabani.”

“Aduni ebema ashh nate nakhoigi nama aduna kayam kuina hanlakhiroidaba jatno.”

“Hanbabudi hanlaklaniye emabok adu emaboki sendoi ashibu hanagi puthakhiba makheisu loina piyo hairibro emabok. Ahh adugi shendu shunaba leiramgadaba mandiye emabok eikhoi ema laklasu sendudi kongadaba mandiye emabok.”

“Ebema kondaba yaroi huren nama laklagane shunaba piyo haina haigadouribani. Nahan makhei yengba yaba yenglabani adubu handaktine ei yengba ngamlaroi pidaba shukya yararoi ebema. Ohhh ohh namasu hanlakla malle haii tharoshang lao lao eine ngasaidagi nang hanlakpa ngairibani .”

“Ahhh eche kayam kuirage lakpiba.”

“hahh ebema ngaihak oire nate nangbu eigi shendo ngasidi sunaba piro pidaba shukya yaroiko eine nakhoigi leita lairaba adu ubada hanasu kari amata kanna haibidabani adubu handaktine ei sukya yararoi hairishine.”

“Eche yengbibagi yengbiba matam khajiktadi yengbiro. Eisu echegi toubimal adu koujaba natchade adubu eche leimandaduna toubani. Echa nupa adu luhongbada shi youna wathakhibani. Adubu madu pumnamak adu manadi karisu udana magi nupigi watabu taraga makhoisu chatkhre. Aduna houjikti echa ningol ashiga eigatana emungsu punaba hotnaba aduga migi shendol mayam ashibusu punaba hotnabada yamna ware eche.”

“Hummm tharoshang nakhoine ware haibadu eisu khangine adubudi ebema eisu nakhoigi awaba adu yenglaga kayamdi kuire karisu haibiraktrishe. Adunane handakti pidaba touranuko aduga nangi nacha nupa adusu khara khit henmanli. Nakhoisune namou adu fei fate khangdana hekta nacha nupanabu purakle haiduna hajao hekta langlubagi maheini nakhoina fanglibado. Thabak ama touba haiba ashe nakhoigi nakhuta shel thum adu marang kaina leiraga tougadabani madumasune nakhoi khangjinlu. Ahh adu eigidine sheldu sunaba khara piyuko noi. Adu ngaikhone shel adu karamba kanda pirake hairibano handak thagi shendoi hungadaba numit aduda shunaba piroko.”

“Ahh ahhh eche hanna mamangishing adudi adum puthahankhige handak tha ashimagidang oina pithoklage . Madu natrabadi eikhoi ema echa ashe upai amata leiroidoure eche aduna eikhoigisu khajiktang khanbiraga echena madumatangdi yabiyo.”

“Humm ebema tharoshang ashuk yamna kuiba matam ashe shukpi puraktrabani aduga karigino handaksu tha ashimagi khaktang pige haina amuk hairaklishibu. Mamangisu shunaba pidrabasu tha ahumla marira adumadi pirodana noisu. Humm nakhoine shel louraga shijinagani haibada khangba oina touwiko nakhoina waraba leiraktraba matamda ukan oibikhiba eikhoidagi shel adu matlaga nakhoibu nungaina hingba ngamgadro.”

“Eche eikhoise upai ama leimandraduna toujabani echena eikhoigi awababu kanbikhiba adubu eikhoina karigi kaogaduribano nanao eihak kaojade. Adubu leita laira ashina kamnakhiduna nanaoshe upai amata leitabani. Aduga eche echegi shel adu nanao eihakna fana leijadabagi shendoi hunba adu ngamjadrabasu shel adudi eihakna manghange matke hainadi khanjakhiba leiteko eche. Echenasu eikhoigi awabada kaya ama yengbi haiba nanaosu khangjei eche.”

“Hoo hoo madu khanglabadine nakhoisu madugi chap chana toufam thokpadu tourakuhhko. Ahh eine amuk chatlage aduga tha amakhaki pibadi yaroiko shendoidu tha ahumla natraga marira pigadabani madu natrabadine tharoshang eibu fate haiganuko. Eishe faragadi yamna fabaniko nakhoinasu henna khanglamgani fatalaktradine khwaidagi sathibi nupi jamunani haiba ashe nang ningshinguko.”

Ashi hairamlaga mahak yamna saona chatkhirami. Mahakna hek chatkhibaga tombina mamada hairake “ema emabok ashina hairamliba washibu nangbu ngambu ngamgadouribro.”

“Hahh khangdreda ebema karino upai amara amara yenglaga khara pithokhinaba toudradi kamdouni. Nangsune figadu khara amukta thuna sajinlu adugane emasu thabak ashe kanna shuraga shel adu khara pithoknaba tourashi. Hummm nabung aduna wakhal taba mi ama oiramlabadi ngasi eikhoina wariba ashi youna waramloidabani. Nupi mawa louba nupina haiba ngangbadada chumi haina mahakna chatkhiba aduna emung ashe ngasidi migi mikha ponduna leikha taraba emung haibadu oihanlle. Karigino khangdene houjikangi moushing ashina migi emung ashibu ashuk yamna thugaiba pamliba ashibu. Makhoigumba khara leiba ashina migi maral karisu leijadaba fakhraba mou kaya amasu chenthahanlibani. Adugane haii tombi nangsune hayeng nayum nakeigadu palaba kan aduda nanama hogaibi ashigumna oige kaidi khanganuko nang.”

“Ashh ema kari wangang shangangno ashibu eidi keidoubagi enama dounadi touduiba eidi adumaina karisu toubiroiye. Aduga ema emana houjik hogaibi kaina hairidu migi mamangdadi haibiganuko farasu fatrasu eikhoi tachouna pamjare nungshire haina purakhiba enamane aduna ema migi mamangda fajade mina macha mamou hunlaga ngange haina hainakhiniko ema.”

“Eshh haii abok ahal shabi yare taningdre nangnane makhoigidamak afaba fataba kaina thigatpiyo haidene. Nate eina ngangliba ashibu ngangningdana nganglibro makhoi makhoigi maramchat aduna nganghanbanine.”

“Hoo adubu haiba yumlon keironabashing ashina takhraga fajade tokpiro haiba ema.”

“Karigi toktouribano ngangkhiduri eidi eine ngasi khoidou ashe shum saogatlakehhko ngasi . Humm mayum adudabu chatlaga migi shendol mayam ashe shinglu lao haina lanbu tourushira khangdre. Makhoi makhoigidamak mai paknaba hotnabada ngasi eikhoina wahouribani haiba ashe makhoi khanthadene moi.”

“Ema yarese tokloba lakohh emungda changlashi mina taraga yamna fajadreba tachouga enamagadu nongma wakhal maraina tajarakanishe lakohh changlashe.”

Ashomdasu jamuna adu eshou lang langduna mayumda hanlaklami. Mahakna saona hanlakpa adu ubada mangolda famduna leiramliba mapuroiba feijaona hairake “haii amuk kari toure nachin aduna khung muk tumba makhei tumthoklaga lakliba aduna hahhh.”

“Hoo tharoshang adu ngasisu shel pirakte eina fajana ngangtha ramlabani ngashidi humm migi shel pukhraga pigani haibasu khangdene moi. Ahh ma khaktasu nate leikai ashe eikhoidagi shel pukhraga pigani khangdaba mi ngaktana pik thanle.”

“Umm mama makhoisu leitaduna touriba oirinine hayeng ngamlaba kanda maraina pijarakchaniko aduna nangsu makhoida ka henba wahei watagadi shijinaduna nganglu cheirunuko.”

“Hoo karigi ngangloidribano makhoi pabungnane minungshi ashuk yamna chaobiraklishina karigino.”

“Haii minungshi chaoba chaodabagi wa natene leikai ashida leiriba mioishing ashe leita lairabana ayamba ngaktani. Makhoigi marak ashida eikhoina khwaidagi wata padana leiba emung haiba adu oirurabanina makhoigi awaba aduda kharasu mateng pangshinbiba yai haibagi wanida. Mashibu kayamuk yamna kairabage eikhoi mioiba haiba ashe hinglingei haraona leiminagadabani hayeng shikhraba kandadi tumit kang oina onkhibrasu kanana khangbano.”

“Eshhhh makhoi pabung mangeireko leikaigi khanbirishe. Nate makhoi mayamgi mateng adu panglaga eikhoina chara henlaga shirashi hairibro. Humm thabakti shuningde nongmata emung ashigi chaokhat thourangi maramda karibu toubirige makhoi pabungbu. Hek nongalakpadagina numit taba faoba mangolgi machi ashida famlaga uiduna chak ngaiba aduga chak chathoklaga amuk khongkhut shangna tingthoklaga potharaga leiba mashidagi hena karibu toubirige. Hoo leikai miyamgi mateng adu pangbi ninglabadina thabakto shuwo thabak shudana khadang khakta thadabanadi yaroi. Emung ashina shigi fibam ashi youna nungairaklishe nabema eigi epaldagine haibashe makhoi pabungsu kaobiganu.”

“Ehhh kayadanone shee mawa mapuroiba eigi chinthakta faoba khumline shee haii nangko nang nakhoi shendoi chabishingi hounabi nachin adu haifeti kanlineko nangsu.”

“Hoo chin kaliba ashinane ngasi emung ashina mirak tinba ngamliba ashe.”

“Hummm hoida hoida thaina mamangeigi ramayangi matamda yaokhiba hanuman haiba yong mayamgi makok adu adudagi nangi nachin adunabu henna tumba henlaba maline madumakna nangna nachin ado adu youna kanlibani . Ahhh ebemadi hanumanbu ngamjabini hahhh natrane mama.”

“Ehhh makhoi pabungishidi eingonda hektaa atamnana haireneko . Eibu chin khara tumi kaina hanumanga changdamnabadi makhoi pabungdi kari malli khangbro.”

“Hahhh eibudi kari maliba eibudi ei mandrabadi karibu maluni haibage.”

“Hahayo mishingse mashagi fibamdi mashana khangjadaba jatniko. Hoo makhoi pabungna keribani nalibanido haiduba nonganbaga eru sitnana lujathoklaga hangam thao adu thumna kokta teishinlaga leiriba shaktam adudi yengbagi penba naideda. Kuchuna marol ama thashigi ahingbu ngamjabane nasham aduna thaona pungtum tumna teishinlaba adudadi pukhrida erupluraga karakpa utin adu hek mali.”

“Aa aaa eibu utin erupluba malli kaina haii mama nangko nang chei lakaniko.”

“Haha ashengba haibashe yadeko.”

Tanja ashida jamunagi macha nupa thoiba mafi nana setuna emungdagi thoraklami. Aduga mamada hairake “ema kadaino shel khita pirakohh ei emanabaga thabak amata chathokluge.”

“Ehhh eidi napadagi shela hahh mina shendoi piraktabagi kharanaga saoninglaga leibane aduga mana erenjana thoraklaga shen piyo kainna. Haii tu ashida leiriba utin afutpa manba napa ashe ashida hairusho sheldu.”

“Hahhh haigumdana ema pabashe utin afutpa adu mandabu maline.”

“Umm umm manbani manbani emana hairakpa wadine achumba ngaktani hairakaduishe.”

“Toushiye yengune mama macha ani ashe eibu kayada usitribanone asheee. Haii nakhoi aniko eina maching laklabadine shoiroiko nakhoi ani.”

“Ahh paba emana hairakpaduda eisu fagi ngaihak toubanida adu paba sheldu khara pirakohh ei thabak chatkadaba thengkhreba.”

“Chatloheii kadaidagi shelno hahh shel leite emung ashigi shel pumanamakti namana loina pairiba natro. Madu khangna khangna nangna karigino eingonda shel niraklibadi.”

“Ashh emana fangi pabadagi lou haiba pabana amuk emagadi lou hai karino tourishibu ei thabak thenge haibani sheldo kanano pirakohh keidouge.”

“Haii nangi shelga lairi ngaikho ebungo nangbu emana shum yengbada handak marak ashe hanaga manadaba mawong ama etou touwiko. Nakhoi engkhat lakpagi hounasha nupi anganga mariga leinarabraba nangbu. Haii haii matam watliko ebungo mari adubudi adum leinajou adugane nayum nakei panbagi matamgadi watliko wakhal munna khanthouko ebungo. Adugane eigi emoudi miyam marakta matik chabi yamna fabi mou ama oihangadabani emung thugaibi amaga khangnaramlabadine eidi yaroidabani . Tuu yengu ahh maningi nandon tharoshangi macha nupa tomba adu mama ashina wana shel pubra lakpra touduna luhongbire hairaga shendol mayam ama tonhanlamlaga mamou aduna khangjade ujade haina macha nupa adubu puraga chatkhre hairiba ashigi thoudougadi tahanganuko nang.”

“Ashh ema karino kadai kadaidagi migi emungi wari adu pushinlaga nganglakanuko. Thabak chathoklamdai ashida adumaina maram chadaba wadu nganglakanu ema. Kadaino sheldu pirakohh ei thengkhre emanaba mayam ama ngainadana leiramlani.”

Mashidagi jamunasu shel khara macha nupada piduna thoibasu chatkhre. Mahakna chatkhiba adu yenglaga jamunana mapuroibada amuk hairake “makhoi pabung echa nupa ashe matomtanina emou adusu matik chabi eigi emouni haibada mai pakadabi ama pami eidi aduna houjiktagi houna ekhut chabi emou ama thijinlaga hainaduna thamhoubana faradra.”

“Humm mama taningdeko nangi wadu houjik ashe thainangaigi matam adu natrabani. Angang mashel khangnabasu natana eikhoina hekta makhoigi apam pamdasu khangdana wa hekta lepthoknaba adu eidi kaya yaningde . Maduna hayeng tungda akaiba mayam ama lakpasu yaribani . Adunane nacha nupana pamba nupi ama maraina pushinjarak chaniko. Aduga eikhoinasu echana pamle nungshire haina pujarakliba mou adu echada echadouna lunna toubiraga loire. Eina hairiba shing ashe hek toubada emung ashe mana manin nainadana engna chikna adumak pangadouribani.”

“Humm adu makhoi pabung karigumba eikhoina fana luna tourabasu lakliba mou aduna mafatlaktradi kamdouba.”

“Ashhh mama nangi washe ei koka ngaoshinlakadoure nangne natomda namou adu thigera thiroira keidougege khanhouro eine lampak faobada chathoklukhige natrabadi nanga ashum leiminaraga wari shanaraga leirabadine ei kok ashe bera ama eka karakadaba manshinlake.”

“Hoo nakhoi napa nachadine afaba wa haibadine nakok adu bera shoidana kanarakani. Humm karamba mapa machano khangdene shibu afaba tung koigadaba wa haibadi amata taningdaba ashibu.”

“Ohh nganghouro nganghouro eida chatkhrage nang naning tamna nganghouroko mama.”

Matamdi ashum houkhi thoibasu makhoigi leikai adumaktada leibi leishnaga nungshinaba houraklami. Leishna mashak matou yamna fajei eng tapi emungi thabak engkhang loinamak hei. Mama mapana wana yokcharakpa macha oibana yumpanbagi chatna kanglon khudingmak khangi. Toubatadi leishnaga thoibaga makhoi ani ashe ashuki matik yamna nungshinajaba oiba tarabasu makhoi anigi emungi oiba thakti yanna khetnei. Thoibana wata padaba emungi machani aduga leishnana echam chamjaba nongmagi chara tanjaduna hingjaba emungi machani. Nongma thoiba amadi leishna makhoi anina lampak machi amada famduna wari shanaraga leirami. Tanja ashimaktada jamuna migi yumdagi shendoi loururaga hanlakpa tanja oibana macha nupana nupi amaga lampakta famlaga leiramliba adu mahakna khara laptakna uraklami. Matou aduda jamuna matomda hairake “ehhh keinone ahhda nupi amaga famlaga leiriba ashibu eigi echa nupa adu natrabane manida. Nate kanagi machanone maga leiminariba ashibu. Pakhang farabani kaidana nupiga koirabanine sheee humm matamnabudi oiramgani adubu ngaikho mahakna khangnariba nupi ashibu kananone kanagi machabu oiribano nupi ashigi mamai ashe shomda amukta onthoraklabadi faganidako. Ashhh khara jut chaba eikhoiga thak manaba emungi nupiga oiramlabadi feiko madu natlammdrabadi yenguda jamuna eina keidouge haiba adu yengo hairishine. Ashh nupi macha ashe mamai ashe shukonhek onthorakte wani. Eibu ngasi makhoi anigi manak ashida kokhek changshinlaga hangluniko.”

Tanja ashimaktada leishna mamai adu jamunana leiriba adomda haifetang onthoraklami. Mahakna adumna tourakpa aduda houjikti jamunanasu khangle madudi mahak ashe lairaba shinmi chaothoi amadi thadoigi macha nupini haiba. Mashidagi jamuna yamna saona haijarake “heima heima ashidi migi pathi komthida kumlaga thabakta shuba mina minaidouna shijinaba chaothoi chaothoi hairiba nupa adugi macha nupidunidana. Emagi ebungo emadi mangjaredako nate ashigi angang ashibu nupi ashe natrabadi atei atopa amata leitraba jatlaba. Natragana nupi macha ashina eikhoigi eral ethum mayam ashida mihouduna apangba echa nupa ashe fabiribra khangdreba ei. Humm eine khoidoushe biri biri hek thitledako nate ashibu eibu changshinlaga nupi macha ashe makhajai ashida khupakna on ondana tharushirane. Umm nate nate eine asaoba ashe khara fathaduna thamlaga eina adumna toururabadi leikai miyam mamangda eigi ejat shanman ashe loina manglani. Feii feii mashigi angang ashe yumda handa hanlakshisanu hurendi ma wa chap chabi ama ngangnageba hee heee ahhh amot akai marakta taraga leiraba leirang ashibu mana amuk khungatuna napada chinaba touribanine shee. Ashibu eimakna hek pokchaba echanineko mama eigi wakhalon ashe machet amada loudedako emagi thoiba nangshe. Ahh mareng mapa chaba nupi mayam ama leiriba ashidagi ama khange haidraga ashibu laira chudatnabi ama oina hek khandana leiramleba eiko ei thamoi ashe chakpana loiredako ei.”

Ashumna matomda ngang ngangduna mayumda hankhre. Numit adugi numidangni thoibasu mamanaba kharaga pulurabagi tungda mayumda amuk hanjinlaklami. Mashidagi mama jamunana macha nupabu manakta koushinduna yamna saona hairaklami “haii emagi thoiba nang ashida amukta lakhoo.”

“Ema kari haige.”

“Nate ebungo nangna touriba ashibu karino nama eigi maisu kari amata yengdaba nang ashibu eina hek pokchaba echani haibada karidabu chanaribage haibanida.”

“Keino ema eina kari toukhrage hek hanjinlakpaga ngangthaba houraklishibu eine shidani yumdaga shuklei leiningdrise.”

“Haii nangna ngasai lampakta faminahouriba nupi adu kanano hahh madu kanano.”

“Ahh ahhh adu keidourage ema.”

“Keidourage haibabu karino nupi adugi emungi thaka eikhoiga yengnaruba kayam yamna khetnabage haiba adu nashana khangdabra. Mina minai oina shijinariba emung adugi nupi macha adubu ningthou kol amagum khanariba eikhoigi emung ashida nahakna thamge khanliba karigino. Mashidabu nang ashe nakok yaode haidrabadi kari haigadouribano.”

“Ema mi amagi magun amadi magi lamchat sajatpu emungi fibamna lepa yabrane. Leishnadu laijarabasu eigi oinadi khawaidagi matik chabi nupini. Aduga hayeng yum ashida mou oina lakpa tarabasu emagi matik chabi namou adu oigani khanli.”

“Eshh echadi yamna heirene wa ngangbagadi hah yamna heireba. Migi mamang aduda nangbu namai adu ekaibaga amata khangdrabaro haibani ebungo. Emadi haibiriba ashiniko nangne nupi aduga amuk hanna makha tana loinaba yaraoiko.”

“Ema nachabu waroubiganu eidi leishna natrabadi kana amata hanna yengjaba ngamjaroi.”

“Hee nang nama eingondagi ngarangda thenganbi nupi aduna henna lurabro. Nupi aduna touriba adu nangbu magi langda thuhanlibani khanglabra. Eikhoidi shel paibani wata padabani haiduna nanga mari leinaraga makhoigi emungi awaba adu koknaba haina shinlibani.”

“Ema karigino nangna aduk yamna nabuk fatriba adubu leishna ashe eina koitan tanaraga khangnakhibani mahakna eingonda kaihoukhiba hourakhiba karisu leite. Emana mi amabu achum aran khangdana adumna hekta hairiba adubu karigino ema.”

“Heee eina hairiba ashida kari aranba yaorage hahh nangne lam yamna henganuko nangse eina pokliba echani nangi fanaba ngaktani eina shinliba ashe.”

“haii haii karinone nakhoi nama nachana ngangnariba adubu ngasaidagi eise kadagi shum taduna leibani. Adubu mari makhong ama esham shamnaba ngamdrene.”

“Hoo makhoi pabung nacha nupa ashe ahhh laira chudatnaba mina shel piraga minai oina shijinariba chaothoi haiba nupa adugi macha nupi aduga mari leinaramlibani.”

“Hahh chaothoi haiba keinonehei mama chaothoi adudi khun leikai ashida lamchat sajat thougal bebar leibada miyamna hairibanine. Magi macha nupi oirabadi nupi macha adu fana mafaramgani khanline eidi. Ahh epagi thoiba echadi onthoknasu wakhal takhrabi emou ama khangnaramledako napa eina yai yai hairishiniko yaiiko ebungo epa yaii.”

“Karino makhoi pabung nupi aduga khangnaganu khotkanu haina haibige haidraga karino mari makhong shamnadaba wa ngakta oina nganglakliba ashibu.”

“Mama nupi macha adu shoidana emung koigadabi gyan tabi nupi ama oiganine adunani eina hairiba ashe.”

“Emung koigera koiroira ahh pathi komthi marakta satpu leirang adu eigi engkholnung ashida khak tilhanba yaroi hairiba ashini eidi.”

“Mama nangse wakhal onthokna takhidredako. Fana yamna lairaba nupisu oisanune lamchat shajat thougalon bebarbu fajadraba karibu kanagaduinone emung mahi langbadagi henna. Aduna eng tapi thougalon bebar leibi emou aduna hena fatrane.”

“Kadaidagi thougal bebarno adugumbaga amata khaglamgadabi nupi nate mado eina yengbamakta khanglabani adum. Mana touridu eikhoidi enak khunle aduna yum ashida mou namduna oihourabadi makhoigi lairaba emung adu eikhoigi ashidagi hom honduna lairaba kokhanaba shinlibani shinliba.”

“Ahh yare yare mama nangi wady makha amuk taraklaganuko eine tabada yamna wareko. Nate mama nangbu keidouge mishingse fana kharasu khanba tamu keidourage.”

“Hoo ngamdre ngamdre eikhoidine fatabine fatabii aduna eikhoina ngangba wadine ewa kana amata loubiroi.”

“Humm eine ngasi maching laktana hanuthang ashida nupi futharakaniko thainagi lichei maru adu nang kaodaba feiko nang. Adugane epagi thoiba nangi wakhalon adu epana yaiko. Nupi macha adu ngasimak hekta yum ashid apushinlake hairabasu hekta pushinlakuko.”

“Heima pamde heinade haina ngasaidagi ashuk yamna kanna hairiba ashe tabidraga nupi adubu emou oina pushinlakuhh kaina makhoi pabung adumanagdi angangda thoujinbiganuko.”

“Haii mama nang ngasi chei lakaniko nang. Humm nangbu nabukchel adu kharadasu chaothokpa tamune ebema.”

“Karigi pukchel chaothokpano houjikandine pukchel chaoba ashimuk mangjaba leitrabani.”

Jamuna mapuroibana hairiba wagadu amata tade mana thokpa macha nupada leishnaga mari leinariba adu toknaba haina hanjin hanjina hairami. Feijaosu magi nupigi mawong matou aduda saobadi yamna saoninglami. Adubu mahak hanuthang ashida emungda funa cheinaba adu thokhaningdraduna magi nupiga manaba adu tanladuna tumina leikhirami. Ashumna matam kharasu houkhre thoiba amadi leishna makhoi anigi maridi henna henan chetshinaba houraklami. Matou aduda jamunadi yamna saoninglami aduna mahak nongmadi leishanagi mayumda hektamak laklami. Matam adu nungthingi matamni leishnagi mama mapa animak ngasidi yumda adumak leirami. Jamunana saona makhoida lakpa adu chaothoina uraduna hairake “ehhh eteima lakpiri lengshinbirakohh lengshinbirakohh eteima nanao eigida lakpibabu kari haibiningba leirage eteima.”

“ Haii chaothoi eise nakhoida karisu hainingba leite nangi nacha nupi lamhenbi adu khara warakuhhne ebungo. Ahh nakhoina warakpa ngamdragana eina laklingei ashida waraklamge kadaida leibage mabu amukta kouthorakohh.”

“ Eche lakpirami ahh kari touba yaorabage eche eigi echa nupi ashina eche hoida kari aranba touramlabage.”

“ Ebema thadoi nacha nupi ashe matik mapadi eyeng yengdana nongthakta thokpa tha ashe lamnaba hotneine madu. Eigi echa nupa angaoba adu mana mahei potshem touraga faribanine echadudine karisu khangjaba natchade. Emai pema emai pema nakhoina ngambase ngamidako eshhh pathi komthida kumlaga thabak shuba adu waraduna nacha nupida enak khunba eikhoigi echa adu fao kaina nakhoina enshinlibra hai wani. Tounu tounu chaothoi thadou tounuko nakhoi eibune yamna fatabagasu tahanlakanu nakhoiga eikhoigane keidounungda mana yaroi haibadu nashana khanguko noi.”

Jamunagi ka henba wangang shangang aduda thadoi adu wahei khara khumge touraklami. Adubu chaothoi fajinduna oina hairake “ ahh eteima waroubinu eteimana pamliba adu karino haiba eikhoi khangjare aduna eikhoi echa ashibusu warakcharage.”

“ Ho hoo hoo adumaina amuk warakuhhh ashumaina wase khajiktang haibada khangnarabadi feidana adudine ei amuk chatlage ngasi hairiba numit ashidagi eina yaningdaba thabak amata touhanlakuno chaothou madu natrabadi eibu fate hainuko noi.”

Ashumna hairamlaga chatkhirami chaothoi amadi thadoidi wakhal taba mama mapa ama oibana machada cheiba ngangbadi touramde madugi mahuta fajaba waheina oina machabu themduna thoibaga loinadanaba hairami. Leishanasu mama mapagi wakhalon adu khangba oibana mahak thoibadagi lapthoklage haina ninglami. Maram ashina mahak thoibaga amuk hanasu unakhiramde. Matam khara leishanana thoibagi mafamdagi lapthokhiba aduna thoiba angaobaga pangkhak oiraklami. Machagi matou adu houjiktadi jamuna yamna ningamlaklamde. Aduna mapuroibada mahakna toukhiba ashoiba adu haiduna khanghanlami. Feijaodi jamunana touramliba thabak adu khanglakpada saobana mei hourami. Aduga mahaki nupibu futhaba houraklami “ khangbra nang khangbra karigino nangna shel khara paire haiduna lairaba tonlaba mioibu ashuk hanthana louriba ashe. Nahak karamba fibamdagi hourakhiba mioino haiba adu nashana kaothokliba karigino. Aduk wana lairana hinglakpa eikhoina eshorgi thoujaldagi khara makhei safajarakpa ashida nahakna aduk yamna ngakchao thekliba adubu karigino. Nang eina yenge haina yengbani nangi adugumba fatraba lamchat sajat aduna ngasidi nacha nupa ashe angaobaga pangkhak oiredana shee. Chatlo nang houjikmak yum ashi thadoktuna chatkhro chatlo eigi mitmang ashida kuina leplanu.”

Read this also:- Marei Kanbi Kaboklei

“Makhoi pabung eibu amukta ngakpiyu ei houjikti wakhal tare eina toukhriba fatraba mayam adu kokchamaba eihana echa leishnagi manakta chatuna makhong pairaga haijaruge eibu amuktadi ngakpiyu.”

Mashidagi feijaona jamunabu khudak aduda chaothoi amadi thadoigi manakta chatuna mahakna toukhiba adu soikhre lankhre haina haijarami. Aduga leishnabu mamou oijarage hainasu hairami. Ahanbadadi chaothoi amadi thadoina macha nupibu jamunagi mamou oiba adu yaraklamde. Adubu jamuna kaptuba fajana haijarabada makhoinasu houjikti haraona yaraklami. Matou ashum touna thoiba amadi leishna makhoi anisu chaona luhonglabada thoibasu wakhal tare. Jamunasu hanaga manakhidre leikai aduda khwaidagi mabuk mapai fabi minungshi chaobi nupi ama oiduna makhoi yamna nungaina pankhirami.