Thaina mamang ngeigi matam amada chingda khundaduna leiba khun amakhak leirammi.Khun ashi sha phaduna chaba amadi loushing uduna charaga hingba khun amani.Khun ashida masha phaba machin manao mangngakhak leirammi.
Machin manao mangngashi tomal amadi ebemchagi macha nupani.Makhoi anidi macha nupa mangngabu nganna thadoktuna chatkhare.
Pikli ngeidagi machin manao mangngana mapa mamana thambiramba loupham aduda phou thaduna charaga hingjarammi.Nongma nongma houkhibana houjikti machin manao mamgnga punna pakhang pharakle.Machin manao mangngagi mingna Thoiba,Ningthem,Shanatomba,
Tomthin, amadi poireiton kouwe.
Poireitonna eton tonbani poireitongi mayamba mari mabuk kaya phaba oiramde migi yen nganu huranduna haona chaningba mida ngakta oirammi.
Poireiton mayamba marina touriba thabakshingshi pamlamde adubu mana hairuba matamda hekta phubiba ashida kiduna haijaramde.Poireitonna nongmata mayamba marigi chinthakta khumkhiba leite mayambashingna phurabashu makhut handana tuminna cheina khangjarammi.
Nongma machin manao mangngana louda thabak shuba chatnaba shemsharammi.
Thoibana poireitonda hairammi,
“Enaoton nangdi khara tapna lako ngarang eina purakpa nganudu phajana thongngaga chakka punna yommaga eikhoi marigi thinlako.”

“Tachou matung manaodi migi sha yen huranbashi tokpiro chaninglabashu leiraga oina chashi karigumba mina khangkharabadi khungi khunlakpana eikhoibu tanthok raklabadi kadaida leirugani.”

“Enaoton nangashi onthoknashu nupa thokkhidare nayamba eikhoina huranbadabu karamba mina uhougaduribano lai phaobanashu uba phanghouroi.Eidi enshang haotaradi chak changde aduna huren lou hanlakaga nayamba eikhoi marina ta chaobagi yenba phajabadu huranlugaduribani hurenshu enshang ahaoba chaduribani. Phare adudi eikhoi chatlage nang eshangdu phajana thongngaga thinlako.”

Ashumna Mayamba shingna chak enshang thong thaktuna louphamda thinlaku hiaramduna chakkhi.
Poireiton shayen hatpa tuppashi yamna pamjaramde aduna ngashi phaoba magi makhutna thawai panba kanabu hatkhiba leite.Mana thongjarabashu mayamba marida shemshahanduna thamhan lammaga thongbani.
Mayamba mari loubukta lou lingba chatkhare poireitonna chak enshang shinlangduna thongjarammi.
Poireiton matomda enshang thongna thongna haijarammi,
“Eikhoigi tachou hoina touriba thabak ashi khungi mina khanglakabadi eikhoigi thajaba punnamak manglagani eina haibashu yade karamna tougaduribano.
khungi mina phamanbagishu pharibani.”

Ashumna wakhalda nungngaitaba kaya phaojarammi.
Chak enshang thongthakpa loiraba matungda lada chak yom yomduna sham amada happaga mayambagi manakta thinlammi.Makhoigi louphamshu mayumdagi yamna laplammi ashina chatpada matam yamna changlammi.
Phana kuina chatlaba matungda
Poireiton mayambashinggi manak yourammi.
Mayambashingna mabu ngaiduna leinarammi.Mayamba ningthemna hairake,
“Enaoton nangshi onthoknashu kuina changeda khara thuna laku yadabaro nayamba eikhoidi nang ngaibada chadatnaraga shidure.”

“Tayai kananabu kuiroideino eina yumdagi thoklakleshi ngaishaidagini lam khulap ashidadi matam changba taba lou pham ashida shang amata sharadi mapham ashida chak enshang thongthaktuna charadi kayam phani eishu thabak shuba yaoshinlakpa yai.adu nattarabanina yumda eina chak thongduna leirabanina yaoba phangdare.”

“Hoine enaotonna hairibashi yamna chummi loupham ashida shang ama shadaba yade adubu shang ashi loupham ashidadi shabagi lam leitre aduna ada uriba ujao ashigi manakta oina shabana pharani.
Enaosha ngashidi thabak khara nganna loishinlaga chingdagi u phajaba khara yenglushi.”

“Hoi tachou.”

Makhoigi loupham adudagi khara chatlaga leiba ujao amagi makhongda shang ama shanaba shinnarammi.
Ashumna machin manao mamgngana chingdagi ujao ama yengba chatlammi.

“Yaima mashigi ushidi onthoknashu phajakhare mashi oina hekta yannaba tourashi.”

“Hoi tachou yannaba tourashi.”

Machin manao mangnga changduna chaoraba ujao adubu kaktuna mapun shemlaga puraktuna louphamda thamlammi.
Thoibana manao nupashingda onshinduna hairake,
“Enaosha ngashidi thabak warubagi enshang ahaoba amata chaningi aduna nakhoina phanaba karino shinlakodana.”

“Tachou ta chaobagi yenba adu ei hekna pujaraklage aduga haona thongngaga charashi.”

“Madunidana mayamba ningba enao haibashi adudi yumda hannaba tourashi nangdi ta chaobagi yenba adu puraga lako eyamba eikhoina yumda thongnaba shemsharammage.”

“Hoi tachou.”

“Tachou taton ngashaishu nganu thongba charaba adu phaobada pendribaro sha thongba haibashi nongphadok chanabagi wani nungtigi ashum charadi kadaidagino nakhoina nungngaina huranlakeba yen nganudu mapuna wana chahi kayadagi chaninglabashu chadaba makhei yokcharaklibani makhoina kayagi matik wajaramgani.”

“Enaoton nangshibu nayamba eikhoiga wakhal mannadriba ashibu karigino houjik kandabu mingnungshi leiraga kari kannagani houjikki matam ashidi angam angam chanaba matamni nangshu nayamba eikhoina haibashida enlu nangna eikhoina haiba enloi hairagana yum thadoktuna chatkho.”

Poireiton mayamba marina mabu aranba tahanbire houjikti yumda phaoba leiganu haibirakpa ashida yamna nungngaijaramde.
Poireiton pokminnariba mayambashingna magi wa amata tabidaba ashida yamna nungngaijaramde mayamba marigi thamoida mabu nungshiba machet amaphaoba pokpiramde madi yumgi minai amagumna thabak touhanbirammi.
Adubu madi kanagi maphamdashu aranba thabak touroi mana awaba taraba mishinggi angamba mateng panggani khanduna nongmadi eshorna magi nungngaiba matamshu tambiramgani khanduna penthokcharammi.

Mayamba marina nongna nongmagi khunjashingna loijaba yen,nganu huranba ashida khunjashingna chingnaba kaya houraklammi.
Khunjashingna khunlakpagi manakta chattuna wakatnarammi,
“Khunlakpa eikhoigi khun ashida yumda loijaba yen nganushing nongma nongmagi mangshinlakle.
Mashi eina khanbada kanagumba mi kharana hurankhiba manli aduna khunlakpana amukta khun ashida thoklakliba huranba ashibu phanaba toubiyu. Mashi nattarabadi yumda yokpa yen nganu amata leiraroi.”

“Eikhoigi khun ashida shayen huranbagi pao ashi handakna ahanbani mamangda amukta phaoba thokkhidari epa epu haktaktagi khun ashida aranba thabak migi mapot maran huranba mi khudingmak khun ashidagi tanthokkhiba ngaktani aduna handak thoklakliba shayen huranba mishing adu phaba tarabadi makhoibu khun ashidagi tanthokkani aduga khunjashingshu adom adomgi shayenshingbu chekshinna shennaduna huranba adu mashak khangdoknaba toubiraku.”

Khunlakpana khunja khudingmakta ashumna laothoktuna khanghanlammi.
Handak kanagumba khunja amana migi yen nganu huranba thengnarammabadi shoidanamakki khun ashidagi tanthokkani haina warep tanarammi.
Mashigi pao ashi poireitongi mayamba marishu tare adubu makhoidi karishu thawa sharamde makha tana hurankhini hainarammi.
“Enaosha eikhoigi nungngaikharaba shinpham ashibu makhoina kihan khamhanlaga hekta tokkadaba natte eshorna eikhoigidamakta pibirakpa eheini aduna eikhoi houjikti yamna heina hurangadubani.”

“Hoi tachou eikhoibu phaba ngamduba kana amata leite.”

Machin manao maridi thawa shade khunlakpa amana haiba wada karem kathainarammi.
Poireiton mayamba marina aranba thabak tourabanina mapan thokpa matamda mina kari amata haidrabashu mashada akiba ama phaojarammi.
Mina mangonda yenglaktuna magi maramda ngainariboida ningjarammi.
Nongma keithelda chatluba matamda matao khara thengnarammi.
Poireitona makok nonthaduna lambigi mataida tuminna chatlibadu mamannaba shingna ubadagi manakta changshinduna kourakei,
“Etao nangbu karidourage nakokka nontharaga aduk tonna chatliba adubu.”

“Ahh etao ei karishu toudeda ado noibu kadaida chatlubano.”

“Eikhoi mayamshi nang tachouna keithelda chatkhi haibadagi nanggi nanakta laklibani.”

“Etao adubu karigino.”

“Etao khunlakpana nangbu amukta kourusho haina eikhoi punna laklibani.”

“Eibu khunlakpana laku hairibadi kari leirage.”

“Chapchaba maramdi khangde eikhoishu adubu eina khanbadadi handak khun ashida thokliba thoudok ashigi maramdadi manli.”

Wahei ashi tabada poireiton haining ngai leitana pakhatpa phaoraklammi.
Adubu chattabadi yadabana khunlakpagi manakta chatlammi.
Khunlakpana poireitonda yengduna hairake,
“Poireiton nangshi khun ashigi matik chaba mi amani aduna eina nang kouribagi maramdi khun ashida handak thokliba thoudokshing ashi punnamak khun ashigi pakhang nahashing nakhoina huranba shing adubu phanabagi thabak ashi eina nakhoida shinnarabani.
Aduna nakhoina huranba adubu hek phabaga eingonda pao piraktuna khanghanlakkadabani eikhoigi khun ashida huranba amata leihanloi nakhoi mayamna khun ashigi mateng khara pangbiyu.”

“Khunlakpa nacha eikhoina khun ashigi angamba mateng pangjage.”

Poireiton matha yamna sharammi phattaba mayambashing aduda khunlakpana handak huranba pharabadi shoidana khun ashidagi tanthokkani huranbagi shinpham ashi thadoknaba yamna kanna haijarammi adubu mayamba shingna tabiramde.
“Enaoton nangna haidrabashu eikhoi punnamak tare khunlakpana eikhoigi thabakta khutthingjinbagi matik natte nang mashigi maramda karishu thawa shabiyu haide.”

Poireitonna kanna haijarammi adubu magi wa amata tabikhide.
Mayamba marina huranbagi thabak makha tana chathaduna khunjashinggi mayumda loijaba yen nganu khudingmak huranlammi.
Adubu kana amatana khanghouramde.
Ashumna touba ashina nongmadi machin manao mari punna shan laba phajaba ama hurannaba haina chatlammi.
Makhoi marina shan adubu huranduna purakpa matamda khungi pakhangshingna uhouduna pharammi.
Poireiton mayamba maribu phare tabada yamna thuna khunlakpagi yumda laklammi.
Shaobana mei houraba khunjashingna hairammi,
“Khunlakpa makhoi marinani nahan makhei yamlaba yen nganu kaya huranlibadu.ashigumba huranba shing ashi khun ashida leihanbada aphaba oiroi aduna tanthokkhibana phagani.”

“Ngaikho ngaikho khunja punnamak amukta tamthakho.
Eina nupa machashing ashida karigumba khara hangkhige.
Thoiba nang nachin nanao marina touriba ashi karino nakhoi marishi eikhoina chingnarakpa kuirabani adubu nanao nupa atomba poireitongi mabukchel shengba matou aduda mayamba oiriba nakhoina ashigumba thabak touramgani haiba thajadaduna toukhibani aduga ngashina huranba ama oiramle aduna nakhoi mari ngashidagi khun ashida leiba yararoi.”

“Khunlakpa eikhoi matung manao amukhanna migi yen nganu huranjararoi eikhoibu amukta ngakpiyu.”

“Karigi ngakpiba eina khun ashida mangjounana louthokkhare khun ashida huranbagi thabak touramba amata khun ashida leihanloi haina aduga nakhoina khunlakpa eigi wabu karishu leitana loubagi phattaba thabak ashibu hanjin hanjin touriba nattaro.”

Matam aduda poireiton youshinlakammi.
Khunlakpana poireitonda mayamba maribu khun ashidagi tanthokkhini aduga madi khun ashida leiba yagani hairammi.
Poireitonna khunlakpagi makhong konduna kaptuna mayamba maribu amukta ngakpiyu haina haijarami.
Khunlakpa amadi khunja miyamna mayamba maribu khun ashidagi tanthokninglammi adubu poireitongi khanduna mayamba maribu ngakpirammi.
Ashumna poireitonna mayamba maribu khun ashidagi tanthokhanbiramde.
Houjikti thoiba, ningthem, Shanajaoba amadi tomthin poireitongi mamangda ekaiba kaya phouraklammi.
Adubu makhoigi mabuk phattaba aduna poireitonda wahei nungshiba amaphaoba hairamde makhoi mayamna onshinduna poireitonda ngangbirammi,
“Ngashi eikhoina miyam mangda ekaiba nanglishi nangna shinbadagini.”

“Mani mana khunlakpada haidoktuna touhanliba oiramgani.”

“Tachou tayai taton nakhoigi wakhalda eibu phana amata khanbiba ngamdriba ashibu karigino.”

“Nanggi naram chat adunani eikhoina nungshiba ngamdriba ashi.”

Poireiton wakhal yamna nungngaijaramde.
Nongma makhoi mangngana louda chatlammi.
Makhoina louda youba matamda chaoraba lin laba amaga amom amaga punna leiminnaba thengnarammi.
Mayamba marina lin anidu hattuna chanaba hairammi,
“Enaosha mashida leiriba lin anishi hattaba yade mashidi thongngaga charadi onthoknashu haokharani.”

“Tachou lin ani leiminnaba matamda hatpa phatte makhoi anibu hatpiganu huren ei yen leiduna pijage makhoi anibu thadokpikho.”

“He apang yen dagi linna henli haoba nang tuminna leiyu.”

Mayamba marina magi wa tadana lin anigi manakta changshinduna lin amom adubu hatlammi.
Lin laba adudi makhoina hatpa ngamhoudare nanthokaga chenkhare.
“Enaoton lin ashi shangda puro aduga thongnaba shingkhara thirammu eikhoi karaknaba tourakage.”

Poireiton thawai yamna nungngaitana lin amom adubu makhoigi shangda puduna lakammi.
Lin amom adubu yengduna mamittagi mapi tarammi.
Mayamba shingna lakpada thongnaba shing leiramdrabadi amuk phugani kiduna shing thiba chatlammi.
Ngashai makhei lin laba adudi poireitongi matung ennaduna lakpa oiramle.
Poireitonna shingthiba hanlakpa matamda mana ngaishai thamlamba lin amom adugi manakta lin laba adu leiba urammi.
Mana lonna yengduna leiba matamda lin laba aduna maya manungdagi u maku manba khara onthokraktuna mayana shaiduna lin amom adugi mayada pijarammi.
Lin laba aduna adumna touraba matungda lin amom adu hinggatlakammi.
Poireiton matou adu ubada ngakpana loirami.
Lin anidu chatnaba tourakpa matamda huren mayamba shingna lin leidrabadi mabu shoidana phugani kiduna thang ama paiduna lin mamangda leplammi.
Lin nupa aduna mangonda hairake,
“Etao eikhoi anibu amukta thadokpiyu ei nangngonda mamal yamlaba potshak ama pige.”

Mashi haiduna lin laba adugi mabuk manungdagi u maku manba khara othokraktuna pirake.
“Etao mashigi u maku ashi thawai panba shingbu shirubadagi hinggat hanba ngamba hidakni.mashi eina etaoda shinnajarammage.Aduga etao mashigi u makhu ashi keidounungda nungsha mangngal phanghanbiganu.Etaona awaba taraba matamda eikhoibu ningshingbiraku.”

Poireitonna lina pirakliba u maku adu louduna lin laba amom animak thadokpirammi.
Poireiton linna piramba maku adu shang manakta houba ujao adugi makhongda phumduna thamlammi.
Mayambashing laktuna utke khanjarammi.
Mayamba mari loubuktagi chak yamna lamna lin thongba charani khanduna harao harao karaklammi.
Makhoina shang youbada lin thonglamdaba ashida yamna shaoninglammi.
Poireitonna thokkhiba waripumba lijarammi adubu mayambashingna thajabiramde.
“Eikhoina wana pharakpa lin adubu nangna karigi thadokkhiribano nangna eikhoina yadaba thabak ngakta touriba ashibu karigino.
Thongngu haina thamlamba lin adubu nangna eikhoibu ushittaduna thathokkhiribanine.”

“Tachou eina thadokkhibagi maramdi lin laba adu yamna shakti leiba ashiba thawai panbabu amuk hinggat hanba ngamba lin amani mana eingonda potshak ama pirammi mashidagi eina thadokkhibani.”

“Taningde oidaba wa kaya ama haijinduna nanggi nathawai hingjanaba hotnabadu oiroi nang ngashidagi eikhoiga leiminnaba yaroi yumdashu amukhanna lakpa yaroi nang ngashidi shiba changba khangde.”

Mayamba marina magi wabu karishu leitana loubirammi poireitonna haibada tade makhoina ngangbada chummi khanlammi.
Mayamba marina poireitonbu yamna thinna phubiduna shang adugi manakta houriba ujao makhongda langthoktuna mathanda thambirammi.
“Enaosha chatlashi mapham ashida ma mathanda taduna leihourajani.
Pukchel yamna chaoradi mabu kana laktuna kanbibano yengge.”

Mashi haiduna manao nupa atombabu makhoi mayamna minungshi leitana phubiramduna ujao makhongda hudoktuna thambirammi.
Poireiton mayamba mayamna phuba aduda wakhal mangduna ujao makhong aduda taraga leirammi.
Nungdang wairam taramdai matamda poireiton wakhal tarakle.
Magi makhong adu mayamba shingna phubada yamna thina shoklammi.
Poireiton magi shokliba makhong adu leppa phaoba ngamlamde matam aduda linna piramba ngashai mana phumkhiba u maku adu khara louthoktuna thonlammi mashidagidi chatpa ngamlamdaba makhong adu khudakta pharaktuna chatpa ngamlakle.
Poireiton ugi maku adubu magi phi aduna chekshinna yomshinduna mashada yanshinlammi.
Nungdanggi matam oishinlakle houjikpu kadaida chattuna leirugani khanbada yamna wajarammi.
Mayumda hanladi mayamba mayamna mabu shoidana hatpirani aduna mayumda handana atoppa khun amada chattuna changjapham louduna leirurage khanduna chatlammi.
Mana ashum lakpada lambigi mataida hui ama shiduna leiba urammi mana ngasai lin aduna piramba uh maku khara louthoktuna shuraga mayada hapshinba matamda hui adu amuk hinggatlakammi.Hui adushu magi matung ennaduna lakammi.
Poireitonna magi hui ashigi mingbu chaoba thonbirammi.
Poireiton ayuktagi chak maru ama phaoba charaktabana masha adu yamna choktharammi.
Mana ashum lakpana houjikti khun amakhak yourammi.
Nungdanggi matam oibana kana amata mapanda leiba uramde engthamthagi matam oibana poireiton engbanashu loirammi.
Mana ashum changlakpada ahan oirabi hanubi ama mangkonda mathanda meiphu tiktuna leiramba thengnarammi.
Poireitonna hanubi adugi manakta changshinduna haijarammi,
“Ebok nashubu ebokki yum ashida matam kharada leijaba yagadara.”

“Eshu nupa karigi yaroidaribano ebokshu yum ashida ethantani eigi echa eshu amata leite ngashidagi nangbu ebokna eshu nupa oina khanlabani changlako changlako nasha adu engbana loirammani.”

Hanubi aduna poireitonbu mayumda pushinduna chak pijabiduna magi ka ama pibirammi.
Ashumna numit ashidagi poireiton hanubi ashigi yumda leijarammi.
Hanubi ashigi maming tombishana kourammi mana poireitonbu ubada yamna nungshijarammi.
Hanubi aduna keithelda mana mashing khara yonbadu poireitonna nungngaijaramde ashina Numit ashidagi poireitonna hanubi ashigi mashu nupa ama oina chingdagi shing chanduna keithelda yonlaga shel tanduna mabokka nungngaina leiminnarammi.
Tombishanagi kanashu leitabana mallaga leiramba yum adu houjikti poireitonna shemjinbadagi phajare.
Yumgi nakanda mana mashing kaya thajinduna yum adu hek yengbada erang langkhoi phajare.
Houjikti khun ashigi mishingna poireitonbu makhoigi khungi mi ama oina loubirammi.
Tombishana kanashu leitana naitomtaba punshi ama oiduna shiradara khanlubani adubu houjikti poireiton lakpadagi nungngaiba punshi amada hingjarammi.
Nongma tombishanana poireitonda hairammi,
“Eshu ebungngo nangna ebokki mahut shinduna chingdagi shing chanlaga nabok eibu thakpiribani nabokki punshi ashi wana shuraga ethanda shikharadara khanlubani houjikti eshu lakpadagi ebokki awaba punnamak kokle.”

“ebok houjikti nashu lakabanina karishu wabiganu ebok punshi nungshangna nashuga hingminnakhidubani ebokna nashubu changjapham pibiramdrabadi ei leipham leitadana awaba taramgadubani.”

“Eshu ebungngo nanggi nachin manaodi leitabara.”

Poireitonna thokkhiba warishing adu libada thajararoi khanduna wa lotlammi.
“Ebok eigidi kana amata leitare.”

“Karishu khanlunu eshushidi houjikti nabok leiri kari amata waganu.”

Tamphashanana poireitonda wari kaya shabiduna yamna nungshina loinabirammi.
Nongma nungdanggi matamni poireiton amadi tamphashanadi tumba loina changnarammi matam aduda khunjashing kappa laobagi khonjel kaya ama taraklammi.
Khonjel adu ashum toina tarakpa aduda makhoi anishu hougatlakammi.

“Poireiton nangbu tabara kapna laonabagi khonjel ashi.”

“Ebok eishu tai kari tounaraba jatno ei amukta thoktuna yengngukhige.”

Ashumna makhoi anina thoklaktuna yengnguba matamda khunja mayam khunlakpagi mayum tamna chatpa urammi.
Tamphashanana hangluba matamda khunlakpagi macha nupi amata yaojabi adu karishu anaba leitana shiraga leiramme hairaklammi.
Poireiton wa ashi tabada magi kada lottuna thamliba u maku adu shugaiduna puraga lakammi.
Poireitonna mabokta haijarammi,
“Ebok shiriba nupi ashi ei amukta layengjage haibiyu.”

“Poireiton shiraba mi ashibu layengduna karibu kannakhigani.”

“Ebok nashuna nupi macha ashi amuk hanna hinggathanba ngamgani nashu amukta yengjage haibiyu.”

Mabokna khunlakpada haijarammi.
Khunlakpa aduna macha nupi adubu poireitonna hinggat hanba ngamlabadi yamlaba lanthum amadi macha nupi bushu mangonda thajagani hairammi.
Poireiton mapham aduda tinlamba mishingbu mapanda thokkhinaba hairammi.
Mana purakpa u makhum adu nupi adugi mayada haplammi.
Shiduna leiramba nupi adu khudakta hougatlakammi.
Khunlakpa amadi khunlakpi yamna haraobana loirammi makhoigi macha nupi adubu amukhanna hinggat hanba ngambagi macha nupibu poireitongi maphamda thajarammi.
Makhoina poireiton amadi macha nupi thajaga chaona luhongbirammi.
Makhoigi chaoraba yum enkhol amadi lanthum kaya amashu pibirammi.
Numit ashidagi khunjashingna poireitonbu aphaoba maiba mibu shibadagi hinggathanba ngamba maiba amani haina maming chatpa hourammi.
Numit ashidagi khungi anaba khudingmak poireitonna leiyengduna phanarammi.
Khun ashida leiba mipum khudingmak masha mau phana shiba naidaba khun ama oirammi atoppa leibakki mioi kayashu poireitongi manakta laktuna layenghanlammi.
Ashina houjikti makhoigi khunda nattana atoppa leibakki mipum khudingmakna poireitonbu khangnarammi.
Thaja mapuroibabu yamna ningjabi nupi ama oirammi mana mabok amadi poireitongi sheba ningthijana toujarammi.
Poireitonna magi ka ama tongnganna thamlammi.
Ka ashida kana amata changhanlamde.
Mapuroibana ka ashida changba yadribagi maramdi hidak langthak thambagi oiramgani khandoktuna karishu khanlamde.
Nongma poireiton mayumda hanlaktuna makhoida hairammi,
“Thaja ei thangnaba leibakta chattaba yadaba thabak ama leire.”

“makhoi pabung kari thabak leirabage.”

“Thangnaba leibakta panliba ningthou adu naduna leire hai mabu yengnaba ningthou manai kaya ama huren eibu louba lakagani aduna eina nangngonda shinnaramgadabadi eigi hidak thamba ka ashida kana amata changhanganu.”

Mashigi wa ashi magi nupida phajana shinnajarammi.
Poireiton ningthou manai kayana mabu louba laktuna mayum thadoktuna chatkhi.
Thaja mapuroibana hairambagi matung enna ka aduda kana amata changhanlamde mashu nongmata changjaramde.
Nongma mana lamwai shitpa matamda ka adu lamwai shittabana motlammani khanduna ka aduda changduna shitlammi.
Mana lam shitpa aduda upu ama leirammi upu adubu mana yengningmanduna hangdoktuna yengluba matamda umaku ngakta yaoduna leiramba thengnarammi.
“Mashidi makhoi pabungi hidak shemnaba umaku oiramgani tamona hidak shuba matamda nungngainaba nungshada phoudokpiruge.”

Ashumna khanduna mana umakushing adubu nungshada phourammi mana phourammaga emungda changkhiba matamda nongthaktagi numit mangngangumna langtrik langna karigumba ama paitharaklammi.
Thaja mapanda thoklaktuna umaku aduda yengduna leirammi.
Houjikti umaku adubu eshorna puduna chatkhare.
Thaja mapuroiba hanlakaga kari haina tamgani khanbada wajarammi.
Numit aduda poireiton mayumda hanlakammi.
Thaja mapuroibagi maphamda minamba pamdabana thokkhiba thoudok khudingmak loina tamjarammi.
Poireiton matha yamna sharammi houjikti kari touduna umaku adubu lourugani khanjarammi.
Magi wakhalda eshorgi manakta chattuna umaku adu lourugani khanjarammi.
Ashumna magi hui puduna magi tongnganba mahei ama shijinnaduna umangda leiba shashingbu kouraga sharga kaba ngamgaduba keirak ama shemhanlammi.
Shemliba shashing adu achamba sha amata natlamde mashagi shakti leiba ama oirammi.
Ashumna numit kaya changduna shahanlammi.
Shashing aduna ngaihak phaoba leptaba makhei shajarammi.
“Eigi nungshiraba marupshing nakhoina eigi mateng warabashu wana amukta pangbiduna sharga kaba ngamhanbiyu ei eshorgi maphamdagi shida hidak louba chatkaduribani.”

Sha mayam aduna magi waheishing adubu ningthijana tarammi makhoi mayamna magi mateng panggani hairaklammi.
“Etao eikhoi mayamgi nangna mateng panbikhibani aduna eikhoinashu nanggi mateng shoidana panggani.adubu etao nangna laireibak kabada eshorna nanggi shida hidak adubu amuk hanna pibirakkhidara.”

“Eishu khangde adubu amukta haijaduna yengngukhige shida hidak adu eigi marup lin amana pibirambani manadi eingonda chekshinna thamnaba hairakpani adubu eina chekshinhoudabana thokkhiribani.”

Poireitonna shashing aduda magi nungngaitabashing adubu phongdokpirammi.
Ashumna nongma nongma houkhibana houjikti sharga kaba ngamba keirak ama shemba ngamlammi.
Kagaduriba keirak ashi yengbada akibagi mashak oirammi nongthak henna wangkharaba keirak ashidagi taraklabadi thawai manggadouribani.
Poireitongi wakhalda sharga kaba matamda magi lambida khudong thiba kaya ama mabu shargada kaba ngamdanaba hotnarakkani khanduna magi hui chaobabu hanna kanhanlammi.

“Chaoba nangna hanna karuraga eingonda kari khudong thiba yaba leibage haidu taklaku nang hanna karuro.”

Poireitonna magi hui chaobabu hanna thagatlammi.
Chaoba masha yamna kanba heithoi shingthoiba hui makhal amani mana hanna keirak adubu kakhatlammi.
Chaobana keirak aduda phanashangna kakhatlammi.
Mana shangna kakhatlakpa matamda uheitana yomduna panba ching ama leirammi hui aduna mapuda khudongthiba leitare haiba takpa oina uhei ama hektuna makhada langtharammi.
Poireiton magi huina enggit amata pirakpa ngaiduna leirammi.
Ashumna ngaiduna leiri ngei
Mathaktagi uhei ama tarakpa aduna houjikti karishu khudong thiba leitare haiba khangba ngamlammi.
Poireiton keirak aduda kakhatnaba touraklammi.
Matam aduda keirak adu tekthaba houraklammi mapham aduda leiramba shashing khudingmak shanglaba keirak aduna tektharakpa aduda kaiduna chennarammi.
Houjikti keirak adu matek matek loina teklammi anouba keirak ama shemba oithoklamde ashina poireiton wakhal yamna wajarammi magi nungshiraba hui chaobashu mathakta leikhare karamna chaobabu louthagani khanbada wajarammi.
Matam aduda magi wakhalda lin nupa adubu ningshilakammi mana lin nupa adubu koujarammi.
“Eigi marup lin nangbu nataona kouriba ashi tarabadi amukta nataogi mateng pangbiyu.”

Lin nupa adu khanghoude magi manakta leirammi.
“Etaona nataobu kourakpabu kari leirabage.”

“Etaona pibiramba shida hidak adu eina chekshin houdabana houjikti eshorna pubikhare.”

“Etao madudi nang sharga kadaba yararoi aduga eshorgi maphamda haijaba nattana atei lambi amata leite.Madugi hidak adudi eshorgi maphamda leiba hidakni eikhoigi malem ashida phangba natte.
Phare etaobu nataona sharga tamna thinbirage aduga etaona eshorgi maphamda ashumna haiyu eshorna loubikhiba hidak adu amukta hanbiraku haiduna phajana haijou.”

Lin aduna tougadaba thabak khudingmak poireitonda mayek shengna liduna takpirammi.
Poireiton lin nupa adudagi khangba yaba khangdoklaba matungda sharga kanaba thourang tourammi.
Lin nupa aduna poireitonbu mashada kanna yanhanlammi.
Lin adu shangba ashum ashum hengatlaktuna sharga tamna wangkhatlammi.
Ashumna matam khara changna wangkhatlaba matungda ngashai chaobana leiba hei ngakta houba mapham adu yourammi.
Chaoba poireitonna mabu louba lakpa ngaiduna kunlaga leirammi.
Poireitonna chaobabu makhutna paiduna sharga tamna kakhatpa houraklammi.
Poireiton sharga youduna eshorga unabagi ayaba thongngakpa shingda loujarammi.
Adubu thongngakpa shingna yaramde,
“Nupa macha nang eshorga unaba yaroi.Malemda hankharo nangbu eshorna thajinlakei haina eikhoida cheirak pigani nang yamna thuna hanhouro thawai panba kanana lairamlenda lakpa yade.”

“Eshorgi thongngakpa eishu khangjei thawai panba mina lairamlenda lakpa yade haiba adubu ei eshorgi maphamda karigumba kharada haijaba lakpani aduna eshorgi maphamda eiga unaba yaba yadabagi paokhum adumata tathokpiraktuna eingonda khanghanbiraku aduga ei hanlu haishu hanjakhige.”

“Phare nupa adudi nang eshorna hankharo hairaklabadi nashana yana hankhidubani.”

“Ei shoidana hanjakhige.”

Ashumna thongngakpana eshorgi maphamda hangjarammi.
Taibang ashibu shembiriba mapuna poireiton laka tabada nungngaijarammi ngashidi maki thamoi mashak khangdoklage khanduna poireitonbu changbagi ayaba piraklammi.
“Nupa macha nang eshorna changbagi ayaba pirakle eigi etung ennaraklo.”

Thongngakpana poireitonbu eshorga unahanlammi.
Poireitonna khurumduna mamittagi mapi taduna kaptuna haijarammi,
“Nachana chekshin houdabana thokkhiba ngaktani nachabu amukta ngakpiduna shida hidak adubu amukta nachada handokpiraku.”

“Poireiton nanggi naphamda shinnaramlaba mani amabu karigi chekshindribano nanggi loinnariba nupida khanghanlamlabadi mashi thoklamloi nangna touba khudingmak nanggi loinabiga tannaduna punnamak pangthokpa matamda shoigadaba thabak amata leite phare nangna laireibak ashida eiga unaba laklabanina ei nanggi shida hidak adu amuk hanna hanbiraklage aduga handakti chekshinlu.”

Ashumna taibang mapuna magi hidak adubu amuk hanna hanbiraktuna poireiton amadi chaoba malemda amuk hanna hanlakkhi.
Poireiton magi nupida u ashigi maramda wari pumba liduna mayek shengna khanghanlammi houjikti thajana mapuroibagi shida hidak ashibu chekshinna thamjarammi.
Poireiton miyamgi sheba makha tanna touduna ana ayek changdaba masha mau phaba lamdam ama oihanlammi.
Poireitongi macha phangjaduna yamna nungngaina lanthum marang kaina pankhi.